Thiruvonum's Weblog

ஈசி போமின் ஈங்கு இரேன் மின் இருமி இளைத்தீர்
உள்ளம் கூசி யிட்டீர் என்று பேசும் குவளை யம் கண்ணியர் பால்
நாசமான பாசம் விட்டு நன்னெறி நோக்கல் உறில்
வாச மல்கு தண் துழாயான் வதரி வணங்குதுமே—-1-3-8-

———————————————

வியாக்யானம் –
ஈசி போமின் –
நடவும் -சீ சீ என்றபடி
போமின் -போகீர் என்பர்கள்
என்றவாறே இருக்கச் சொல்லிற்றாகக் கொண்டு இருக்கும் இறே பழைய வாசனையாலே –

ஈங்கு இரேன் மின் –
நீர் இருக்கிற இடம் தன்னை அறிந்திலரோ –
உமக்கு இங்குத்தை இருப்பில் ஓர் அந்வயம் இல்லை காணும் போம் என்பர்கள் –
என் தான் எனக்கு போக வேண்டுகிற ஹேது என் -என்னுமே –

இருமி இளைத்தீர் உள்ளம் கூசி யிட்டீர் என்று பேசும்-என்பர்கள்
இருமலாலே போர இளைத்தீர் -உம்மை அறிவீரே
இவர்கள் முன்னே இப்படி படுவோமே என்று எங்கள் சன்னதியை அனுசந்தித்து
ஹ்ருதயம்  கூசினீர் என்று சொல்லுகிற –

குவளை அம் கண்ணியர் பால் –
இவனுடைய எளிவரவு காண்கைக்காக சாதரமாகப் பார்ப்பார்கள் ஆயிற்று
அரு நஞ்சாகிலும் ஆகிறது -ஆரா அமுதாலும் ஆகிறது -இவர்களால் தாம் பார்க்கப் பெற்றோம் இறே
என்று இவனுடைய பாவ பந்தத்துக்கு உடலாய் இருக்கும் ஆயிற்று
–
நாசமான பாசம் விட்டு –
ஏதேனும் தசையிலும் இவனை விடாதே
விநாசத்தைப் பலிக்கும் படியான சங்கம் ஆயிற்று –
ஹேய விஷயத்தில் சங்கம் விநாசத்தைப் பலிக்கும் இறே –

நன்னெறி நோக்கல் உறில் வாச மல்கு தண் துழாயான் வதரி வணங்குதுமே –
அத்தை தவிர்ந்து நல் வழி போகப் பார்க்கில் –
தன்னை ஆஸ்ரயித்தார்க்கு கொடுத்து ஆதரிகைக்காக
மாலை இட்டு இருக்கிற அவனதான வதரியை வணங்குதுமே
நன்னெறி நோக்கல் உறில் வாச மல்கு தண் துழாயான் வதரி வணங்குதுமே

——————————————————————

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ பெரியவாச்சான் பிள்ளை திருவடிகளே சரணம் .
ஸ்ரீ திருமங்கை ஆழ்வார் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on July 26, 2013 at 5:01 pm and is filed under Acharyarkall, திருமங்கை ஆழ்வார், பெரிய திரு மொழி, பெரியவாச்சான் பிள்ளை, Prabandha Amudhu, Thirumangai Aazlvaar. You can follow any responses to this entry through the RSS 2.0 feed. You can leave a response, or trackback from your own site.