Thiruvonum's Weblog

ஶ்ரீஶுக உவாச
ஸரஸ்வத்யாஸ்தடே ராஜன் ருʼஷய꞉ ஸத்ரமாஸத .
விதர்க꞉ ஸமபூ⁴த்தேஷாம்ʼ த்ரிஷ்வதீ⁴ஶேஷு கோ மஹான் .. 1..

தஸ்ய ஜிஜ்ஞாஸயா தே வை ப்⁴ருʼகு³ம்ʼ ப்³ரஹ்மஸுதம்ʼ ந்ருʼப .
தஜ்ஜ்ஞப்த்யை ப்ரேஷயாமாஸு꞉ ஸோ(அ)ப்⁴யகா³த்³ ப்³ரஹ்மண꞉ ஸபா⁴ம் .. 2..

ந தஸ்மை ப்ரஹ்வணம்ʼ ஸ்தோத்ரம்ʼ சக்ரே ஸத்த்வபரீக்ஷயா .
தஸ்மை சுக்ரோத⁴ ப⁴க³வான் ப்ரஜ்வலன் ஸ்வேன தேஜஸா .. 3..

ஸ ஆத்மன்யுத்தி²தம்ʼ மன்யுமாத்மஜாயாத்மனா ப்ரபு⁴꞉ .
அஶீஶமத்³யதா² வஹ்னிம்ʼ ஸ்வயோன்யா வாரிணா(ஆ)த்மபூ⁴꞉ .. 4..

தத꞉ கைலாஸமக³மத்ஸ தம்ʼ தே³வோ மஹேஶ்வர꞉ .
பரிரப்³து⁴ம்ʼ ஸமாரேப⁴ உத்தா²ய ப்⁴ராதரம்ʼ முதா³ .. 5..

நைச்ச²த்த்வமஸ்யுத்பத²க³ இதி தே³வஶ்சுகோப ஹ .
ஶூலமுத்³யம்ய தம்ʼ ஹந்துமாரேபே⁴ திக்³மலோசன꞉ .. 6..

பதித்வா பாத³யோர்தே³வீ ஸாந்த்வயாமாஸ தம்ʼ கி³ரா .
அதோ² ஜகா³ம வைகுண்ட²ம்ʼ யத்ர தே³வோ ஜனார்த³ன꞉ .. 7..

ஶயானம்ʼ ஶ்ரிய உத்ஸங்கே³ பதா³ வக்ஷஸ்யதாட³யத் .
தத உத்தா²ய ப⁴க³வான் ஸஹ லக்ஷ்ம்யா ஸதாம்ʼ க³தி꞉ .. 8..

ஸ்வதல்பாத³வருஹ்யாத² நநாம ஶிரஸா முனிம் .
ஆஹ தே ஸ்வாக³தம்ʼ ப்³ரஹ்மன் நிஷீதா³த்ராஸனே க்ஷணம் .
அஜானதாமாக³தான் வ꞉ க்ஷந்துமர்ஹத² ந꞉ ப்ரபோ⁴ .. 9..

அதீவ கோமலௌ தாத சரணௌ தே மஹாமுனே .
இத்யுக்த்வா விப்ரசரணௌ மர்த³யன் ஸ்வேன பாணினா .. 10..

புனீஹி ஸஹ லோகம்ʼ மாம்ʼ லோகபாலாம்ʼஶ்ச மத்³க³தான் .
பாதோ³த³கேன ப⁴வதஸ்தீர்தா²னாம்ʼ தீர்த²காரிணா .. 11..

அத்³யாஹம்ʼ ப⁴க³வம்ʼல்லக்ஷ்ம்யா ஆஸமேகாந்தபா⁴ஜனம் .
வத்ஸ்யத்யுரஸி மே பூ⁴திர்ப⁴வத்பாத³ஹதாம்ʼஹஸ꞉ .. 12..

ஶ்ரீஶுக உவாச
ஏவம்ʼ ப்³ருவாணே வைகுண்டே² ப்⁴ருʼகு³ஸ்தன்மந்த்³ரயா கி³ரா .
நிர்வ்ருʼதஸ்தர்பிதஸ்தூஷ்ணீம்ʼ ப⁴க்த்யுத்கண்டோ²(அ)ஶ்ருலோசன꞉ .. 13..

புனஶ்ச ஸத்ரமாவ்ரஜ்ய முனீனாம்ʼ ப்³ரஹ்மவாதி³னாம் .
ஸ்வானுபூ⁴தமஶேஷேண ராஜன் ப்⁴ருʼகு³ரவர்ணயத் .. 14..

தந்நிஶம்யாத² முனயோ விஸ்மிதா முக்தஸம்ʼஶயா꞉ .
பூ⁴யாம்ʼஸம்ʼ ஶ்ரத்³த³து⁴ர்விஷ்ணும்ʼ யத꞉ ஶாந்திர்யதோ(அ)ப⁴யம் .. 15..

த⁴ர்ம꞉ ஸாக்ஷாத்³யதோ ஜ்ஞானம்ʼ வைராக்³யம்ʼ ச தத³ன்விதம் .
ஐஶ்வர்யம்ʼ சாஷ்டதா⁴ யஸ்மாத்³யஶஶ்சாத்மமலாபஹம் .. 16..

முனீனாம்ʼ ந்யஸ்தத³ண்டா³னாம்ʼ ஶாந்தானாம்ʼ ஸமசேதஸாம் .
அகிஞ்சனானாம்ʼ ஸாதூ⁴னாம்ʼ யமாஹு꞉ பரமாம்ʼ க³திம் .. 17..

ஸத்த்வம்ʼ யஸ்ய ப்ரியா மூர்திர்ப்³ராஹ்மணாஸ்த்விஷ்டதே³வதா꞉ .
ப⁴ஜந்த்யநாஶிஷ꞉ ஶாந்தா யம்ʼ வா நிபுணபு³த்³த⁴ய꞉ .. 18..

த்ரிவிதா⁴க்ருʼதயஸ்தஸ்ய ராக்ஷஸா அஸுரா꞉ ஸுரா꞉ .
கு³ணின்யா மாயயா ஸ்ருʼஷ்டா꞉ ஸத்த்வம்ʼ தத்தீர்த²ஸாத⁴னம் .. 19..

ஶ்ரீஶுக உவாச
ஏவம்ʼ ஸாரஸ்வதா விப்ரா ந்ருʼணாம்ʼ ஸம்ʼஶயனுத்தயே .
புருஷஸ்ய பதா³ம்போ⁴ஜஸேவயா தத்³க³திம்ʼ க³தா꞉ .. 20..

ஸூத உவாச
இத்யேதன்முனிதனயாஸ்யபத்³மக³ந்த⁴பீயூஷம்ʼ
ப⁴வப⁴யபி⁴த்பரஸ்ய பும்ʼஸ꞉ .
ஸுஶ்லோகம்ʼ ஶ்ரவணபுடை꞉ பிப³த்யபீ⁴க்ஷ்ணம்ʼ
பாந்தோ²(அ)த்⁴வப்⁴ரமணபரிஶ்ரமம்ʼ ஜஹாதி .. 21..

ஶ்ரீஶுக உவாச
ஏகதா³ த்³வாரவத்யாம்ʼ து விப்ரபத்ன்யா꞉ குமாரக꞉ .
ஜாதமாத்ரோ பு⁴வம்ʼ ஸ்ப்ருʼஷ்ட்வா மமார கில பா⁴ரத .. 22..

விப்ரோ க்³ருʼஹீத்வா ம்ருʼதகம்ʼ ராஜத்³வார்யுபதா⁴ய ஸ꞉ .
இத³ம்ʼ ப்ரோவாச விலபன்னாதுரோ தீ³னமானஸ꞉ .. 23..

ப்³ரஹ்மத்³விஷ꞉ ஶட²தி⁴யோ லுப்³த⁴ஸ்ய விஷயாத்மன꞉ .
க்ஷத்ரப³ந்தோ⁴꞉ கர்மதோ³ஷாத்பஞ்சத்வம்ʼ மே க³தோ(அ)ர்ப⁴க꞉ .. 24..

ஹிம்ʼஸாவிஹாரம்ʼ ந்ருʼபதிம்ʼ து³꞉ஶீலமஜிதேந்த்³ரியம் .
ப்ரஜா ப⁴ஜந்த்ய꞉ ஸீத³ந்தி த³ரித்³ரா நித்யது³꞉கி²தா꞉ .. 25..

ஏவம்ʼ த்³விதீயம்ʼ விப்ரர்ஷிஸ்த்ருʼதீயம்ʼ த்வேவமேவ ச .
விஸ்ருʼஜ்ய ஸ ந்ருʼபத்³வாரி தாம்ʼ கா³தா²ம்ʼ ஸமகா³யத .. 26..

தாமர்ஜுன உபஶ்ருத்ய கர்ஹிசித்கேஶவாந்திகே .
பரேதே நவமே பா³லே ப்³ராஹ்மணம்ʼ ஸமபா⁴ஷத .. 27..

கிம்ʼ ஸ்வித்³ப்³ரஹ்மம்ʼஸ்த்வந்நிவாஸே இஹ நாஸ்தி த⁴னுர்த⁴ர꞉ .
ராஜன்யப³ந்து⁴ரேதே வை ப்³ராஹ்மணா꞉ ஸத்ர ஆஸதே .. 28..

த⁴னதா³ராத்மஜாப்ருʼக்தா யத்ர ஶோசந்தி ப்³ராஹ்மணா꞉ .
தே வை ராஜன்யவேஷேண நடா ஜீவந்த்யஸும்ப⁴ரா꞉ .. 29..

அஹம்ʼ ப்ரஜா வாம்ʼ ப⁴க³வன் ரக்ஷிஷ்யே தீ³னயோரிஹ .
அநிஸ்தீர்ணப்ரதிஜ்ஞோ(அ)க்³னிம்ʼ ப்ரவேக்ஷ்யே ஹதகல்மஷ꞉ .. 30..

ப்³ராஹ்மண உவாச
ஸங்கர்ஷணோ வாஸுதே³வ꞉ ப்ரத்³யும்னோ த⁴ன்வினாம்ʼ வர꞉ .
அநிருத்³தோ⁴(அ)ப்ரதிரதோ² ந த்ராதும்ʼ ஶக்னுவந்தி யத் .. 31..

தத்கத²ம்ʼ நு ப⁴வான் கர்ம து³ஷ்கரம்ʼ ஜக³தீ³ஶ்வரை꞉ .
சிகீர்ஷஸி த்வம்ʼ பா³லிஶ்யாத்தன்ன ஶ்ரத்³த³த்⁴மஹே வயம் .. 32..

அர்ஜுன உவாச
நாஹம்ʼ ஸங்கர்ஷணோ ப்³ரஹ்மன் ந க்ருʼஷ்ண꞉ கார்ஷ்ணிரேவ ச .
அஹம்ʼ வா அர்ஜுனோ நாம கா³ண்டீ³வம்ʼ யஸ்ய வை த⁴னு꞉ .. 33..

மாவமம்ʼஸ்தா² மம ப்³ரஹ்மன் வீர்யம்ʼ த்ர்யம்ப³கதோஷணம் .
ம்ருʼத்யும்ʼ விஜித்ய ப்ரத⁴னே ஆனேஷ்யே தே ப்ரஜாம்ʼ ப்ரபோ⁴ .. 34..

ஏவம்ʼ விஶ்ரம்பி⁴தோ விப்ர꞉ பா²ல்கு³னேன பரந்தப .
ஜகா³ம ஸ்வக்³ருʼஹம்ʼ ப்ரீத꞉ பார்த²வீர்யம்ʼ நிஶாமயன் .. 35..

ப்ரஸூதிகால ஆஸன்னே பா⁴ர்யாயா த்³விஜஸத்தம꞉ .
பாஹி பாஹி ப்ரஜாம்ʼ ம்ருʼத்யோரித்யாஹார்ஜுனமாதுர꞉ .. 36..

ஸ உபஸ்ப்ருʼஶ்ய ஶுச்யம்போ⁴ நமஸ்க்ருʼத்ய மஹேஶ்வரம் .
தி³வ்யான்யஸ்த்ராணி ஸம்ʼஸ்ம்ருʼத்ய ஸஜ்யம்ʼ கா³ண்டீ³வமாத³தே³ .. 37..

ந்யருணத்ஸூதிகாகா³ரம்ʼ ஶரைர்னானாஸ்த்ரயோஜிதை꞉ .
திர்யகூ³ர்த்⁴வமத⁴꞉ பார்த²ஶ்சகார ஶரபஞ்ஜரம் .. 38..

தத꞉ குமார꞉ ஸஞ்ஜாதோ விப்ரபத்ன்யா ருத³ன் முஹு꞉ .
ஸத்³யோ(அ)த³ர்ஶனமாபேதே³ ஸஶரீரோ விஹாயஸா .. 39..

ததா³(ஆ)ஹ விப்ரோ விஜயம்ʼ வினிந்த³ன் க்ருʼஷ்ணஸந்நிதௌ⁴ .
மௌட்⁴யம்ʼ பஶ்யத மே யோ(அ)ஹம்ʼ ஶ்ரத்³த³தே⁴ க்லீப³கத்த²னம் .. 40..

ந ப்ரத்³யும்னோ நாநிருத்³தோ⁴ ந ராமோ ந ச கேஶவ꞉ .
யஸ்ய ஶேகு꞉ பரித்ராதும்ʼ கோ(அ)ன்யஸ்தத³விதேஶ்வர꞉ .. 41..

தி⁴க³ர்ஜுனம்ʼ ம்ருʼஷாவாத³ம்ʼ தி⁴கா³த்மஶ்லாகி⁴னோ த⁴னு꞉ .
தை³வோபஸ்ருʼஷ்டம்ʼ யோ மௌட்⁴யாதா³னினீஷதி து³ர்மதி꞉ .. 42..

ஏவம்ʼ ஶபதி விப்ரர்ஷௌ வித்³யாமாஸ்தா²ய பா²ல்கு³ன꞉ .
யயௌ ஸம்ʼயமனீமாஶு யத்ராஸ்தே ப⁴க³வான் யம꞉ .. 43..

விப்ராபத்யமசக்ஷாணஸ்தத ஐந்த்³ரீமகா³த்புரீம் .
ஆக்³னேயீம்ʼ நைர்ருʼதீம்ʼ ஸௌம்யாம்ʼ வாயவ்யாம்ʼ வாருணீமத² .
ரஸாதலம்ʼ நாகப்ருʼஷ்ட²ம்ʼ தி⁴ஷ்ண்யான்யன்யான்யுதா³யுத⁴꞉ .. 44..

ததோ(அ)லப்³த⁴த்³விஜஸுதோ ஹ்யநிஸ்தீர்ணப்ரதிஶ்ருத꞉ .
அக்³னிம்ʼ விவிக்ஷு꞉ க்ருʼஷ்ணேன ப்ரத்யுக்த꞉ ப்ரதிஷேத⁴தா .. 45..

த³ர்ஶயே த்³விஜஸூனூம்ʼஸ்தே மாவஜ்ஞாத்மானமாத்மனா .
யே தே ந꞉ கீர்திம்ʼ விமலாம்ʼ மனுஷ்யா꞉ ஸ்தா²பயிஷ்யந்தி .. 46..

இதி ஸம்பா⁴ஷ்ய ப⁴க³வானர்ஜுனேன ஸஹேஶ்வர꞉ .
தி³வ்யம்ʼ ஸ்வரத²மாஸ்தா²ய ப்ரதீசீம்ʼ தி³ஶமாவிஶத் .. 47..

ஸப்தத்³வீபான் ஸப்த ஸிந்தூ⁴ன்ஸப்தஸப்த கி³ரீனத² .
லோகாலோகம்ʼ ததா²தீத்ய விவேஶ ஸுமஹத்தம꞉ .. 48..

தத்ராஶ்வா꞉ ஶைப்³யஸுக்³ரீவமேக⁴புஷ்பப³லாஹகா꞉ .
தமஸி ப்⁴ரஷ்டக³தயோ ப³பூ⁴வுர்ப⁴ரதர்ஷப⁴ .. 49..

தான் த்³ருʼஷ்ட்வா ப⁴க³வான் க்ருʼஷ்ணோ மஹாயோகே³ஶ்வரேஶ்வர꞉ .
ஸஹஸ்ராதி³த்யஸங்காஶம்ʼ ஸ்வசக்ரம்ʼ ப்ராஹிணோத்புர꞉ .. 50..

தம꞉ ஸுகோ⁴ரம்ʼ க³ஹனம்ʼ க்ருʼதம்ʼ மஹ-
த்³விதா³ரயத்³பூ⁴ரிதரேண ரோசிஷா .
மனோஜவம்ʼ நிர்விவிஶே ஸுத³ர்ஶனம்ʼ
கு³ணச்யுதோ ராமஶரோ யதா² சமூ꞉ .. 51..

த்³வாரேண சக்ரானுபதே²ன தத்தம꞉
பரம்ʼ பரம்ʼ ஜ்யோதிரனந்தபாரம் .
ஸமஶ்னுவானம்ʼ ப்ரஸமீக்ஷ்ய பா²ல்கு³ன꞉
ப்ரதாடி³தாக்ஷோ பித³தே⁴(அ)க்ஷிணீ உபே⁴ .. 52..

தத꞉ ப்ரவிஷ்ட꞉ ஸலிலம்ʼ நப⁴ஸ்வதா
ப³லீயஸைஜத்³ப்³ருʼஹதூ³ர்மிபூ⁴ஷணம் .
தத்ராத்³பு⁴தம்ʼ வை ப⁴வனம்ʼ த்³யுமத்தமம்ʼ
ப்⁴ராஜன்மணிஸ்தம்ப⁴ஸஹஸ்ரஶோபி⁴தம் .. 53..

தஸ்மின் மஹாபீ⁴மமனந்தமத்³பு⁴தம்ʼ
ஸஹஸ்ரமூர்த⁴ன்யப²ணாமணித்³யுபி⁴꞉ .
விப்⁴ராஜமானம்ʼ த்³விகு³ணோல்ப³ணேக்ஷணம்ʼ
ஸிதாசலாப⁴ம்ʼ ஶிதிகண்ட²ஜிஹ்வம் .. 54..

த³த³ர்ஶ தத்³போ⁴க³ஸுகா²ஸனம்ʼ விபு⁴ம்ʼ
மஹானுபா⁴வம்ʼ புருஷோத்தமோத்தமம் .
ஸாந்த்³ராம்பு³தா³ப⁴ம்ʼ ஸுபிஶங்க³வாஸஸம்ʼ
ப்ரஸன்னவக்த்ரம்ʼ ருசிராயதேக்ஷணம் .. 55.. ஸகோ³னாஸங்கோ³கோ³
மஹாமணிவ்ராதகிரீடகுண்ட³ல-
ப்ரபா⁴பரிக்ஷிப்தஸஹஸ்ரகுந்தலம் .
ப்ரலம்ப³சார்வஷ்டபு⁴ஜம்ʼ ஸகௌஸ்துப⁴ம்ʼ
ஶ்ரீவத்ஸலக்ஷ்மம்ʼ வனமாலயா வ்ருʼதம் .. 56..

ஸுநந்த³னந்த³ப்ரமுகை²꞉ ஸ்வபார்ஷதை³-
ஶ்சக்ராதி³பி⁴ர்மூர்தித⁴ரைர்நிஜாயுதை⁴꞉ .
புஷ்ட்யா ஶ்ரியா கீர்த்யஜயாகி²லர்தி⁴பி⁴-
ர்நிஷேவ்யமாணம்ʼ பரமேஷ்டி²னாம்ʼ பதிம் .. 57..

வவந்த³ ஆத்மானமனந்தமச்யுதோ
ஜிஷ்ணுஶ்ச தத்³த³ர்ஶனஜாதஸாத்⁴வஸ꞉ .
தாவாஹ பூ⁴மா பரமேஷ்டி²னாம்ʼ ப்ரபு⁴-
ர்ப³த்³தா⁴ஞ்ஜலீ ஸஸ்மிதமூர்ஜயா கி³ரா .. 58..

த்³விஜாத்மஜா மே யுவயோர்தி³த்³ருʼக்ஷுணா
மயோபனீதா பு⁴வி த⁴ர்மகு³ப்தயே .
கலாவதீர்ணாவவனேர்ப⁴ராஸுரான்
ஹத்வேஹ பூ⁴யஸ்த்வரயேதமந்தி மே .. 59..

பூர்ணகாமாவபி யுவாம்ʼ நரநாராயணாவ்ருʼஷீ .
த⁴ர்மமாசரதாம்ʼ ஸ்தி²த்யை ருʼஷபௌ⁴ லோகஸங்க்³ரஹம் .. 60..

இத்யாதி³ஷ்டௌ ப⁴க³வதா தௌ க்ருʼஷ்ணௌ பரமேஷ்டி²னா .
ஓமித்யானம்ய பூ⁴மானமாதா³ய த்³விஜதா³ரகான் .. 61..

ந்யவர்ததாம்ʼ ஸ்வகம்ʼ தா⁴ம ஸம்ப்ரஹ்ருʼஷ்டௌ யதா²க³தம் .
விப்ராய த³த³து꞉ புத்ரான் யதா²ரூபம்ʼ யதா²வய꞉ .. 62..

நிஶாம்ய வைஷ்ணவம்ʼ தா⁴ம பார்த²꞉ பரமவிஸ்மித꞉ .
யத்கிஞ்சித்பௌருஷம்ʼ பும்ʼஸாம்ʼ மேனே க்ருʼஷ்ணானுகம்பிதம் .. 63..

இதீத்³ருʼஶான்யனேகானி வீர்யாணீஹ ப்ரத³ர்ஶயன் .
பு³பு⁴ஜே விஷயான் க்³ராம்யானீஜே சாத்யூர்ஜிதைர்மகை²꞉ .. 64..

ப்ரவவர்ஷாகி²லான் காமான் ப்ரஜாஸு ப்³ராஹ்மணாதி³ஷு .
யதா²காலம்ʼ யதை²வேந்த்³ரோ ப⁴க³வான் ஶ்ரைஷ்ட்²யமாஸ்தி²த꞉ .. 65..

ஹத்வா ந்ருʼபானத⁴ர்மிஷ்டா²ன் கா⁴தயித்வார்ஜுநாதி³பி⁴꞉ .
அஞ்ஜஸா வர்தயாமாஸ த⁴ர்மம்ʼ த⁴ர்மஸுதாதி³பி⁴꞉ .. 66..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
த³ஶமஸ்கந்தே⁴ உத்தரார்தே⁴ த்³விஜகுமாராநயனம்ʼ
நாமைகோனனவதிதமோ(அ)த்⁴யாய꞉ .. 89..

———————-———————–———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 9, 2020 at 5:49 am and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.