Thiruvonum's Weblog

ஸ்ரீ பெரிய ஜீயர் அருளிய உரை ––அவதாரிகை –

தாம் அபேஷித்த படியே திருவடிகளை கொடுத்து அருளப் பெற்று க்ருத்தார்த்தராய் –
அவர் செய்த உபகாரங்களை அனுசந்தித்து -இவை எல்லாம் செய்த பின்பு-
இனிச் செய்வதாக நினைத்து அருளுவது ஏதோ ?–என்கிறார்-

ஸ்ரீ பிள்ளை லோகம் ஜீயர் அருளிய உரை–அவதாரிகை–

கீழ் பாட்டிலே ஸ்ரீ எம்பெருமானாரை குறித்து –
தேவரீருடைய திருவடிகளை சர்வதா அனுபவித்துக் கொண்டு இருக்கும் படி எனக்கு தந்து அருள வேணும் -என்ன –
அவரும் உகந்து அருளி-தாம் அபேஷித்த படியே விலஷணமான கிருபையை பண்ணி -திருவடிகளைக் கொடுக்க –
அவரும் க்ர்த்தார்த்தராய் –
வேத பிரதாரகரான குதர்ஷ்டிகளை பிரமாண தமமான அந்த வேதார்த்தங்களைக் கொண்டே நிரசித்தும் –
பூமிப் பரப்பு எல்லாம் தம்முடைய கீர்த்தியை எங்கும் ஒக்க வியாபித்தும் –
என்னுடைய ப்ராப்தி பிரதிபந்தக கர்மங்களை வாசனையோடு ஒட்டியும் –
இப்படி பரமோதாரரான ஸ்ரீ எம்பெருமானார் எனக்கு இன்னமும் எத்தை உபகரித்து அருள வேணும் என்று
நினைத்து இருக்கிறார் -என்கிறார் –

ஸ்ரீ அமுது விருந்து-ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் ஸ்வாமிகள்-அருளிய உரை–அவதாரிகை-

கோரிய படி திருவருளை ஈந்து அருள -அவைகளைப் பெற்று க்ருதார்த்தராய் –
அவர் செய்த உபகாரங்களை அனுசந்தித்து -இவை எல்லாம் செய்த பின்பு இனிச் செய்யப் போவது ஏதோ -என்கிறார் .

ஈந்தனன் ஈயாத இன்னருள் எண்ணில் மறைக் குறும்பைப்
பாய்ந்தனன் அம்மறைப் பல் பொருளால் இப்படியனைத்தும்
ஏய்ந்தனன் கீர்த்தியினால் என் வினைகளை வேர் பறியக்
காய்ந்தனன் வண்மை இராமானுசற்கு என் கருத்து இனியே – 77 –

பத உரை .

ஈயாத -இதற்க்கு முன் எவர்க்கும் கொடுத்திடாத
இனி அருள் -இனிய திருவருளை
ஈந்தனன் -எனக்கு கொடுத்து அருளினார்
எண் இல் -எண்ணிக்கை இல்லாத
மறை குறும்பை -வேதத்தை தம் இஷ்டப் படி பொருள் கூறும் குறும்புத் தனம் வாய்ந்த மதங்களை
அம்மறைப் பல் பொருளால் -அந்த வேதம் கூறும் பல நேரிய பொருள்களைக் கொண்டு
பாய்ந்தனன் -உதைத்து தள்ளி விட்டார்
இப்படி அனைத்தும் -இந்த பூமி முழுவதும்
கீர்த்தியினால் –இசையினால்
ஏய்ந்தனன் -பொருந்தினார் -பரவி நின்றார்
என் வினைகளை -என்னுடைய கர்மங்களை
வேர் பறிய-வேர் போன்ற வாசனை போம் படி யாக
காய்ந்தனன் -போக்கடித்தார்
வண்மை இராமானுசர்க்கு -வள்ளன்மை வாய்ந்த ஸ்ரீ எம்பெருமானார்க்கு
இனி -இதற்கு மேல்
கருத்து என் -திரு உள்ளத்தில் நினைப்பு எது ?
இன்னும் செய்யத் தக்கது உண்டோ ? என்பது கருத்து .

வியாக்யானம் –

1-இதுக்கு முன்பு ஒருவர்க்கும் உபகரியாத விலஷணமான அருளை எனக்கு உபகரித்தார் –
2-.எண்ணிறைந்த மறைக் குறும்புண்டு-வேதத்தை மூலையடியே நடத்துகிற குத்ருஷ்டி மதங்கள்–அவற்றை அந்த
வேத ப்ரதிபாத்யமான அநேக அர்த்தங்களைக் கொண்டு தள்ளி விட்டார் –
3-.-இந்த பூமி எல்லாம் கீர்த்தியாலே வ்யாப்தர் ஆனார் .-
4-என்னுடைய கர்மங்களை வாசனையோடு போம் படி ஓட்டினார் –
பரம ஔதாரரான எம்பெருமானார்க்கு இனித் தம் திரு உள்ளத்தில் ஓடுகிறது எது ?-
இன்னும் செய்யத் தக்கது உண்டோ ?-என்று கருத்து .

ஏய்ந்த வண் கீர்த்தியினால் -என்று பாடமான போது –
பூமி எங்கும் பொருந்தப் பட்டுள்ள தம்முடைய விலஷணையான குணவத்தா ப்ரதையாலே-என் கர்மங்களைப் போக்கினார் -என்கை-
அதாவது -இவரோடு அந்வயம் உடையவன் அன்றோ இவன் என்று கர்மம் தானே விட்டுப் போகை –

பாய்தல்-உதைத்தல் -அதாவது -தள்ளுதல்

எய்தல்-பொருந்துதல் –

காய்தல்-கடிதல் .–

அவன் அருள் -ஸ்வாமி இன்னருள் – எண்ணில் மறை -எண்ணில் குறும்பு –

ஈந்தனன் ஈயாத இன்னருள் –
ஈயாத –
மந்த்ரம் யத்நேன கோபயேத் -என்றால் போல்
அஹங்கார யுக்தாஸ் சைமே -என்று சொல்லப்படுகிற ஹர விரிஞ்சாதிகளுக்கும் கூட கொடுக்க ஒண்ணாத படி
பேணிக் கொண்டு போந்த –
இன்னருள் –
விலஷணையான தம்முடைய கிருபையை -நிர்ஹேதுக பரம-கிருபையை -என்றபடி –

ஈந்தனன் –
கொடுத்தார் –
கீழ்ப் பாட்டில் இவர் -தேவரீர் திருவடிகளைக் கொடுத்து அருள வேணும் என்று பிரார்த்தித்த படியே –
அவர் கொடுக்கையாலே அதுக்கு மூலம் –
அவருடைய கிருபா குணம் என்று அனுசந்தித்து –இன்னருள் -என்று -அத்தை கொண்டாடுகிறார் காணும் –
ஈந்தனன் -ஈன்றனன் –
இன்னருள்
ஸ்ரீ சர்வேஸ்வரனுடைய அருளையும் -இவருடைய அருளையும் சேரப் பிடித்து – பார்க்கும் அளவில்
இவருடைய அருளுக்கு உண்டான தன்னேற்றம் வடிவிலே தொடை கொள்ளலாம் படி காணும் இதனுடைய போக்யதை இருப்பது –
ஆஸ்ரயத்துக்கு தகுதியாய் இறே அதினுடைய குணங்கள் இருப்பது –

ஈந்தனன் ஈயாத இன்னருள் –
இது காறும் வேறு யாருக்கும் கிடைக்காத இன்னருள் -தமக்கு கிடத்தமையின் ஈயாத இன்னருள் ஈந்தனன்-என்கிறார்
எனக்கே அருள்கள் செய்ய விதி சூழ்ந்ததால் -ஸ்ரீ திருவாய் மொழி -2 7-5 – – என்று ஸ்ரீ நம் ஆழ்வார் கூறியது போலே இவரும் கூறுகிறார்
இவர் இங்கனம் கூறுவது எம்பெருமானார் தம் இணை மலர்த்தாள் தமக்கு தந்தமையை –
பரி பூரணமாக அருளுவது திருவடிகளை கொடுத்தே போலும் –
செழும் பறவை தானேறி திரிவான தாளிணை என் தலை மேலே –ஸ்ரீ திருவாய் மொழி- 10-6 5-
திருப் பொலிந்த சேவடி என் சென்னியின் மேல் பொறித்தாய் -ஸ்ரீபெரியாழ்வார் திருமொழி – 5-4 7- -என்பன காண்க

இனி தனக்கு கிடைத்த இன்னருளை பிறருக்கு தான் கொடுக்க ஒண்ணாதபடி -முழுதும் தானே துய்க்கலாம் படியான
சீர்மை வாய்ந்து இருப்பதாகக் கண்டு –ஈயாத இன்னருள் -என்கிறார் ஆகவுமாம்-
தாரேன் பிறர்க்கு உன்னருள் என்னுடை வைத்தாய்-ஆரேனதுவே பருகிக் களிக்கின்றேன் -ஸ்ரீ பெரிய திருமொழி – 7-1 3-என்னும்
ஸ்ரீ திரு மங்கை மன்னன் திவ்ய ஸ்ரீ ஸூக்தி இங்கு அனுசந்திகத் தக்கது .

எண்ணில் மறைக் குறும்பை பாய்ந்தனன் அம்மறைப் பல் பொருளால் –
எண்ணிறைந்த மறைக் குறும்புண்டு –
வேதத்தை மூலையடியே நடத்தக் கடவ குதர்ஸ்ர்டி மதங்கள் –தொகையில் இட்டு சொல்ல ஒண்ணாதபடி
அசந்க்யேயராய் -வேதப் பிரதாரகராய் ப்ரமித பிரமாண ப்ரமேய பிரமாத்ர் ஸ்வ ரூபராய் இருந்துள்ள
குதர்ஷ்டி மத நிஷ்டராய் என்றபடி –
அநந்தா வை வேதா – என்கையாலே எண்ணிறந்த மறை என்று யோஜிக்கவுமாம் –

அம் மறைப் பொருளால் –
ஸ்ருதிகளுக்கு -சுத்த அபேத பிரதிபாதனமே பொருள் என்று குறும்பு சொல்லுகிற அந்த குத்ர்ஷ்டி மதநிஷ்டரை அடங்கலும் –
அகிஞ்ச்சித்ஜ்ஞனாய் கர்ம வச்யனான சேதனனுக்கும் –
சர்வஜ்ஞ்ஞனாய் அகர்ம வச்யனான – ஸ்ரீ ஈஸ்வரனுக்கும் –
ஸ்வரூப ஐக்ய பிரதிபாதாகநத்தாலே அவற்றுக்கு தாத்பர்யம் சொல்ல ஒண்ணாமையாலே –
விசிஷ்ட ஐக்யமே அவற்றினுடைய தாத்பர்ய விஷயீ பூதார்த்தம் என்று ஸ்வரூப ஐக்ய பிரதிபாதகனத்துக்கு –
அத்யந்த பிரதி கூலங்களாயும் -விசிஷ்ட ஐக்ய பிரதிபாதாக நத்துக்கு அத்யந்த அனுகூலங்களாயும் -இருந்துள்ள –
போக்தா போக்யம் ப்ரேரிதாரஞ்ச மத்வா – என்றும் –
த்வா ஸூபர்ணா ஸ யுஜா ஸ காயா சமானம் வர்ஷம் ப்ரிஷஸ் வஜாதே -தயோ ரக்ய பிப்பலம்
சாத்வத்தி அனஸ் நன் நன்யோ அபிசாக சீதி -என்றும் –
இமான் லோகன் காமான் நீ காம ரூப்ய நு சஞ்சான்-ஏதத் சாம காயான் நாஸ்தே -என்றும் –
யஸ் யாத்மா சரீரம் யஸ்ய பர்த்வீ சரீரம் -என்றும் -இத்யாதி
பேத சுருதிகளையும் கடக சுருதிகளையும் உபன்யசித்தும் பஹூ முகமாக ப்ரசங்கித்தும்
அந்த ஸ்ருதிகளுடைய தாத்பர்யன்களைக்-கொண்டு தானே பாய்ந்தனன் –
அந்த ஸ்தலத்தில் நின்றும் பலாயனம் பண்ணுவித்தார் –
பாய்தல் -உதைத்தல் –

ததன்ய மத துர்ம் தஜ்வலித சேத சாம்வாதி நாம் சிரஸ் ஸூ நிஹிதம் மயாபத மதஷிணம் லஷ்யதாம் -என்கிறபடியே
அச் செயல்கள் எல்லாம் அவருடைய சம்பந்திகளுக்கு கூட உண்டாக கடவன ஆகையாலே அவருக்கு உண்டாக சொல்ல வேண்டா இறே –
இப்படி அனைத்தும்

எண்ணில் அம்மறைப் பல் பொருளால் –
கட்டுக் கடங்காது தமக்குத் தோன்றின படி -எல்லாம் திரிதல் –குறும்பு -எனப்படும்
மறைக்குறும்பாவது-
வேதத்தின் பொருளைச் சொற்களின் பகுதி விகுதிகளை பிரித்துக் காட்டும்-வியாகரணதிற்கும் –
சம்பந்தத்தை உணர்த்தும் பல சொற்களின் தொகுப்பாகிய வாக்கியத்திற்கும் –
முன் பின் இடங்களுக்கு ஏற்ப அமையும் பிரகரணதிற்கும் –
சொல் அமைந்து இருக்கும்-இடத்திற்கும் பெயருக்கும் ஏற்ப கட்டுப்பட்டு பொருள் கொள்ளாது –
தங்கள் நெஞ்சில் தோன்றினதையே-மறையின் பொருளாக ஆக்குவது மறைக் குறும்பாகும்
இதனால் வேதத்திற்கு அவப் பொருள்களை-தம் தமக்கு தோன்றினவாறே கூறும் குத்ருஷ்டி மதங்கள் கருதப் படுகின்றன –
அவை பலவாதலின் -எண்ணில் குறும்பு -என்கிறார் .

எண்ணில்லாமை மறைக்கு அடையாகவுமாம்-
இங்கு மறை என்னும் சொல்லை வழங்கியது குறிப்பிடத் தக்கது –
இறைவன் பால் பக்தி உணர்வு இல்லாதாருக்கு தம் பொருளைக் காட்டாது மறைப்பது பற்றி-வேதத்திற்கு இப்பெயர் வந்தது-
பக்தி உணர்வு அற்ற மற்றவர்கள் மெய்ப்பொருள் காணாது-தம் தமக்கு தோற்றும் அவப்போருள்கள் கூறி இடர்ப்படுவதற்கு
இதுவே காரணம் என்று உணர்க –
எந்த மறைக்குக் குத்ருஷ்டிகள் அவப்பொருள்கள் கூறினரோ-அந்த மறைக்கே மெய்ப்பொருள்கள்-கூறி
அவற்றின் பலத்தினாலே அந்தக் குத்ருஷ்டிகளை உதைத்து தள்ளி விட்டார் ஸ்ரீ எம்பெருமானார் .

எண்ணிறந்த குறும்புகள் பல் பொருளால் தள்ளப்பட்டன –
வேதத்தில் கூறப்படும் பல பல மெய்ப் பொருள்களால் பல குத்ருஷ்டி மதங்களைத்-தள்ளி
வேதத்தின் உட் பொருள் நெஞ்சுள் நிற்கும் படி தமக்கு எம்பெருமானார் உபகரித்த படியை
அமுதனார் இங்கே அனுசந்திக்கிறார் என்று அறிக .

பாய்தல் -உதைத்தல் / இப்படி அனைத்தும் ஏய்ந்தனன் கீர்த்தியினால் –
இப்பார் முழுதும் போர்த்தனன் புகழ் கொண்டு -என்றார் கீழும் /ஏய்தல்-பொருந்துதல்

ஏய்ந்தனன் கீர்த்தியினால் –
இந்த பூமிப் பரப்பு எல்லாம் கட்டடங்க தம்முடைய குணவத்தா பிரதையாலே ஆக்கிரமித்தார் –
ஏய்தல்-பொருந்துதல் –
தம்முடைய நியமனத்தை சிரசா வகிக்கும்படி வ்யாபித்தார் என்றபடி –

படி அனைத்தும் ஏய்தல் -பூமி எங்கும் வியாபித்தல்
கீர்த்தி -ஈதலினால் வந்த புகழ் வண்மை ஸ்ரீ இராமானுசன் -என்று ஸ்வாமியைக் குறிப்படுவதும் காண்க
தமக்கு புரிந்த உபகாரன்களைப் பேசும் போது இப்படி யனைத்தும் கீர்த்தியினால் ஈய்ந்தமை கூறுவது எங்கனம் பொருந்தும் ?
இஃது இவருக்கு செய்த உபகாரமோ -எண்ணில்
எங்கோ கிடந்தது உழலும் என்னைத் தன் மகிமையை உணரச் செய்து –தன்னருளுக்கு இலக்கு ஆக்குவதற்கு என்றே
கீர்த்தியினால் யேய்ந்ததாக கருதி ஸ்ரீ அமுதனார் இங்கனம் கூறுவது பொருந்தும் -என்க.

தான் கீர்த்தி பெற்று சிறப்புற வேணும் எண்ணம் ஸ்ரீ எம்பெருமானாருக்கு இல்லை
ஸ்ரீ அமுதனார் போல்வார் அதனால் உய்வு பெற வேண்டும் என்பதே அவரது விருப்பம்என்று உணர்க –
காரண கார்ய பாவம் என்றவாறு –

என் வினைகள் வேர் பறிய காய்ந்தனன் –
அநாதி காலமே தொடங்கி ஸ்ரீ எம்பெருமானார் உடைய விஷயீ கார பாத்திர பூதனான அளவும் –
நான் தீர கழிய செய்த அக்ர்த்ய கரணாதிகளை சமூலோன் மூலனம் பண்ணி நிவர்ப்பித்தார் –
காய்தல் -கடிதல் –
வேர் கிடந்தால் திரியட்டும் அங்கு உரிக்கும் என்னும் அதி சங்கையால் அத்தோடு கூட அவற்றைப் பிடுங்கிப் போட்டார் என்றபடி –
இவற்றிலே இந்த செடி சில நாள் இருந்து போய்த்து என்று தெரியாதபடி பண்ணினார் என்று வித்தர் ஆகிறார் காணும் –

சும்மனாதே கை விட்டோடி தூறுகள் பாய்ந்தனவே -என்றும் வானோ மறிகடலோ மாருதமோ
தீயகமோ கானோ ஒருங்கிற்று கண்டிலமால் -என்றும் சொல்லுகிறபடியே பண்ணி அருளினார் என்றபடி –

இப்படி யனைத்தும் மேய்ந்த வண் கீர்தியினார் -என்ற பாடம் ஆன போது –
பூமியிலே எங்கும் ஒக்க வியாபித்து நிற்பதாய் சகல புருஷார்த்த ப்ரதத்வ ரூப ஔதார்யத்தை உடைய கீர்த்தியாலே
என்னுடைய துஷ் கர்மங்களை வாசனையோடு ஓட்டினார் என்று பொருளாக கடவது –
அதாவது இவரோடு அந்வயம் உடையான் ஒருவன் அன்றோ-
இவன் என்று துஷ் கர்மங்கள் எல்லாம் தன்னடையே விட்டுப் போகை –

வண்மை இராமானுசற்கு என் கருத்து இனியே –
இப்படிப்பட்ட பரம உதாரரான ஸ்ரீ எம்பெருமானாருக்கு இன்னும் தம் திரு உள்ளத்தில் ஓடுகிறது ஏதோ –
அடியேனுக்கு இன்னம் எந்த விசேஷார்த்தத்தை கொடுப்பதாக நினைப்பிட்டு இருக்கிறீரோ –
அவரைப் பார்த்தால் இன்னம் சில எனக்கு கொடுக்க வேணும் என்று நினைத்து கொண்டு இருக்கிறாப் போலே இருக்கிறது காணும் என்று
வித்தர் ஆகிறார் –
உன் மனத்தால் என் நினைந்து இருந்தாய் -என்னும்படி ஆய்த்து –

என் வினைகளை வேர் பறியக் காய்ந்தனன் –
கீர்த்தியினால் ஏய்ந்ததன் பயன் இதனால் கூறப்படுகிறது
வினைகள்-புண்ணிய பாப ரூபமான கர்மங்கள்
என் வினைகள் –பிறர் உடையவர்களாய் என்னிடம் வந்தேறினவைகள் அல்ல
நானே செய்து என்னிடம் வேரூன்றினவைகள்

வினைகளுக்கு வேராவன வாசனைகள் .அவை அறவே போகும்படியாக வினைகளை ஓட்டினார் –
வேர் பறி போகவே மீண்டும் வினைகள் தலை தூக்க வழி இல்லை யாயிற்று –
ஸ்ரீ அமுதனார் தாமாகப் போக்கிக் கொள்ளில் அன்றோ -வாசனை-ருசிகள்-ஒட்டிக் கொண்டு-கிடந்தது
மீண்டும் வினைகள் தலை தூக்க இயலும்
கருமமும் கரும பலனுமாகிய காரணன் தன்னைக் காயப்படுத்தி வைத்து இருப்பவர் ஆகையாலே –
வினைகளை வேர் பறியக் காயும் திறமை ஸ்ரீ எம்பெருமானாருக்கு உண்டு என்க

இனி ஏய்ந்த வண் கீர்த்தியினால் -என்று பாடமான போது-
இப்பூமி எங்கும் பொருந்திய அழகிய கீர்த்தியினால் என் வினைகளை ஓட்டினார் என்று பொருள் கொள்ளல் வேண்டும்
கீர்த்தியினால் வினைகளை ஒட்டுதலாவது –
நற்குணம் வாய்ந்தவர் என்று பேர் பெற்ற ஸ்ரீ எம்பெருமானாருடைய தொடர்பு உடமையை-நாடறியவே-
பாபத்திற்கு கடவரான நமன் தமரும் -புண்ணியத்திற்கு கடவரான தேவர்களும்-குறுகப் பெறாது விலகுமாறு –
கன்மங்கள் தாமே வலுக்குன்றி ஒழிதலாம்-

வண்மை இராமானுசற்கு என் கருத்து இனியே –
வள்ளலாகிய ஸ்ரீ எம்பெருமானார் இவ்வளவு உபகரித்ததோடு அமையாமல் மேலும் உதவுதற்கு முற்படுகிறார் –
இவ்வளவுக்கு மேலும் உதவுதற்கு என்ன தான் இருக்கிறதோ – என்றபடி
என்னை முற்றுமுயிர் உண்டு …இன்னம் போவேனோ கொலோ என் கொல் அம்மான் திருவருளே -ஸ்ரீ திருவாய் மொழி – 10-7 3- –
என்னும் ஸ்ரீ நம் ஆழ்வார் ஸ்ரீ ஸூ க்தியையும் –
நின்னருளே புரிந்திருந்தேன் இனிஎன் திருக் குறிப்பே –ஸ்ரீ பெரியாழ்வார் திரு மொழி 5-4 1-என்னும்
ஸ்ரீ பெரியாழ்வார் ஸ்ரீ ஸூ க்தியையும் இங்கு ஒப்பு நோக்குக .

பாய்தல்– உதைத்தல் -தள்ளுதல்//எய்தல் -பொருந்துதல் /காய்தல் -கடிதல்
ராஜ குல மகாத்மயம்-சம்பந்தம் ஒன்றாலே -வினைகள் போயின —

—————-

ஈந்தனன் ஈயாத இன்னருள்–

அன்னமும் மீனும் ஆமையும் அரியும் ஆய எம்மாயனே அருளாய் என்னும் இன் தொண்டர்க்கு
இன்னருள் புரியும் இடவெந்தை எந்தை பிரானை -2-7-10-

மாறு கொண்டு உடன்று எதிர்ந்த வல்லவுணன் தன் மார்பகம் இரு பிளவா கூறு கொண்டு
அவன் குலமகற்கு இன்னருள் கொடுத்தவனிடம் -3-1-4-

ஏழை ஏதலன் கீழ் மகன் என்னாது இரங்கி மற்று அவர்க்கு இன்னருள் சுரந்து -5-8-1-

தொண்டை மன்னவன் திண் திறல் ஒருவற்கு உளம் கொள் அன்பினோடு இன்னருள் சுரந்து அங்கோடு
நாழிகை ஏழுடன் இருப்ப வளம் கொள் மந்திரம் மற்று அவற்கு அருளிச் செய்தவாறு -5-8-9-

ஐவர்க்காய்ச் சென்று இரங்கி யூர்நது அவர்க்கு இன்னருள் செய்யும் எம்பிரானை
வம்பார் புனல் காவிரி அரங்கமாளி என்னாளி விண்ணாளி –7-3-4-

நந்தா நரகத்து அழுந்தா வகை நாளும் எந்தாய் தொண்டரானவர்க்கு இன்னருள் செய்வாய்
சந்தோகா தலைவனே தாமரைக் கண்ணா அந்தோ அடியேற்கு அருளாய் உன்னருளே -11-8-9-

திருவிண்ணகர்ச் சேர்ந்த பிரான் கண்ணன் இன்னருள் கண்டு கொண்மின்கள் கைத்தவமே -6-3-4-

உணர்வில் உம்பர் ஒருவனை அவனது அருளால் உறற் பொருட்டு என்
உணர்வினுள்ளே இருத்தினேன் அதுவும் அவனது இன்னருளே-8-8-3-

திருவருள் மூழ்கி வைகலும் செழு நீர் நிறக் கண்ணபிரான்
திருவருள்களும் சேர்ந்தமைக்கு அடையாளம் திருந்த உள
திருவருள் அருளால் அவன் சென்று சேர் தண் திருப் புலியூர்
திருவருள் கமுகு ஒண் பழத்தது மெல்லியல் செவ்விதழே -8-9-6-

எந்தை திருவாய் மொழிப்பிள்ளை இன்னருளால்
வந்த உபதேச மார்க்கத்தைச் சிந்தை செய்து
பின்னரும் கற்க உபதேசமாய்ப் பேசுகின்றேன்
மன்னிய சீர் வெண்பாவில் வைத்து -1-

தெள்ளாரும் ஞானத் திருக் குருகைப்பிரான்
பிள்ளான் எதிராசர் பேர் அருளால் உள்ளாரும்
அன்புடனே மாறன் மறைப் பொருளை
அன்று யுரைத்தது இன்பமிகும் ஆறாயிரம் -41-

தஞ்சீரை ஞானியர் தாம் புகழும் வேதாந்தி
நஞ்சீயர் பட்டர் நல்லருளால் எஞ்சாத ஆர்வமுடன்
மாறன் மறைபொருளை ஆய்ந்து
யுரைத்தது ஏர் ஒன்பதினாயிரம் -42-

நம்பிள்ளை தம்முடைய நல்லருளால் ஏவியிட பின்
பெரியவாச்சான் பிள்ளை அதனால்
இன்பா அருபத்தி மாறன் மறைப் பொருளை
சொன்னது இருபத்து நாலாயிரம் -43–

அன்ன புகழ் முடும்பை யண்ணல் உலகாசிரியன்
இன்னருளால் செய்த கலை யாவையிலும் உன்னில்
திகழ் வசன பூடணத்தின் சீர்மை ஒன்றுக்கு இல்லை
புகழ் அல்ல விவ்வார்த்தை மெய் இப்போது -53-

இந்த உபதேச இரத்தின மாலை தன்னை
சிந்தை தன்னில் நாளும் சிந்திப்பார்
எந்தை எதிராசர் இன்னருளுக்கு என்றும் இலக்காகி
சதிராக வாழ்ந்திடுவார் தாம் -73-

————————————————

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் திருவடிகளே சரணம் .
ஸ்ரீ பிள்ளை லோகம் ஜீயர் திருவடிகளே சரணம்
ஸ்ரீ திருவரங்கத் தமுதனார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்-

This entry was posted on May 26, 2020 at 12:03 pm and is filed under இராமானுச நூற்றந்தாதி, ராமானுஜ நூற்றந்தாதி, ஸ்ரீ மணவாள மா முனிகள், ஸ்ரீ ராமானுஜர், Manna vaallla Maa munikall, Raamaanujar. You can follow any responses to this entry through the RSS 2.0 feed. You can leave a response, or trackback from your own site.