Thiruvonum's Weblog

அவதாரிகை –

அந்நிலை தன்னிலே ஐஸ்வர்யம் தோற்றும்படி  இரா நின்றது என்னுதல்-
அன்றிக்கே –
பெரிய அழகு அடங்கலும் தோற்றும்படியாய் இரா நின்றது என்னுதல் –
அன்றிக்கே
நீர்மையைச் சொல்லிற்று ஆதல் –

——————————–

கைய  வலம் புரியும் நேமியும் கார் வண்ணத்
தைய மலர்மகள் நின்னாகத் தாள் செய்ய
மறையான் நின்னுந்தியான் மா மதிள் மூன்று எய்த
இறையான் நின்னாகத் திறை –28-

பதவுரை

கார் வண்ணத்து ஐய–மேகம் போன்ற வடிவையுடைய பெருமானே
வலம் புரியும்–வலம்புரிச் சங்கமும்
நேமியும்–சக்கரமும்
கைய–என் கையிலுள்ளன;
மலர் மகள்–பெரிய பிராட்டியார்
நின் ஆகத்தாள்–உனது திருமார்பைப் பிரியாதிருப்பவள்;
செய்ய மறையான்–சிறந்த வேதத்தை நிரூபகமாக வுடைய பிரான்
நின் உந்தியான்–உனது உந்திக் கமலத்திலுள்ளான்;
மா மதிள் மூன்று எய்த இறையான்–பெரிய மதிளையுடைய மூன்று பட்டணங்களை முடித்த சிவபெருமான்
நின் ஆகத்து இறை–உனது திருமேனியின் ஏக தேசம்

————————————-

வியாக்யானம் –

கைய  வலம் புரியும் நேமியும் –
கையிலே உண்டானது ஸ்ரீ பாஞ்ச ஜன்யமும் திருவாழி யாழ்வானும் யாய்த்து –
இதுக்கு மேற்பட்ட தில்லை இறே ஐஸ்வர்யத்துக்கு –

கார் வண்ணத்தைய –
மேகம் போலே ஸ்ரமஹரமான வடிவை யுடையையான நிருபாதிக பந்து வானவனே
இவை யடைய என்னது என்னலாம் படி இருக்கை –

மலர் மகள் நின்னாகத் தாள் –
பெரிய பிராட்டி யானவள் உன் திரு மார்விலள்-
அலர் மேல் மங்கை உறை மார்வன்
ஸ்ரீ யபதி என்கைக்கு அவ்வருகு இல்லை இறே ஐஸ்வர் யத்துக்கு எல்லை

செய்ய மறையான் நின்னுந்தியான் –
அந்ய பரரோடே வாசி இல்லை என்கிறது –
இவ்வருகில் உள்ளார் அடங்கலும் உன்னை நேரே காட்ட வற்றான
வேத பிரதானம் பண்ண வல்ல சக்தியை யுடையனான ப்ரஹ்மா
உன்னுடைய திரு நாபியைப் பற்றி லப்த ஸ்வரூபனாகா நின்றான் –

மா மதிள் மூன்று எய்த இறையான் நின்னாகத் திறை –
ஈஸ்வர சப்த வாஸ்யனாக பிரசித்தனாய்
மதிள் மூன்று எரித்தானாய் இருக்கிற
ருத்ரனானவன்  உன் திரு மேனியிலே
ஏக தேசத்தைப் பற்றி லப்த ஸ்வரூபன் ஆகா நின்றான் –
இரண்டூரைச் சுட்டுப் பேர் படைத்தவன் –
கோட் சொல்லிப் பிரசித்தராமா போலே –

அன்றிக்கே
மா மதிள் மூன்று எய்த இறையானவன்
உன் திரு மேனியைப் பற்றி
ஈஸ்வரனாய் திரியா நின்றான் -என்றதாகவுமாம் –

—————————————————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ அப்புள்ளார் ஸ்வாமிகள் திருவடிகளே சரணம்
ஸ்ரீ பெரியவாச்சான் பிள்ளை திருவடிகளே சரணம் .
ஸ்ரீ நம்பிள்ளை திருவடிகளே சரணம்
ஸ்ரீ பொய்கை ஆழ்வார் திருவடிகளே சரணம்
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on June 27, 2014 at 4:47 pm and is filed under Acharyarkall, நம்பிள்ளை, முதல் திரு அந்தாதி, முதல் திருவந்தாதி, Poyhai Aazlvaar, Prabandha Amudhu. You can follow any responses to this entry through the RSS 2.0 feed. You can leave a response, or trackback from your own site.