Thiruvonum's Weblog

ராஜோவாச
தே³வாஸுரமனுஷ்யேஷு யே ப⁴ஜந்த்யஶிவம்ʼ ஶிவம் .
ப்ராயஸ்தே த⁴னினோ போ⁴ஜா ந து லக்ஷ்ம்யா꞉ பதிம்ʼ ஹரிம் .. 1..
ஏதத்³வேதி³துமிச்சா²ம꞉ ஸந்தே³ஹோ(அ)த்ர மஹான் ஹி ந꞉ .
விருத்³த⁴ஶீலயோ꞉ ப்ரப்⁴வோர்விருத்³தா⁴ ப⁴ஜதாம்ʼ க³தி꞉ .. 2..

ஶ்ரீஶுக உவாச
ஶிவ꞉ ஶக்தியுத꞉ ஶஶ்வத்த்ரிலிங்கோ³ கு³ணஸம்ʼவ்ருʼத꞉ .
வைகாரிகஸ்தைஜஸஶ்ச தாமஸஶ்சேத்யஹம்ʼ த்ரிதா⁴ .. 3..

ததோ விகாரா அப⁴வன் ஷோட³ஶாமீஷு கஞ்சன .
உபதா⁴வன் விபூ⁴தீனாம்ʼ ஸர்வாஸாமஶ்னுதே க³திம் .. 4..

ஹரிர்ஹி நிர்கு³ண꞉ ஸாக்ஷாத்புருஷ꞉ ப்ரக்ருʼதே꞉ பர꞉ .
ஸ ஸர்வத்³ருʼகு³பத்³ரஷ்டா தம்ʼ ப⁴ஜன் நிர்கு³ணோ ப⁴வேத் .. 5..

நிவ்ருʼத்தேஷ்வஶ்வமேதே⁴ஷு ராஜா யுஷ்மத்பிதாமஹ꞉ .
ஶ்ருʼண்வன் ப⁴க³வதோ த⁴ர்மானப்ருʼச்ச²தி³த³மச்யுதம் .. 6..

ஸ ஆஹ ப⁴க³வாம்ʼஸ்தஸ்மை ப்ரீத꞉ ஶுஶ்ரூஷவே ப்ரபு⁴꞉ .
ந்ருʼணாம்ʼ நி꞉ஶ்ரேயஸார்தா²ய யோ(அ)வதீர்ணோ யதோ³꞉ குலே .. 7..

ஶ்ரீப⁴க³வானுவாச
யஸ்யாஹமனுக்³ருʼஹ்ணாமி ஹரிஷ்யே தத்³த⁴னம்ʼ ஶனை꞉ .
ததோ(அ)த⁴னம்ʼ த்யஜந்த்யஸ்ய ஸ்வஜனா து³꞉க²து³꞉கி²தம் .. 8..

ஸ யதா³ விததோ²த்³யோகோ³ நிர்விண்ண꞉ ஸ்யாத்³த⁴னேஹயா .
மத்பரை꞉ க்ருʼதமைத்ரஸ்ய கரிஷ்யே மத³னுக்³ரஹம் .. 9..

தத்³ப்³ரஹ்ம பரமம்ʼ ஸூக்ஷ்மம்ʼ சின்மாத்ரம்ʼ ஸத³னந்தகம் .
(விஜ்ஞாயாத்மதயா தீ⁴ர꞉ ஸம்ʼஸாராத்பரிமுச்யதே .)
அதோ மாம்ʼ ஸுது³ராராத்⁴யம்ʼ ஹித்வான்யான் ப⁴ஜதே ஜன꞉ .. 10..

ததஸ்த ஆஶுதோஷேப்⁴யோ லப்³த⁴ராஜ்யஶ்ரியோத்³த⁴தா꞉ .
மத்தா꞉ ப்ரமத்தா வரதா³ன் விஸ்மரந்த்யவஜானதே .. 11..

ஶ்ரீஶுக உவாச
ஶாபப்ரஸாத³யோரீஶா ப்³ரஹ்மவிஷ்ணுஶிவாத³ய꞉ .
ஸத்³ய꞉ ஶாபப்ரஸாதோ³(அ)ங்க³ ஶிவோ ப்³ரஹ்மா ந சாச்யுத꞉ .. 12..

அத்ர சோதா³ஹரந்தீமமிதிஹாஸம்ʼ புராதனம் .
வ்ருʼகாஸுராய கி³ரிஶோ வரம்ʼ த³த்த்வா(ஆ)ப ஸங்கடம் .. 13..

வ்ருʼகோ நாமாஸுர꞉ புத்ர꞉ ஶகுனே꞉ பதி² நாரத³ம் .
த்³ருʼஷ்ட்வா(ஆ)ஶுதோஷம்ʼ பப்ரச்ச² தே³வேஷு த்ரிஷு து³ர்மதி꞉ .. 14..

ஸ ஆஹ தே³வம்ʼ கி³ரிஶமுபாதா⁴வாஶு ஸித்³த்⁴யஸி .
யோ(அ)ல்பாப்⁴யாம்ʼ கு³ணதோ³ஷாப்⁴யாமாஶு துஷ்யதி குப்யதி .. 15..

த³ஶாஸ்யபா³ணயோஸ்துஷ்ட꞉ ஸ்துவதோர்வந்தி³னோரிவ .
ஐஶ்வர்யமதுலம்ʼ த³த்த்வா தத ஆப ஸுஸங்கடம் .. 16..

இத்யாதி³ஷ்டஸ்தமஸுர உபாதா⁴வத்ஸ்வகா³த்ரத꞉ .
கேதா³ர ஆத்மக்ரவ்யேண ஜுஹ்வானோ(அ)க்³னிமுக²ம்ʼ ஹரம் .. 17..

தே³வோபலப்³தி⁴மப்ராப்ய நிர்வேதா³த்ஸப்தமே(அ)ஹனி .
ஶிரோ(அ)வ்ருʼஶ்சத்ஸ்வதி⁴தினா தத்தீர்த²க்லின்னமூர்த⁴ஜம் .. 18..

ததா³ மஹாகாருணிக꞉ ஸ தூ⁴ர்ஜடிர்யதா²
வயம்ʼ சாக்³நிரிவோத்தி²தோ(அ)னலாத் .
நிக்³ருʼஹ்ய தோ³ர்ப்⁴யாம்ʼ பு⁴ஜயோர்ன்யவாரய-
த்தத்ஸ்பர்ஶநாத்³பூ⁴ய உபஸ்க்ருʼதாக்ருʼதி꞉ .. 19..

தமாஹ சாங்கா³லமலம்ʼ வ்ருʼணீஷ்வ மே
யதா²பி⁴காமம்ʼ விதராமி தே வரம் .
ப்ரீயேய தோயேன ந்ருʼணாம்ʼ ப்ரபத்³யதாமஹோ
த்வயா(ஆ)த்மா ப்⁴ருʼஶமர்த்³யதே வ்ருʼதா² .. 20..

தே³வம்ʼ ஸ வவ்ரே பாபீயான் வரம்ʼ பூ⁴தப⁴யாவஹம் .
யஸ்ய யஸ்ய கரம்ʼ ஶீர்ஷ்ணி தா⁴ஸ்யே ஸ ம்ரியதாமிதி .. 21..

தச்ச்²ருத்வா ப⁴க³வான் ருத்³ரோ து³ர்மனா இவ பா⁴ரத .
ௐ இதி ப்ரஹஸம்ʼஸ்தஸ்மை த³தே³(அ)ஹேரம்ருʼதம்ʼ யதா² .. 22..

இத்யுக்த꞉ ஸோ(அ)ஸுரோ நூனம்ʼ கௌ³ரீஹரணலாலஸ꞉ .
ஸ தத்³வரபரீக்ஷார்த²ம்ʼ ஶம்போ⁴ர்மூர்த்⁴னி கிலாஸுர꞉ .
ஸ்வஹஸ்தம்ʼ தா⁴துமாரேபே⁴ ஸோ(அ)பி³ப்⁴யத்ஸ்வக்ருʼதாச்சி²வ꞉ .. 23..

தேனோபஸ்ருʼஷ்ட꞉ ஸந்த்ரஸ்த꞉ பராதா⁴வன் ஸவேபது²꞉ .
யாவத³ந்தம்ʼ தி³வோ பூ⁴மே꞉ காஷ்டா²நாமுத³கா³து³த³க் .. 24..

அஜானந்த꞉ ப்ரதிவிதி⁴ம்ʼ தூஷ்ணீமாஸன் ஸுரேஶ்வரா꞉ .
ததோ வைகுண்ட²மக³மத்³பா⁴ஸ்வரம்ʼ தமஸ꞉ பரம் .. 25..

யத்ர நாராயண꞉ ஸாக்ஷாந்ந்யாஸினாம்ʼ பரமா க³தி꞉ .
ஶாந்தானாம்ʼ ந்யஸ்தத³ண்டா³னாம்ʼ யதோ நாவர்ததே க³த꞉ .. 26..

தம்ʼ ததா²வ்யஸனம்ʼ த்³ருʼஷ்ட்வா ப⁴க³வான் வ்ருʼஜினார்த³ன꞉ .
தூ³ராத்ப்ரத்யுதி³யாத்³பூ⁴த்வா வடுகோ யோக³மாயயா .. 27..

மேக²லாஜினத³ண்டா³க்ஷைஸ்தேஜஸாக்³நிரிவ ஜ்வலன் .
அபி⁴வாத³யாமாஸ ச தம்ʼ குஶபாணிர்வினீதவத் .. 28..

ஶ்ரீப⁴க³வானுவாச
ஶாகுனேய ப⁴வான் வ்யக்தம்ʼ ஶ்ராந்த꞉ கிம்ʼ தூ³ரமாக³த꞉ .
க்ஷணம்ʼ விஶ்ரம்யதாம்ʼ பும்ʼஸ ஆத்மாயம்ʼ ஸர்வகாமது⁴க் .. 29..

யதி³ ந꞉ ஶ்ரவணாயாலம்ʼ யுஷ்மத்³வ்யவஸிதம்ʼ விபோ⁴ .
ப⁴ண்யதாம்ʼ ப்ராயஶ꞉ பும்பி⁴ர்த்⁴ருʼதை꞉ ஸ்வார்தா²ன் ஸமீஹதே .. 30..

ஶ்ரீஶுக உவாச
ஏவம்ʼ ப⁴க³வதா ப்ருʼஷ்டோ வசஸாம்ருʼதவர்ஷிணா .
க³தக்லமோ(அ)ப்³ரவீத்தஸ்மை யதா²பூர்வமனுஷ்டி²தம் .. 31..

ஶ்ரீப⁴க³வானுவாச
ஏவம்ʼ சேத்தர்ஹி தத்³வாக்யம்ʼ ந வயம்ʼ ஶ்ரத்³த³தீ⁴மஹி .
யோ த³க்ஷஶாபாத்பைஶாச்யம்ʼ ப்ராப்த꞉ ப்ரேதபிஶாசராட் .. 32..

யதி³ வஸ்தத்ர விஶ்ரம்போ⁴ தா³னவேந்த்³ர ஜக³த்³கு³ரௌ .
தர்ஹ்யங்கா³ஶு ஸ்வஶிரஸி ஹஸ்தம்ʼ ந்யஸ்ய ப்ரதீயதாம் .. 33..

யத்³யஸத்யம்ʼ வச꞉ ஶம்போ⁴꞉ கத²ஞ்சித்³தா³னவர்ஷப⁴ .
ததை³னம்ʼ ஜஹ்யஸத்³வாசம்ʼ ந யத்³வக்தாந்ருʼதம்ʼ புன꞉ .. 34..

இத்த²ம்ʼ ப⁴க³வதஶ்சித்ரைர்வசோபி⁴꞉ ஸ ஸுபேஶலை꞉ .
பி⁴ன்னதீ⁴ர்விஸ்ம்ருʼத꞉ ஶீர்ஷ்ணி ஸ்வஹஸ்தம்ʼ குமதிர்வ்யதா⁴த் .. 35..

அதா²பதத்³பி⁴ன்னஶிரா꞉ வஜ்ராஹத இவ க்ஷணாத் .
ஜயஶப்³தோ³ நம꞉ஶப்³த³꞉ ஸாது⁴ஶப்³தோ³(அ)ப⁴வத்³தி³வி .. 36..

முமுசு꞉ புஷ்பவர்ஷாணி ஹதே பாபே வ்ருʼகாஸுரே .
தே³வர்ஷிபித்ருʼக³ந்த⁴ர்வா மோசித꞉ ஸங்கடாச்சி²வ꞉ .. 37..

முக்தம்ʼ கி³ரிஶமப்⁴யாஹ ப⁴க³வான் புருஷோத்தம꞉ .
அஹோ தே³வ மஹாதே³வ பாபோ(அ)யம்ʼ ஸ்வேன பாப்மனா .. 38..

ஹத꞉ கோ நு மஹத்ஸ்வீஶ ஜந்துர்வை க்ருʼதகில்பி³ஷ꞉ .
க்ஷேமீ ஸ்யாத்கிமு விஶ்வேஶே க்ருʼதாக³ஸ்கோ ஜக³த்³கு³ரௌ .. 39..

ய ஏவமவ்யாக்ருʼதஶக்த்யுத³ன்வத꞉
பரஸ்ய ஸாக்ஷாத்பரமாத்மனோ ஹரே꞉ .
கி³ரித்ரமோக்ஷம்ʼ கத²யேச்ச்²ருʼணோதி வா
விமுச்யதே ஸம்ʼஸ்ருʼதிபி⁴ஸ்ததா²ரிபி⁴꞉ .. 40..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
த³ஶமஸ்கந்தே⁴ உத்தரார்தே⁴ ருத்³ரமோக்ஷணம்ʼ நாமாஷ்டாஶீதிதமோ(அ)த்⁴யாய꞉ .. 88..

——————————————–———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 9, 2020 at 5:47 am and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.