Thiruvonum's Weblog

கீழே குண ஸ்மரணத்தாலே ஒருவாறு தரிக்கும் படி செய்து வைத்தான்
குணங்களை ஸ்மரிக்க ஸ்மரிக்க எம்பெருமானை நேரில் காண ஆசை மிக்கது
விடாய் மிகுந்து தூது விடுகிறாள் இதில்
அஞ்சிறைய மட நாராயில் -அபராத சஹாத்வம் -ஷமா குணம் பற்றாசாக -வ்யூஹத்திலே தூது
வைகல் பூம் கழி வாயில் -ஆஸ்ரித ஜன ரஷண தீஷிதம் -பற்றாசாக -விபவத்திலே தூது –
பொன்னுலகு ஆளீரோ -ஐக ரஸ்யம் பற்றாசாக -பரத்வத்திலும் அந்தர்யாமித்வத்திலும் தூது
இதில் -அவன் வடிவு அழகு பற்றாசாக அர்ச்சையிலே தூது விடுகிறாள்
திரு மூழிக் காலத்து -தமரோடு -அங்கு உறைவார்க்கு-என்கையாலே
பின்னானார் வணங்கும் சோதியான திரு மூழிக் களத்தில் தம்முடைய பரிஜன பரிவாரங்கள் உடன் கூடிக் குலவா நின்றார் அவர்
அதனாலே நம்மை மறந்தார் போலும்
செக்கமலத் தலர் போலும் கண் கை கால் செங்கனிவாய்
அக்கமலத் திலை போலும் திரு மேனி அழகை நினைப்பூட்டி
இப்படிப் பட்ட அழகிலே ஈடுபட்ட பராங்குச நாயகி
உம்மைப் பிரிந்து தரிக்க வல்லளோ என்று சொல்லுங்கோள்
என்று சில பறவைகளைக் குறித்து தூது விடுகிறாள் இதில் –

——————————————————————————————————————————————————————————————————————–

எங்கானல் அகம் கழிவாய் இரை தேர்ந்து இங்கு இனிது அமரும்
செங்கால மட நாராய் திரு மூழிக் களத்து உறையும்
கொங்கார் பூம் துழாய் முடி எம் குடக் கூத்தர்க்கு என் தூதாய்
நுங்கால்கள் என் தலை மேல் கெழுமீரோ நுமரோடே –9-7-1-

நுங்கால்கள் என் தலை மேல் கெழுமீரோ நுமரோடே-ஆச்சார்யர்களை பறவைகளால கருதப் படுகிறார்கள் -அழகாக காட்டி அருளுகிறார் ஆழ்வார் இத்தால் –
திரு விருத்தம் வண்டுகளை -எம்மீசர் விண்ணோர் பிரானார் மாசில் மலரடிக் கீழ் எம்மை சேர்விக்கும் வண்டுகளே -என்றார்
ஆச்சார்யர்களை சபரிவாராக தலை மேல் வைக்கப் பெறுவதே பேறு –
எங்கானல் -பகவத் விஷயத்தில் உபகாரரோடு ஐக ரஸ்யம் பிராப்தமாய் இருக்க
எம் -என்றது -ஒன்றைத் தம்மதாக்கிக் கொடுத்தால் அல்லது தரிக்க மாட்டாத உபகார ச்ம்ருதியாலே சொல்லுகிறது –
பிறருக்கு உபகரிக்கைக்காக வரும் மமகாரம் உத்தேச்யமாய் இருக்கும் இ றே
தன்னை பகவத் விஷயத்துக்கு ஆக்கினவன்றே தன்னது அடங்கலும் அங்குத்தை சேஷமாய் இருக்க
உபகார ஸ்ம்ருதி இ றே இப்படி சொல்லுவித்தது
ஆத்மா சமர்ப்பணத்துக்கும் அடி இதுவே இ றே -நம்பிள்ளை
அந்தரங்கமாய் வந்து வர்த்திக்கிறபடி -அகம் கழிவாய் இரை தேர்ந்து-
தூது அனுப்ப உங்களைத் தேடித் பிடிக்க வேண்டாத படி அருகே வந்து வர்த்திக்கப் பெற்ற பாக்யம் என்னே என்று உள் குலைந்து சொல்லுகிறபடி
எம்பெருமானார் திரு மாளிகையிலே வந்து பிரவசனம் பண்ணி அருளின பெரிய நம்பி போல்வார்
செங்கால மட நாராய் -கால்களை விசேஷித்து சொல்லுகையாலே ஆச்சார்யன் திருவடிகளே தஞ்சம் என்றது ஆயிற்று –

———————————————————————————————————————————————————————————————————————–

நுமரோடும் பிரியாதே நீரும் சேவலுமாய்
அமர்காதல் குருகினங்காள் அணி மூழிக் களத்துறையும்
எமராலும் பழிப்புண்டு இங்கு என் தம்மால் இழிப்புண்டு
தமரோடு அங்கு உறைவார்க்குத் தக்கிலமே கேளீரே –9-7-2-

தாமும் தம் அடியார்களுமாய் இருக்கும் இருப்பிலே நானும் வந்து அடிமை செய்யப் பெறலாகாதா
அந்த கோஷ்டியில் அன்வயிக்கைக்கு நான் அயோக்யனோ
நுமரோடும் பிரியாதே-மேலே எம்பெருமானை சொல்லும் இடத்து -தமரோடு அங்கு உறைவார்க்கு-என்று சொல்லுகையாலே
அவன் அடியார்களோடு வாழப் பெறுகையால்
நீங்கள் நுமரோடு வாழப் பெறுகிறீர்கள்
அவனுடைய சாம்யாபத்தி உங்களுக்கு கிட்டினால் போல் என் திறத்திலும் பலிக்க வேண்டாமோ
நீங்கள் உங்கள் அபிமதர்களோடு வாழுவது போலே நானும் என் அபிமதரோடு வாழ வேண்டாமா
குறைவாளர் கார்யம் குறை வற்றார்க்கு தீர்க்க வேண்டாவோ -உண்டாருக்கு பட்டினி கிடந்தார் பசி பரிஹரிக்க பிராப்தம் இ றே –ஈடு
அணி மூழிக் களத்துறையும் – தம்மால் இழிப்புண்டு-எமராலும் பழிப்புண்டு இங்கு என்என்று அந்வயம்
அவர் யாத்ருச்சிகமாக ஒரு நால் கலந்து விட்டார்
அதுவே ஹேதுவாக பந்துக்களும் கை விட்டார்கள் என்னை
இப்படி அத்தலைக்கும் ஆகாதே
உற்றாருக்கும் ஆகாதே
கைவல்யம் போலே இருக்கும் இருப்பில் என்ன பிரயோஜனம்
தமரோடு அங்கு உறைவார்க்கு-அவர் என்னை உபெஷிக்க ஹேது இல்லை
அடியார்கள் குழாங்கள் உடன் கூடி இருக்கும் இனிமையால் என்னை மறந்து இருக்கிறார்
அந்த தமரோடு நானும் ஒருவனாக திரு உள்ளம் பற்ற பிராப்தி இல்லையோ என்று கேள்மின் –

———————————————————————————————————————————————————————————————————————————-

தக்கிலமே கேளீர்கள் தடம் புனல் வாயிரை தேரும்
கொக்கினங்காள் குருகினங்காள் குளிர் மூழிக் களத்துறையும்
செக்கமலத் தலர் போலும் கண் கை கால் செங்கனிவாய்
அக்கமலத் திலை போலும் திருமேனி யடிகளுக்கே –9-7-3-

உயிரான பாசுரம் –
இந்த வடிவு அழகை பிரிந்தார் தரிப்பாரோ என்று அவ் வழகை அறிவித்து விட்டால் வாராது இருக்க மாட்டார் என்று
செக்கமலத் தலர் போலும் கண் கை கால் செங்கனிவாய்
அக்கமலத் திலை போலும் திருமேனி யடிகளுக்கே-என்றும்
பூம் துழாய் முடியார்க்கு பொன்னாழிக் கையாருக்கு –தாம் தம்மைக் கொண்டு அகல்தல் தகவு அன்று என்று உரையீரே -என்றும்
வடிவு அழகு பற்றாசாக தூது விடுகிற பதிகம் -என்று அறிய இப்பாட்டு நிதானம்
தம் பிழையும் சிறந்த செல்வமும் -ஆச்சார்யஹிருதய சூர்ணிகை -156-தமரோட்டை வாஸம் மறப்பித்த சௌந்தர்யத்தை யுணர்த்தும் அர்ச்சை நாலும் தூதுக்கு விஷயம் -நாயனார்
தக்கிலமே கேளீர்கள்-நாம் ஒன்றிலே துணியும்படி அறுதியாக கேட்டுப் போருங்கோள் –
அவர் இன்னம் இது வேண்டும் என்று இருந்தார் ஆகில் பிராணன்களை வருத்தி நோக்கிக் கொண்டு கிடக்கவும்
வேண்டாம் என்று இருந்தார் ஆகில் நாமும் ஒன்றிலே துணியும்படி அறுதியாக கேட்டு விடுங்கோள் -நம்பிள்ளை ஈடு –
குறுக்கு -கொக்கிலே ஜாதி பேதம் -கொய்யடி நாரை என்பர்
அக்கமலத் திலை போலும் திருமேனி-கீழ் 8-5–1- சாயல் சாமத் திருமேனி தண் பாசத்தடையா -என்றதையும் இங்கு நினைப்பது
தம் பத்ம தள பத்ராஷம் -ஸ்ரீ இராமாயண ஸ்லோஹம்
பத்ரம் தளம் இரண்டுமே பர்யாய சப்தங்கள்
-அஷம் இந்த்ரிய காயையோ -அஷ சப்தம் கண்ணையும் மேனியையும் குறிக்கும்
பத்ம தளம் போன்ற அஷத்தை உடையவர் -தாமரை இதழ் போன்ற நீண்ட அழகிய திருக் கண்கள் உடையவர் என்றும்
பத்ம பத்ரம் போன்ற அஷத்தை உடையவர் -பசுமையான திருமேனியை உடையவர் –
எம்பெருமான் திரு மேனிக்கு தாமரை இலையை ஒப்பாக சொல்ல இந்த பாசுரமே பிரமாணம் –

——————————————————————————————————————————————————————————————————————————————————————–

திருமேனி யடிகளுக்குத் தீவினையேன் விடு தூதாய்
திரு மூழிக் களம் என்னும் செழு நகர் வாய் அணி முகில்காள்
திருமேனி யவட்கருளீர் என்றக்கால் உம்மைத் தன்
திருமேனி யொளியகற்றித் தெளி விசும்பு கடியுமே –9-7-4-

எம்பெருமானுக்கு -திருமேனியடிகள் -என்று திருநாமம் சாற்றுகிறார் ஆழ்வார் –
வடிவு அழகையே நிரூபகமாகக் கொண்ட சர்வ ஸ்வாமி -என்றபடி
ஸ்வரூப ரூப குண சேஷ்டிதங்களால் ஜகத்தை யடைய தோற்ப்பிக்குமது ஒருபுறம் இருக்க
வடிவு அழகாலே தோற்ப் பித்து அடிமை கொள்வது தலையாய் இருக்கையாலே திரு மேனி யடிகளுக்கே -என்கிறார்
அவசா ப்ரதிபேதிரே-என்றபடி பிரதிகூலர்க்கும் ஆகர்ஷகமாய் இ றே வடிவு இருப்பது -ஈடு
கழல் மன்னர் சூழக் கதிர் போல் விளங்கி எழலுற்று மீண்டே இருந்து உன்னை நோக்கும் சுழலைப் பெரிதுடை துச்சோதனன் –
தீவினையேன் விடு தூதாய் -சர்வ சாதாரணமான அவன் திரு மேனி எனக்கு அசாதாரணமாய் இருந்தது
அப்படிப்பட்ட திருமேனியை அளந்து உங்கள் காலில் விழும்படியான தீவினை
விபரீத லஷணையால் நல்வினையேன்-பாகவதர்கள் திருவடிகளில் விழுவது பாக்யம் அன்றோ
திருப் புளி யடியில் உம திரு மேனி நினைந்து நைகிறாள்-அத்தை கொடுத்து அருளீர்

– இப்படி வாக்கு உதவி செய்தீர்கள் ஆகில் -உம்மைத் தன் திருமேனி யொளியகற்றித் தெளி விசும்பு கடியுமே
உங்கள் வடிவில் புகரைப் போக்கி நிர்மலமான ஆகாசத்தில் நின்றும் உங்களை ஒட்டி விடுவாரோ
உங்களுக்கு பண்டு இல்லாத புகரையும் உண்டாக்கி அருளுவார் அன்றோ –

——————————————————————————————————————————————————————

தெளி விசும்பு கடிதோடித் தீ வளைத்து மின்னிலகும்
ஒளி முகில்காள் திரு மூழிக் களத்து உறையும் ஒண் சுடர்க்கு
தெளி விசும்பு திரு நாடாத் தீ வினையேன் மனத்துறையும்
துளிவார் கட்குழலார்க்கு என் தூதுரைத்தல் செப்புமினே –9-7-5-

இதுவும் மேகவிடு தூது
பரமபதத்தில் பண்ணும் ஆதரத்தை என் மேலும் பண்ணி அருளுபவர் -தெளி விசும்பு திரு நாடாத் தீ வினையேன் மனத்துறையும்-என்கிறார்
உங்கள் வார்த்தை கேட்டவாறே பதறி ஓடி வருவர்
அவளுக்கு அருளீர் -என்ன அமையுமோ -இன்னாருக்கு அருளீர் என்ன வேண்டாவோ என்னில்
யாவள் ஒருத்தி யுடைய நெஞ்சு உமக்குத் திரு நாடாகக் கொண்டு நீர் உறைகிறீர் அவளுக்கு அருளீர் என்று சொல்லி கோள்-என்கிறாள் -ஆறாயிரப்படி
தெளி விசும்பு கடிதோடித் தீ வளைத்து மின்னிலகும் ஒளி முகில்காள்-ஆகாசத்தில்
சஞ்சரிக்கையும் கொள்ளி வட்டம் போல் மின்னல் இலங்கப் பெறுகை யும் மேகத்தின் இயல்பு
ஆச்சார்யர்களுக்கும் உபய விபூதியும் ஒரு நீராய் இருந்து சஞ்சரிப்பார்கள்
மகார்த்தங்களை வர்ஷிக்க சஜ்ஜர்களாய் இருப்பார் மின்னல் வெட்டிய மேகம் போலே
ஒளி முகில்காள் –ஆச்சார்யர்கள் -ஒண் சுடர் எம்பெருமான்
வேறு பட்டவர்கள் அல்லர் -சஜாதீயர் -பரம சாம்யம் பெற்றவர்கள்
தீ வினையேன் -நெஞ்சில் விளங்கா நிற்கவும் காண முடியாத பாபத்தை பண்ணினேன்
துளிவார் கட்குழலார்க்கு என் தூதுரைத்தல் செப்புமினே-திரு முடியிலே மாலை சாத்தி இருப்பார்க்கு -ரஷண தீஷிதர்
ஆர்த்த ரஷணத்துக்காக தனிமாலையிட்டு இருப்பவர்-

———————————————————————————————————————————————————————————————————————

தூதுரைத்தல் செப்புமின்கள் தூ மொழிவாய் வண்டினங்காள்
போதிரைத்து மது நுகரும் பொழில் மூழிக் களத்து உறையும்
மாதரைத் தம் மார்வகத்தே வைத்தார்க்கு என் வாய் மாற்றம்
தூதுரைத்தல் செப்புதிரேல் சுடர் வளையும் கலையுமே –9-7-6-

தூது உரைத்து மறுமாற்றம் கொண்டு வர சொல்லாமல் செப்புமின்கள் -பிராட்டி சந்நிதி உண்டே –
கார்யகரம் ஆகுமே -அறிவித்தாலே போதுமே -ரஷ்ய அபேஷாம் ப்ரதீஷதே-என்று இருப்பார்க்கு இவ்வளவே போதுமே
போதிரைத்து மது நுகரும் பொழில் மூழிக் களத்து-உங்களுக்கும் மதுபானம் பண்ணலாம் படி -உங்கள் காரியமும் சித்திக்கும்
ஆச்சார்யர்களுக்கு சிஷ்ய உஜ்ஜீவன க்ருத்யம் ஸ்வா ர்த்தமே ஒழிய பரார்த்தம் இல்லை
மாதரைத் தம் மார்வகத்தே வைத்தார்க்கு-நீங்கள் சொல்லும் அளவே வேண்டுவது
உங்கள் வார்த்தையை கேட்டுக் கொண்டு இருக்கவும்
கேட்டுக் கொண்டாடுகைக்கும்
புருஷகார சம்பத்தில் குறை இல்லையே
தூதுரைத்தல் செப்புதிரேல் சுடர் வளையும் கலையுமே-என்னுடைய கை வளையையும் மேகலையையும் பற்று சொல்லுங்கோள்
இவை சிதிலமான படியை சொல்லவும்
நீங்கள் அறிவித்த மாதரத்தில் இவை நான் பேறு பெற்றேன் ஆவேன் என்றுமாம்

————————————————————————————————————————————————————————————————————————-

சுடர் வளையும் கலையும் கொண்டு அருவினையேன் தோள் துறந்த
படர் புகழான் திரு மூழிக் களத்து உறையும் பங்கயக் கண்
சுடர் பவள வாயனைக் கண்டு ஒரு நாளோர் தூய் மாற்றம்
படர் பொழில் வாய்க் குருகினங்காள் எனக்கு ஓன்று பணியீரே -9-7-7-

அடியார்களை இப்பாடு படுத்துவதையே பேறும் புகழாக நினைத்து இருப்பவர்
தன் பால் ஈடுபட்டவர்களை மற்று ஒன்றுக்கு ஆகாத படி ஆக்கிக் கொள்ளுகை தானே படர் புகழ்
பங்கயக் கண் அழகை அனுபவித்தவள் பிரிந்து ஆறி இருப்பாளோ –

————————————————————————————————————————————————————————————————–

எனக்கு ஓன்று பணியீர்கள் இரும் பொழில் வாய் இரை தேர்ந்து
மனக்கின்பம் பட மேவும் வண்டினங்காள் தும்பிகாள்
கனக்கொள் திண் மதிள் புடை சூழ் திரு மூழிக் களத்து உறையும்
புனக் கொள் காயா மேனிப் பூம் துழாய் முடியார்க்கே -9-7-8-

அஞ்ச வேண்டாத படி ஸூ ரஷிதமாக திவ்ய தேச வாஸம்
நம் ஆர்த்தி தீர்ப்பதே இன்னும் செய்ய வேண்டுவது
வண்டினங்காள் தும்பிகாள் உன் அழகைக் காணப் பெறாதே அவள் இழந்து போம் இத்தனையோ என்று சொல்லி கோள் என்கிறாள் -ஆறாயிரப்படி
நீங்கள் வார்த்தை சொல்லாவிடில் முடியும்படியான நிலை அன்றோ
நீங்கள் மாத்ரம் இன்புற்று இருந்தால் போதுமா
பிறரை வாழ்வித்தால் தானே உங்கள் வாழ்ச்சி
புனக் கோள் காயா மேனியில் என் விருப்பத்தை சொல்லி கோள்

————————————————————————————————————————————————————————————————————————

பூம் துழாய் முடியார்க்குப் பொன்னாழிக் கையாருக்கு
ஏந்து நீர் இளங்குருகே திரு மூழிக் களத்தாருக்கு
ஏந்து பூண் முலை பயந்து என் இணை மலர்க்கண் நீர் ததும்ப
தாம் தம்மைக் கொண்டு அகல்தல் தகவன்று என்று உரையீரே –9-7-9-

தாம் தம்மைக் கொண்டு அகல்தல் தகவன்று என்று உரையீரே-என்னை பிரிந்து போகும் பொழுது
தன்னுடைய திரு மேனியை வைத்து அன்றோ போய் இருக்க வேண்டும்
அத்தையும் கொண்டு அகன்று போனாரே
அவன் இறைப் பொழுதும் பிரிந்து போகத் தகாது என்பதே தாத்பர்யம்
அவர் திரு முடியிலே திருத் துழாய் சாத்தி இருக்கும் அழகு ஓன்று போதுமே
அதுக்கும் மேலே திருக்கையும் திரு ஆழியுமான அழகு
சுடர் ஆழியும் பல்லாண்டு -என்று ஆலத்தி வழிக்க வேண்டும்படி அன்றோ உள்ளது
இந்த அழகை நினைந்து வை வர்ண்யம் அடைந்து கண்ணநீரும் சோர்ந்து -இந்த நிலையைச் சென்று சொல்லி கோள் என்கிறாள்-

———————————————————————————————————————————————————————————————————

தகவன்று என்று உரையீர்கள் தடம் புனல் வாயிரை தேர்ந்து
மிகவின்பம் படமேவும் மென்னடைய வன்னங்காள்
மிகமேனி மெலிவெய்தி மேகலையும் ஈடழிந்து என்
அகமேனி யொழியாமே திரு மூழிக் களத்தார்க்கே–9-7-10-

தகவன்று என்று உரையீர்கள்-மருமத்தில் பொற்றும்படியான வார்த்தை
கருணையே நிரூபகமாகக் கொண்டு பேரருளாளன் என்று விருது சுமந்து திரிகிற அவருக்கு
தகவு இல்லை -என்னாதே தகவு அன்று
கடலில் நீர் வற்றிற்று என்ன ஒண்ணாதா போலே
அருள் கடலில் அருள் வற்றுமா
தடம் புனல் வாயிரை தேர்ந்து மிகவின்பம் படமேவும் மென்னடைய வன்னங்காள் -இதனால் மகாச்சார்யார்களே விவஷிதம்
தங்களுக்கு பரம போக்யமான அர்த்தங்களை தேடுவதில் நோக்கு உடையவர்கள்
அதுவே பேரின்பமாக கொண்டவர்கள்
நல்ல நடத்தையை உடையவர்கள் -என்றபடி
நானோ உடம்பு மெலிந்து அரையில் துணி தங்காமல் இருக்கிறேன்
மிகமேனி மெலிவெய்தி மேகலையும் ஈடழிந்து என்
அகமேனி யொழியாமே இருக்கிறேன்
தகவன்று என்று உரையீர்கள்–முடியும் இந்நிலையிலும் அருளாமல் இருப்பது தகவோ

————————————————————————————————————————————————————————————————-

ஒழிவின்றித் திரு மூழிக் களத்து உறையும் ஒண் சுடரை
ஒழிவில்லா வணி மழலைக் கிளி மொழியாள் அலற்றிய சொல்
வழு வில்லா வண் குருகூர்ச் சடகோபன் வாய்ந்து உரைத்த
அழிவில்லா வாயிரத்து இப்பத்தும் நோய் அறுக்குமே –9-7-11-

————————————————————————————————————————————————————————————————

திருவாய்மொழி நூற்றந்தாதி –

எம்காதலக்கு அடி மீள் ஏய்ந்த வடிவழகு என்று
அங்காது பற்றாசா வாங்கு அவன்பால் எங்கும் உள்ள
புள்ளினத்தைத் தூதாகப் போகவிடும் மாறன் தாள்
உள்ளினார்க்குத் தீங்கை யறுக்கும்–87-

————————————————————————————————————————————————————————————————–

ஸ்ரீ P.B.A,ஸ்வாமிகள் திருவடிகளே சரணம்
பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்.

 

This entry was posted on November 14, 2014 at 1:15 am and is filed under திரு வாய் மொழி. You can follow any responses to this entry through the RSS 2.0 feed. You can leave a response, or trackback from your own site.