Thiruvonum's Weblog

கீழ்த் திருமொழியில் -வதரி வணங்குதுமே -என்று ஸ்ரீ பதரிகாஸ்ரமத்து
ஆஸ்ரயமான திருமலையை வணங்கப் பாரித்தார்
ஸ்ரீ பத்ரி நாதன் எழுந்து அருளி இருக்கும் சந்நிதி மாத்ரம் இவர்க்கு உத்தேஸ்யம் அன்று
அந்த சந்நிதிக்கு ஆதாரமான திரு மலை முழுதுவதுமே உத்தேஸ்யம் என்பதால் அது தன்னைப் பேசினார் கீழ்
வழி அடைவே மலை உச்சியில் சென்று ஸ்ரீ பத்ரிகாஸ்ரமம் என்னும் சன்னிதியையும்
அதில் எழுந்து அருளி இருக்கும் ஸ்ரீ நாராயணப் பெருமாளையும் அனுபவித்துப் பேசுகிறதாய் இருக்கிறது இத் திருமொழி
நர நாராயணனாய் சிங்காமை விரித்து அருளின ஸ்தலம்-

—————————————————————–

ஏனம் முனாகி யிரு நிலம் இடந்து அன்று இணை யடி யிமையவர் வணங்க
தான வனாகம் தரணியில் புரளத் தடஞ்சிலை குனித்த வென் தலைவன்
தேனமர் சோலைக் கற்பகம் பயந்த தெய்வ நன்னறு மலர் கொணர்ந்து
வானவர் வணங்கும் கங்கையின் கரை மேல் வதரி யாச்சிரமத்துள்ளானே —1-4-1-

இமையார் வணங்க ஏனமாகி
இமையவர் வணங்க தடம் சிலை குனித்த
என்று நடு நிலைத் தீபகமாக அனுபவிப்பது –
தேவர்கள் வணங்கும் படியாகவும் வணங்கினதாலும் திருவவதரித்து சேஷ்டிதங்கள் செய்து அருளினான் –
தையலாள் மேல் காதல் செய்த தானவன் வாளரக்கன் -என்பர் மேலும்-
தடம் சிலை குனித்த என்பதால் தானவன் இராவணன் என்பர் பெரிய வாச்சான் பிள்ளை
வணங்கும் -கங்கையிலும் வதரியாஸ்ரமத்திலும் அந்வயிக்கும்
வதரியாஸ்ரமம் -வதரியாஸ்ராமம் -இரண்டும் பாட பேதங்கள்-

———————————————————————–

கானிடை யுருவைச் சுடுசரம் துரந்து கண்டு முன் கொடும் தொழில் உரவோன்
ஊனுடை யகலத்தடு கணை குளிப்ப உயிர் கவர்ந்துகந்த வெம் மொருவன்
தேனுடைக் கமலத் தயனொடு தேவர் சென்று சென்று இறைஞ்சிட பெருகு
வானிடை முது நீர்க் கங்கையின் கரை மேல் வதரி யா ச்சிராமத்துள்ளானே——1-4-2-

கானிடை உரு -தண்ட காரண்யத்தில் வந்த மாய மான் -உரு -மான்
கொடும் தொழில் உரவோன் -வாலியை நினைக்கிறது
அயன் -அஜன்-அகார வாச்யனான எம்பெருமான் இடம் தோன்றியவன்
முது நீர் -இமம் மே கங்கே யமுனே சரஸ்வதி -உபநிஷத்
வேதம் போலே நித்தியமான நதி-

—————————————————————————–

இலங்கையும் கடலும் அடலருந்திப் பின் இரு நிதிக் கிறைவனும் அரக்கர்
குலங்களும் கெட முன் கொடும் தொழில் புரிந்த கொற்றவன் கொழும்  சுடர் சுழன்ற
விலங்கலில் உரிஞ்சி மேல் நின்ற விசும்பில் வெண் துகில் கொடி யென விரிந்து
வலம் தரு மணி நீர்க் கங்கையின் கரை மேல் வதரி யாச்சிரமத்துள்ளானே—1-4-3-

கடலும் கெட -சாகரம் சோஷயிஷ்யாமி-சீறிச் சிவந்த கண்ணினனாய் பெருமாள் அம்பு தொடுத்ததனால்
கடல் கெடக் கொடும் தொழில் புரிந்த கொற்றவன் என்னக் குறை இல்லையே
அணை கட்டின அரும் தொழிலைக் கூறினதாகவுமாம்
இரு நிதி -சங்க நிதி பத்ம நிதி குபேரன் இடம் கவர்ந்து கொண்டவை
கொழும் சுடர் சுழன்ற விலங்கல் -சூரியன் சுழன்ற மேருமலை
மேரு ப்ருஷ்டே பதித்வோச்சை நிஷ்க்ராந்தா சசி மண்டலாத்
ஜகத பாவ நார்த்தாயா யா ப்ரயாதி சதுர்திசம் -ஸ்ரீ விஷ்ணு புராணம் -2-8-112-
மேல் நின்ற விசும்பில் வெண் துகில் கொடி என விரிந்து -கங்கை நீர் விசும்பின் மீது ப்ரவஹிப்பதைப் பார்த்தால்
த்வஜங்களில் கட்டப் பட்ட வெளுத்த துணிகள் காற்றில் அசைந்து பரம்புவதை போலே -உத்ப்ரேஷிக்கிற படி-

————————————————————————–

துணி வினி யுனக்குச் சொல்லுவன் மனமே தொழுது எழு தொண்டர்கள் தமக்கு
பிணி யொழித்தமரர் பெரு விசும்பு அருளும் பேரருளாளன் எம்பெருமான்
அணி மலர்க் குழலாரரம்பையர் துகிலும் ஆரமும் வாரி வந்து அணி நீர்
மணி கொழித்து இழிந்த கங்கையின் கரை மேல் வதரி யாச்சிராமத்துள்ளானே–1-4-4-

கண்ணன் செய்யும் கார்யம் எல்லாம் செய்யும் அக் கங்கை தானும்
ஆற்றிலிருந்து விளையாடுவோங்களை சேற்றால் எறிந்து வளை துகில் கைக் கொண்டு காற்றில் கடியனாய் ஓடி –
அரம்பையர் -தெய்வப் பெண்கள் –

—————————————————————–

பேய் இடைக்கிருந்து வந்த மற்றவள் பெரு முலை சுவைத்திட பெற்ற
தாய் இடைக்கிருத்தல் அஞ்சுவன் என்று தளர்ந்திட வளர்ந்த வென் தலைவன்
சேய் முகட்டுச்சி யண்டமும் சுமந்த செம் பொன் செய் விலங்கலில் இலங்கு
வாய் முகட்டிழிந்த கங்கையின் கரை மேல் வதரி யாச்சிரமத்துள்ளானே —1-4-5-

அண்டம் -மேலுலகம்
அண்டத்தைத் தரிக்கும் செம்பொன்மலை மேரு
அதில் விளங்கும் விசாலமான சிகரத்தின் நின்றும் இழியும் கங்கை என்றவாறு-

———————————————————————

தேரணங்கல்குல் செழும் கயல் கண்ணி திறத்து ஒரு மறத் தொழில் புரிந்து
பாரணங்கிமிலேறேழு முன்னடர்த்த பணி முகில் வண்ணன் எம்பெருமான்
காரணம் தன்னால் கடும் புனல் கயத்த கரு வரை பிள வெழக் குத்தி
வாரணம் கொணர்ந்த கங்கையின் கரை மேல் வதரி யாச்சிரமத்துள்ளானே–1-4-6-

ஏறு எழும் அடர்த்த பனி முகில் வண்ணன் -திரு மேனிக்கு ஒரு வாட்டமும் இல்லாமல் செய்த செயல் என்று காட்டி அருளுகிறார்
கருவரை-கருமை பெருமை பெரிய மலை -கங்கை வரும் வழியில் உள்ள பெரிய மலைகளை பேதித்துக் கொண்டு
அங்குள்ள யானைகளையும் உருட்டிக் கொண்டு வந்ததாம்-

———————————————————————

வெந்திறல் களிறும் வேலை வாய் அமுதும் விண்ணோடு விண்ணவர்க்கு அரசும்
இந்திரர்க்கு அருளி எமக்கும் ஈந்து அருளும் எந்தை எம்மடிகள் எம்பெருமான்
அந்தரத்து அமரர் அடி இணை வணங்க ஆயிர முகத்தினால் அருளி
மந்தரத்து இழிந்த கங்கையின் கரை மேல் வதரி யாச்சிராமத்துள்ளானே—-1-4-7-

ஒருமுகமாக இழிந்தால் பெரிய மிசையோடு வருகிற மிடுக்கை கடல் பொறாது என்று
தேவர்கள் எம்பெருமான் திருவடிகளைப் பணிந்து
கங்கை பல முகமாக பெருக அருள் புரிய வேண்டும் என்று பிரார்த்திக்க
அவன் கங்கையை நியமித்த அளவில் ஆயிரம் முகமாக பெருகிற்றாம்
அன்றிக்கே
கங்கை தன்னை ஆஸ்ரயிக்க அது தான் அருளுகை யாகவுமாம் –
இன்னார் அடி இணை அந்தரத்தமரர் வணங்க -என்று இல்லாமையால் இரண்டும் கொள்ளத் தகும்
ஆயிரம் முகம் -அநேக பிரகாரம் என்றுமாம்
மேருவில் இழிந்து மந்தரத்திலே இழிந்து ஹிமவானிலே இழிந்து ஹிமவானிலே இழிந்து
இங்கனே பல வகைகளிலே வரும்படியை சொல்லிற்றாகவுமாம்
மந்தரம் -மந்தர மலை –

——————————————————————–

மான் முனிந்து ஒரு கால் வரி சிலை வளைத்த மன்னவன் பொன்னிறத்து உரவோன்
ஊன் முனிந்து அவனது உடல் இரு பிளவா உகிர் நுதி மடுத்து அயன் அரனைத்
தான் முனிந்திட்ட வெந்திறல் சாபம் தவிர்த்தவன் தவம் புரிந்து உயர்ந்த
மா முனி கொணர்ந்த கங்கையின் கரை மேல் வதரி யாச்சிராமத்துள்ளானே——1-4-8-

தவம் புரிந்து உயர்ந்த மா முனி கொணர்ந்த கங்கை –
விஸ்வாமித்ரர் -பிறப்பால் ஷத்ரியன் தவம் புருந்து ப்ரஹ்ம ரிஷியாக உயர்த்தி பெற்றவர்
ஸ்ரீ ராம லஷ்மணர்களை தன் கரை மேல் கொணர்த –
ஸ்ரீ பராங்குச தாசர் -மா முனி புகன்ற கங்கையின் கரை மேல் -திருத்திக் கொள்ளலாம் என்ன
நம்பிள்ளை -உள்ள பாடத்துக்கு நாம் பொருள் உரைக்கக் கடைமைப் பட்டு இருக்கிறோம் அன்றி
இல்லாததோர் பாடத்தை கற்பிக்க வல்லோம் -என்றாராம்
தவம் புரிந்து உயர்ந்த மா முனி -பகீரதி சொன்னதாகவுமாம்

—————————————————————————–

கொண்டல் மாருதங்கள் குல வரை தொகு நீர்க் குரை கடல் உலகுடன் அனைத்தும்
உண்ட மா வயிற்றோன் ஒண் சுடர் ஏய்ந்த உம்பரும் ஊழியும் ஆனான்
அண்டமூடறுத்து அன்று அந்தரத்து இழிந்து அங்கவனி யாளலமர பெருகு
மண்டு மா மணி நீர்க் கங்கையின் கரை மேல் வதரி யாச்சிரமத்துள்ளானே—–1-4-9-

ஒண் சுடர் ஏய்ந்த உம்பரும் ஊழியும் ஆனான் -உபய விபூதி நாதத்வன்
உம்பர் ஆனான் -நித்ய விபூதி நாதன்
ஊழியும் ஆனான்–ந கால்ஸ் தத்ர வை பிரபு -விண்ணுலகத்துக்கு பிரதிகோடியாய்-
காலம் நடமாடக் கடவதான – லீலா விபூதி நாதன்
அண்டமூடறுத்து அந்தரத்து இழிந்து –
அண்டம் -ப்ரஹ்ம லோகம்
அதை ஊடறுத்து- நடுவே வழி பண்ணிக் கொண்டு
அந்தரத்து இழிந்து -அதுக்கு கீழ்ப்பட்ட அந்தரிஷலோகத்திலே இழிந்து
அங்கு அவனியாள் அலமரப் பெருகும் -அங்கு நின்றும் பூமிப் பிராட்டி பொறுக்க முடியாமல்
தடுமாறும்படி பூமியிலே பெருகும்-

—————————————————————–

வரும் திரை மணி நீர்க் கங்கையின் கரை மேல் வதரி யாச்சிராமத்துள்ளானை
கரும் கடல் முந்நீர் வண்ணனை எண்ணிக் கலியன் வாயொலி செய்த பனுவல்
வரம் செய்த வைந்தும் ஐந்தும் வல்லார்கள் வானவர் உலகுடன் மருவி
இரும் கடல் உலகம் ஆண்டு வெண் குடைக் கீழ் இமையவராகுவர் தாமே–1-4-10-

ஏரார் இன்னிசை மாலை வல்லார் இருடீகேசன் அடியாரே –வைகுந்தம் எறுவாறே-என்னாமல்
இருகடலும் ஆள்வதான சூத்திர புருஷார்த்த பலன் சொல்வான் என் என்று நஞ்சீயர் பட்டர் இடம் கேட்க
திருமங்கை ஆழ்வார் அவதரித்த பின்பு த்யாஜ்யமான ஐஸ்வர்யமும் பரம புருஷார்த்தமாகி விட்டது காணும் –
பணம் உள்ள இடங்களிலே சென்று கொள்ளை அடித்து பகவத் பாகவத கைங்கர்யங்கள் பண்ணுவார் ஆகையால்
ஹேயமான ஐஸ்வர்யமும் இவ்வாழ்வார் திரு உள்ளத்தால் உத்தேச்யமாய் விட்டதே -என்றாராம்
இத்தால் சொல்லிற்று ஆய்த்து-இவன் அபிசந்தி பண்ணின வற்றை எல்லாம் தரும் என்றபடி -பெரியவாச்சான் பிள்ளை
முந்நீர் -ஆற்று நீர் -ஊற்று நீர் -வேற்று நீர் -மழை நீர் என்பர்
அடியார்க்கு நல்லார் -ஆற்று நீர் மழை நீர் இரண்டும் ஒன்றே என்பதால்
முச் செய்கையை உடைய நீர் -மண்ணை படைத்து அழித்து காத்தல் –
நீரில் நின்று நிலம் பிறந்ததே சிருஷ்டி படைத்தல்
நீர் இன்றி உலகம் பிழையாதே காத்தல்
நீரினால் மூடப் பட்டு உலகம் அழிதல்
அன்றிக்கே முந்நீர் -முன்னீர் பழைய நீர் -ஆதியில் நீரையே படைத்தார் என்பர்
வரம் செய்த ஸ்ரேஷ்டம் பகவத் பிரசாதத்தால் அருளிய
பனுவல் சாஸ்திரம் ஸ்ரீ ஸூக்தி

———————————————————————

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ P .B .A .ஸ்வாமிகள் திருவடிகளே சரணம்
ஸ்ரீ பெரியவாச்சான் பிள்ளை திருவடிகளே சரணம் .
ஸ்ரீ திருமங்கை ஆழ்வார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்

This entry was posted on November 20, 2014 at 4:20 am and is filed under Acharyarkall, திரு வாய் மொழி, பெரிய திரு மொழி, பெரியவாச்சான் பிள்ளை, Prabandha Amudhu, Thirumangai Aazlvaar. You can follow any responses to this entry through the RSS 2.0 feed. You can leave a response, or trackback from your own site.