Thiruvonum's Weblog

ஸ்ரீ பெரிய ஜீயர் அருளிய உரை ––அவதாரிகை –

பார்த்தன் அறு சமயங்கள் பதைப்ப -என்று பாஹ்ய சமயங்களை குலைய பண்ணி –
இவ்விபூதியில்-இவர் ஸ்தாபித்த வர்த்தம் ஏது என்ன –
சகல சேதன அசேதனங்களும் ஸ்ரீ சர்வேஸ்வரனுக்கே சேஷம் என்கிற விலஷணமான
அர்த்தத்தை ஸ்தாபித்து அருளினார் -என்கிறார் .

ஸ்ரீ பிள்ளை லோகம் ஜீயர் அருளிய உரை–அவதாரிகை–

பார்த்தான் அறுசமயங்கள் பதைப்ப -என்று பாஹ்ய சமயங்களை குலைய பண்ணினார் என்றும் –
அரங்கன் செய்ய தாளிணை யோடு ஆர்த்தான் -என்று பரம புருஷார்த்த சாம்ராஜ்யத்தை கொடுத்தார் என்றும் –சொன்னீர் –
அம் மாத்ரமேயோ -அவர் செய்தது என்னில் -அவ்வளவு அன்று –
சகல அபேஷிதங்களையும் –
1–அபேஷா நிரபேஷமாக கல்பகம் போலே கொடுக்குமவராய் –
2-சௌசீல்யம் உடையவராய் –
3-அத்ய ஆச்சரிய பூதராய் –
4–ஆர்ஜவ குண யுக்தரான ஸ்ரீ எம்பெருமானார் –சகல லோகங்களிலும் இருந்து உள்ள சகல ஆத்மாக்களும்
சர்வ ஸ்மாத் பரனுக்கே சேஷ பூதர் என்று இந்த லோகத்திலே பிரதிஷ்டிப்பித்து அருளினார் –

ஸ்ரீ அமுது விருந்து-ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் ஸ்வாமிகள்-அருளிய உரை–அவதாரிகை-

அறு சமயங்கள் பதைப்ப பார்த்து இவர் இவ்வுலகத்தில் நிலை நாட்டின பொருள்
ஏது என்ன –எல்லாப் பொருள்களும் ஸ்ரீ சர்வேஸ்வரனுக்கே சேஷம் -என்ற
இந்த நற் பொருளை நிலை நாட்டி யருளினார்-என்கிறார் .

அற்புதன் செம்மை இராமானுசன் என்னை யாளவந்த
கற்பகம் கற்றவர் காமுறு சீலன் கருதரிய
பற் பல்லுயிர்களும் பல்லுலகி யாவும் பரன தென்னும்
நற் பொருள் தன்னை இந்நானிலத்தே வந்து நாட்டினனே – -53 –

வியாக்யானம் –
என்னை அடிமை கொள்ளுகைக்காக நான் கிடந்த விடம் தேடி வந்த பரம உதாரராய் –
அறிவுடையார் ஆசைப்படும் படியான சௌசீல்யத்தை உடையராய் -அதி மானுஷமான செயல்களை செய்கையாலே –
ஆச்சர்ய பூதராய் ஆஸ்ரிதர் உடைய கௌடில்யதை பார்த்து-கை விடாதே –
நீர் ஏறா மேடுகளில் விரகாலே நீர் எற்றுவாரைப் போலே தம்மை
அவர்களுக்கு ஈடாக அமைத்துப் பரிமாறும் ஆர்ஜவ குண யுக்தரான ஸ்ரீ எம்பெருமானார்
நினைக்கப் புக்கால் நினைத்து தலைக் கட்ட -அரிதாம்படி அஸங்க்யாதரான ஆத்மாக்களுக்கும் -அவர்களுக்கு வாசஸ்தானமாய் –
அஸங்க்யாதமாய் இருக்கிற சகல லோகங்களும் -சர்வ ஸ்மாத் பரனுக்கே சேஷம் என்கிற சீரிய அர்த்தத்தை-
இந்த லோகத்திலே ஒருவர் அபேஷியிதாய் இருக்கத் தாமே வந்து ஸ்தாபித்து அருளினார் .

கற்பகத்தைக் காட்டில் இவர்க்கு விசேஷம் -அடிமை கொள்ளுகையும் -இருந்த இடம் தேடி வருகையும்
காமுறுதல்-விரும்புதல்
பற் பல்லுயிர்கள்-பல பலவான உயிர்கள்-அசந்க்க்யாதரான உயிர்கள் என்றபடி
பல்லுலகில் யாவும் -என்றும் பாடம் சொல்லுவார்கள் -எழுத்தேற்றம் வருகையால் அது சேராது –
ஆனால் பல்லுலகியாவும் -என்றால் எழுத்தேற்றம் வாராதோ என்னில்
உரைக்கின்றனனுமக்கியான் -49-என்கிற இடத்தில் போலவே –
பல்லுலகியாவும் -என்கிற இடத்தில் -இகரமும் குற்றியலிகரமாய் வண்ணம் கெடாமைக்கு-கழிவுண் கையாலே எழுத்தேற்றம் வாராது
நாட்டுதல்-ஸ்தாபித்தல்–

பற் பல்லுயிர்களும் பல்லுலகி யாவும் பரன தென்னும்-நல் பொருள் -எனக்கே தன்னைத் தந்த கற்பகம் –
வந்து அருளி என் நெஞ்சிடம் கொண்ட வானவர் கொழுந்தாய் –
வந்தாய் மனம் புகுந்தாய் அதனால் சிந்தனைக்கு இனியாய் என்று அறிந்தேன் -ஸ்ரீ அமுதனார் இருந்த இடம் தேடி வந்தார்
காமுறு சீலர் –
ஸ்ரீ வடுக நம்பி ஸ்ரீ கிடாம்பி ஆச்சான் ஸ்ரீ உடையவர் திரு மேனியில் ஈடுபட்டதால் -ஸ்ரீ ஆழ்வான் ஸ்ரீ ஆண்டான் இரு கரையர் என்பர்
ஸ்ரீ கோபிந்த ஜீயர் யதி தர்மம் சமுச்சயம் -யாதவ பிரகாசர் மாறி உடையவர் திருவடி அடைந்து

என்னை யாள-
ஸ்ரீய பதியினுடைய திவ்ய ஆக்ஜ்ஜையாலே -சகல லோக உஜ்ஜீவன-விஷயமாக அவதரித்தாரே ஆகிலும் –
எதிர் சூழல் புக்கு எனைத்தோர் பிறப்பும் எனக்கே அருள் செய்ய -என்கிறபடியே
லோகத்தார் எல்லாரிலும் -நீசனேன் நிறை ஒன்றுமிலேன் -என்கிறபடியே அத்யந்த நிஹினனான
என்னிடத்தில் கிருபை பண்ணி அருளி -அடியேனை அடிமை கொள்ளுகைக்காக –

வந்த கற்பகம் –
தம்மை ஒருவரை-ரஷிக்கைக்காக அவதரித்தார் என்று காணும் இவர் திரு உள்ளத்தில் ஓடுகிறது –
வந்த கற்பகம் –
நித்ய விபூதியில் இருந்து-லீலா விபூதிக்கு எழுந்து அருளின கற்பகம் –
கல்பகம் போலே அபீஷ்டார்த்த ப்ரதரானவர் -ஜடமாய் ஸ்தாவரமாய்-ஐஹிக புருஷார்த்த மாத்ர ப்ரதமாய் –
ஒரு தேச விசேஷத்தில் தானே நியதமாய் இறே அந்த கல்பகம் இருப்பது –
இந்த கல்பகம் அதில் நின்றும் –
1-அதி விலஷணமாய் –2-அப்ராக்ருதமாய் –3–அஜஹத்ரி வர்க்கமபவர்க்க வைபவம் -என்றும்
நலமந்தமில்லதோர் நாடு புகுவீர் -என்றும் –
நல்ல பதத்தால் மனை வாழ்வார் கொண்ட பெண்டிர் மக்கள் -என்கிறபடி
ஐ ஹிக ஆமுஷ்மிக சமஸ்த புருஷார்த்தங்களையும் கொடுக்கக் கடவ ஔ தார்யத்தை உடையதாய் –
4–உபய விபூதியிலும் வியாபித்து இருப்பதாய் –
5–நித்தியமாய் நிற்பது ஓன்று இறே –

ஆகையால் -வந்த கற்பகம் -என்று
சாகா சந்திர நியாயேன புத்த்யாரோபத்துக்காக சொன்னார் இத்தனை –
நான் கிடந்த இடம் தேடி வந்து-விஷயீ கரித்த இது – மகா ஒவ்தார்யம் என்று வித்தராய் காணும் –வந்த கற்பகம் என்கிறார்

என்னை ஆள வந்த கற்பகம்-
கற்பகத்தின் நின்றும் வேறுபாடு -தோற்ற
ஆட் கொள்கையும் -இரப்பாளர் இருக்குமிடம் தேடி வருகையும் -ஸ்ரீ எம்பெருமானார் ஆகிய கற்பகத்துக்கு கூறப்பட்டன –
வந்த கற்பகம் –
ஸ்ரீ பெருமாள் கோயிலில் இருந்து ஸ்ரீ ரங்கத்திற்கு ஸ்ரீ எம்பெருமானார் வந்தது தம்மை ஆளுவதற்காகவே-என்று கருதுகிறார் -ஸ்ரீ அமுதனார் –
என்னை-
இரக்கவும் அறியாத என்னை –
என்னை யாக்கி எனக்கே தன்னைத் தந்த கற்பகம் -என்னும் ஸ்ரீ நம் ஆழ்வார் ஸ்ரீ திரு வாய் மொழியை-இங்கு நினைவு கூர்க-
வந்த கற்பகம் –
ஸ்ரீ சக்கரவர்த்தி திருமகன் -சமேத்யப்ரதி நன்த்யச -இரப்பாளர் இடம் வந்தும் கொண்டாடியும் -என்றபடி –
இரப்பாளர் இடம் வந்து கொடுப்பது போலே ஸ்ரீ எம்பெருமானாரும் இரப்பாளனாகிய என்னிடம் வந்து-தன்னையே வழங்கினார்

சௌசீல்யம் ஆச்சர்ய சேஷ்டிதம் ஆர்ஜவம் நேர்மை உடையவர் நாட்டினார்–
1-கற்பகம் வள்ளல் மறைத்து வைக்காமல் வெளி இட்டார்–
2-அஞ்ஞானம் போக்கி இந் நானிலத்தே வந்து நாட்டியத்தால் சௌசீல்யம் –
3-ஆச்சர்யம் -இங்கு வந்து நாட்டிய செயல்–
4-ஆர்ஜவம்-தத்வ த்ரயம் சொல்லி ஏக தத்வம் போன்றவற்றை/சாஸ்திரம் ஒத்து கொண்ட நல் பொருளை நாட்டினார்

சிலருக்கு ஒரு காலத்தில் உபதேசித்து போகாமல்-ஸ்ரீ கீதாசார்யன் போல அன்றிக்கே –
அடிமை கொள்கையும் இருந்த இடத்தே வருகையும் கற்பகம் விட ஏற்றம் ஸ்ரீ ஸ்வாமிக்கு-
என்னை ஆள வந்த கற்பகம்-
தன்னையும் விடாமல் கை கொண்டதை அருளி கொண்டு வருகிறார்–

கற்றவர் காமுறு சீலன் –
சகல சாஸ்திரங்களையும் அப்யசித்தாதாலே ஜ்ஞாநாதிகாராய்-
உன்னை ஒழிய ஒரு தெய்வம் மற்று அறியா மன்னு புகழ் சேர் வடுக நம்பி -என்று கொண்டாடப்படுகிற
ஸ்ரீ வடுக நம்பி ஸ்ரீ கிடாம்பி ஆச்சான்-முதலான ஸ்ரீ முதலிகள் வ்யாமுக்தராய்
ஆசைப் படும்படியான ஸ்வபாவத்தையும்-சத்வ்ரத்தியையும் உடையவராய் –
அன்றிக்கே –
பெரியவன் தாழ்ந்தவருடன் புரையறக் கலந்து பரிமாறுகை யாகிற சீல குணத்தை உடையவர் -என்றுமாம் –
காமுறுதல் -விரும்புதல் –

ஸ்ரீ எம்பெருமானார் ஸ்ரீ கோயிலிலே வாழுகிற காலத்தில் -ஒரு நாள் மாத்யாஹ்ன சமயத்திலே-திருக் காவேரியிலே நீராடித்
திரும்பவும் எழுந்து அருளிகிற அளவிலே வழியில் ஸ்ரீ திருக் கோட்டியூர் நம்பி எதிரே-எழுந்து அருள –
ஸ்ரீ எம்பெருமானாரும் அந்த மணலிலே சாஷ்டாங்கமாக தண்டன் இட்டு நிற்க -ஸ்ரீ நம்பியும்-அவரைக் கடாஷித்து -எழுந்திரும் -என்று
அருளிச் செய்யாதே வெறுமனே இருந்தவாறே -அச் சேர்த்தியை-ஸ்ரீ கிடாம்பி ஆச்சான் கடாஷித்து அருளி –
ஸ்ரீ நம்பீ இவரைக் கொல்ல நினைத்தீரோ – என்று சீறு பாறு செய்து -மணலிலே சாஷ்டாங்கமாக விழுந்து இருக்கிற
ஸ்ரீ எம்பெருமானாரை வாரி எடுத்துக் கொண்டார் -என்று நம் முதலிகள்-கோஷ்டியில் பிரசித்தம் இறே –

கற்றவர் காமுறு சீலன் –
புன்மையாளனான என்னை ஆள வந்தமை யின் சீலமுடைமை தோற்றுகிறது –
இத்தகைய சீலம் கற்றவர்களால் விரும்பப் படுகிறதாம் –
கற்றவர் இடம் சீலம் காண்பது அரிது அன்றோ –
அது கற்றவர் ஆகிய ஸ்ரீ எம்பெருமானார் இடம்-இருப்பதைக் கண்டு கற்ற மற்றவர்களும் அதனை ஆசைப்படுகிறார்களாம் –
காமம் உறுதல்-காமுறுதல் –காமமுறுதல் என்பதன் மரூஉ

தன்னை கற்றவர் கோஷ்டியில் சேர்க்க வில்லை ஸ்ரீ அமுதனார்

அற்புதம் செம்மை –
அதி மானுஷங்களான சேஷ்டிதங்களை பண்ணுகையாலே -அத்புதராய் –
ஆஸ்ரிதருடைய-கௌடில்யத்தை பார்த்து கை விடாதே நீர் ஏறா மேடுகளிலே -விரகாலே நீர் ஏற்றுமா போலே –
தம்மை-அவர்களுக்கு ஈடாக அமைத்து பரிமாறும் ஆர்ஜவ குணத்தை உடையவரான –

இராமானுசன் –
ஸ்ரீ எம்பெருமானார் –

கருதரிய –
நினைக்கப் புக்கால் -நினைத்து தலைகாட்ட அரிதாம்படி –

பற்பல் உயிர்களும் –
பலபடியான –பல் பல்-என்கையாலே -ஒரு ஜாதியே -அஸங்க்யாதமாய் -அப்படிப்பட்ட ஜாதி குலங்களும் -அஸங்க்யாதங்களாய்-
எண் பெருக்கு அந் நலத்து ஒண் பொருள் -என்கிறபடியே -எண்ணிறந்த ஆத்மாக்களும் –

பல் உலகியாவும் –
அந்த ஆத்மாக்களுக்கு ஆவாஸ ஸ்தானமாய் –அஸங்க்யாதமாய் -இருக்கிற சகல லோகங்களும் –

கருதரிய பற் பல்லுயிர்களும் பல்லுலகியாவும் –
இத்தனை என்று கருதிப் பார்த்து எண்ணித் தலைக் கட்ட முடியாமையின் கருதரிய-பற் பல்லுயிர்களும் என்றார் .
சுருதியும் -இறைவன் ஒருவனே –பல -பஹூ-உயிர்களுக்கு விருப்பத்தை அளிப்பதாக ஓதி உள்ளமை காண்க .
பல்லுலகில் யாவும் -என்றும் பாடம் சொல்லுவார்கள் -அது சரி அன்று
ஓர் அடிக்கு பதினேழு எழுத்து ஆதலின் நேர் பதினாறு என்ற இலக்கணத்தோடு பொருந்தாமையின் என்க .
பல் லுலகியாவும் என்ற பாடத்தில் இகரம் குற்றியலிகரம் ஆதலின் அது தனி எழுத்தாக எண்ணப்படாது –
பல்லுலகியாவும் –
அந்த உயிர்களுக்கு இருப்பிடமான எல்லா உலகங்களும் என்றபடி

பரனது என்னும் –
பரபரானாம் -என்கிறபடியே -பிரம்ம ருத்ராதிகளுக்கும் பரனாய் -ஸ்ரீய பதியானவனுக்கே -சேஷ பூதம் என்றும் –
சர்வே சோபி ச நாத நாகில ஜகத் வ்யாப்தாவ போதாமல நந்தாகார யுதோப்ய நந்த சூ குணஸ் சர்வாத்மாநாம் சாஸிதா
தேஹீ தாரண சாசநேசன முகை -ஸ்வாதீ ந நித்ய ஸ்த்திதி ஸ்வாமீ நித்யம நோக்ய-மங்களவபும் ஸ்ரீ பூமி நீள அதிப -என்கிறபடியே –
போக்ய போக உபகரண போக ஸ்தான போக்த்தர்த்தவங்கள்-எல்லாம் -சர்வ ஸ்மாத் பரனான-ஸ்ரீ நாராயணனுக்கே சேஷ பூதம் என்கிறது –

பரனது –
பிரமன் தொடங்கி எல்லா உயிர் களுக்கும் மேற்பட்டு இருத்தலின் இறைவன் பரன் எனப்படுகிறான் .
நம்மிலும் மேற்பட்டவர்கள் ஆகிய பிரமன் முதலியோர்க்கும் மேற்பட்டவன் என்னும் கருத்தில்
ஸ்ரீ நம் ஆழ்வார் -முழுதுண்ட பரபரன்-என்றார் .
பர பரன் ஆதலின் -புரம் எரித்ததும் -அமரர்க்கு அறிவு இயந்ததும் பரபரன் செயலே என்று அவர் கருதுகிறார் .
இங்கும் பற் பல்லுயிர்கள் என்று
பிரமன் உட்பட எல்லா ஆன்மாக்களுக்கும் மேற்பட்டவனாக பரன் என்று சொல்லுகையாலே
ஸ்ரீ நம் ஆழ்வார் கூறிய பரபரனே இங்கு அமுதனாரால் கருதப் படுகிறான் .

அந்தர்யாமியாக எழுந்து அருளி இருந்து புரம் எரித்தல் –முதலிய செயல்களை செய்தது போலே-
எல்லாப் பொருள்கள் இடத்திலும் –
நீராய் நிலனாய்..சிவனாய் அயனாய் -என்றபடி அந்தர்யாமியாக அவன் இருத்தலின்
சிவன் முதலியோர்-போலே எல்லா பொருள்களும் அவன் இட்ட வழக்காய் உள்ளமை போதரும் .
போதரவே -பொருள்கள் அனைத்தும் -உள் நின்று இறைவனால் நியமிக்க படுதலின் இறைவனுக்கு உடல் ஆகின்றன –
இறைவன் பொருள் அனைத்திற்கும் ஆத்மா ஆகிறான்

பிரியாது நின்று நியமிக்கும் பொருள் ஆன்மா என்றும்
அங்கனம் நியமிக்கப்படும் பொருள் உடல் என்றும்
ஆன்மாவுக்கும் உடலுக்கும் இலக்கணம் கூறுவர்
அத்தகைய உடல் உயிர் என்னும் தொடர்பே பரனது -என்கிற இடத்தில் –
அது –என்கிற
ஆறாம் வேற்றுமை உருபினால் கருதப்படுகிறது
இத்தொடர்பினை பிரதான பிரதிதந்த்ரார்ர்த்தம் -பிற மதத்தவரால் ஏற்கப் படாது –
நம் மதத்தவரால் மட்டும் ஏற்றுக் கொள்ளப் பட்ட முக்கியமான பொருள்-என்பர் .
அத்தகைய முக்கியமான பொருள் என்பது தோன்ற –நற் பொருள்-என்றார் .

நற்பொருள் தன்னை –
யதாவஸ்தித தசமீசீ நஜ்ஞா நத்தை -அன்றிக்கே இப்படிப்பட்ட சீரிய அர்த்தத்தை-

இந் நானிலத்தே வந்து –
இந்த லோகம் எல்லாம் உஜ்ஜீவிக்கைக்காக தாமே வந்து அவதரித்து அருளி –

நாட்டினானே –
ஒருவரும் அபேஷியாது இருக்கச் செய்தே -நிர்ஹேதுகமாக பிரதிஷ்டிப்பித்து அருளினார் –
நாட்டுதல் -ஸ்தாபித்தல் –
சிலருக்கு ஒரு காலத்தில் உபதேசித்து போன மாத்ரமே அன்றிக்கே –
லோகத்தார் எல்லாரும்-சர்வ காலமும் அனுபவித்து உஜ்ஜீவிக்கும் படியாக –
ஸ்ரீ பாஷ்யாதி முகேன பிரதிஷ்டாபனம் பண்ணி அருளினார்-என்றது ஆய்த்து –
யதண்ட மண்டாந்தர கோசரம் சயத்த சோத்தரான்யவரனா நியா நிச – குணாம் பிரதான புருஷ-பரமபதம்
பராத்பரம் பிரமசதேவிபூதையே -என்று ஸ்ரீ ஆள வந்தாரும் அருளிச் செய்தார் இறே –

கல்பத்தைக் காட்டிலும் இவருக்கு விசேஷம் –
அடிமை கொள்ளுகையும் -இருந்த இடத்தே வருகையும் –

பல்லுலகில் யாவும் -என்றும் பாடம் சொல்லுவார்கள் -எழுத்து ஏற்றம் ஆகையாலே அது சேராது –
ஆனால் பல்லுலகியாவும் என்றால் எழுத்து ஏற்றம் வாராதோ என்றால்
உரைக்கின்றனனுமக்கியான்-என்கிற இடத்தில் போலே பல்லுலகியாவும் -என்கிற இடத்திலும்
இகரம் குற்றியலிகரமாய் வண்ணம்-கெடாமைக்கு வழி உண்டாகையாலே எழுத்து ஏற்றம் வாராது என்று
ஸ்ரீ ஜீயரும் அருளிச் செய்தார் இறே –

இந்நானிலத்தே –
இந் நற்பொருளை அறிய மாட்டாத இருள் தரும் இவ்வுலகிலே அதனை ஏற்கும்படி
ஸ்ரீ பாஷ்யம் முதலிய-நூல்களினாலும் வாதங்களினாலும் -இந் நற்பொருளை நிலை நாட்டினார் -என்க .

இங்கு பற் பல்லுயிர் பரனது என்கையாலே ஜீவான்மாவிற்க்கும் பரமான்விற்கும் உள்ள பேதமும் –
ஜீவான்மாக்களுக்குள் ஒருவருக்கு ஒருவர் உள்ள பேதமும் காட்டப்படுகின்றன –
பல்லுலகு என்கையாலே -அவ வான்மாக்கள் இருக்கும் இடமாகிய பிரக்ருதியின்
பரிணாமமான அசித்து என்னும் பொருள் கூறப்பட்டது –
பரன் என்கையாலே ஈஸ்வர தத்வம் காட்டப்பட்டது –
ஆக
சித்து -அசித்து -ஸ்ரீ ஈஸ்வரன் -என்கிற தத்வ த்ரயமும்
பரனது -என்னும் இடத்து அது என்றதால் நம்முடைய மதத்திற்கே உரிய சரீர ஆத்ம பாவ ரூபமான சம்பந்தமும் கட்டப்பட்டன ஆயின .

——–

நாவலம் பெரிய தீவினில் வாழும் நங்கைமீர் இது ஓர் அற்புதம் கேளீர் -3-6-1-
முற்ற வுலகு எல்லாம் நீயேயாகி மூன்று எழுத்தாய முதல்வனேயோ -4-10-4–
பறவை ஏறும் பரம் புருடா 5-4-2-

பரும் தாள் களிற்றுக்கு அருள் செய்த பரமன் தன்னை -14 -10–

அத்தனாகி அன்னையாகி ஆளும் எம்பிரானுமாய்
ஒத்தொவ்வாத பல் பிறப்பு ஒழித்து நம்மை ஆட் கொள்வான் -115-

நாட்டினான் தெய்வம் எங்கும் நல்லதோர் அருள் தன்னாலே -10-

நம்பினேன் பிறர் நன் பொருள் தன்னையும் -5–

பற்பல ஆயிரம் உயிர் செய்த பரமா -3-2-6–

ஆளும் பரமனைக் கண்ணனை -3-7-2-

இவையும் அவையும் உவையும் இவரும் அவரும் உவரும்
யவையும் யவரும் தன்னுள்ளே ஆகியும் ஆக்கியும் காக்கும்
அவையுள் தனி முதல் எம்மான் கண்ணபிரான் என் அமுதம்
சுவையன் திருவின் மணாளன் என்னுடைச் சூழலுளானே–1-9-1-

பற்பநாபன், உயர்வு அற உயரும் பெருந்திறலோன்,
எற்பரன், என்னை ஆக்கிக் கொண்டு, எனக்கே தன்னைத் தந்த
கற்பகம், என் அமுதம், கார் முகில் போலும் வேங்கட நல்
வெற்பன், விசும்போர் பிரான் எந்தை தாமோதரனே–2-7-11-

மேல் இரும் கற்பகத்தை வேதாந்த விழுப்பொருளின் மேல் இருந்த விளக்கை
விட்டு சித்தன் விரித்தனவே —பெரியாழ்வார் -4-3-11-

பரந்த தெய்வமும் பல்லுலகும் படைத்து 4-10-3-

கற்பகக் காவன நற்பல தோளற்கு -6-6-6–

அனைத்து உலகுமுடைய அரவிந்த லோசனனை -6-7-10-

ஆள்கின்றான் ஆழியான் யாரால் குறையுடையோம் -10-4-3-

கற்றார் மறை வாணர்கள் வாழ் திருப்பேராற்கு அற்றார் அடியார் தமக்கு அல்லல் நில்லாவே -10-8-10-

———————–———————————

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ திருமலை நல்லான் சக்கரவர்த்தி ஸ்ரீ ராம கிருஷ்ண ஐயங்கார் திருவடிகளே சரணம் .
ஸ்ரீ பிள்ளை லோகம் ஜீயர் திருவடிகளே சரணம்
ஸ்ரீ திருவரங்கத் தமுதனார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்-

This entry was posted on April 24, 2020 at 3:02 pm and is filed under இராமானுச நூற்றந்தாதி, ராமானுஜ நூற்றந்தாதி, ஸ்ரீ மணவாள மா முனிகள், ஸ்ரீ ராமானுஜர், Manna vaallla Maa munikall, Raamaanujar. You can follow any responses to this entry through the RSS 2.0 feed. You can leave a response, or trackback from your own site.