Thiruvonum's Weblog

ஸ்ரீ பெரிய ஜீயர் அருளிய உரை ––அவதாரிகை –

இப்படி செய்த உபகாரங்களை யனுசந்தித்த அநந்தரம் –
தம்மைத் திருத்துகைக்காக-அவர் பட்ட வருந்தங்களைச் சொல்லி –
இப்படி என்னைத் திருத்தி -தேவரீருக்கு உத்தேச்ய-விஷயத்துக் உறுப்பாக்கின பின்பு
வேறொரு அயதார்த்தம் என் நெஞ்சுக்கு-இசையாது -என்கிறார்

ஸ்ரீ பிள்ளை லோகம் ஜீயர் அருளிய உரை–அவதாரிகை–

கீழ்ப் பாட்டிலே –
லோகத்தை எல்லாம் பிரமித்து அளித்த குத்ருஷ்டிகளை பிரபல பிரமாணங்களாலே நிரசித்து –
தம்முடைய பாபங்களை எல்லாம் போக்கி -இன்னும் அதுக்கு மேலே சிறிது கொடுக்க வேணும் என்று நினைத்தார்
என்று ஸ்ரீ எம்பெருமானார் செய்த உபகார பரம்பரையை அடைவே அனுசந்தித்து –
இதிலே –
தரிசு கிடந்த தரையை செய் காலாகும் படி திருத்தும் விரகரைப் போலே –
இவ்வளவும் விஷயாந்தர ப்ரவணனாய் போந்த என்னைத் திருத்துகைக்காக –
படாதன பட்டு -அரியன செய்து -திருத்தி -தேவரீருக்கு வகுத்த விஷயமான ஸ்ரீயபதிக்கு ஆளாகும்படி பண்ணி அருளின பின்னும்-
வேறு சில அயதார்த்தங்களை என்னுடைய மனசில் வலிய பொருத்திலும் – பொருந்தாதே இருப்பன் -என்கிறார் –

ஸ்ரீ அமுது விருந்து-ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் ஸ்வாமிகள்-அருளிய உரை–அவதாரிகை-

இங்கனம் தமக்கு செய்து அருளிய உபகாரங்களை அனுசந்தித்த பிறகு –
தம்மைத் திருத்துவதற்காக அவர் பட்ட வருத்தங்களைச் சொல்லி –இப்படி என்னைத் திருத்தி –
தேவரீருக்கு உகந்த விஷயமான ஸ்ரீ திரு மகள் கேள்வனுக்கு உறுப்பாக்கின பின்பு-
வேறு ஒரு பொய்ப் பொருளை என் நெஞ்சில் பொருந்துமாறு செய்ய இயலாது -என்கிறார் .

கருத்தில் புகுந்து உள்ளில் கள்ளம் கழற்றிக் கருதரிய
வருத்தத்தினால் மிக வஞ்சித்து நீ யிந்த மண்ணகத்தே
திருத்தித் திருமகள் கேள்வனுக்கு ஆக்கிய பின் என்னெஞ்சினில்
பொருத்தப்படாது எம்மிராமானுச! மற்றோர் பொய்ப் பொருளே – – 78- –

பத உரை –

எம் இராமானுச -எங்களுடைய ஸ்ரீ எம்பெருமானாரே
கருத்தில் -அடியேன் மனத்தில்
புகுந்து -வந்து
உள்ளில் -உள்ளத்தில் இருக்கிற
கள்ளம் -களவை
கழற்றி -போக்கி
கருதரிய -வேறு எவருக்கும் நெஞ்சால் நினைப்பதற்கும் இயலாத
வருத்தத்தினால்-பிரயாசத்தினால்
மிக வஞ்சித்து -நான் அறியில் தப்பி விடுவேன் என்னும் நினைவாலே எனக்கு தெரியாமல் மிகவும் மறைத்து
நீ -தேவரீராகவே
திருத்தி -திருத்தமுறச் செய்து
இந்த மண்ணகத்தே -இந்த உலகத்திலே
திரு மகள் கேள்வனுக்கு -ஸ்ரீயபதியான ஸ்ரீ சர்வேச்வரனுக்கு
ஆக்கிய பின் -ஆளாக்கியதற்கு பிறகு
என் நெஞ்சில் -திருத்தப்பட்டு திருந்தியவனாகிய என்னுடைய மனசிலே
மற்று -தேவரீர் உபதேசித்த மெய்ப் பொருளைத் தவிர வேறு பட்ட
ஒர் பொய்ப் பொருள் -ஒரு பொய்யான பொருளும்
பொருத்தப் படாது -வலியப் பொருத்தும்படி புகுத்தினாலும் பொருந்த மாட்டாது –

வியாக்யானம்

நெடும் கை நீட்டாக இருக்கில் -இவன் நெஞ்சைத் திருத்தப் போகாதென்று நெஞ்சு தன்னிலே-வந்து புகுந்து –
குடியிருக்குமவர்கள் செடியறுக்குமா போலே-உள்ளுண்டான ஆத்மபஹாரத்தைப் போக்கி-
வேறு சிலர்க்கு நெஞ்சால் நினைக்கவும் கூட அரிதாய் இருந்துள்ள வருத்தத்தாலே –
நான் அறியில் செய்த கிருஷி தன்னையும் அழித்து கொள்வன் என்று-எனக்கு ஒன்றும் தெரியாதபடி மிகவும் மறைத்து –
தேவரீர் தாம் அறிந்ததாக யத்நித்து -தரிசு கிடந்த தரையை செய் காலாம் படி திருத்துவாரைப் போலே-திருத்தி –
இந்த லோகத்திலே தேவரீருக்கு உத்தேச்ய விஷயமான ஸ்ரீய பதிக்கு-அந்தப்புர விநியோகத்துக்கு ஆளாம்படி -பண்ணின பின்பு –
இப்படி தேவரீர் திருத்த -திருந்தின என் மனச்சிலே தேவரீர் அறிவித்த யதார்த்தம் ஒழிய-
அதுக்கு புறம்பாய் இருப்பதொரு அயதார்த்தம் வலியப் பொருத்திலும் பொருந்தாது –

இந்த மண்ணகத்தே -என்று
இருள் தரும் மா ஞாலமான -திருவாய் மொழி -10 4-1 –
இந்த லோகத்திலே திருத்துகையில் உண்டான அருமையைச் சொல்லிற்றாகவுமாம்-
கருத்தென்று –
மனோ வருத்தி வாசியான சப்தத்தாலே மனசை சொல்லுகிறது .சிந்தை என்னுமா போலே .

வருத்தம் -ஆயாசம் /பொருந்துதல்-இசைத்தல்

இந்த மண்ணகத்தே -திரு மகள் கேள்வனுக்கு ஆக்கி –
1-கருத்தில் புகுந்து –2-உள்ளில் கள்ளம் கழற்றிக் –3-கருதரிய வருத்தத்தினால் மிக வஞ்சித்து–
4- நீ யிந்த மண்ணகத்தே திருத்தித் திருமகள் கேள்வனுக்கு ஆக்கிய உபகாரகங்கள்
உள்ளே புகுந்து திருத்தி –
பட்டத்து அரசியான-பிராட்டியாரின் அந்தப் புரத்திலும் உபயோகப் படத் தக்க முறையில்
அந்தரங்க கைங்கர்யம் செய்யும்படி ஆளாக்கினமை தோற்றுகிறது–
நிர்ஹேதுகமாக அவர் பேறாக செய்து அருளி -தயைக சிந்து –மெய்ப்பொருள் -சேஷி சேஷி பாவம் –
அருகில் வந்து புகுந்தான் பெற்ற பாவிக்கு விட போகாது-
அஞ்ஞான- ஒன்றும் தெரியாத-அன்யதாஞ்ஞான-குணம் மாறி-விபரீத ஞானம் -பொருளை மாற்றி-.மூன்றையும் வாசனை உடன் ஒழித்து
பிறர் நன் பொருள் தன்னையும் நம்பினேன்-போல ஆத்மா அபகாரம் தோஷம் போக்கி
மற்ற ஓர் பொய் பொருளும் -மற்றவர்களுடைய பொய் பொருள்களும் நெஞ்சில் புகாது என்றபடி
நெடும் கை நீட்டு என்று மட்டும் கூடாது என்று -கூரத் தாழ்வான் ஸ்வாமிக்கு தஷினோ பாஹு –
போதாது என்று நெஞ்சில் புகுந்து –
கருத்து -ஆகு பெயர் -நெஞ்சுக்கு -ஆத்ம பாவ -கீதையில் பிரகரணத்துக்கு சேர கருத்து என்றே அர்த்தம் ஸ்வாமி அங்கே சாதிக்க –
இங்கே கருத்து -மனஸ் நெஞ்சு என்றபடி -மேலே உள்ளில் கள்ளம் கழற்றுகிறார் அன்றோ –
அடியேனுக்கு உத்தேச்யமான திருமகள் -சொல்லாமல் தேவரீருக்கு உத்தேச்யம் –என்று மதுரகவி நிஷ்டை -என்றபடி –

கருத்தில் புகுந்து உள்ளில் கள்ளம் கழற்றி –
தேஷாமேவானுகம் பரர்த மஹா மஜ்ஞ்ஞான ஜந்தம நாஸ யாம்யா மமபாவச்தோ ஜ்ஞானதீ பேகபாச்வதா – என்றும் –
என்னை தீ மனம் கெடுத்தாய்-என்றும் சொல்லுகிறபடி-
நெடும் கை நீட்டாக இருக்கில் இவன் நெஞ்சைத் திருத்த பணிப்படும் என்று கொண்டு நெஞ்சு தன்னில்
தானே வந்து புகுந்து –
குடி இருக்கிறவர்கள் அங்கு இருக்கிற செடிகளை அறுக்குமா போலே –
உள்ளில் உண்டான அஜ்ஞ்ஞான அந்யதாஞ்ஞான விபரீத ஜ்ஞான ரூபமான தோஷங்களை எல்லாம் –
வாசனையோடு துடைத்து –
கிம் தேன நக்ர்தம் பாபம் சோரேண ஆத்மபஹரினா -என்னும்படியான
ஆத்மா அபஹராதி தோஷங்களை கட்டடடங்க போக்கி என்றபடி –

கருத்து -என்று
மனோ வ்ருத்தி வாசியான சப்தத்தாலே பிரகரண அனுகுண்யத்துக்காக மனசை சொல்லுகிறது –
சிந்தை என்னுமா போலே –

கருத்தில் புகுந்து உள்ளில் கள்ளம் கழற்றி –
மனத்தின் கண் உண்டாகும் -எண்ணத்தைக் கூறும் கருத்து என்னும் சொல்-எண்ணம் உண்டாகும்
இடமாகிய மனத்தைக் குறிக்கிறது
இனி ஆத்மபாவச்த்த -ஸ்ரீ கீதை -10 11- -என்னும் இடத்தில் போலே –
மநோ வ்ருத்திக்கு-விஷயமாதலை கூறுவதாக கொள்ளலாகாதோ எனின் –
புகுந்து என்னும் சொல்லமைப் புக்கு-அது ஒவ்வாதாதலினும் -புகுந்த உள்ளத்திலே கள்ளம் களற்றுவதாக மேலே கூறுவதற்கு
ஏற்ப உடைத்தாய் இருத்தலாலும் -மனத்திற்கு கருத்து என்பதை ஆகுபெயராகக்-கொள்ளுதலே நேரியது -என்க .

நான் அவர் எழுந்து அருளி உள்ள இடத்திற்கு சென்று பிரார்த்தித்தேன் அல்லேன் –
அவர் தாமாகவே வந்து -என் மனத்தில் புகுந்தார் –
புகுந்தால் இசையேன் என்கைக்கு இடம் இல்லாதபடி அறிவுக்கு வாய்த் தலையான-நெஞ்சிலே வந்து புகுந்தார் –
என் நெஞ்சைத் திருத்துவதற்கு நெடும் தொலைவில் இருந்தால் இயலாமல் போகும் என்று-நெஞ்சத்திலே வந்து புகுந்தார்-
திருத்துவதற்கு அங்கேயே இருத்தல் தேவைப் படுதலின் குடியிருப்போர் அங்குள்ள-குப்பை கூழங்கள் ஆகிய குற்றங்களை
அகற்றி விடுவது போலே -உள்ளத்தில் உள்ள-கள்ளம் கழலுமாறு செய்து அருளினார்

கள்ளமாவது -ஆத்மபஹாரம் –
யோன்யதாசந்த மாத்மானம் அந்யதா ப்ரதிபத்யதே கிம் தேன நக்ருதம் பாபம் சோரேனாத் மாபஹாரினா –
எவன் வேறு விதமாய் இருக்கும் ஆத்மாவை வேறொரு விதமாக பார்க்கிறானோ –ஆத்மபஹாரம் பண்ணுமவனான
அந்தத் திருடனாலே எந்தப் பாபம் செய்யப் படவில்லை -என்று ஆத்மபஹாரம் களவாக கூறப்பட்டு இருத்தல் காண்க –
ஸ்ரீ எம்பெருமானுக்கே உரியதாய் -பர தத்ரமான ஆத்மாவை தனக்கு உரியதாய் -அதாவது-ஸ்வ தந்த்ரிமாக கொள்ளுதல்
ஆத்மபஹாரம் எனப்படும் -அதுவே களவு -பிறர் பொருளைத்-தன்னதாகக் கருதுவது களவாகும் அன்றோ –
அந்தத் திருட்டுப் புத்தியாகிய ஸ்வா தந்திரப் புத்தியை போக்கடித்து அருளினார் ஸ்ரீ எம்பெருமானார் -என்றபடி –

கருதரிய வருத்தத்தினால் –
வேறு சிலருக்கு நெஞ்சால் நினைக்கவும் கூட அரிதாய் இருந்துள்ள-வருத்தத்தினாலே –
வருத்தம் -பிரயாசம் –

கருதரிய வருத்தத்தினால் –
ஆக்கிய பின்-களவிலே தகனேறின என்னை விட்டு -அடியோடு -களவு தொலையும்படி -செய்தது முதல்–
திருமகள் கேள்வனுக்கு ஆளாக்குதல் ஈறாக -எனக்கு தெரியாமல் மறைத்து தாமே செய்து-முடிப்பது என்பது –
எவ்வளவு செயற்கு அரிய செயல் –
வேறு எவர்க்கும் இது நெஞ்சாலும்-நினைத்துப் பார்க்க முடியாத செயல் அன்றோ –
அத்தகைய செயலைச் செய்வதற்கு எவ்வளவு-பிரயாசப் பட்டு இருக்க வேண்டும் -என்கிறார் .

மிக வஞ்சித்து –
நான் அறியில் செய்த க்ர்ஷி தன்னையும் அழித்து கொள்வன் என்று -இரா மடம் ஊட்டுவாரைப் போலே –
எனக்கு ஒன்றும் தெரியாத படி மறைத்து –

மிக வஞ்சித்து –
எனக்கு தெரிந்து விடில் -என் காரியத்தை நானே கெடுத்துக் கொள்வேன் என்று –
என் காரியம் முடியும் வரையிலும் தொடர்ந்து எனக்கே மறைத்து வந்தமையின் –மிக வஞ்சித்து -என்கிறார் –
இந்த வஞ்சனை தாய் குழந்தையை வஞ்சிப்பது -போன்று-இவருக்கு நல்ல பயனை அளித்தலின் –
குற்றம் அன்று -குணமேயாம் -என்க .

நீ இந்த மண்ணகத்தே திருத்தி –
தேவரீர் தாம் அறிந்ததாக யத்நித்து -இவ்வளவும் நித்ய சம்சாரியாய் விஷயாந்தரங்களில் மண்டி விமுகனாய் கொண்டு –
இருள் தரும்மா ஞாலத்திலே -ஸ்வைரமாக அபத பிரவ்ர்த்தனாய் போந்தேன் ஆகையாலே கரும் தறையான என்னை –
செயல் நன்றாகத் திருத்தி –
தேஷாம் சத்த யுத்க்தாதாம் பஜதாம் ப்ரீதி பூர்வகம் ததாமி புத்தி யோகம் தம் ஏனமா முபயாந்திதே -என்கிறபடியே
ஒரு அதிகாரத்தைப் பார்த்து திருத்துகை அன்றிக்கே-நிர்ஹேதுகமாக திருத்தினாய் என்றபடி –

திருத்துகை யாவது-
இவ் வாத்ம வஸ்து சேஷியான ஸ்ரீயபதிக்கு சேஷம் என்னும் இவ் வர்த்தம் நெஞ்சில் படும் படி உபதேசிக்கை –

நீ திருத்தி –
நான் திருந்துகைக்கு என் முயற்சியின் கலப்பு சிறிதும் இன்றி -தானே முயன்று-
தரிசு கிடந்த நிலத்தை பயிரிடத் தக்க நன் செய்யாக வழி தெரிந்தவர்கள் ஆக்குவதைப் போலே-
என்னை பயனுறத்தக்க வகையில் திருத்தி .-

திரு மகள் கேள்வனுக்கு ஆக்கிய பின் –
நலமந்த மில்லதோர் நாடு புகுந்த பின்பு வரக் கடவதான இந்த சேஷத்வ ஜ்ஞானத்தை-
இந்த மண்ணகத்தே எனக்கு உபகரித்து -தத் பலமாகக் கொண்டு –
பூ மகளார் தனிக் கேள்வன் -என்கிறபடியே
ஸ்ரீ தேவி யாகிற பெரிய பிராட்டியாருக்கு வல்லபனான ஸ்ரீ சர்வேஸ்வரனுக்கு அந்தப்புர விநியோகத்துக்கு ஆளாம்படி பண்ணின பின்பு –
எனக்கு ஜ்ஞானத்தை பிறப்பித்தவனுக்கு என் உயிரை அறவிலை செய்து எழுதிக் கொடுத்த பின்பு –
மருவித் தொழும் மனமே தந்தாய் -என்கிறபடி
ஞானத்தை எனக்கு உபகரித்து அருளி –
என்னை பகவத் அனந்யர்ஹா சேஷ பூதனனாம் படி கடாஷித்து அருளின பின்பு -என்றபடி –

இந்த மண்ணகத்தே திரு மகள் கேள்வனுக்கு ஆக்கிய பின்–
இந்த உலகத்தில் -தேவரீருக்கு உத்தேச்யனான ஸ்ரீ திரு மகள் கேள்வனுக்கு என்னை-ஆளாக்கிய பிறகு –
திரு மகள் கேள்வன் -என்றமையின்
பட்டத்து அரசியான-ஸ்ரீ பிராட்டியாரின் அந்தப் புரத்திலும் உபயோகப் படத் தக்க முறையில்
அந்தரங்க கைங்கர்யம் செய்யும்படி ஆளாக்கினமை தோற்றுகிறது .

ஸ்ரீ அச்சுதன் தீர்ந்த அடியவர்களை திருத்தி தனக்கு பணி கொள்ள வல்லவனானான் –
ஸ்ரீ குருகூர் நம்பி தகுதி அற்றோரையும் நன்றாகத் திருத்தி தாம் பணி கொள்ள வல்லவரானார் –
ஸ்ரீ எம்பெருமானார் அங்கனம் திருத்தி -தாம் பணி கொள்ளாது -ஸ்ரீ திரு மகள் கேள்வனுக்கு ஆளாக்குகின்றார் .

தன் வாசி தெரியாது எதிரம்பு கோப்பாருள்ள இம்மண்ணகத்தே –
தான் மாதரம் அன்றி-ஸ்ரீ திருமகளும் தானுமாய் -ஸ்ரீ திருமகள் கேள்வன் எழுந்து அருளி இருக்கிற போது –
அவனிடத்தில்-பரிவுடையராய் -ஆளுமாளார் -திரு வாய் மொழி – 8-3 3- -என்றபடி –
அவனைக் காப்பார்-யாரும் இலரே என்று அவனைப் பரிந்து நோக்கி -காப்பதற்காக –
அவனுக்கு ஆளாக்குகின்றார் ஸ்ரீ எம்பெருமானார் என்னலுமாம் –

இங்கு -அல்லாதவர்களைப் போலே கேட்கிறவர்களுடையவும் –சொல்லுகிறவர்கள் உடையவும் தனிமையைத் தவிர்க்கை
யன்றிக்கே –ஆளுமாளார் -என்கிறவனுடைய-தனிமையை தவிர்க்கைக்காக யாயிற்று
ஸ்ரீ பாஷ்ய காரரும் இவரும் உபதேசிப்பது -ஸ்ரீ வசன பூஷணம் – 255- –என்னும்
ஸ்ரீ பிள்ளை உலகாசிரியர் ஸ்ரீ ஸூக்தி அனுசந்திக்கத் தக்கது

இனி –இந்த மண்ணகத்தே -என்பது –
ஸ்ரீ திரு மகள் கேள்வனுக்கு -என்பதோடு இயையாமல்-திருத்தி -என்பதோடு இயைதலுமாம்
அப்பொழுது இவ் இருள் தரும் மா ஞாலத்திலே-திருத்துதலில் உள்ள அருமை தோற்றுகிறது

என் நெஞ்சில் பொருத்தப் படாது –
இப்படி தேவரீர் படாதன பட்டு திருத்த திருந்தின என் மனசிலே இசையாது –

எம் இராமானுசா –
அஸ்மத் குரோ -என்கிறபடி –
எனக்கு அஞ்ஞா தாஜ்ஞாபனம் பண்ணி உபகரித்து அருளின எம்பெருமானாரே –

மற்றோர் பொய்ப் பொருள் –
தேவரீர் அறிவித்த யதார்த்த ஜ்ஞானம் ஒழிய அதற்க்கு புறம்பாய் இருப்பதொரு அயதார்த்தமான அர்த்தத்தையும் –

பொருத்த படாது –
வலியப் பொருத்தினாலும் பொருந்தாது –
பொருந்துதல் -இசைத்தல் –

இந்த மண்ணகத்தே திருத்தி –என்று –
இருள் தரும் மா ஞாலத்தில் திருத்துகையில் உண்டான அருமையை சொல்லிற்றாகவுமாம் –
தீபம் வியாபித்த இடத்தில் திமிர வ்யாப்திக்கு வழி இல்லாதது போலே
ஞானம் புக்க-இடத்தில் அஞ்ஞானம் புகுர வழி இல்லை என்றது ஆய்த்து –
ஜ்ஞானக் நிஸ சர்வ கர்மாணி பச்ம சாத் குரு தேர்ஜுன -என்னக் கடவது இறே-

என் நெஞ்சில் –பொய்ப் பொருள்-
என் நெஞ்சில் -திருத்தப் பட என் நெஞ்சில்-பொய்ப் பொருள் பொருத்தப் படாது-
மெய்ப் பொருள் புக்க இடத்தே பொய்ப் பொருள் வலியப் புகுத்திடினும் பொருந்தி நிற்க-மாட்டாது அன்றோ

மெய்ப் பொருள் –
ஜீவாத்மா ஸ்ரீ திரு மகளுக்கும் அவள் கேள்வனுக்குமே உரியதாய் இருத்தல் –
பொய்ப் பொருளான
ஜீவாத்மா பர ப்ரஹ்ம ஐக்யமடைதல் -அது தனக்கு உரிய ஸ்வ தந்திரப் பொருளாய் இருத்தல் –
பிரரான தேவர்களுக்கு உரியதாய் இருத்தல் -போல்வன-

மற்று ஓர் பொய்ப் பொருள்-
எம் குருவான ஸ்ரீ ராமானுசன் உபதேசித்த சேஷத்வமே மெய்ப் பொருள் –
அவர் உபதேசிக்காத ஒவ் ஒரு பொருளும் பொய்ப் பொருள் -என்றபடி –
இனி மற்றோர் உடைய பொய்ப் பொருள் என்று உரைத்தலுமாம்-

——————-

மெய்க்கொண்டு வந்து புகுந்து வேதப்பிரானார் கிடந்தார்-பெரியாழ்வார் திருமொழி -5-2-1-

எயிற்றிடை மண் கொண்ட எந்தை இராப்பகல் ஓதுவித்து என்னைப்
பயிற்றிப் பணி செய்யக் கொண்டான் பண்டு அன்று பண்ணினோம் காப்பே -5-2-3–

உனக்குப் பணி செய்து இருக்கும் தவம் உடையேன் இனிப் போய் ஒருவன்
தனக்குப் பணிந்து கடைத்தலை நிற்கை நின் சாயை அழிவு கண்டாய்–5-3-3-

உன் வாசகமே உருப் பொலிந்த நாவினேனை உனக்கு உரித்து ஆக்கினையே -5-4-7-

தனிக்கடலே தனிச்சுடரே தனியுலகே என்று என்று உனக்கு இடமாய் இருக்க என்னை யுனக்கு யுரித்து ஆக்கினையே -5-4-9-

வடதடமும் வைகுந்தமும் மதில் துவராவதியும் இடவகைகள் இகழ்ந்திட்டு என்பால் இடவகை கொண்டனையே -5-4-10-

என் ஆவியுள் புகுந்தது என் கொலோ எம்மீசனே –திருச்சந்த -4-

அத்தனாகி யன்னையாகி ஆளும் எம்பிரானுமாய் ஒத்து ஒவ்வாத பல் பிறப்பு ஒழித்து நம்மை ஆள் கொள்வான்
முத்தனார் முகுந்தனார் புகுந்து நம்முள் மேவினார் எத்தினால் இடர்க் கடல் கிடத்தி ஏழை நெஞ்சமே -115-

எந்தையை எந்தை தந்தை தம்மானை எம்பிரானை எத்தால் மறக்கேனே –பெரிய திருமொழி-7-3-3-

தன் முடிவு ஓன்று இல்லாத தண் துழாய் மாலையனை என் முடிவு காணாதே என்னுள் கலந்தானை
சொல் முடிவு காணேன் நான் சொல்லுவது என் சொல்லீர் –திருவாய் மொழி-2-5-8-

ஊழி ஊழி தொறும் எதிர் சூழல் புக்கு எனைத்தோர் பிறப்பும் எனக்கே அருள்கள் செய்ய
விதி சூழ்ந்ததால் எனக்கேல் அம்மான் திரிவிக்ரமனையே -2-7-6-

பரவிப் பணிந்து பல்லூழி யூழி நின் பாத பங்கயமே மருவித் தொழும் மனமே தந்தாய் வல்லை காண் என் வாமனனே -2-7-7-

என்னைத் தீ மனம் கெடுத்தாய் உனக்கு என் செய்கேன் என் சிரீதரனே -2-7-8-

எம் கார் முகில் வண்ணா பொருள் அல்லாத என்னைப் பொருளாக்கி அடிமை கொண்டாய் -5-7-3-

முன்னை வல்வினைகள் முழுதுடன் மாள என்னை ஆள்கின்ற எம்பெருமான் தென்திசைக்கு அணி கொள்
திருச் செங்குன்றூரில் திருச் சிற்றாங்கரை மீ பால் நின்ற எம்பெருமான் -8-4-3-

————————————————

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் திருவடிகளே சரணம் .
ஸ்ரீ பிள்ளை லோகம் ஜீயர் திருவடிகளே சரணம்
ஸ்ரீ திருவரங்கத் தமுதனார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்-

This entry was posted on May 26, 2020 at 1:40 pm and is filed under இராமானுச நூற்றந்தாதி, ராமானுஜ நூற்றந்தாதி, ஸ்ரீ மணவாள மா முனிகள், ஸ்ரீ ராமானுஜர், Manna vaallla Maa munikall, Raamaanujar. You can follow any responses to this entry through the RSS 2.0 feed. You can leave a response, or trackback from your own site.