கீழ்த் திருவாய் மொழியிலே திரு மோகூரை அனுபவித்தார் –
இதில் திரு வநந்த புரத்தை அனுபவிக்கிறார் –
மேலே -திருவாட்டாறு
திரு மாலிரும் சோலை
திருப்பேர் நகர் -திருப்பதிகளை பேசப் போகிறார்
கீழே ஒன்பதாம் பத்திலும் பல திருப்பதிகளைப் பேசினார்
திரு மங்கை ஆழ்வார் -ஒரு நல் சுற்றம் -10-1- ஒவ் ஒரு பாட்டிலும் இரண்டு திருப்பதிகளைப் பேசி பதிகம் அருளிச் செய்கிறார்
பிறந்தகத்தில் நின்றும் புக்ககம் செல்லப் புறப்படுகின்ற பெண்பிள்ளை மிகவும் பழகிய பரம ப்ரேமாச்பதர்கள் இடம் விடை பெற்று போவது போலே
பரமபதம் புக பூர்வாங்கமாக -பரமபத ப்ராப்தி அணித்து என்று துணிந்து பல திவ்ய தேசங்களில் புகுகிறார்
இப்பொழுது திரு வநந்த புரத்தை பிராப்யமாக துணிந்து அவ்விடத்திலே ஈடுபட்டு பேசுவதாக செல்கிறது இத் திருவாய்மொழி –
—————————————————————————————————————————————————————————————————————–
கெடும் இடராய வெல்லாம் கேசவா வென்ன நாளும்
கொடு வினை செய்யும் கூற்றின் தமர்களும் குறுககில்லார்
விடமுடை யரவில் பள்ளி விரும்பினான் சுரும்பு அலற்றும்
தடமுடை வயல் அனந்தபுரம் புகுதும் இன்றே –10-2-1-
திருவனந்த புரம் சென்று அனுபவிக்க இடையூறுகள் பல உண்டே
அவை எல்லாம் திரு நாம சங்கீர்த்தனம் பண்ணின அளவிலே தொலையும் –
கெடும் இடராய வெல்லாம் கேசவா வென்ன-மூன்று எழுத்தை சொன்னதுமே இடர் என்று பேர் பெற்றவை அனைத்தும் கெடும்-
மேரு மந்திர மாத்ரோபி ராசி பாபச்ய கர்மண கேசவம் வைத்யமா சாத்ய துர்வ்யாதி ரிவ நச்யதி –
கேசவா -பல அர்த்தங்கள் உண்டு இங்கு கேசி வதம் -விரோதி நிரசன
அவன் ஒரு விரோதியைப் போக்கின படியைச் சொல்ல விரோதி என்று பேர் பெற்றவைகள் எல்லாம் நசிக்கும் -ஈடு
பிராரப்த கர்மங்கள் சஞ்சித கர்மங்கள் என்று பேர் பெற்றவை எல்லாம் போகும்
நாளும் கொடு வினை செய்யும் கூற்றின் தமர்களும் குறுககில்லார் -நமன் தமராலும் ஆராயப் படார்
தனிப்பட்டு சொல்ல வேணுமோ
மிகக் கொடிய நரக வேதனைகளை அனுபவித்தே போக்க வேணும் என்றது இல்லையே
நரகே பச்யமா நஸ்து யமேன பரிபாஷிதே கிம் த்வயா நார்ச்சிதோ தேவ கேசவ க்லேச நாசன -பிரமாணம் உண்டே
விடமுடை யரவில் பள்ளி விரும்பினான்-ஆங்கு ஆரவாரம் அது கேட்டு அழல் உமிழும் பூங்காரரவு-பொங்கும் பரிவால் –
———————————————————————————————————————————————————————————————————————
இன்று போய்ப் புகுதிராகில் எழுமையும் ஏதம் சாரா
குன்று நேர் மாட மாடே குருந்து சேர் செருந்தி புன்னை
மன்றலர் பொழில் அனந்தபுர நகர் மாயன் நாமம்
ஒன்றும் ஓராயிரமாம் உள்ளுவார்க்கும் உம்பரூரே –10-2-2-
திருவனந்த புர எம்பெருமான் திரு நாமம் ஒன்றுமே சஹஸ்ரமுகமான ரஷையைப் பண்ணும்
கீழே -அனந்தபுரம் புகுதும் இன்றே -என்றார் -இதில் மீண்டும் -இன்று போய்ப் புகுதிராகில்-விரைவு உறுத்துகின்றார்-
விருப்பம் உண்டான இன்றே போய் புகுவீர்கள் ஆகில் ஒரு காலமும் பொல்லாங்கு வந்து கிட்டாது
எம்மன் போலே வீழ்த்த முக்கும் நாட்டில் உள்ள பாப்பம் எல்லாம் சும்மெனாதே கை விட்டோடி தூறுகள் பாய்ந்தனவே –
இவ்விடம் ஆஸ்ரயம் அல்ல என்று தீயவை எல்லாம் தன்னடையே விட்டகலும்
திருவனந்தம் சென்று புகத்தான் வேணுமோ
அத்தலத்து பெருமான் உடைய திரு நாமம் ஒன்றைச் சொன்னால் போதுமே –
ஓர் ஆயிரமாய் உலகு ஏழு அளிக்கும் பேராயிரம் கொண்டதோர் பீடுடையான்
அனந்தபுர நகர் மாயன் நாமம் ஒன்றும் ஓராயிரமாம் உள்ளுவார்க்கும் உம்பரூரே-இதற்கு
இத்திரு நாமம் சொன்னால் திரு நாடு கிடைக்கும் என்றும்
இத்தலமே திரு நாடு என்றுமாம் –
போய்ப் புகுதீர் -காயிக வியாபாரம்
மாயன் நாமம் -வாசிக வியாபாரம்
உள்ளுவாருக்கு -வாசிக வியாபாரம் –
—————————————————————————————————————————————————————————————————-
ஊரும் புட்கொடியும் அக்தே உலகு எல்லாம் உண்டு உமிழ்ந்தான்
சேரும் தண் அம் அனந்தபுரம் சிக்கெனப் புகுதிராகில்
தீரும் நோய் வினைகள் எல்லாம் திண்ணம் நாம் அறியச் சொன்னோம்
பேரும் ஓர் ஆயிரத்துள் ஓன்று நீர் பேசுமினே –10-2-3-
பிரதி பந்தகங்களை போக்க இன்ன திரு நாமம் எனபது இல்லை
ஆயிரக் கணக்கான திரு நாமங்களில் ஒன்றைச் சொல்ல அமையும் என்கிறார்
பெரிய திருவடியை வாகனமாயும் த்வஜமாயும் கொண்டவன்
சென்றால் குடையாம் இருந்தால் சிங்காசனமாம்
நின்றால் மரவடியாம் நீள் கடலுள் என்றும்
புணையாம் அணி விளக்காம் பூம் பட்டாம் புல்கும்
அணையாம் திருமாற்கு அரவு -பெரிய திருவடியைச் சொன்னது மற்றவர்களுக்கும் உப லஷணம்
இன்று கிட்டின சம்சாரிக்கும் இது போல நித்யசூரிகளின் சாம்யா பத்தியை கொடுத்து அருளுபவன்
உலகு எல்லாம் உண்டு உமிழ்ந்தான் -ஆபத் சகத்வம் திருக் கல்யாண குணங்களை அனுசந்தித்து புக்க அளவிலே துக்க ஹேதுக்கள் தொலையும்
பேரும் ஓர் ஆயிரத்துள் ஓன்று நீர் பேசுமினே -வாய்க்கு வந்ததொரு நாமத்தை சொன்னாலே போதுமே-
——————————————————————————————————————————————————————————————————————–
பேசுமின் கூசமின்றிப் பெரிய நீர் வேலை சூழ்ந்து
வாசமே கமழும் சோலை வயல் அணி அனந்தபுரம்
நேசம் செய்து உறைகின்றானை நெறிமையால் மலர்கள் தூவி
பூசனை செய்கின்றார்கள் புண்ணியம் செய்தவாறே –10-2-4-
இங்கு புக்கு அடிமை செய்யப் பெற்றவர்கள் என்ன பாக்யசாலிகளோ –
கொண்டாடி ருசி விளைக்கிறார்
அனந்தபுரம் நேசம் செய்து உறைகின்றானை பேசுமின் கூசமின்றி-என்றும்
உறைகின்றானை நெறிமையால் மலர்கள் தூவி
பூசனை செய்கின்றார்களைப் பேசுமின் கூசமின்றி-என்றும்
பெரிய நீர் வேலை சூழ்ந்து -வாசமே கமழும் சோலை-கடலில் பரிமளம் மேலிடாதபடி சோலையிலே பரிமளம் விஞ்சி இருக்கப் பெற்ற தேசம்
பரமபதத்தில் காட்டிலும் சிறப்பாக ப்ரீதி பண்ணி -ஆர்த்த ரஷணத்துக்கு பாங்கான தேசம் என்று -அவனை –
நெறிமையால் மலர்கள் தூவி
பூசனை செய்கின்றார்கள் புண்ணியம் செய்தவாறே-
சூட்டு நன்மாலைகள் தூயன ஏந்தி விண்ணோர்கள் நன்னீராட்டி அந்தூபம் தரா நிற்கவே ஆங்கு -என்றபடி
திரு நாட்டில் செய்யும் பூசனை ஒரு பூசனையோ
இந்தளத்தில் தாமரை பூத்தால் போலே இங்கு உள்ளார் செய்யும் பூசனை அன்றோ புகழைத் தக்கது –
—————————————————————————————————————————————————————————————————————————–
புண்ணியம் செய்து நல்ல புனலொடு மலர்கள் தூவி
எண்ணுமின் எந்தை நாமம் இப்பிறப்பு அறுக்கும் அப்பால்
திண்ணம் நாம் அறியச் சொன்னோம் செறி பொழில் அனந்தபுரத்து
அண்ணலார் கமலபாதம் அணுகுவார் அமரராவார் –10-2-5-
திருவடிகளை நண்ணுவார் நித்யர்கள் உடன் ஒப்பார் இது திண்ணம்
புண்ணியம் செய்து -சாமான்ய சப்தம் -இங்கே விசேஷத்தில் பர்யவசித்து பக்தியைச் சொல்கிறது
கார்யே காரணோபசாரம் -பக்தி புண்ய பலம் ஆகையாலே என்றுமாம்
நல்ல புனல் -கந்த த்ரவ்யங்கள் கலசாத வெறும் சுத்த நீர் என்றபடி
பத்ரம் புஷ்பம் பலம் தோயம் -ஆராதனைக்கு எளியவன்
எண்ணுமின் எந்தை நாமம்-இடறினவன் அம்மே என்னுமா போலே திரு நாமம் சொல்லும் போது
ஒரு அதிகாரி சம்பத்து தேட வேண்டாம் -ஜீயர் பட்டரை திரு நாமம் சொல்லும் போது பிரயதனாய் கொண்டு சொல்ல வேணுமா -என்று கேட்க
கங்கையிலே முழுக்கப் போமவனுக்கு வேறு ஒரு உவர்க் குழியிலே முழுகிப் போக வேணுமோ
மேலுண்டான நன்மையைத் தருகிற இது அதிகாரி சம்பத்தையும் தர மாட்டாதோ -என்று அருளிச் செய்தாராம்
திரு நாமம் சொல்லுகைக்கு ருசி யாயிற்று வேண்டுவது
அவர்களே அதிகாரிகள் -ஈட்டு ஸ்ரீ ஸூ க்திகள்
எந்தை நாமம் எண்ணினால் விளையும்பாலன் சொல்லுகிறது -இப்பிறப்பு அறுக்கும்-
தீண்டா வழும்பும் செந்நீரும் சீயும் நரம்பும் செறி தசையும் வேண்டா நாற்றமிகு உடல் –
அப்பால் அமராவார் –
—————————————————————————————————————————————————————————————————————
அமரராய்த் திரிகின்றார்கட்கு ஆதிசேர் அனந்தபுரத்து
அமரர்கோன் அர்ச்சிக்கின்று அங்கு அகப்பணி செய்வர் விண்ணோர்
நமர்களோ சொல்லக் கேண்மின் நாமும் போய் நணுக வேண்டும்
குமரனார் தாதை துன்பம் துடைத்த கோவிந்தனாரே–10-2-6-
அயர்வறும் அமரர்கள் அதிபதியும் வந்து அடிமை செய்யும் தேசம் -திரு நாட்டிலும் காட்டில் பிராப்யம் –
நாமும் இங்கே சென்று அடிமை செய்யத் தகும்
சசைன்ய புத்ர சிஷ்ய சாத்ய சித்த பூ ஸூ ரார்ச்ச னத்துக்கு -முக நாபி பாதங்களை -த்வார த்ரயத்தாலே
காட்டும் சாம்யம் அனந்த புரத்திலே வ்யக்தம் -நாயனார் -ஆச்சார்யஹிருதயம் சூர்ணிகை -188-
அமரராய்த் திரிகின்றார்கட்கு ஆதி-ப்ரஹ்மாதி தேவர்கள் வந்து பணிகின்றமை –
திரு நாபியில் த்வாரம்
அமரர்கோன் அர்ச்சிக்கின்று அங்கு அகப்பணி செய்வர் –நித்ய சூரிகள் தலைவர் ஸ்ரீ சேனாபதி ஆழ்வான் சபரிகரங்களாய் வந்து அர்ச்சிகின்றமை –
முக்தர்களுக்கு முகத் த்வாரம்
நமர்களோ சொல்லக் கேண்மின் நாமும் போய் நணுக வேண்டும் -நம் போல்வாருக்கும் பணி செய்யத் தகும்
திருவடி அல்லது புகலற்ற நமக்காக ஸ்ரீ பாத த்வாரம்
குமரனார் தாதை துன்பம் துடைத்த கோவிந்தனாரே-ருத்ராதிகளுக்கு துக்க நிவர்த்தகனாய் இருக்கும்
பசுக்களுக்கும் இடையருக்கும் கையாளாய் இருக்கும்
துர்மாநிகளுக்கும் துக்க நிவர்த்தியைப் பண்ணிக் கொடுக்குமவன்
அபிமான சூன்யரான நம்மை கிட்டுகையில் அருமைப் படுத்துவானோ –
————————————————————————————————————————————————————————————————————–
துடைத்த கோவிந்தனாரே உலகு உயிர் தேவும் மற்றும் படைத்த வெம் பரம மூர்த்தி பாம்பணைப் பள்ளி கொண்டான்
மடைத்தலை வாளை பாயும் வயல் அணி யனந்தபுரம்
கடைத்தலை சீய்க்கப் பெற்றால் கடுவினை களையலாமே –10-2-7-
அடிமை செய்யப் பெற்றால் எல்லா துயரங்களும் தீரும்
துடைத்த கோவிந்தனார் -சம்ஹாரத்தை முந்துற சொல்லி
சம்ஹாரம் அநாதி – உபநிஷத் யதா பூர்வம் என்றதே -சூர்யா சந்திர மசௌ தாதா யதா பூர்வ மகல்பயத் –
உலகு உயிர் தேவும் மற்றும் படைத்த வெம் பரம மூர்த்தி -இவை அதிப்ரவர்த்தமான வன்று சம்ஹரித்து பின்னை
புருஷார்த்த உபயோகியான காரணங்களைக் கொண்டுத்து ரஷித்த -ஈடு ஸ்ரீ ஸூ க்திகள் –
வெம் பரம மூர்த்தி -எம் போல்வாருக்கு விதேயனாய் இருப்பதை தனக்கு பெருமையாக கொண்ட ஸ்வாமி
பாம்பணைப் பள்ளி கொண்டான் -வெம் பரம மூர்த்தி பாம்பணைப் பள்ளி கொண்டான் – உலகு உயிர் தேவும் மற்றும் படைத்த -அவற்றுக்கு ரஷண சிந்தை பண்ணி
கண் வளர்ந்து அருளுமவனுடைய திரு அனந்த புரம்
அங்கே சென்று -கடைத்தலை சீய்க்கப் பெற்றால்-திரு அழகு திருப்பணி செய்தால் -அதாவது
பெருக்கி மெழுகி கோலமிடுகை
கீழே 9-2-1- பண்டை நாளாலே பாட்டிலும் -உன் கோயில் சீய்த்து -என்றாரே
இப்படிப் பட்ட அடிமை செய்யப் பெற்றால் -கடு வினை களையலாமே -அடிமை செய்யப் பெறாமையால் உண்டான கிலேசங்கள் எல்லாம் தொலையும் –
————————————————————————————————————————————————————————————————————————————-
கடுவினை களையலாகும் காமனைப் பயந்த காளை
இடவகை கொண்டதென்பர் எழில் அணி யநந்த புரம்
படமுடை யரவில் பள்ளி பயின்றவன் பாதம் காண
நடமினோ நமர்கள் உள்ளீர் நாமும் உமக்கு அறியச் சொன்னோம் -10-2-8-
ஸ்ரீ வைஷ்ணவர்களுக்கு நியமித்து அருளுகிறார்
முந்துற முன்னம் -கடுவினை களையலாகும்-என்று பலனைச் சொல்லி -ப்ரரோசநார்த்தமாக –
எழில் அணி யநந்த புரம் படமுடை யரவில் பள்ளி பயின்றவன் பாதம் காண நடமினோ-நடந்தால் –
அந்த உத்யோகத்தளவிலே -கடுவினை களையலாகும் – நம்மால் போக்க அரிய பாபங்கள் எல்லாம் போக்கலாம் –
காமனைப் பயந்த காளை-வடிவழகில் ஏற்றம் சொல்கிறது
காளை நித்ய யுவா
நடமினோ நமர்கள் உள்ளீர் நாமும் உமக்கு அறியச் சொன்னோம்-குறுகைக் காவல் அப்பன் -ஆளவந்தார் யோக சாஸ்திரம்
அரையர் ஆளவந்தாரைப் பார்த்து ஊன்றி உறுத்திப் பாட
நம்பெருமாள் இடம் அப்பொழுதே விடை பெற்று பயணமாகி
சிறு முறியை எடுத்துப் பார்க்க -ஒரு புஷ்பக விமானம் பெற்றிலோமே -என்று சோகித்து எழுந்து அருளி இருந்தார்
இங்கே ஈட்டு ஸ்ரீ ஸூ க்திகள் -திரு அத்யயனம் பாடா நிற்க இத்தைக் கேட்டு அருளி ஆளவந்தார்
-நமக்கு ஆழ்வார் உடன் ஒரு சம்பந்தம் உண்டாக வேணும் -என்று அப்போதே ஸ்ரீ பாதத்தை உடையாரைக் கூட்டிக் கொண்டு எழுந்து அருளினார் –
—————————————————————————————————————————————————————————————————————————
நாமும் உமக்கு அறியச் சொன்ன நாள்களும் நணியவான
சேமம் நன்குடைத்துக் கண்டீர் செறி பொழில் அனந்தபரம்
தூம நல் விரை மலர்கள் துவளற வாய்ந்து கொண்டு
வாமனன் அடிக்கு என்று ஏத்த மாய்ந்து அரும் வினைகள் தாமே –10-2-9-
நாளேல் அறியேன் -என்று முன்பு இருந்த ஆழ்வாருக்கு
மரணமானால் வைகுந்தம் கொடுக்கும் பிரான் –
நாளும் சமீபித்து விட்டதே -நாளேறப் பெறுகின்றேன் -என்று இருக்கும் நான் சரம சந்தேசமாக சொல்கிறேன்
சொன்னால் விரோதம் இது ஆகிலும் சொல்லுவன் கேண்மினோ -என்று சொல்பவன் நான் ஒருவனே
தஸ்மின் அஸ்தமிதே பீஷ்மே கௌரவாணாம் துரந்தரே ஜ்ஞாநாநி அல்பீ பவிஷ்யந்தி ததஸ் த்வாம் சோதயாம்யஹம் –
பீஷ்மர் முமுஷூவாய் உள்ள காலத்தில் கண்ணபிரான் யுதிர்ஷ்டர் இடம் அருளிச் செய்தது போலே
சேமம் நன்குடைத்துக் கண்டீர் செறி பொழில் அனந்தபரம்-பரம போக்யமான தேசம் -நல்ல ஷேமத்தை விளைக்கும் –
தூம நல் விரை மலர்கள் துவளற வாய்ந்து கொண்டு -நல்விரை முன்னும் பின்னும் அன்வயிக்கும்
நல்ல பரிமளம் உடைய தூபமும் -அப்படிப் பட்ட மலர்களையும் -கொண்டு ஏத்த வினைகள் தானே மாய்ந்து அறும்-
—————————————————————————————————————————————————————————————————————————
மாய்ந்தறும் வினைகள் தாமே மாதவா வென்ன நாளும்
ஏய்ந்த பொன் மதிள் அனந்தபுர நகர் எந்தைக்கென்று
சாந்தொடு விளக்கம் தூபம் தாமரை மலர்கள் நல்ல
ஆய்ந்து கொண்டு ஏத்த வல்லார் அந்தமில் புகழினாரே –10-2-10-
மாதா பிதாக்களின் பேரைச் சொல்ல –
அவர்கள் சேர்த்தியில் ஈடுபட்டுப் பேச –
அநாதி காலம் ஆர்ஜித்த துக்கங்கள் தன்னைடையே மாய்ந்து போம்
அமா அப்பா என்ன உச்சி குளிரும் -என்கிறார்
தகுதியான பொன் மதிளை உடைய சேவை சாதிக்கும் ஸ்வாமிக்கு
மநோ ரதித்த திரு வாராதனைக்கு உரிய உபகரணங்களைக் கொண்டு பணிந்து எத்துமவர்கள்
நித்ய சூரிகளில் காட்டில் மேம்பட்டவர்கள் என்கிற புகழைப் பெறுவார் -அந்தமில் புகழினாரே –
அது இருள் தரும் மா ஞாலம் இல்லையே
இடையூறுகள் பூரித்த இடம் இல்லையே
உண்டியே உடையே உகந்தோடும் இம்மண்டலம் -இங்கே திவ்ய தேச அனுபவம் பண்ணப் பெறுவார் சிலர் உண்டாகில் -விண்ணுளாரிலும் சீரியர் ஆவாரே –
————————————————————————————————————————————————————————————————————————————
அந்தமில் புகழ் அனந்தபுர நகராதி தன்னை
கொந்தலர் பொழில் குருகூர் மாறன் சொல் லாயிரத்துள்
ஐந்தினோடு ஐந்தும் வல்லார் அணைவர் போயமருலகில்
பைந்தொடி மடந்தையர் தம் வேய் மரு தோளிணையே –10-2-11
பரம பதத்திலே திவ்ய அப்சரஸ் ஸூ க்களாலே ப்ரஹ்ம அலங்கார ப்ராப்தி பண்ணப் பெறுவார்
கீழ்ப் பாட்டில் இவனை ஏத்துமவர்களை அந்தமில் புகழினார் என்றார்
இதில் இவனையே அந்தமில் புகழினாக அருளிச் செய்கிறார்
இந்நிலத்தன்பர்கள் விண்ணுளாரிலும் சீரியர் போலே
இவனும் ஸ்ரீ வைகுண்ட நாதனை விட புகழ் உடையவன் என்கிறார்
அற்றுத் தீர்ந்தவர்களை மட்டும் அன்றி விமுகர்களையும் ஈடுபடுத்திக் கொண்டு இருப்பதால் –
அந்தமில் புகழ் -திருவனந்த புரத்துக்கும் -ஆதிக்கும் -அந்வயிக்கும்
வல்லார் அணைவர் போயமருலகில் பைந்தொடி மடந்தையர் தம் வேய் மரு தோளிணையே –
ஸ்வர்க்க லோகத்தில் சென்று ரம்பா பரிரம்பம் போன்ற இன்பங்களை சொல்லுவார் இல்லையே
ஒரு நாயகமாய் -ஸ்வர்க்க போகத்தை உட்பட இகழ்ந்து அருளினாரே
மேலே சூழ் விசும்பு அணி முகில் பதிகத்தில்
நிதியும் நற் சுண்ணமும் நிறை குட விளக்கமும் மதி முக மடந்தையர் ஏந்தினர் வந்தே -என்று
அருளும் சத்காரத்தையே இங்கு பலனாக அருளிச் செய்கிறார்
அவர்கள் ஆதாரத்துக்கு இலக்காக பெறுவார்கள் –
ப்ரிய தமர்களுக்கு ப்ரிய தமைகள் போக்யமா மாப் போலே திரு நாட்டில் உள்ளார்க்கு இத் திருவாய்மொழி வல்லார் போக்யர் ஆவார் என்கிறார் -ஆறாயிரப்படி –
———————————————————————————————————————————————————————————————————————————
திருவாய் மொழி நூற்றந்தாதி –
கெடுமிடர் வைகுந்தத்தைக் கிட்டினாப் போலே
தடமுடை யநந்த புரம் தன்னில் -படவரவில்
கண் துயில் மாற்காட் செய்யக் காதலித்தான் மாறன் உயர்
விண் தனில் உள்ளோர் வியப்பே –92
——————————————————————————————————————————————————————————————————————-
ஸ்ரீ P.B.A,ஸ்வாமிகள் திருவடிகளே சரணம்
பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்.