Thiruvonum's Weblog

அலைத்த பேழ் வாய் வாள் எயிற்று ஓர் கோளரியாய் அவுணன்
கொலைக் கையாளன் நெஞ்சிடந்த கூர் உகிராளன் இடம்
மலைத்த செல் சாத்தெறிந்த பூசல் வன் துடிவாய் கடுப்ப
சிலைக்கை வேடர் தெழிப் பறாத சிங்க வேள் குன்றமே–1-7-2-

அலைத்த-சீற்றத்தால் நா அலையும்
மலைத்த -வேடர்களால் தகைக்கப் பட்ட
செல் -தீர்த்த யாத்ரை போருகிறவர்கள் உடைய
சாத்து -சமூஹம் ஆனது
தெழிப் பறாத–ஆரவாரம் மாறாத-

—————————-

வியாக்யானம் –

அலைத்த பேழ் வாய் வாள் எயிற்று ஓர் கோளரியாய்-
சீற்றத்தாலே கடை வாய்களோடே நாக்கை ஒற்றிக் கொள்ளா நின்றுள்ள
பெரிய வாயையும் ஒளியை உடைதான எயிற்றையும் உடைய
அத்விதீயமான மிடுக்கை உடைத்தான
சிம்ஹமாய் –

(ஸ்ரீ மத் பாகவதம் -7-ஸ்கந்தம்-19-22- வர்ணனை ஸூ கர் -நரஸிம்ஹ ரூபம்
மீமாம்சமானசய சமுதிதோ கிராதோ நரஸிம்ஹ ரூபஸ் தத் அலம் பயங்கம்-ப்ரதாப்த-சமிகர சண்ட லோசனம்-
ஸ்புரத் சதகேசர ஜ்ரும்பிதநனம்-கரள தம்ஸ்த்ரம்-கராவல கஞ்சலஸுரந்த ஜிஹ்வம் ப்ருகுதி முகோல்பணம்-
ஸ்தப்தோர்த்வ கர்ணம் -கிரி கந்தரத்புத வ்யதஸ்ய நாஸம் ஹனு பேத பிஷணம் த்வி ஸ்ப்ர்சத் கயம்
அதிர்ஹ பிவர கிரிவோரு வஷஸ்தலம் -அல்ப மத்யம் சந்திராம்சு கௌரைஸ் சுரிதம் தனுருஹைர் விஸ்வக் புஜங்கிக-
சதம் நகாயுதம் துரஸ்தம் சர்வ நிஜேதர யுத ப்ரவேக வித்ரவித-தைத்ய தனவம்-

ஹிரண்யன் -ஸ்ரீ நரஸிம்ஹ ரூபம் கண்டான் -பயங்கர ரூபம் -உருகும் தங்கம் போன்ற கண்கள் -ஒளி வீசும் பயங்கர முகம் –
பயங்கர பற்கள் -ஒளி வீசும் வாள் போன்ற நாக்கு -நீண்ட அசையாத காதுகள் -குகை போன்ற மூக்குத் த்வாரங்கள் –
பயங்கரமாக அசையும் தாடைகள் -ஆகாசம் வரை வளர்ந்த திரு மேனி -குறுகிய அடர்ந்த கழுத்து -அகன்ற மார்பகம் –
குறுகிய இடை -சந்த்ர கிரணங்கள் போலே வெளுத்த ரோமங்கள் -திவ்ய ஆயுதங்கள் கொண்டு நிரசித்த அசுரர் ராக்ஷசர்
கூட்டங்கள் போலே திரு உகிராலே நிரசிக்க வல்ல திரு உருவம் )

அவுணன் கொலைக் கையாளன் -நெஞ்சிடந்த கூர் உகிராளன் இடம் –
நாட்டார்
பர ஹிம்சை பண்ணுவது தம் தாமுடைய பிரஜைகளின் உடைய ரஷணத்துக்காக இறே –
இவனுக்கு
அது போய் -பிரஜையை ஹிம்சிக்குமது பலித்தது ஆயிற்று –
பர ஹிம்சை பண்ணுகைக்கு தேவதைகள் பக்கலிலே வரம் பெற்று
அது தானே யாத்ரையாய் திரிகிற அஸூரனுடைய நெஞ்சை இடந்த
கூரிய திரு உகிரை உடையவன் வர்த்திக்கிற ஸ்தானம்-

மலைத்த செல் சாத்தெறிந்த பூசல் –
திரள் திரளாக தீர்த்த யாத்ரை போகா நிற்பர்களே –
அவர்களைப் பறிக்கைகாக
அங்கு உண்டான வேடர் வந்து மலைத்து மேல் விழுவர்கள் –
இவர்களும் அவர்களோடே எதிர்ப்பர்கள் –
எறிந்த பூசல் –
எறிதல்-இடுதல்
இட்ட பூசல் –
அவர்கள் இவர்களை சூறை கொள்ளுகிற பூசலிலே –
(அனுக்ரஹிக்க சொத்தை பறிப்பேன்-என்றான் அன்றோ -அப்பொழுது தானே வருவார்கள்)

வன் துடிவாய் கடுப்ப –
கேட்ட போதே முடியும்படியான த்வனியை
உடைத்தாய் இருக்கிற
துடியானது கடுப்ப –

சிலைக்கை  வேடர் தெழிப் பறாத சிங்க வேள் குன்றமே –
கையில் வில்லை உடையராய் இருந்துள்ள வேடருடைய
ஆர்ப்பரவம் மாறாத தேசம் ஆயிற்று
அவர்கள் கையில் பயாவஹமான துடியோசையும் பறிக்கிற ஆர்ப்பரவுமேயாய்
செல்லா நிற்கும் ஆயிற்று –

உகந்து அருளின நிலங்களிலே உள்ளது ஆகையாலே
அவர்கள் கையில் துடி ஓசையோடு
அவர்களைப் பறிக்கிற த்வனியோடு
வாசி அற உத்தேச்யமாய் இருக்கிறது ஆயிற்று –

நரசிம்ஹத்தின் உடைய சீற்றத்தோடு -அங்கு உள்ளார் உடைய சீற்றத்தோடு –
அவர்கள் வ்யாபாரத்தோடு -வாசி அற்று இருக்கிறது ஆயிற்று -இவருக்கு

——————————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ பெரியவாச்சான் பிள்ளை திருவடிகளே சரணம் .
ஸ்ரீ திருமங்கை ஆழ்வார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on August 1, 2013 at 10:59 am and is filed under Acharyarkall, திருமங்கை ஆழ்வார், பெரிய திரு மொழி, பெரியவாச்சான் பிள்ளை, Prabandha Amudhu, Thirumangai Aazlvaar. You can follow any responses to this entry through the RSS 2.0 feed. You can leave a response, or trackback from your own site.