கூடிவண்டு அறையும் தண்தார்க்
கொண்டல்போல் வண்ணன் றன்னை
மாடுஅலர் பொழில் குருகூர்
வண்சட கோபன் சொன்ன
பாடல்ஓர் ஆயி ரத்துள்
இவையும்ஓர் பத்தும் வல்லார்
வீடுஇல போகம் எய்தி
விரும்புவர் அமரர் மொய்த்தே.
பொ-ரை : ‘வண்டுகள் கூடி ஒலிக்கின்ற குளிர்ந்த மாலையைத் தரித்த காளமேகம் போன்ற நிறத்தையுடையவனை, சுற்றிலும் அலர்ந்த சோலைகளையுடைய திருக்குருகூரில் அவதரித்த உதாரகுணத்தையுடைய ஆழ்வார் அருளிச்செய்த இசையோடு கூடின ஒப்பற்ற ஆயிரம் திருப்பாசுரங்களுள் ஒப்பற்ற இப்பத்துத் திருப்பாசுரங்களையும் கற்க வல்லவர்கள் பிரிவில்லாத பேரின்பத்தைப் பெற்று, அமரர்களால் மொய்க்கப்பட்டு விரும்பப்படுவார்கள்,’ என்றவாறு.
வி-கு : ‘வல்லார் விரும்புவர்,’ என்க. விரும்புவர் – செயப்பாட்டு வினைப்பொருளது. ‘விரும்பப்படுவர்’ என்பது பொருள்.
ஈடு : முடிவில், 1‘இத்திருவாய்மொழி கற்றவர்கள் நித்திய கைங்கரியத்தைப் பெற்று, அயர்வறும் அமரர்களாலே விரும்பப்படுவார்கள்,’ என்கிறார்.
கூடி வண்டு அறையும் தண் தார் கொண்டல் போல் வண்ணன்றன்னை – ‘கிண்ணகத்திலே இழிவாரைப்போன்று வண்டுகளானவை திரண்டு தேனைக் குடித்து ஒலிக்கின்ற சிரமத்தைப் போக்குகின்ற மாலையையும், சிரமத்தைப் போக்குகிற மேகம் போன்றிருக்கின்ற திருமேனியையுமுடைய சர்வேசுவரனை. இத்திருப்பதிகத்தில் பரக்கச்சொன்ன விபூதி முழுதும், தோளில் தோள் மாலையைப் போன்று அவனுக்குத் தகுதியாயிருக்கிறபடியைக் கண்டு கூறினேன்,’ என்பார், ‘வண்டு கூடி அறையும்
தண்தார் கொண்டல்போல் வண்ணன்’ என்கிறார். மாடு அலர் பொழில் குருகூர் வண் சடகோபன் சொன்ன – பக்கங்களிலே அலர்ந்த சோலையையுடைய திருநகரிக்கு உரியவராய் வள்ளலாரான ஆழ்வார் அருளிச்செய்த. பாடல் ஓர் ஆயிரத்துள் இவையும் ஓர் பத்தும் வல்லார் – மலர்கள் மணத்தோடே மலருமாறு போன்று இசையோடு கூடின ஆயிரத்திலும் வைத்துக்கொண்டு இப்பத்தையும் கற்க வல்லவர்கள்.
வீடு இல போகம் எய்தி – பிரிவின் ஐயம் ஒருநாளும் இல்லாத மோக்ஷ இன்பத்தையடைந்து. அமரர் மொய்த்து விரும்புவர் – அமரராலே மொய்த்து விரும்பப்படுவர். 1‘லீலா விபூதியை அவனுடைமை என்னும் தன்மையாலே அநுசந்திப்பார் நித்தியசூரிகளாகையாலே, தாங்கள் அனுபவிக்கக்கூடிய அநுபவத்தை, ‘இவ்வுலகத்தே இருந்து வைத்தும் இப்படி இருப்பதொரு ஞானவிசேடம் பிறந்து அநுசந்திப்பதே!’ என்று ஆழ்வார் பக்கல் பண்ணின பிரேமத்தின் மிகுதியாலே, அவருடைய பிரபந்தங்களைக் கற்றவர்களை, சர்வேசுவரனை விட்டு இவர்களை நெருங்கி ஆதரிப்பார்கள் நித்தியசூரிகள் ஆதலின், ‘அமரர் மொய்த்து விரும்புவர்,’ என்கிறார்.
(11)
முதற்பாட்டில், இத்திருவாய்மொழியில் பரக்க அருளிச்செய்த அர்த்தத்தைச் சுருங்க அருளிச்செய்தார்; இரண்டாம் பாட்டில், முதற்பாட்டில் சொன்ன ஐம்பெரும்பூதங்களினுடைய காரியத்தை முறையே பேசினார்; மூன்றாம் பாட்டில், உலகமே உருவமாய் நின்ற நிலையோடே அசாதாரண விக்கிரகத்தைச் சேர்த்து அனுபவித்தார்; நான்காம் பாட்டில், ‘ஒளி பொருந்திய மாணிக்கம் முதலிய பொருள்களை விபூதியாகவுடையவன்’ என்றார்; ஐந்தாம் பாட்டில், ‘சுவைப்பொருள்களை விபூதியாக உடையவன் என்றார்; ஆறாம் பாட்டில், ‘வேதம் தொடக்கமான இயலும் இசையுமான ஒலிகளின் கூட்டத்தை விபூதியாக உடையவன்’ என்றார்; ஏழாம் பாட்டில், ‘செல்வம் முதலான புருஷார்த்தங்களை விபூதியாக உடையவன்’ என்றார்; எட்டாம் பாட்டில், ‘உலகத்தில் பிரதானரான பிரமன் சிவன் முதலியோரை விபூதியாக உடைய
வன் என்றார்; ஒன்பதாம் பாட்டில், அவனுடைய விபூதியின் விரிவைத் தனித்தனியே பேசமுடியாமையாலே ‘சேதன அசேதனங்களை விபூதியாகவுடையவன்’ என்று சுருங்க அருளிச்செய்தார்; பத்தாம் பாட்டில், ‘இவற்றுக்கும் உள்ளுயிராய்ப் பரந்து நின்றாலும் அவற்றினுடைய தோஷங்களால் தீண்டப்படாதவன்’ என்றார்; முடிவில், இது கற்றார்க்குப் பலஞ்சொல்லித் தலைக்கட்டினார்.
திருவாய்மொழி நூற்றந்தாதி
புகழ்ஒன்று மால்எப் பொருள்களுந் தானாய்
நிகழ்கின்ற நேர்காட்டி நிற்க – மகிழ்மாறன்
எங்கும் அடிமைசெய இச்சித்து வாசிகமாய்
அங்கடிமை செய்தான்மொய்ம் பால்.நிகமத்தில் பலன் சொல்லி –
கூடி வந்து -அலையும் ரீங்காரம்
தேனை பருகி சப்திக்கும் வண்டுகள்
தோளும் தோள் மாலை போலே சேதன அசேதனங்கள்
கிண் ண கத்தில் இழிவாரைப் போலே
வண்டுகள் கூட்டமாக வந்து மதுபானம் பண்ணி தொனிக்கும்
ஸ்ரமஹரமாக மேகம் போன்ற திருமேனி
மாடு பக்கம் -அலர்ந்த பொழில்கள் சூழ் திரு குருகூர்
வண்மை -தனது அனுபவம் பாசுரம் இட்டு வழங்கிய
ஓர் ஆயிரம் இசை உடன் கூடிய புஷ்பம் பரிமளம் போலே பாடல் -இசை உடன் கூடிய பாசுரம்
அப்யசிக வல்லவர்கள்
விசசேதம் இன்றி -நித்ய விபூதி பெற்று
வானவர்கள் -மொய்த்து சம்சாரத்தில் ஞானம் பெற்ற -உகந்து
மொய்த்து விழுவார்கள் மேலே விழுந்து அனுபவிப்பார்கள்
ஆழ்வார் பக்கல் பிரேமம் ப்ரபந்தம்
சர்வேஸ்வரனை விட் டு இங்கே அனுபவம்பாசுரம் தோறும் அருளிய அர்த்தங்கள் மீண்டும் அருளி –
சாரம் -எப்பொருளும் தானாய் நேர் காட்டி
மகிழ் மாறன்
எங்கும் அடிமை செய்த இச்சித்து வாசகமாய்
அங்கு அடிமை செய்தான்
திருவேம்கடத்தில் –நஞ்சீயர் திருவடிகளே சரணம்.
நம்பிள்ளை திருவடிகளே சரணம்.
வடக்கு திருவீதிப் பிள்ளை திருவடிகளே சரணம்.
பெரியவாச்சான் பிள்ளை திருவடிகளே சரணம்.வாதி கேசரி அழகிய மணவாள ஜீயர் திருவடிகளே சரணம்.பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்.
Leave a Reply