Thiruvonum's Weblog

ஸ்ரீ மான் வேங்கட நாதார்ய கவி தார்க்கிக கேசரீ
வேதாந்தா சார்ய வர்யோ மே சந்நிதத்தாம் சதா ஹ்ருதி –

கவி தார்க்கிக சிம்ஹாய கல்யாண குண சாலினே
ஸ்ரீ மதே வேங்கடேசாய வேதாந்த குரவே நம –

சீர் ஓன்று தூப்புல் திரு வேங்கடமுடையான்
பார் ஒன்றச் சொன்ன பழ மொழியுள் ஓர் ஓன்று
தானே யமையாதோ தாரணியில் வாழ்வார்க்கு
வான் ஏறப் போம் அளவும் வாழ்வு

———————————————————————————-

கல்லார் அகலும் கருமமும் ஞானமும் காதலும் மற்று
எல்லா நிலைகளுக்கு ஏற்ப விதித்த கிரிசைகளும்
வல்லார் முயல்க வலி இழந்தார் எந்தனைத் தொழுக என்று
எல்லாத் தருமம் உரைத்தவன் இன்னடி சேர்ந்தனமே –1-

——————————————————————-

வெறுமை யுணர்ந்து அது முன்னிட்டு வேறு அங்கம் இல்லை எனக்
குறியவன் இன் நறவு எட்ட குறித்திடும் கோணை துறந்து
உறும் அயன் அஸ்திரம் என்னப் பொறா நிலை யோர்ந்திடவோர்
அற நெறி யன்று உரைத்தான் அழியா வறமாயினனே–2-

குறியவன் இன் நறவு எட்ட -குள்ளன் எட்டாத இனிய கொம்புத் தேனை அடைய
குறித்திடும் கோணை துறந்து -இலக்கு வைக்கும் துன்பத்தைக் கை விட்டு
அயன் அஸ்திரம் என்னப் பொறா நிலை -வேறு சாதனத்தைப் பொறுக்காத நிலைமையை கொண்ட பிரம்மாஸ்திரம் –

————————————————————————————–

வாரிதி விட்டு மலர்மகளோடு மதுரை வந்து
பாரத வெஞ்சமர் பார்மகள் பாரம் செக யுகந்து
சாரதியாய் முன்பு தூதனுமாய்த் தளரும் விசயன்
தேர் அதில் நின்று அவனைத் தேற்றினான் திறம் ஆயினமே –3-

வாரிதி விட்டு -திருப்பாற்கடலை விட்டு
விசயன் தேர் அதில் நின்று அவனைத் தேற்றினான் திறம் ஆயினமே -ஸ்ரீ பார்த்த சாரதிக்கு அடிமை பூண்டோம் –

மாம் பதார்த்தமும் அவதார ரகச்யங்களையும் அருளுகிறார் –

—————————————————————————————

தன் அருளால் பெரும் சாதனம் சாதகன் என்று இவற்றைத்
தன்னுடன் எண்ணுதல் நீங்கத் தனித்து ஒரு சாதனமாய்ப்
பொன்னருளோடும் அப்பூ மகளோடும் புகழ நின்ற
வின்னுரை ஈசனையே ஏகம் எண்ண இசைந்தனமே –4-

ஏக பதார்த்தம் அருளுகிறார் -உபாயம் பலன் இரண்டுமே சர்வேஸ்வரனே –
சரணம் அடைவதும் அவன் சங்கல்பத்தாலேயே -என்றவாறு –

————————————————————————————————-

ஊனில் இணைத்து உழல்விக்கும் வினைக்கடலுள் விழுந்த
யான் எனதான குணங்கள் எனக்கு இசை நல் வழியும்
தான் உதவித் தனைத் தந்திட நின்ற தனித் தருமம்
நான் இனி வேறோர் பரம் நணுகா வகை நல்கியதே –5-

சரண சப்தார்த்தம் அருளுகிறார் -சேதனனுக்கு ஸ்வரூப ஞானம் பிறப்பித்து பக்தி பிரபத்தி உபாயங்களை காட்டி அருளி
தன்னையே அனுபவிக்கும் பரமாக காட்டி அருளி -எல்லா பொறுப்பும் தன் மேல் ஏறிட்டுக் கொண்டு அருளுகிறான் என்றவாறு –

——————————————————————————————————-

கடுவினை நாம் பெரும் பேற்றைத் தகைந்தமை கண்டு நம் மேல்
தொடை விலகாமல் இசைந்து ஒரு காலம் துணிவுடனே
யுடைமை யடைக்கலமாக வடைக்கும் உகப்பதனால்
யடை என வன்று உரைத்தான் அடைவித்தனன் தன்னடியே –6-

தொடை விலகாமல் இசைந்து-சாஸ்திர ஆஜ்ஞ்ஞை வழுவாமல் எம்பெருமானுக்கு உகப்பானவற்றையே ஏற்றுக் கொண்டு
இத்தால் இது காறும் கர்மங்கள் விலக்கி வந்த புருஷார்த்தத்தை பெற்று மஹா விசுவாசத்துடன்
ஆத்ம சமர்ப்பணம் பண்ணி -வ்ரஜ -பதார்த்தம் –

தொடை விலகாமல் -ப்ரதி கூல்ய வர்ஜனம்
இசைந்து -ஆனுகூல்ய சங்கல்பம்
துணிவுடனே -மஹா விஸ்வாசம்
அடைக்கலமாக -கோப்த்ருத்வ வர்ணம்
ஆடை -அங்கியான ஆத்ம சமர்ப்பணம்
அடைவித்தனன் -சாத்விக த்யாகம்-

—————————————————————————————-

கான் என்ற வேதங்கள் காக்கும் பரன் என்று காட்ட நின்றோன்
தான் என்று அறிய கிலார்க்கு அறிவிக்கும் தனித் திறலோன்
வான் ஒன்றினாரோடு மானிடன் என்ன வவதரிப்பான்
நான் என்ற நந்திருமால் நமை நற்பதம் சேர்த்திடுமே –7-

நான் என்ற நந்திருமால்-அஹம் என்று சரம ஸ்லோகத்தில் கூறிக் கொண்ட ஸ்ரீ யபதி என்றபடி –

———————————————————————————————

தன்னிலை காட்டித் தனிமை யுகந்து தனித்தகவால்
அல்நிலை தீர வடைக்கலம் கொண்டு அடி சேர்ந்திடவே
பன்னிலை மூல வெழுத்திலும் பாண்டவன் தேர் தனிலும்
முன்னிலை கொண்ட பிரான் எமை முன்னிலை கொண்டனனே –8-

தன்னிலை காட்டித்-ஈச்வரனான தனது ஸ்வரூபத்தை ஸ்ரீ கீதா சாஸ்திரம் முகமாக -வெளியிட்டு அருளி
தனிமை யுகந்து -உபாயாந்தரன்களை அனுஷ்டிக்க முடியாத நம்முடைய ஆகிஞ்சன்யத்தை திரு உள்ளத்தில் கொண்டு உகந்து
தனித் தகவால் -ஒப்பற்ற கருணையினால்
அல்நிலை தீர -அஞ்ஞானம் ஆகிய இருளை நீக்க
வடைக்கலம் கொண்டு அடி சேர்ந்திடவே
பன்னிலை மூல வெழுத்திலும் -பல ஸ்வ பாவங்களை யுடைய வேதத்தில் முதல் அஷரமான பிரணவத்திலும்
பாண்டவன் தேர் தனிலும்
முன்னிலை கொண்ட பிரான் எமை முன்னிலை கொண்டனனே
த்வா -என்று நம்மை முன்னிலையாக்கி உபதேசித்து அருளினான் என்றவாறு
பொறுப்பை அவன் இடமே சமர்ப்பித்து க்ருதக்ருத்யரராய் அவனையே எதிர்பார்த்து நிற்கிற -த்வா -சப்தார்த்தம் –

———————————————————————————————–

காடுகளோ நரகோ கடிதாம் கரளத் திரளோ
சூடு விடா அனலோ தொலையா நிலை நல்லிருளோ
சாடு படச் சரணால் அன்று சாடிய சாரதியார்
வீடு செய்வித்து நமை விடுவிக்கின்ற பாவங்களே –9-

கரளத் திரளோ-விஷத்தின் கூட்டமோ
சர்வ பாபேப்யோ -பதார்த்தம்
அவித்யை -அதனால் வரும் கர்மம் -இதனால் மீண்டும் அவித்யை -ருசி –வாசனை –ஸ்தூல சூஷ்ம பிரகிருதி சம்பந்தம் –
சகடாசூர நிரசனம் போலே இவற்றை வேர் அற தீர்த்து அருளுவான் என்றவாறு
நம்மால் கண்டு அறியாத முடியாமையால் காடுகள்- பொறுக்க முடியா துன்பம் தருவதால் நரகமாகவும்
உள்ளே வளர்ந்து ஆத்மாவைக் கெடுப்பதால் விஷமாகவும் -சம்சார தாபம் தருவதால் அக்னியாகவும் –
சேதன ஸ்வரூபம் மறைப்பதால் நள்ளிருள் ஆகவும் வர்ணிக்கப் படுகின்றன –

————————————————————————————————

சென்றுயர் வானமர்ந்து அவ்வடியாருடன் சேர்ந்திடவே
இன்று எனில் இன்று நாளை எனில் நாளை யினிச் செறிந்து
நின்ற நிலை நின் அனைத்து வினையும் நின் விட்டு அகலக்
கன்றி விடுப்பான் என்றான் கருத்தால் நமைக் காத்திடுமே –10-

சென்று -அர்ச்சிராதி மார்க்கத்தால் சென்று
கருத்தால் -தன் சங்கல்ப்பத்தினால்
மோஷயிஷ்யாமி பதார்ர்த்தம் –

—————————————————————————-

அறிவும் அனைத்தும் இலா வடியோமை யடைக்கலம் கொண்டு
உறவென நின்ற வெலா முறவே நின்ற தான் எமக்காய்
மறுபிறவித் துயர் வாரா வகை மனம் கொண்டு அகலா
விறையவன் இன்னருளால் எங்கள் சோகம் தவிர்த்தனனே –11-

அறிவும் அனைத்தும் இலா வடியோமை -ஞான யோகம் போன்ற எந்த சாதனமும் இல்லாத தாசர்களாகிய
நம்மை யடைக்கலம் கொண்டு –
உறவென நின்ற வெலா முறவே நின்ற தான் எமக்காய் –மறுபிறவித் துயர் வாரா வகை
மனம் கொண்டு அகலா விறையவன்-நம் மனத்தை இருப்பிடமாகக் கொண்டு அதை விட்டு நீங்காத சர்வேஸ்வரன்
இன்னருளால் எங்கள் சோகம் தவிர்த்தனனே-
மா ஸூ ச -பதார்த்தம் -இதுவும் விதி வாக்கியம் -எதற்கும் சோகிக்க வேண்டாம் என்றவாறு

—————————————————————————

ஸ்ரீ கந்தாடை அப்பன் திருவடிகளே சரணம் .
ஸ்ரீ வேதாந்த தேசிகன் திருவடிகளே சரணம் .
பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on April 3, 2016 at 7:21 am and is filed under Acharyarkall, Ashtaadasa Rahayangal, ஸ்ரீ பிள்ளை லோகாச்சார்யர், Desihan, Prabandha Amudhu, Sri Vaishna Concepts. You can follow any responses to this entry through the RSS 2.0 feed. You can leave a response, or trackback from your own site.