Thiruvonum's Weblog

ஜ்ஞான வைராக்ய ஸம்பூர்ணம் பச்சாத்  ஸூந்தர தேசிகம் |
த்ரவிடோபநிஷத் பாஷ்யதாயிநம் மத குரும் பஜே ||

முன்னிலும் பின் அழகிய பெருமாள் நம் பெருமாள் திரு நாமம் இவருக்கு சாத்தப்பட்டது –
வடதிசை முரட்டு சமஸ்க்ருதம் ஆர்யா பூமி -ஆகவே பின் அழகைக் காட்டி எழுந்து அருளி உள்ளார் -ஆறாயிரப்படி குரு பரம்பரையா பிரபாவம் -அருளியவர் உடையவர் பிரபாவம் பூர்ணமாகவும் —நம்பிள்ளை சரித்திரம் வரை – அதில் உண்டு-நம்பிள்ளையை விட மூத்தவர்
எம்பெருமானார் காலத்திலேயே இருந்து இருக்கலாம் -நேரே சாஷாத்காரித்தும்
இருந்தவர்கள் இடம் கேட்டும் அருளிச் செய்தவை –

கலி த்வம்ஸி தயா பாத்ரம் பஸ்ஸாத் ஸூந்தர ஸம்ஜ்ஜிகம்
அஞ்ஞாத ஞாபகம் பும்ஸாம் அஸ்மத் தேஸிகம் ஆஸ்ரயே
திருக்கலிகன்றி தாஸராம் நம்பிள்ளையின் கருணைக்குப் பாத்திரமாய் இருப்பவராய்
மனிதர்களுக்கு அறியாதன அறிவிப்பவராய்
எம் ஆச்சார்யரான-பஸ்ஸாத் ஸூந்தர –பின்பழகிய பெருமாள் ஜீயரை ஆஸ்ரயிக்கிறேன்

ஸடாரி முக நிஸ் ஸ்ருத த்ரவிட வேத நிர்வாஹகம்
ஸ்வ பக்த ஜன ரக்ஷண க்ஷண க்ருபாத்த ஸத் வீக்ஷணம்
ஸ்வ ஸூக்தி ரஸந உஜ்ஜ்வலத் குரு பரம்பரா வைபவம்
யதீந்த்ர பத சேகரம் தம் அபாரங்க ரம்யம் பஜே–(க்ருபாலஸத் வீக்ஷணம் -பாட பேதம்)
நம்மாழ்வாரின் திருவாலி இருந்து தோன்றிய தமிழ் வேதத்துக்கு நிர்வாஹகராய்
தம் பக்தி ஜனங்களை ரக்ஷிக்கும் வல்லமையுள்ள கருணா கடாக்ஷம் உள்ளவராய்
தம் திருவாக்காலே விளங்கா நிற்கும் குரு பரம்பரா வைபவத்தை யுடையவராய்
யதிராஜரின் திருவடிகளைத் தலையிலே சூடியவரான
அபாரங்க ரம்யம் பஜே-பின்பழகிய பெருமாள் ஜீயரை ஆஸ்ரயிக்கிறேன் –

துலா சதபிஷக் ஜாதம் ஸ்ரீ லோகார்ய பத ஆஸ்ரிதம்
ஞானாதி பூஷணம் வந்தே பஸ்ஸாத் ஸூந்தர தேசிகம்
பஸ்ஸாத் ஸூந்தர தேசிகர் -பின்பு அழகராம் பெருமாள் ஜீயர்
துலா -ஐப்பசி சதயம் நக்ஷத்ரம் திரு அவதாரம்-(பேயாழ்வார் திருவவதார திரு நக்ஷத்ரம்)
நம்பிள்ளை -லோகாச்சார்யார் திருவடி பற்றி -பதாஸ்ரியம்
ஞானாதி பூஷணம் வந்தே
பாவோ நான்யாத்ர கச்சதி -கண்ட கண்கள் மற்று ஒன்றைக் காணாவே போல் நிஷ்டை இவருக்கும்-நம்பிள்ளை திருமேனியில் ஒன்றிலே ஆழ்ந்து பரிவுடன் இருந்தவர் )

————

எழுபத்து மூன்றாம் வார்த்தை

ஸ்வீகாரத்தில் உபாய புத்தியும் –
பேற்றில் சம்சயமும் காண் ஒருவனுக்கு மோஷ விரோதி –

சாபராதிகளான சம்சாரிகளுக்கு சர்வ ஸ்வாமியான எம்பெருமானைப் பற்றும் இடத்து –
தன் அபராத பரம்பரைகளைப் பார்த்து பிற்காலியாதே
பின் பற்றுகைக்கு புருஷகார பூதையான பிராட்டியை சொல்லுகிறது –
ஸ்ரீ -என்கிற பதத்தாலே –

இப்படி புருஷகார பூதையான பிராட்டி அவனோடே சேர இருப்பது
ஒரு தேச காலங்களிலேயோ என்னில் –
பிரபா பிரபாவான்களைப் போலே பிரியாத நித்ய யோகங்களைச் சொல்லுகிறது –
மதுப்பு –

(அநந்யா ஹி மயா ஸீதா பாஸ்கரேண ப்ரபா யதா -யுத்த -121-19 -அநந்யா ராகவேண அஹம் பாஸ்கரேண ப்ரபா யதா-ஸூந்தர –21-16-)

இப் புருஷகாரமும் மிகை என்னும்படியாய் இவள் தானே குறை சொல்லிலும் –
செய்தாரேல் நன்று செய்தார் -பெரியாழ்வார் திருமொழி -4-9-2- என்று
பரிந்து நோக்கும் வாத்சல்யாதி குணம் சொல்கிறது –
நாராயண -பதத்தாலே –

(தன்னடியார் திறத்தகத்து தாமரையாள் ஆகிலும் சிதகுரைக்குமேல்
என்னடியார் அது செய்யார் செய்தாரேல் நன்று செய்தார் என்பர் போலும்
மன்னுடைய விபீடணர்க்காய் மதிள் இலங்கை திசை நோக்கி மலர் கண் வைத்த
என்னுடைய திருவரங்கர்க்கு அன்றியும் மற்று ஒருவர்க்கு ஆளாவரே – 4-9 -2-)

ஆஸ்ரிதரை கைவிடாதே சௌலப்யம் சொல்லுகிறது –
சரணவ் -பதத்தாலே –

(பிராட்டியும் அவனும் விடிலும் திரு அடிகள் விடாது -திண் கழலாய் இருக்கும் –சூரணை -146-ஸ்ரீ மத் பதத்திலே புருஷகார பூதையாக  சொன்ன பிராட்டியும் அவள் தானே சிதகுரைக்கிலும்-பெரிய ஆழ்வார் திரு மொழி -4-9-2-என்னும் படி-நாராயண -பதத்தில் சொன்ன -குண விசிஷ்டனான அவனும் கைவிடிலும் -திரு அடிகள் தன் வைலஷண்யத்தாலே-துவக்கிக் கொள்ளுகையாலே கை விடாது-வண் புகழ் நாரணன் திண் கழல் -திரு வாய் மொழி -1-2-10-என்கிறபடியே பற்றினாரை நழுவ விடாதே திண்மையை  உடைத்தாய்  இருக்கும் -என்கை-)

அநிஷ்ட நிவ்ருத்திக்கும் இஷ்ட பிராப்திக்கும் தப்பாத உபாயம் என்கிறது
சரணம் என்கிற பதத்தாலே –

அவன் திருவடிகளில் இத்தனை நன்மை உண்டாய் இருக்க –
இந்நாள் வரை இழந்தது இவன் பற்றாமை இறே –
அக் குறைகள் தீர பற்றும் பற்றுகையைச் சொல்லுகிறது
பிரபத்யே -என்கிற பதத்தாலே –

இப்படி பூர்வ கண்டம் சொல்லி நின்றது –

மேல் உத்தர கண்டம் சொல்லுகிறது–
இதில்
மதுப்பாலே
இவனோடே கூடி இருக்கிற இவளும் உத்தேச்யை யாகையாலே –
நாம் ஏதேனும் ஒரு கிஞ்சித்காரம் செயிலும் –
அவனோடே கூடி இருந்து ஒன்றை பத்தாக்கி அவன் திரு உள்ளத்தை உகப்பிக்கும்
ஆகையாலே -அவனோடு கூடி இருந்தவள் என்கிறது –
ஸ்ரீ மதே -என்கிற பதத்தாலே –

நம்மோடு நித்ய முக்தரோடு வாசி யற எல்லாரையும் சமமாக ரஷிக்கும் ஸ்வாமித்வம் சொல்லுகிறது –
நாராயண பதத்தாலே –

இப்படி ஸ்வாமியான எம்பெருமான் திருவடிகளிலே –
சர்வ தேச சர்வ கால சர்வ அவஸ்தை உசிதமான சர்வவித கைங்கர்யங்களையும் பண்ண வேணும் என்று
பிரார்த்திக்கும்படியைச் சொல்கிறது சதுர்த்தியாலே –

இப்படி இருந்துள்ள அடிமை செய்யும் இடத்து –
அவன் உகந்த உகப்பு ஒழிய
தான் உகந்த உகப்பை தவிரச் சொல்கிறது –
நம -என்கிற பதத்தாலே –

————————————————–

எழுபத்து நாலாம் வார்த்தை

நாச்சிமாரை ஈஸ்வரனில் காட்டிலும் குறையச் சொல்லும் இடமும் –
ஒக்கச் சொல்லும் இடமும் –
எழச் சொல்லும் இடமுமாய் இருக்கும்

இதுக்கு பிரமாணங்கள் –
இவன் பிரபத்தி பண்ணும் படியைச் சொல்லும் இடத்தில் –
இவள் ஸ்வரூபம் சொல்லுகிறது என்றும்
ஒக்கச் சொல்லுகிற இடத்தில் -ஐக்யம் சொல்லுகிறது என்றும் –
எழச் சொல்லும் இடத்தில் சௌலப்யம் சொல்லுகிறது என்றும்
பிரபத்தி பண்ணக் கடவன்

(இவளும் அவனுக்கு சேஷபூதை -ஸ்வரூபம் என்றும் தாழ்வாகவும் –ஐகரஸ்யாத் தயா-ஸ்ரீ ஸ்தவம் -1- திரு உள்ளங்களும் ஓன்று ஸாம்யம் -ஆஸ்ரித ஸூலபன் -பரதந்த்ரன் ஏறிட்டுக் கொள்வான் -அன்றோ -)

ஸ்வஸ்தி ஸ்ரீர் திசதாத் அசேஷ ஜெகதாம் சர்க்க உப சர்க்க ஸ்திதீ
ஸ்வர்க்கம் துர்க் கதிம் ஆப வர்க்கிக பதம் ஸர்வஞ்ச குர்வந் ஹரி
யஸ்யா வீஷ்யா முகம் தத் இங்கித பராதீநோ விதத்தே அகிலம்
க்ரீடேயம் கலு ந அந்யதா அஸ்ய ரஸதா ஸ்யாத் ஐக ரஸ்யாத் தயா –1

எல்லா உலகங்களுக்கும் ஸ்ருஷ்ட்டி சம்ஹார ரக்ஷணங்களையும் ஸ்வர்க்கத்தையும் நரகத்தையும் மோக்ஷ ஸ்தானத்தையும் மற்றும் உள்ள எல்லாவற்றையும் உண்டு பண்ணா நிற்கிற எம்பெருமான் யாவள் ஒரு பிராட்டியினுடைய முகத்தை நோக்கிக் கொண்டு அந்த முகத்தின் புருவ நெறிப்பு முதலிய குறிப்புகளைப் பின் சென்றவனாய் ஸ்ருஷ்ட்டி முதலாக கீழ்ச் சொன்ன எல்லாவற்றையும் உண்டு பண்ணுகிறானோ அப்படி அவள் முகக் குறிப்பைப் பின் செல்லா விடில் இந்த எம்பெருமானுக்கு அப்பிராட்டியோடே ஒரு நீராக ஒருமித்து இருக்க வேண்டிய காரணத்தினாலே ஸ்ருஷ்ட்டி முதலான இந்த விளையாட்டானது இந்த எம்பெருமானுக்கு ஆனந்தத்தை விளைப்பதாக ஆக மாட்டாது அன்றோ-அந்தப் பெரிய பிராட்டியார் நன்மையை அளிக்கக் கடவள்-)

(உயர்வாக சொல்லச் சொல்ல மகிழ்ந்து அவனது கவசம் பூரிக்கும் அன்றோ -வெந்நீருக்கு தண்ணீர் வேண்டும் -தண்ணீருக்கு தண்ணீர் வேண்டாமே)

—————————————————-

எழுபத்து ஐந்தாம் வார்த்தை

பிள்ளை நம் ஜீயர் ஸ்ரீ பாதத்திலே ஸ்ரீ பாஷ்யம் வாசியா நிற்கச் செய்தே –
திருப் போனகம் சமைந்தது -என்றவாறே –
சொக்கத் தேவரை திருவாராதனம் பண்ணி வாரும் -என்று அருளிச் செய்ய –

அடியேன் திருவாராதனத்தை அறிந்தேனோ -என்று விண்ணப்பம் செய்ய –

நானோ சால க்ரமம் அறிந்து இருக்கிறேன் ?
த்வயத்தைக் கொண்டு திருவடி விளக்கி  அமுது செய்ய மாட்டீரோ ?
என்று அருளிச் செய்தார் –

——————————————————————

எழுபத்து ஆறாம் வார்த்தை

உகந்து அருளின இடங்கள் பலவிடமாய் –
திருப் போனகம் படைப்பது ஒன்றே யானால்
அமுது செய்யப் பண்ணும்படி என் என்று பெரியவாச்சான் பிள்ளை நம்பிள்ளைக்கு விண்ணப்பம் செய்ய –

த்வயத்தில் பூர்வ உத்தர கண்டங்கள் இரண்டுக்கும் நடுவே –
சர்வ மங்கள விக்ரஹாய -என்று விசேஷண சஹிதமாக உச்சரித்து
அமுது செய்து அருளப் பண்ணுவது -என்று அருளிச் செய்தார் –

————————————————————————–

எழுபத்து ஏழாம் வார்த்தை

இவ் வாத்மாவுக்கு பெரிய பிராட்டியார் பிரியத்தை பண்ணி யருளும் —
எம்பெருமான் ஹிதத்தை பண்ணி யருளும் –
பிரிய ஹிதங்கள் இரண்டும் சேர ஜீவிக்கிறபடி எங்கனே என்னில் –

ஆஸ்ரீத விஷயத்திலும் -அநாஸ்ரீத  விஷயத்திலும் —

ஆஸ்ரீதர் பக்கல் இவள் பண்ணி யருளும் பிரியத்துக்கு ஆஸ்ரீதர் பெரும் பிழைகள் பாராதே
பெரிய பிராட்டியார் திரு உள்ளத்தைப் பின் செல்லும் –
இவ்விடம் இவளுடைய பிரிய கார்யமான வாத்சல்யம் ஜீவித்த படி –

அநாஸ்ரீதர் பக்கல் ஹிதம் செய்யும் போது –
இவற்றின் உடைய பிரக்ருதியின் பொல்லாங்காலே இவை நம்மை (நன்மை)இழவா நின்றன -என்று
பிரஜைகளுடைய கிரந்தியை அறுப்பாரைப் போலே-இவள் இசைவோடே கூடி ஹிதத்தைச் செய்து அருளும் –
இவ்விடம் இவனுடைய ஹித கார்யமான ஸ்வா தந்த்ர்யம் ஜீவித்த படி –

ஆகையால்
ஆஸ்ரீதர் பக்கல் பிரியமும் –
அநாஸ்ரீதர் பக்கல் ஹிதமும்
இருவர் திரு உள்ளத்துக்கும் சேருகிறது –

——————————————————————–

எழுபத்து எட்டாம் வார்த்தை

1-பிராயச் சித்த வ்யாவ்ருத்தி –
2-உபாயாந்தர வ்யாவ்ருத்தி —
3-உபேய வ்யாவ்ருத்தி –
4-அதிகாரி வ்யாவ்ருத்தி –
5-பிராப்யாந்தர வ்யாவ்ருத்தி –
6-தேவதாந்திர வ்யாவ்ருத்தி –
7-போகாந்தர வ்யாவ்ருத்தி —
8-ஸ்வ போக வ்யாவ்ருத்தி —

(பிராயச்சித்தங்களும் உபாயாந்தரங்களும்-ஸாத்யமாய் பலம் கொடுக்க எம்பெருமானையும் மற்ற பல அங்கங்களையும் அபேக்ஷித்து இருக்கும் -ஸித்த உபாயமோ வேறு ஒரு முயற்சியும் எதிர்பாராமல் ஸித்தமாய் பலம் கொடுப்பதற்கு வேறு ஒன்றை அபேக்ஷியாது இருக்கும் – இரக்கத்துடன் கூடிய எம்பெருமான் உபாயமாகவும் உகப்போடு கூடிய எம்பெருமான் உபேயமாகவும் இருக்கிறபடியால் இந்த ஸித்த உபாயத்துக்கு உபேயத்தில் காட்டில் வேறுபாடு உண்டு – இரக்கமும் இனிமையும் சேர்ந்து உபாய உபேய இரண்டுமே இவன்-உபாயமாகப் பற்றும் அதிகாரி அஞ்ஞனாய் அசக்தனாய் இருக்க-ஸித்த உபாயமோ என்னில் ஸர்வஞ்ஞனாய் ஸர்வசக்தனாய் ஸஹகாரி அபேஷனாய் இருப்பதால் அதிகாரி வ்யாவ்ருத்தியும் உண்டு –ஆக உபாயத்துக்கு நாலு வேறுபாடுகள் -மேல் உபேயத்துக்கு நாலு வேறுபாடுகள் -மிதுனம் ப்ராப்தமாய் பரம போக்யமாய் -அப்பொழுதைக்கு அப்பொழுது ஆராவமுதமுமாய் இருக்கும் -காணிலும் உருப்பொலார் சேவிக்கினாத கீர்த்தியார் பேணிலும் வரம் தர மிடிக்கில்லா தேவர் -பொல்லாத தேவர் திருவல்லாத தேவர் -அல்ப அஸ்திரமில்லா நித்ய ஸ்வரூப ப்ராப்த பரார்த்த அனுபவ கைங்கர்யம் பரம ஸ்ரேஷ்டமாய் இருக்குமே -)

—————————————————————–

எழுபத்து ஒன்பதாம் வார்த்தை

பட்டர் ஒருவருக்கு ஹிதம் அருளிச் செய்கிற போது  நம் ஜீயர் –
பிராட்டி முன்னிலையாக பற்றுகிற இதுக்கு பிரயோஜனம் என் என்று கேட்க

இவள் சந்நிதியாலே -மிகவும் சாபராதியான காகம் தலை கொண்டு தப்பிற்று –
அத்தனைக்கு அபராதம் இன்றியிலே இருக்க இவள் சந்நிதி இல்லாமையாலே-
ராவணன் தலை யறுப்பு உண்டான் –

இளைய பெருமாள் பிராட்டி முன்னிலையாக பெருமாள் திருவடிகளைப் பற்றி
தம்மை நில் என்ற சங்கல்பத்தையும் -அழித்துப் பெருமாளையும் பெற்று விட்டார் –

மற்றும்
ஸ்ரீ விபீஷண ஆழ்வான் -ஸ்ரீ குஹப் பெருமாள் தொடக்கமானவர்
பிராட்டி முன்னிலையாகப் பெற்றார் ஆய்த்து –
முமுஷுப்படி -சூரணை -135-

(குகப்பெருமாள் பெருமாள் உகந்த கைங்கர்யம் பெற்றான் -உற்ற தோழன் நீ இங்கு இரு – இளைய பெருமாள் தான் உகந்த கைங்கர்யம் பெற்றான் -விபீஷணனும் பிராட்டி இலங்கை சென்றபின்பே ஆபாச பந்துவை விட்டு பெருமாள் இடம் வந்து சேர்ந்தான் -)

(இவள் சன்னதியால் காகம் தலைப் பெற்றது –அதில்லாமையால் ராவணன் முடிந்தான் –சூரணை -135-

தேவ்யா காருண்யா ரூபய-என்கிறபடி கிருபை தான் ஒரு வடிவு கொண்டால் போலே இருப்பாளாய்-ஸ்வதந்த்ரனான ஈஸ்வரனுக்கு ஸ்வாதந்த்ர்யத்தை அமுக்கி கிருபையைக் கிளப்பும் அவளான இவள் சந்நிதியாலே –அபராதத்தை தீரக் கழியச் செய்து -ப்ரஹ்ம அஸ்த்ரத்துக்கு இலக்காய்-தலை அறுப்பு உண்ணத் தேடின காகம் –க்ருபயா பர்யபாலயத் -என்கிறபடி க்ருபா விஷயமாய் தலைப் பெற்றுப் போயிற்று –அப்படி இருக்கிற இவள் சந்நிதி இல்லாமையாலே போக்கற்று செயல் மாண்டு நின்ற நிலை ஒத்து இருக்க செய்தேயும் -காகத்தோபாதி அபராதம் இன்றிக்கே இருக்க –ராம சரத்துக்கு இலக்காய் ராவணன் முடிந்தே போனான் -என்கை –ஆகையால் ஆஸ்ரயிப்பாருக்கு இவள் சந்நிதியே வேணும் என்று கருத்து –ஆக ஸ்ரீ மத் பதார்த்தத்தை அருளிச் செய்தார் ஆயிற்று)

——————————————————————–

எண்பதாம் வார்த்தை

ஸ்ரீ மத் என்கிற பதத்தாலே –
திரு மார்பில் நாய்ச்சியாரோடே அனுசந்திக்கிறார் –

ஸ்ரீ மன் நாராயண சரணவ் சரணம் பிரபத்யே -என்கிற பதங்களாலே
திருவடிகளை அனுசந்திக்கிறார் –

ஸ்ரீ மதே நாராயண -என்கிற பதங்களாலே –
அருகு இருந்த நாய்ச்சிமாரோடே -இட்ட தனி மாலையையும் –
கவித்த திரு அபிஷேகத்தையும் -சிவந்த திரு முக மண்டலத்தையும்-அனுசந்திக்கிறார் –

ஆய -நம -என்கிற பதங்களாலே
கைங்கர்யத்தை அனுசந்திக்கிறார் –

(ப்ரபத்திக்கு விஷயம் அர்ச்சாவதாரமாகையாலே த்வயத்தில் பாதங்களை அர்ச்சாவதார எம்பெருமான் விஷயத்தில் சமன்வயப்படுத்தி அருளிச் செய்கிறார்-திருக்கையிலே பிடித்த திவ்யாயுதங்களுடனும் அஞ்சல் என்ற கையும் , கவித்த முடியும், பிரசன்ன முகமும், முறுவலும், ஆசன பத்மத்திலே அழுத்தின திருவடிகளுமாய் நிற்கிற நிலை..)

———————————————————————

எண்பத் தோராம் வார்த்தை

வஸ்துமான் வஸ்துவை முன்னிட்டுக் கொண்டு இருக்கும் –
வஸ்து விநியோகத்தை முன்னிட்டுக் கொண்டு இருக்கும் –
விநியோகம் போகத்தை முன்னிட்டுக் கொண்டு இருக்கும் –
போகம் அபிமதத்தை முன்னிட்டுக் கொண்டு இருக்கும் –
அபிமதம் அநு குணத்தை முன்னிட்டுக் கொண்டு இருக்கும் –
அநு குணம் பரனுக்கு பாங்காய் இருக்கும் –

(கீழிருந்து படிப்படியாக -எம்பெருமானுக்கு பிராட்டிமார் முதலானோர் அனுகுணமாய் அனுரூபமாய் -அபிமதகைளாய் இருப்பதால் எம்பெருமானுக்கு போகம் ஸித்திக்கும் -அவர்கள் எம்பெருமானுக்கு போக்யப் பொருளாக இஷ்ட விநியோஹ அர்ஹமாய் இருக்கும் -ஆகவே அவர்களுக்கு வஸ்துத்வம் ஸித்திக்கிறது -இப்படி கணக்கற்ற எண்ணிறந்த வஸ்துக்களை யுடையவனாகையாலே எம்பெருமான் ஸ்வாமிகள் -வஸ்துமான் -ஆகிறான் -)

——————————————————————————

எண்பத்து இரண்டாம் வார்த்தை

பட்டர் ஜீயருக்கு த்வயத்தின் அர்த்தத்தை அருளிச் செய்து அருளி –
இதில் உத்தரார்த்தம் அநு சந்திக்கலாவது பரம பதத்தை சென்றாலாய் இருக்கும் –
இங்கே இவ் அர்த்தம் அநு சந்தித்தவன் ஜீவன் முக்தன்
என்று அருளிச் செய்தார் –

(பரார்த்த அனுபவ கைங்கர்யங்களை சொல்லும் உத்தர வாக்கியத்தின் அர்த்தங்களை பரிபூர்ணமாக அறிவது பரமபதத்திலேயாய் இருக்கும் – ஆழ்வார்கள் ஆச்சார்யர்கள் பகவத் நிர்ஹேதுக கிருபையால் இங்கேயே அறிந்து முக்த பிராயராய் இருப்பார்கள் -)

(ஞான-தர்சன -பிராப்தி தசைகள் -சமானாகார சாஷாத்காரமே அர்ச்சிராதி கதி மார்க்கத்தின் மத்யத்திலே கிட்டும் -தெளி விசிம்பு ஏறலுற்றால் -அதுவும் வேண்டாமே திருவாறன்விளையே பிராப்யம் -அவனை ப்ராபகம் என்று கொண்டு பின்பு மருள் ஒழி மடநெஞ்சே -முனியே நான்முகனில் திருவாணை இட்டும் பிராப்தி பெற்றார் அன்றோ -)

———————————————————–

எண்பத்து மூன்றாம் வார்த்தை

வயாக்ரா சிம்ஹங்களோ பாதி உபாய வேஷம் –
யூத பதியான மத்த கஜம் போலே உபேய வேஷம் என்று
திருக் கோட்டியூர் நம்பி அருளிச் செய்வர் –

(புலியும் ஸிம்ஹமும் போலே எம்பெருமான் உபாயமாம் போது தன்னோடு ஒத்த மற்ற ஒரு உபாயத்தைப் பொறுக்க மாட்டான் -யானைக் கூட்டத்திலுள்ள எல்லா யானைகளுடன் சேர்ந்து தலைமை யானை போகங்களை அனுபவிப்பது போலே எம்பெருமான் உபேயமாகும் போது பிராட்டிமார் நித்ய முக்தர்களுடன் சேர்ந்தே உபேயமாகிறான்)

(அடியார்கள் குணங்களுடன் உடன் கூடியே அனுபவம் -ஸமஸ்த பரிவாராய -திவ்ய மங்கள விக்ரஹாய நம -ராமானுஜ முனி வேழம்)

வ்யாமோஹம் உபாயம் –
முக மலர்த்தி உபேயம் என்று எம்பார் அருளிச் செய்வர் –

(ஸ்வாமிக்கு உடமையான நம் பக்கல் உள்ள பேர் அன்பே நம்மைக் கடைத்தேற்றும் உபாயமாகிறது – அந்த வ்யாமோஹம் அடியாகவே ஸ்ருஷ்ட்யாதி யத்னங்களைப் பண்ணி நம்மை கடைத்தேற்றுகிறான் -பகவத் திருமுக விலாஸமே உபேயம் -உத்தேச்யம்)

——————————————————————-

எண்பத்து நாலாம் வார்த்தை
திருக் கோட்டியூர் நம்பி பெரிய முதலியாரைப் பார்த்து –
உபாய அம்சத்தில் தஞ்சமாக நினைத்து இருப்பது என் -என்று விண்ணப்பம் செய்ய

இது நெடும் காலம் ஸ்வரூப நிரூபணம் பண்ணப் பெற்று வைத்து
உபாய நிரூபணமே பண்ண தேடுவதே என்று -விஷண்ணராய் அருள –

ஆகில் உபாயம் வேண்டாவோ என்று விண்ணப்பம் செய்ய –

அபிரூபையான ஸ்திரீ அழகை மட்டிக்க மட்டிக்க –
அபிரூபனாய் ஐஸ்வர்யர்ய வானுமான புருஷன்  அந்தரங்கமாக ஆழம் கால் படுமா போலே –அஞ்ஞனான சேதனன் -அழுக்கு அறுக்க அழுக்கு அறுக்க
அவ் வீஸ்வரன் திரு உள்ளம் அத்ய அசந்னமாய்ப் போரும் காணும் –
என்று அருளிச் செய்தார் –

(பர ஸ்வரூபம் ஸ்வ ஸ்வரூபம் அறியாமல் மண்டிக் கிடக்கும் அழுக்கைப் போக்குமதுவே வேண்டியது அவன் முக மலர்த்திக்கு-அத்தையும் அவன் இன்னருளாலே நடத்தி கொள்வான் -வேறு உபாய அனுஷ்டானம் ஒன்றுமே வேண்டியதில்லை என்றவாறு -)

(சேஷத்வ ஞானம் வந்ததுமே ஸூவ பிரயோஜனம் நிவ்ருத்தி ஏற்படும் பாரதந்தர ஞானம் வந்ததும் ஸூவ ப்ரவ்ருத்தி நிவ்ருத்தி ஏற்படும் அன்றோ)

——————————————————————-—

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம்
ஸ்ரீ பின்பழகிய பெருமாள் ஜீயர் ஸ்வாமிகள் திருவடிகளே சரணம் .
ஸ்ரீ பூர்வாசார்யர் ஸ்வாமிகள் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் .

This entry was posted on December 11, 2012 at 4:14 pm and is filed under Acharyarkall, வார்த்தா மாலை, ஸ்ரீ மணவாள மா முனிகள், Manna vaallla Maa munikall, Raamaanujar, Sri Vaishna Concepts. You can follow any responses to this entry through the RSS 2.0 feed. You can leave a response, or trackback from your own site.