Thiruvonum's Weblog

ஸ்ரீ பெரிய ஜீயர் அருளிய உரை ––அவதாரிகை –

உண்மை நல் ஞானம் என்று கீழில் பாட்டில் ப்ரஸ்துதமான யதாஜ்ஞானத்துக்கு விரோதிகளான பாஹ்ய குத்ருஷ்டிகளை
நிரசித்து அருளுகிற அளவில் –
ஸ்ரீ சர்வேச்வரனிலும் காட்டில் அனாயாசேன செய்து அருளின பிரகாரத்தை அனுசந்தித்து-வித்தராகிறார் -இதில்-

ஸ்ரீ பிள்ளை லோகம் ஜீயர் அருளிய உரை–அவதாரிகை–

கீழ் பாட்டிலே
ஸ்ரீ எம்பெருமானார் தம்முடைய பரம கிருபா கார்யமான ஔதார்யத்தாலே
சேதனர் எல்லாரையும் குறித்து யதாவஸ்த்தித ஞான உபதேசம் பண்ணி யருளினார் என்று அருளிச் செய்து –
இதிலே –
சத் அசத் விவேக சூன்யராய் ஸ்வ ஞாநாதி லங்கனம் பண்ணிப் போருகிற துஷ்டரை -ஸ்ரீ சர்வேஸ்வரன்
அநேக அவதாரங்களையும் -அநேக யத்னங்களையும் பண்ணி -ஸ்ரீ சக்ர ஹச்தனாய் கொண்டு -வருத்தத்தோடே
நிரசித்த வோபாதி யன்றிக்கே –
தாம் உபதேசித்த ஜ்ஞானத்துக்கு விரோதிகளாய் ஜ்ஞான லவ துர்விதக்தராய் கொண்டு
திரண்டு கிடக்கிற பாஹ்ய குத்ர்ஷ்டிகளை தாதாத்விகையான ஒரு கஷியாலே நிரசித்தார் என்று-
கஷி -யுக்தி என்றவாறு-அவர் தம்முடைய வைபவத்தை கொண்டாடுகிறார் –

ஸ்ரீ அமுது விருந்து-ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் ஸ்வாமிகள்-அருளிய உரை–அவதாரிகை-

ஸ்ரீ எம்பெருமானார் உரைத்த உண்மை நல் ஞானத்திற்குப் பகைவரான புறச் சமயத்தவரையும் –
அகச் சமயத்தவரான குத்ருஷ்டிகளையும் -களைந்து எறியும் விஷயத்தில்
ஸ்ரீ சர்வேஸ்வரனைப் பார்க்கிலும் அவ் எம்பெருமானார் எளிதினில் காட்டி யருளும் திறமையை பாராட்டி
அதனில் ஈடுபடுகிறார்-
நாலாவது பாசுரம் -இதிலும் -எம்பெருமானாரின் வண்மை பேசுகிறார்-மூன்று பாசுரங்களில் அருளியதை இங்கும் பின் னாட்டுகிறது –
அநுத்தமான கல்யாண குணங்களை உடையவராய்,நமக்கு சேஷி களாய் இருக்கிற எம்பெருமானார்
எங்கும் தீர்தகராய் திரிந்து-

தேரார் மறையின் திறமென்று மாயவன் தீயவரைக்
கூராழி கொண்டு குறைப்பது கொண்டலனைய வண்மை
ஏரார் குணத் தெம்மி ராமானுசன் அவ் எழில் மறையில்
சேராதவரைச் சிதைப்பது அப்போதொரு சிந்தை செய்தே – -74- –

பத உரை –
மறையின் -வேதத்தின் உடைய
திறம்-பிரகாரத்தை
தேரார் என்று -தெளிந்து கொள்ளாதவர்களாய் இருக்கிறார்களே என்று
மாயவன் -வியக்கத் தக்க அறிவாற்றால் வாய்ந்த ஸ்ரீ சர்வேஸ்வரன்
தீயவரை -கொடியவர்களை
குறைப்பது -துண்டிப்பது
கூராழி கொண்டு -கூர்மை வாய்ந்த ஸ்ரீ சக்ராயுதத்தினாலே
கொண்டலனைய -மேகத்தை ஒத்த
வண்மை -வள்ளல் தன்மை வாய்ந்தவரும்
ஏரார் -அழகார்ந்த
குணத்து -குணங்கள் உடையவருமான
எம் இராமானுசன் -எங்களுக்கு தலைவரான ஸ்ரீ எம்பெருமானார்
அவ் எழில் மறையில் -அப்படிப்பட்ட அழகிய வேதத்தில்
சேராதவரை -ஏற்புடமை இன்மையால் பொருந்தாதவர்களை
சிதைப்பது -சிதைந்து அழியும் படி செய்வது
அப்போது ஒரு சிந்தை செய்தே -அவ்வப்போது தோன்றும் ஒவ்வொரு யுக்தியைக் கொண்டே

வியாக்யானம்
நித்யத்வ அபௌருஷேயத்வ யுக்தமாய் -பிரத்யஷாதி பிரமாண விலஷணமாய் -சமஸ்த சேதன ஹித அஹித ஜ்ஞாபகமாய் –
தம்முடைய சாசனா ரூபமாய் -இருந்துள்ள வேதத்தின் உடைய பிரகாரத்தை நிரூபிக்கிறிலர்கள் என்று
ஆச்சர்ய ஞான சக்திகனான ஸ்ரீ சர்வேஸ்வரன் அஞ்ஞாதி லங்கன சீலரான துஷ்டரை சேதித்து அருளுவது –
கூரிய ஸ்ரீ திரு ஆழியாலே –
சர்வ விஷயமாக உபகரிக்கும்படியாலே மேகத்தோடு ஒக்க -சொல்லலாம்படியான ஔதார்யத்தை உடையவராய் –
அனுத்தமமான கல்யாண குணங்களை உடையவராய் –நமக்கு சேஷிகளாய் இருக்கிற ஸ்ரீ எம்பெருமானார் –
அந்த விலஷணமான வேதத்தில் -அப்ராமணிய புத்தியாலும் – அயதார்த்த பிரதிபத்தியாலும் -பொருந்தாத நிலை உடையவர்களை
பங்கயத்து அருளுவது -தாதாத்விகைகளான யுக்திகளாலே
ஈதொரு வீர்யம் இருக்கும் படியே -என்று கருத்து .
குறைக்கை-சேதிக்கை
சிதைக்கை-அழிக்கை-
அப்போதொரு சிந்தை செய்கையாவது -அப்போதொரு விசாரத்தைப் பண்ணுகை.

ஸ்ரீ திருவாழி எதிர் பார்ப்பான் அவன் -இவர் யுக்தி மாத்ரத்தால் –
உண்ணும் குலத்தில் பிறந்து –தசரத கோபாலர் 18 நாடான் -மாதவன் –
திர்யக் காலில் விழுந்தும் ,-ஸ்தம்பத்தில் இருந்து ஆவிர்பவித்தும்..-இப்படி எல்லாம் உயர்ந்த செயல்களை செய்தும் –
அலங்கிரித்த சிரை சேதம்-சம்சாரிகளை போல பல தடவை பிறந்து- பால்ய சேஷ்டிதங்களாலே விரோதி நிரசனம்-ஸ்ரீ கண்ணன் –
ஸ்ரீ பெருமாள் போலே வில் வித்யை இத்யாதி கற்ற பின் இல்லாமல் -அவனும் ஸ்ரீ ஆழி உதவியால் –
ஸ்ரீ ராமானுஜர் அப்போது ஒரு சிந்தை செய்தே -அவ வப்போது ஒவ்வொரு சிந்தை –
யதாயத்தா தர்ம -தலை குனிவு சொல்லிப் போந்தத்தை இவர் சிந்தை செய்தே – யுக்தி சாதுர்யத்தால் மட்டுமே –
கிருபை பிரார்த்தனை -70-மேலே நான்கிலும் வண்மை விவரித்து அருளுகிறார் –
ஞான வைபவத்தை விட கிருபை வண்மை பற்றியே பல பாசுரங்கள் –
ஸ்ரீ கூராழி கொண்டு குறைப்பது -ஸ்ரீ மாயவனை இதனால் குறைத்து என்றபடி –
மழுங்காத ஞானம் -படை ஞானம் இரண்டும் எதிர்பார்க்காமல் -சுடர் சோதி -வந்த பின்பு தானே மறையாமல் இருந்தது –

மறையின் திறம் –
வாசா விருபா நித்யயா -என்கிறபடி நித்தியமாய் –
அசேஷ சேமுஷி தோஷ தூஷித மாலின்ய விநிர் முக்த வேதாக்ய ஷரராசேரேவ-என்கிறபடியே –
ப்ரம பிரமாதாதி தோஷ துஷ்ட புருஷ ப்ரநீதம் -அன்றிக்கே –
அபௌருஷேயமாய் -அத ஏவ நித்ய நிரவத்யமாய் -தர்மஜ்ஞ சமயம் பிரமாணம் வேதச்ச – என்கிறபடி பிரமாண தமமாய் –
அத ஏவ பிரத்யஷ்யாதி சகல பரமான விலஷணமாய் –
சாஸ்திர யோநித்வாத் -என்றும் –
ஹர்த்தும் தமஸ் சத சதீ ச விவேக்து மீசோ மாநம் பிரதீபமிவகாருணி கோ ததாதி -என்றும் சொல்லுகிறபடியே
தன்னுடைய சாசன ரூபமாய் -சத் அசத் விவேசநமாய்-மாதா பித்ர் சஹஸ்ரேப்யோ வஸ்த்ரலதரம்-என்கிறபடி-
ஆப்த தமமாய் -ஸ்ருதி ஸ்மரதி மம ஆஜ்ஞ்ஞை -என்றும் —
தன்னுடைய சாசனா ரூபமாய் இருந்துள்ள
வேதத்தினுடைய பிரகாரத்தை -த்யாஜ்ய உபாதேய விவேசன ரூபமான சிஷையை
சத்யம் வத -தர்மம் சர -ஸ்வாத் யாயான் மாப்ரமத -ஆசார்யாய ப்ரியம் தனமாஹ்ரத்த்ய பிரஜாதந்தும் மாவ்யவச்செத்ஸீ -என்றும்
வேத புருஷனாலே போதிக்கப்பட்ட பிரகாரத்தை -என்றபடி –

தேரார் -என்று –
நிரூபிக்கிறிலர்-என்று –
இதமஸ்தீத மபிமே பவிஷ்யதி புனர்த்தனம் -அ ஸௌ மயாஹதஸ் சத்ரூர் ஹ நிஷ்யோ சாபரா நபி -என்ற
ராவணா திகளைப் போலே -வேதத்தை தெளிந்து வைத்தே -தத் விபரீத மார்க்க நிஷ்டராய் போனார்கள் என்று –

தேரார் குறைப்பது –
மறையின் திறத்தை எவ்வளவு எடுத்து உணர்த்தினாலும் தெளிகிலரே என்று
வைதிகர் இல்லாத தீயவரை ஸ்ரீ மாயவன் குறைக்கின்றான் .
மறையின் திறங்களாவன-
நித்தியமாய் இருத்தல் -ஆராலும் ஆக்கப்படாமை -பிரத்யஷ பிரமாணம் –
முதலிய பிரமாணங்களை விடச் சீரிய பிரமாணமாய் இருத்தல் –
ஆப்த தமமாய் எல்லா சேதனருக்கும் நல்லதும் தீயதும் உணர்த்துதல் –
ஸ்ரீ எம்பெருமானுடைய ஆஜ்ஜையாய் இருத்தல் -என்பவையாம் .
தனது ஆணையான மறையை ஏற்காதவர்கள் -த்ரோஹிகளாய் ஆதலின் –தீயவர்கள் ஆகிறார்கள்
சாஸ்திர விதியை மீறுபவர்கள் தன்னோடு மாறுபடும் அசுரர்கள் ஆதலின்
அவர்களைத் தன் ஸ்ரீ கூராழி கொண்டு குறைக்கிறான் ஸ்ரீ மாயவன் –
அசுரப் பிறப்பாளர் -ஒரு காலும் மறையின் திறம் தேராதவர்கள் ஆதலின் –அவர்களை ஸ்ரீ கூராழி யால் குறைப்பது தவிர்க்க
ஒண்ணாதது ஆயிற்று –

மாயவன் –
சகல ஜகத் காரண பூதனாய் இருந்து வைத்தே ராஷசருக்கு பஷன போக்யமான
மானிட சாதியில் தான் பிறந்தும் –
ஒரு திர்யக்குக்கு மோஷத்தை கொடுத்தும் –
ஒரு திர்யக்கின் காலில் விழுந்தும்
வானர சேனா பரிவ்ர்தனாய் கொண்டு -கடலை யடைத்தும் –
ஒருக்காலும் ஒருவரும் கண்டும் கேட்டும் அறியாத ஸ்ரீ நரசிம்ஹா ரூபேண ஆவிர்பித்தும் –
இப்படிப்பட்ட அநேக ஆச்சர்ய குண சேஷ்டிதங்களை உடைய ஸ்ரீ சர்வேஸ்வரன் –

தீயவரை –
ஆஜ்ஞ்ஞாச் சேதீம் மத்ரோஹீ -என்கிறபடியே
ஸ்வ ஆஜ்ஞாதி லங்கனம் பண்ணும் அத்யந்த ரோஹிகளான துஷ்டரை

கூராழி கொண்டு –
வடிவார் சோதி -என்றும் –
ஸ்ப்புரத் சஹஸ்ரா ராசிகாதி தீவ்ரம் ஸூதர்சனம் பாஸ்கர கோடி துல்யம் – என்றும் சொல்லுகிறபடியே –
மிகவும் கூர்மை உடைத்தான ஸ்ரீ திரு வாழியாலே –குறைப்பது –
பிராண விநாசி விஷ்னேச் சக்ரம் – என்கிறபடியே –
ஆஸ்ரித விரோதிகளை -முற்றூட்டாக நிரசிக்க கடவ ஸ்ரீ திரு வாழியை தரித்துக் கொண்டு -அத்தாலே
பகலை இரவாக்கி சைந்தனவனை கொன்றதும் –
சாமாறு அவனை நீ எண்ணி சக்கரத்தால் தலை கொண்டாய் – என்கிறபடியே சீமாலியைக் கொன்றதும் –

குறைக்கை –
சேதிக்கை
அஜாயமானோ பஹூதா விஜாயதே -என்றும் –
பரித்ராணாய சாதூனாம் விநாசாய ச துஷ்க்ர்தாம் –
தர்ம சம்ஸ்தாப நார்த்தாய சம்பவாமி யுகே யுகே -என்றும்
மாறி மாறி பல பிறப்பும் பிறந்து -என்று சொல்லுகிறபடி
இந்த சம்சாரிகளைப் போலே -தானும் பல பிறப்பும் பிறந்து –
ஸ்ரீ திரு வாழி ஆழ்வானை திருக் கையிலே பிடித்துக் கொண்டு அவன் தனக்கு நிரூபகமாம் படி இருப்பது –
வேதாந்தோக்த தர்ம சம்ஸ்தாப நார்த்தமாக -ஸ்வ ஆஜ்ஞ்ஞா அனுவர்த்தனம் பண்ணுகிற சேதனரை ரஷிக்கைகாகவும் –
தத் விரோதிகளாய் -ஸ்வ ஆஜ்ஞ்ஞா சேதிகளான துஷ்டரை சேதிக்கைகாவும் இறே
பஹிரந்த ஸ்தமச்செதி ஜ்யோதிர் வந்தே ஸூ தர்சனம் -ஏ நாவ்யா ஹத சங்கல்பம் வஸ்து லஷ்மி தரம் விது-என்ன கடவது இறே
இப்படி விரோதி நிரசனம் அர்த்தமாக ஸ்ரீ சர்வேஸ்வரனுக்கு இத்தனை எத்னம் பண்ண வேண்டி இருந்தாலும்

மாயவன் –
ஆச்சர்யமான அறிவும் ஆற்றலும் வாய்ந்தவன் .
அவன் அறிவும் ஆற்றலும் மறையின் திறம் தேராதவரை குறைப்பவனாய் இல்லை .
கூராழி கொண்டே குறைக்க வேண்டியதாயிற்று
இங்கனம் குறைக்கும் இறைவனை இறக்கிப் பேசுகிறார் .
ஸ்ரீ கூராழி கொண்டு குறைத்ததும் -இறைவனது ஆற்றலால் ஆவதன்று –
அது ஸ்ரீ ஆழியின் கூர்மையினால் ஆவது என்பது தோன்ற –கூராழி கொண்டு –என்கிறார் .
கருதும் இடம் பொருது கைந்நின்ற சக்கரத்தன் -என்றபடி –
கருத்தறிந்து பணி புரியும் பெற்றிமை வாய்ந்த ஸ்ரீ திவ்ய ஆயுதம் அன்றோ –ஸ்ரீ திருவாழி –
அது தன் கூர்மையாலே குறைத்து -தான் கருவியாய் நின்று -மாயவன் குறைத்தான் என்று -ஸ்ரீ சர்வேஸ்வரனுக்கு
பேர் வாங்கி கொடுக்கின்றது -என்க –

பஹி ரந்தஸ் தமச்சேதி ஜ்யோதிர் வந்தே சூதர்சனம்
ஏனா வ்யாஹத சங்கல்பம் வஸ்து லஷ்மீ தரம் விது-என்று
எதனால் ஸ்ரீ திருமகளைத் தாங்கும் ஸ்ரீ பரம் பொருள் தடைப்படாத சங்கற்பம் வாய்ந்ததோ
உள்ளும் புறமும் உள்ள இருளைத் தொலைப்பதும் ஸ்ரீ ஸூதர்சனம் எனப்படுவதுமான
அத்தகைய ஜ்யோதிசை வந்தனம் செய்கிறேன் -என்றபடி
ஸ்ரீ மாயவனுக்கு மகிமை எல்லாம் ஸ்ரீ ஸூதர்சனம் என்னும் ஸ்ரீ திரு ஆழியால் வந்தது அன்றோ –

ஸ்ரீ எம்பெருமானாருக்கு இப்படி எத்தனிக்க வேண்டுவது இல்லை என்கிறார் மேல் –
கொண்டலனைய வண்மை –
தம்முடைய அநதிகாரம் பாராதே கைக் கொண்டு உபகரித்த இதுக்கு வித்தராய் –
பாட்டுத் தோறும் இவருடைய-ஔதார்யத்தையெ கொண்டாடுகிறார் காணும் –
ஜல ஸ்தல விபாகம் அற வர்ஷிக்கும் வர்ஷூ கவலாஹகம் போலே
இருந்த இடம் தேடி வந்து உபகரிக்கும்படியான ஔதார்யத்தை உடையராய் –

ஏரார் குணத்து –
அதி போக்யங்களான வாத்சல்ய சொவ்சீல்யாதி குணங்களை உடையராய் –

எம் இராமானுசன் –
அடியோங்களுக்கு இவ் அதிசயங்கள் எல்லாம் தெரியும்படி உபதேசித்து அத்தாலே வகுத்த சேஷியாய்
இருக்கிற ஸ்ரீ எம்பெருமானார் –

கொண்டலனைய –சிந்தை செய்தே-
ஸ்ரீ மாயவன் தீயவரை குறைக்க ஸ்ரீ கூராழியின் உதவியை நாட வேண்டிய நிலை கூறப்பட்டது கீழே –
மற்று ஒன்றின் உதவியை நாடாது தாம் சிந்தை செய்தே ஸ்ரீ எம்பெருமானார் எளிதில்-
அச் செயலை முடிந்தமை கூறப்படுகிறது மேலே .

உயிர் அளிப்பான் திரிந்து அனைவருக்கும் இயல்பாய் உபகரித்தலின் ஸ்ரீ எம்பெருமானார்
வண்மை கொண்டலனைய தாயிற்று
அவ் வண்மை யினால் தாம் உய்ந்தமை தோற்ற மீண்டும்-மீண்டும் கொண்டாடி -அக்குணத்தில் ஈடுபட்டு
தனித்து எடுத்து அதனைப் பேசுகிறார் ஸ்ரீ அமுதனார் ..
வண்மை போலத் தமக்கு மற்றைய குணங்களும் மிகவும் இனியனவாய் இருத்தலின் –ஏரார் குணம் –என்கிறார் .
இவ் வண்மையிலும் குணத்திலும் ஈடுபட்டு தாம் தோற்றமை தோற்ற –எம்மிராமானுசன் -என்கிறார் .
எமக்கு சேஷியான ஸ்ரீ இராமானுசன்-என்றபடி .

அவ் எழில் மறையில் –
பூர்வோக்தமான நிரவதிக தேஜசை உடையதாய் –
வேத சாஸ்த்ராத் பரம் நாஸ்தி -என்றும் –
ந வேதாந்த சாஸ்திரம் –-என்றும் சொல்லுகிறபடியே நிஸ் ஸ்மாப்யதிகமான வேதத்தில் –
வேதோக்த மார்க்கத்தில் என்றபடி –

சேராதவரை –
ஆஸ்ரயிதவர்களை –
அப்ராமணிய புத்தியாலும் அயதார்த்த பிரதிபத்தியாலும் -அதிலே பொருந்தா நிலை உடையரான
பாஹ்ய குதர்ஷ்டிகளை -என்றபடி –

சிதைப்பது –
பக்னராய் – பராஜிதராக பண்ணுவது –சிதைக்கை-அழிக்கை –

அப்போது ஒரு சிந்தை செய்தே –
அந்த பிரசங்க காலத்திலே தானே –
சஏநாந ப்ரஹ்மம் கமயதி -என்றும்
ப்ரஹ்ம வேதி ப்ரஹ்மை வபவதி–இத்யாதி வாக்யங்களுக்கு உட்பொருள் அறியாதே -அபார்த்தங்களை சொல்லி
அபலாபித்தவர்களைக் குறித்து –
பிரணவோத நுச்சரோ ஹ்யாத்மா ப்ரஹ்ம தல்லஷ்ய முச்யதே -அப்ரமத்தேன வேத்தவ்யம் சரவத்மன்வயோ பவேத் -என்றும்
ஸ்ருதி வாக்யத்துக்கு ததாத்விகையான வொரு யுக்தியாலே
அவர்கள் சொன்ன அபார்த்தங்களை கண்டித்து அருளி அவர்களை நிர்மூலம் பண்ணினார் என்றபடி –

ஸ்வ சித்தாந்த த்வாந்த ஸ்திதிரக்ர்தக துர்வாதி பரிஷத்திவாபித ப்ரேஷாதி நகர சமுத்தான பருஷ – என்னும்படி இறே
இவர் விஷயமான ஸ்ரீ ஸூக்தி இருப்பது –
ஆக சர்வ சக்தி யுக்தனான ஸ்ரீ சர்வேஸ்வரனிலும் காட்டில்
இவர் அனாயேசன விரோதிகளை நிரசித்தார் என்று இவர் தம் பிரபாவத்தை கொண்டாடினார் ஆய்த்து –

அவ் எழில் மறை-
கீழ்ச் சொல்லப்பட்ட -திறம் வாய்ந்து என்னும் தன் சீர்மை குன்றா மறை என்றபடி –
மறைக்கு எழில் ஆவது –
என்றும் தடை இன்றி மேன்மேலும் வளரும் பிரமாணத் தன்மை -என்க .
மறையில் சேராதவர் –
மறையை பிரமாணமாக ஏலாமையாலும்-பிரமாணம் இல்லாத அதனை நம்பலாகாது என்னும் எண்ணத்தாலும் –
அது கூறும் நெறியில் பொருந்தாத நிலை உடையவர்கள் –

தயைக சிந்துவான ஸ்ரீ எம்பெருமானார் தூய மறைநெறி தன்னை எடுத்து கூறி புத்தி புகட்டினாலும் –
கேளாது -பண்டைய நிலை குலையாமல் இருக்கும் இயல்பினரை சிதைப்பது தவிர வழி இல்லை -என்க .
அப்போது
சேராதவரை சிதைக்கின்ற வேளை எல்லாம் என்றபடி –
இதனுக்கு ஏற்ப -அவ்வப்போது என்று இதனுக்குப் பொருள் கொள்க .

இங்கனமே ஒருசிந்தை செய்து –
என்பதற்கும் ஒவ் ஒரு சிந்தை செய்து -என்று பொருள் உரைக்க .

இப்பாசுரத்தில் ஸ்ரீ மாயவன் செய்த செயலுக்கும்
எம் ஸ்ரீ ராமானுசன் செய்த செயலுக்கும் -காட்டப்பட்ட வேறு பாடுகள் நன்கு உணரத் தக்கன .
1-ஸ்ரீ மாயவன் மறையின் திறம் தேராதவர்களை புத்தியினால் வெல்லலாகாது
கைப்பிடித்த படையினால் வெல்லுகிறான் ..
எம் ஸ்ரீ ராமானுசனோ மறையில் பொருந்தாத அன்னாரைத் தம் யுக்தியினாலேயே வென்று விடுகிறார் ..
2-ஸ்ரீ மாயவன் குறைக்கிறான் -குறைப்பது மீண்டும் தளிர்ப்பதும் உண்டு
இராவணன் தலை அற்றற்று வீழ மீண்டும் முளைத்தன அன்றோ –
எம் ஸ்ரீ ராமானுசனோ –சிதைக்கிறார் -சிதைத்தது மீண்டும் தளிர்க்க வழியே இல்லை
3-ஸ்ரீ மாயவன் வேறு ஒரு பொருளான ஸ்ரீ ஆழி கொண்டு குறைக்கிறான்
எம் ஸ்ரீ ராமானுசனோ தம் சிந்தனா சக்தியாலே சிதைக்கிறார் .
4-ஸ்ரீ மாயவன் குறைப்பது என்றும் உள்ள ஸ்ரீ கூராழி என்னும் ஒரே கருவி கொண்டே
எம் ஸ்ரீ ராமானுசன் சிதைப்பதோ அவ்வப்போது புதிது புதிதாய்த் தோற்றும் சிந்தை கொண்டே –

அப்போதொரு சிந்தை செய்தே –
ப்ரஜ்ஞா நவ நவோன் மேஷ சாலி நீ பிரதிபாமாதா –
புதிது புதிதாக தோன்றி விளங்கும் அறிவு பிரதிபை -என்று கொள்ளப்படுகிறது -என்றபடி
இங்கே கூறப்படும் சிந்தையை பிரதிபை என்று உணர்க ..

தனுஸ்-சரவது தன் மையோ பவது- துருஷ்டாந்தம்-அம்பும் லஷயமும் ஒன்றாக ஆகும்- இல்லை
ஆசார்யன் வில்லாளி வில் பிரணவம் என்று =அது அதுவாக பாவம் உள் பொருள்- ஐக்கியம் இல்லை–
அப் பொழுது ஒரு சிந்தை செய்து அப்பு-அப்பு-இரண்டு மடங்கு / அப்பு- உப்பு- /-உப்பு கரிக்குமே-நிர்விகார தத்வம்-
ஸ்ரீ ராமனுஷ திவாகரன்- பிரபாவம் கொண்டாடுகிறார் –

————–

சுக்கிரன் கண்ணைத் துரும்பால் கிளறிய சக்கரக் கையனே அச்ச வச்ச சங்கம் இடத்தானே அச்சோவச்சோ -பெரியாழ்வார் திருமொழி-–1-8-7-

பற்றார் நடுங்க முன் பாஞ்ச சன்னியத்தை வாய் வைத்த போர் ஏறே !-பெரிய ஆழ்வார் திரு மொழி -3-3-5

மழுங்காத வைநநுதிய சக்கர நல வலத்தையாய் தொழும் காதல் களிறு அளிப்பான் புள்ளூர்ந்து தோன்றினையே–திரு வாய் மொழி–3-1-9-

திருப் புளிங்குடியாய் காய்சின வாழி சங்கு வாள் வில் தண்டு ஏந்தி எம்மிடர் கடிவானே -9-2-6-

கைந்நின்ற சக்கரத்தன் கருதுமிடம் பொருது -10-6-8-

————————————————

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் திருவடிகளே சரணம் .
ஸ்ரீ பிள்ளை லோகம் ஜீயர் திருவடிகளே சரணம்
ஸ்ரீ திருவரங்கத் தமுதனார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்-

This entry was posted on May 25, 2020 at 1:35 am and is filed under இராமானுச நூற்றந்தாதி, ராமானுஜ நூற்றந்தாதி, ஸ்ரீ மணவாள மா முனிகள், ஸ்ரீ ராமானுஜர், Manna vaallla Maa munikall, Raamaanujar. You can follow any responses to this entry through the RSS 2.0 feed. You can leave a response, or trackback from your own site.