Thiruvonum's Weblog

பரீக்ஷிது³வாச
ப்³ரஹ்மன் ப்³ரஹ்மண்யநிர்தே³ஶ்யே நிர்கு³ணே கு³ணவ்ருʼத்தய꞉ .
கத²ம்ʼ சரந்தி ஶ்ருதய꞉ ஸாக்ஷாத்ஸத³ஸத꞉ பரே .. 1..

ஶ்ரீஶுக உவாச
பு³த்³தீ⁴ந்த்³ரியமன꞉ப்ராணான் ஜனாநாமஸ்ருʼஜத்ப்ரபு⁴꞉ .
மாத்ரார்த²ம்ʼ ச ப⁴வார்த²ம்ʼ ச ஆத்மனே(அ)கல்பனாய ச .. 2..

ஸைஷா ஹ்யுபநிஷத்³ப்³ராஹ்மீ பூர்வேஷாம்ʼ பூர்வஜைர்த்⁴ருʼதா .
ஶ்ரத்³த⁴யா தா⁴ரயேத்³யஸ்தாம்ʼ க்ஷேமம்ʼ க³ச்சே²த³கிஞ்சன꞉ .. 3..

அத்ர தே வர்ணயிஷ்யாமி கா³தா²ம்ʼ நாராயணான்விதாம் .
நாரத³ஸ்ய ச ஸம்ʼவாத³ம்ருʼஷேர்நாராயணஸ்ய ச .. 4..

ஏகதா³ நாரதோ³ லோகான் பர்யடன் ப⁴க³வத்ப்ரிய꞉ .
ஸனாதனம்ருʼஷிம்ʼ த்³ரஷ்டும்ʼ யயௌ நாராயணாஶ்ரமம் .. 5..

யோ வை பா⁴ரதவர்ஷே(அ)ஸ்மின் க்ஷேமாய ஸ்வஸ்தயே ந்ருʼணாம் .
த⁴ர்மஜ்ஞானஶமோபேதமாகல்பாதா³ஸ்தி²தஸ்தப꞉ .. 6..

தத்ரோபவிஷ்டம்ருʼஷிபி⁴꞉ கலாபக்³ராமவாஸிபி⁴꞉ .
பரீதம்ʼ ப்ரணதோ(அ)ப்ருʼச்ச²தி³த³மேவ குரூத்³வஹ .. 7..

தஸ்மை ஹ்யவோசத்³ப⁴க³வான் ருʼஷீணாம்ʼ ஶ்ருʼண்வதாமித³ம் .
யோ ப்³ரஹ்மவாத³꞉ பூர்வேஷாம்ʼ ஜனலோகநிவாஸினாம் .. 8..

ஶ்ரீப⁴க³வானுவாச
ஸ்வாயம்பு⁴வ ப்³ரஹ்மஸத்ரம்ʼ ஜனலோகே(அ)ப⁴வத்புரா .
தத்ரஸ்தா²னாம்ʼ மானஸானாம்ʼ முனீநாமூர்த்⁴வரேதஸாம் .. 9..

ஶ்வேதத்³வீபம்ʼ க³தவதி த்வயி த்³ரஷ்டும்ʼ ததீ³ஶ்வரம் .
ப்³ரஹ்மவாத³꞉ ஸுஸம்ʼவ்ருʼத்த꞉ ஶ்ருதயோ யத்ர ஶேரதே .
தத்ர ஹாயமபூ⁴த்ப்ரஶ்னஸ்த்வம்ʼ மாம்ʼ யமனுப்ருʼச்ச²ஸி .. 10..

துல்யஶ்ருததப꞉ஶீலாஸ்துல்யஸ்வீயாரிமத்⁴யமா꞉ .
அபி சக்ரு꞉ ப்ரவசனமேகம்ʼ ஶுஶ்ரூஷவோ(அ)பரே .. 11..

ஸநந்த³ன உவாச
ஸ்வஸ்ருʼஷ்டமித³மாபீய ஶயானம்ʼ ஸஹ ஶக்திபி⁴꞉ .
தத³ந்தே போ³த⁴யாஞ்சக்ருஸ்தல்லிங்கை³꞉ ஶ்ருதய꞉ பரம் .. 12..

யதா² ஶயானம்ʼ ஸம்ராஜம்ʼ வந்தி³னஸ்தத்பராக்ரமை꞉ .
ப்ரத்யூஷே(அ)ப்⁴யேத்ய ஸுஶ்லோகைர்போ³த⁴யந்த்யனுஜீவின꞉ .. 13..

ஶ்ருதய ஊசு꞉
ஜய ஜய ஜஹ்யஜாமஜித தோ³ஷக்³ருʼபீ⁴தகு³ணாம்ʼ
த்வமஸி யதா³த்மனா ஸமவருத்³த⁴ஸமஸ்தப⁴க³꞉ .
அக³ஜக³தோ³கஸாமகி²லஶக்த்யவபோ³த⁴க தே
க்வசித³ஜயா(ஆ)த்மனா ச சரதோ(அ)னுசரேந்நிக³ம꞉ .. 14..

ப்³ருʼஹது³பலப்³த⁴மேதத³வயந்த்யவஶேஷதயா
யத உத³யாஸ்தமயௌ விக்ருʼதேர்ம்ருʼதி³ வாவிக்ருʼதாத் .
அத ருʼஷயோ த³து⁴ஸ்த்வயி மனோவசனாசரிதம்ʼ
கத²மயதா² ப⁴வந்தி பு⁴வி த³த்தபதா³னி ந்ருʼணாம் .. 15..

இதி தவ ஸூரயஸ்த்ர்யதி⁴பதே(அ)கி²லலோகமல-
க்ஷபணகதா²ம்ருʼதாப்³தி⁴மவகா³ஹ்ய தபாம்ʼஸி ஜஹு꞉ .
கிமுத புன꞉ ஸ்வதா⁴மவிது⁴தாஶயகாலகு³ணா꞉
பரம ப⁴ஜந்தி யே பத³மஜஸ்ரஸுகா²னுப⁴வம் .. 16..

த்³ருʼதய இவ ஶ்வஸந்த்யஸுப்⁴ருʼதோ யதி³ தே(அ)னுவிதா⁴
மஹத³ஹமாத³யோ(அ)ண்ட³மஸ்ருʼஜன் யத³னுக்³ரஹத꞉ .
புருஷவிதோ⁴(அ)ன்வயோ(அ)த்ர சரமோ(அ)ன்னமயாதி³ஷு ய꞉
ஸத³ஸத꞉ பரம்ʼ த்வமத² யதே³ஷ்வவஶேஷம்ருʼதம் .. 17..

உத³ரமுபாஸதே ய ருʼஷிவர்த்மஸு கூர்பத்³ருʼஶ꞉
பரிஸரபத்³த⁴திம்ʼ ஹ்ருʼத³யமாருணயோ த³ஹரம் .
தத உத³கா³த³னந்த தவ தா⁴ம ஶிர꞉ பரமம்ʼ
புனரிஹ யத்ஸமேத்ய ந பதந்தி க்ருʼதாந்தமுகே² .. 18..

ஸ்வக்ருʼதவிசித்ரயோநிஷு விஶன்னிவ ஹேதுதயா
தரதமதஶ்சகாஸ்ஸ்யனலவத்ஸ்வக்ருʼதானுக்ருʼதி꞉ .
அத² விததா²ஸ்வமூஷ்வவிதத²ம்ʼ தவ தா⁴ம ஸமம்ʼ
விரஜதி⁴யோ(அ)ன்வயந்த்யபி⁴விபண்யவ ஏகரஸம் .. 19..

ஸ்வக்ருʼதபுரேஷ்வமீஷ்வப³ஹிரந்தரஸம்ʼவரணம்ʼ
தவ புருஷம்ʼ வத³ந்த்யகி²லஶக்தித்⁴ருʼதோம்ʼ(அ)ஶக்ருʼதம் .
இதி ந்ருʼக³திம்ʼ விவிச்ய கவயோ நிக³மாவபனம்ʼ
ப⁴வத உபாஸதே(அ)ங்க்⁴ரிமப⁴வம்ʼ பு⁴வி விஶ்வஸிதா꞉ .. 20..

து³ரவக³மாத்மதத்த்வநிக³மாய தவாத்ததனோ꞉
சரிதமஹாம்ருʼதாப்³தி⁴பரிவர்தபரிஶ்ரமணா꞉ .
ந பரிலஷந்தி கேசித³பவர்க³மபீஶ்வர தே
சரணஸரோஜஹம்ʼஸகுலஸங்க³விஸ்ருʼஷ்டக்³ருʼஹா꞉ .. 21..

த்வத³னுபத²ம்ʼ குலாயமித³மாத்மஸுஹ்ருʼத்ப்ரியவத்
சரதி ததோ²ன்முகே² த்வயி ஹிதே ப்ரிய ஆத்மனி ச .
ந ப³த ரமந்த்யஹோ அஸது³பாஸனயா(ஆ)த்மஹனோ
யத³னுஶயா ப்⁴ரமந்த்யுருப⁴யே குஶரீரப்⁴ருʼத꞉ .. 22..

நிப்⁴ருʼதமருன்மனோ(அ)க்ஷத்³ருʼட⁴யோக³யுஜோ ஹ்ருʼதி³
யன்முனய உபாஸதே தத³ரயோ(அ)பி யயு꞉ ஸ்மரணாத் .
ஸ்த்ரிய உரகே³ந்த்³ரபோ⁴க³பு⁴ஜத³ண்ட³விஷக்ததி⁴யோ
வயமபி தே ஸமா꞉ ஸமத்³ருʼஶோ(அ)ங்க்⁴ரிஸரோஜஸுதா⁴꞉ .. 23..

க இஹ நு வேத³ ப³தாவரஜன்மலயோ(அ)க்³ரஸரம்ʼ
யத உத³கா³த்³ருʼஷிர்யமனு தே³வக³ணா உப⁴யே .
தர்ஹி ந ஸன்ன சாஸது³ப⁴யம்ʼ ந ச காலஜவ꞉
கிமபி ந தத்ர ஶாஸ்த்ரமவக்ருʼஷ்ய ஶயீத யதா³ .. 24..

ஜனிமஸத꞉ ஸதோ ம்ருʼதிமுதாத்மனி யே ச பி⁴தா³ம்ʼ
விபணம்ருʼதம்ʼ ஸ்மரந்த்யுபதி³ஶந்தி த ஆருபிதை꞉ .
த்ரிகு³ணமய꞉ புமானிதி பி⁴தா³ யத³போ³த⁴க்ருʼதா
த்வயி ந தத꞉ பரத்ர ஸ ப⁴வேத³வபோ³த⁴ரஸே .. 25..

ஸதி³வ மனஸ்த்ரிவ்ருʼத்த்வயி விபா⁴த்யஸதா³மனுஜா-த்ஸத³பி⁴ம்ருʼஶந்த்யஶேஷமித³மாத்மதயா(ஆ)த்மவித³꞉ .
ந ஹி விக்ருʼதிம்ʼ த்யஜந்தி கனகஸ்ய ததா³த்மதயா
ஸ்வக்ருʼதமனுப்ரவிஷ்டமித³மாத்மதயாவஸிதம் .. 26..

தவ பரி யே சரந்த்யகி²லஸத்த்வநிகேததயா
த உத பதா³(ஆ)க்ரமந்த்யவிக³ணய்ய ஶிரோ நிர்ருʼதே꞉ .
பரிவயஸே பஶூனிவ கி³ரா விபு³தா⁴னபி தாம்ʼஸ்த்வயி
க்ருʼதஸௌஹ்ருʼதா³꞉ க²லு புனந்தி ந யே விமுகா²꞉ .. 27..

த்வமகரண꞉ ஸ்வராட³கி²லகாரகஶக்தித⁴ர꞉
தவ ப³லிமுத்³வஹந்தி ஸமத³ந்த்யஜயாநிமிஷா꞉ .
வர்ஷபு⁴ஜோ(அ)கி²லக்ஷிதிபதேரிவ விஶ்வஸ்ருʼஜோ
வித³த⁴தி யத்ர யே த்வதி⁴க்ருʼதா ப⁴வதஶ்சகிதா꞉ .. 28..

ஸ்தி²ரசரஜாதய꞉ ஸ்யுரஜயோத்த²நிமித்தயுஜோ
விஹர உதீ³க்ஷயா யதி³ பரஸ்ய விமுக்த தத꞉ .
ந ஹி பரமஸ்ய கஶ்சித³பரோ ந பரஶ்ச ப⁴வேத்
வியத இவாபத³ஸ்ய தவ ஶூன்யதுலாம்ʼ த³த⁴த꞉ .. 29..

அபரிமிதா த்⁴ருவாஸ்தனுப்⁴ருʼதோ யதி³ ஸர்வக³தா꞉
தர்ஹி ந ஶாஸ்யதேதி நியமோ த்⁴ருவ நேதரதா² .
அஜனி ச யன்மயம்ʼ தத³விமுச்ய நியந்த்ருʼ ப⁴வேத்
ஸமமனுஜானதாம்ʼ யத³மதம்ʼ மதது³ஷ்டதயா .. 30..

ந க⁴டத உத்³ப⁴வ꞉ ப்ரக்ருʼதிபூருஷயோரஜயோ꞉
உப⁴யயுஜா ப⁴வந்த்யஸுப்⁴ருʼதோ ஜலபு³த்³பு³த³வத் .
த்வயி த இமே ததோ விவித⁴நாமகு³ணை꞉ பரமே
ஸரித இவார்ணவே மது⁴னி லில்யுரஶேஷரஸா꞉ .. 31..

ந்ருʼஷு தவ மாயயா ப்⁴ரமமமீஷ்வவக³த்ய ப்⁴ருʼஶம்ʼ
த்வயி ஸுதி⁴யோ(அ)ப⁴வே த³த⁴தி பா⁴வமனுப்ரப⁴வம் .
கத²மனுவர்ததாம்ʼ ப⁴வப⁴யம்ʼ தவ யத்³ப்⁴ருகுடி꞉
ஸ்ருʼஜதி முஹுஸ்த்ரிணேமிரப⁴வச்ச²ரணேஷு ப⁴யம் .. 32..

விஜிதஹ்ருʼஷீகவாயுபி⁴ரதா³ந்தமனஸ்துரக³ம்ʼ
ய இஹ யதந்தி யந்துமதிலோலமுபாயகி²த³꞉ .
வ்யஸனஶதான்விதா꞉ ஸமவஹாய கு³ரோஶ்சரணம்ʼ
வணிஜ இவாஜ ஸந்த்யக்ருʼதகர்ணத⁴ரா ஜலதௌ⁴ .. 33..

ஸ்வஜனஸுதாத்மதா³ரத⁴னதா⁴மத⁴ராஸுரதை²꞉
த்வயி ஸதி கிம்ʼ ந்ருʼணாம்ʼ ஶ்ரயத ஆத்மனி ஸர்வரஸே .
இதி ஸத³ஜானதாம்ʼ மிது²னதோ ரதயே சரதாம்ʼ
ஸுக²யதி கோ ந்விஹ ஸ்வவிஹதே ஸ்வநிரஸ்தப⁴கே³ .. 34..

பு⁴வி புருபுண்யதீர்த²ஸத³னான்ய்ருʼஷயோ விமதா³꞉
த உத ப⁴வத்பதா³ம்பு³ஜஹ்ருʼதோ³(அ)க⁴பி⁴த³ங்க்⁴ரிஜலா꞉ .
த³த⁴தி ஸக்ருʼன்மனஸ்த்வயி ய ஆத்மனி நித்யஸுகே²
ந புனருபாஸதே புருஷஸாரஹராவஸதா²ன் .. 35..

ஸத இத³முத்தி²தம்ʼ ஸதி³தி சேன்னனு தர்கஹதம்ʼ
வ்யபி⁴சரதி க்வ ச க்வ ச ம்ருʼஷா ந ததோ²ப⁴யயுக் .
வ்யவஹ்ருʼதயே விகல்ப இஷிதோ(அ)ந்த⁴பரம்பரயா
ப்⁴ரமயதி பா⁴ரதீ த உருவ்ருʼத்திபி⁴ருக்த²ஜடா³ன் .. 36..

ந யதி³த³மக்³ர ஆஸ ந ப⁴விஷ்யத³தோ நித⁴னாத்
அனுமிதமந்தரா த்வயி விபா⁴தி ம்ருʼஷைகரஸே .
அத உபமீயதே த்³ரவிணஜாதிவிகல்பபதை²꞉
விதத²மனோவிலாஸம்ருʼதமித்யவயந்த்யபு³தா⁴꞉ .. 37..

ஸ யத³ஜயா த்வஜாமனுஶயீத கு³ணாம்ʼஶ்ச ஜுஷன்
ப⁴ஜதி ஸரூபதாம்ʼ தத³னு ம்ருʼத்யுமபேதப⁴க³꞉ .
த்வமுத ஜஹாஸி தாமஹிரிவ த்வசமாத்தப⁴கோ³
மஹஸி மஹீயஸே(அ)ஷ்டகு³ணிதே(அ)பரிமேயப⁴க³꞉ .. 38..

யதி³ ந ஸமுத்³த⁴ரந்தி யதயோ ஹ்ருʼதி³ காமஜடா
து³ரதி⁴க³மோ(அ)ஸதாம்ʼ ஹ்ருʼதி³ க³தோ(அ)ஸ்ம்ருʼதகண்ட²மணி꞉ .
அஸுத்ருʼபயோகி³நாமுப⁴யதோ(அ)ப்யஸுக²ம்ʼ ப⁴க³வன்
அனபக³தாந்தகாத³னதி⁴ரூட⁴பதா³த்³ப⁴வத꞉ .. 39..

த்வத³வக³மீ ந வேத்தி ப⁴வது³த்த²ஶுபா⁴ஶுப⁴யோ꞉
கு³ணவிகு³ணான்வயாம்ʼஸ்தர்ஹி தே³ஹப்⁴ருʼதாம்ʼ ச கி³ர꞉ .
அனுயுக³மன்வஹம்ʼ ஸகு³ண கீ³தபரம்பரயா
ஶ்ரவணப்⁴ருʼதோ யதஸ்த்வமபவர்க³க³திர்மனுஜை꞉ .. 40..

த்³யுபதய ஏவ தே ந யயுரந்தமனந்ததயா
த்வமபி யத³ந்தராண்ட³னிசயா நனு ஸாவரணா꞉ .
க² இவ ரஜாம்ʼஸி வாந்தி வயஸா ஸஹ யச்ச்²ருதய꞉
த்வயி ஹி ப²லந்த்யதந்நிரஸனேன ப⁴வந்நித⁴னா꞉ .. 41..

ஶ்ரீப⁴க³வானுவாச
இத்யேதத்³ப்³ரஹ்மண꞉ புத்ரா ஆஶ்ருத்யாத்மானுஶாஸனம் .
ஸநந்த³னமதா²னர்சு꞉ ஸித்³தா⁴ ஜ்ஞாத்வா(ஆ)த்மனோ க³திம் .. 42..

இத்யஶேஷஸமாம்னாயபுராணோபநிஷத்³ரஸ꞉ .
ஸமுத்³த்⁴ருʼத꞉ பூர்வஜாதைர்வ்யோமயானைர்மஹாத்மபி⁴꞉ .. 43..

த்வம்ʼ சைதத்³ப்³ரஹ்மதா³யாத³ ஶ்ரத்³த⁴யா(ஆ)த்மானுஶாஸனம் .
தா⁴ரயம்ʼஶ்சர கா³ம்ʼ காமம்ʼ காமானாம்ʼ ப⁴ர்ஜனம்ʼ ந்ருʼணாம் .. 44..

ஶ்ரீஶுக உவாச
ஏவம்ʼ ஸ ருʼஷிணா(ஆ)தி³ஷ்டம்ʼ க்³ருʼஹீத்வா ஶ்ரத்³த⁴யா(ஆ)த்மவான் .
பூர்ண꞉ ஶ்ருதத⁴ரோ ராஜன்னாஹ வீரவ்ரதோ முனி꞉ .. 45..

நாரத³ உவாச
நமஸ்தஸ்மை ப⁴க³வதே க்ருʼஷ்ணாயாமலகீர்தயே .
யோ த⁴த்தே ஸர்வபூ⁴தாநாமப⁴வாயோஶதீ꞉ கலா꞉ .. 46..

இத்யாத்³யம்ருʼஷிமானம்ய தச்சி²ஷ்யாம்ʼஶ்ச மஹாத்மன꞉ .
ததோ(அ)கா³தா³ஶ்ரமம்ʼ ஸாக்ஷாத்பிதுர்த்³வைபாயனஸ்ய மே .. 47..

ஸபா⁴ஜிதோ ப⁴க³வதா க்ருʼதாஸனபரிக்³ரஹ꞉ .
தஸ்மை தத்³வர்ணயாமாஸ நாராயணமுகா²ச்ச்²ருதம் .. 48..

இத்யேதத்³வர்ணிதம்ʼ ராஜன் யன்ன꞉ ப்ரஶ்ன꞉ க்ருʼதஸ்த்வயா .
யதா² ப்³ரஹ்மண்யநிர்தே³ஶ்யே நிர்கு³ணே(அ)பி மனஶ்சரேத் .. 49..

யோ(அ)ஸ்யோத்ப்ரேக்ஷக ஆதி³மத்⁴யநித⁴னே யோ(அ)வ்யக்தஜீவேஶ்வரோ
ய꞉ ஸ்ருʼஷ்ட்வேத³மனுப்ரவிஶ்ய ருʼஷிணா சக்ரே புர꞉ ஶாஸ்தி தா꞉ .
யம்ʼ ஸம்பத்³ய ஜஹாத்யஜாமனுஶயீ ஸுப்த꞉ குலாயம்ʼ யதா²
தம்ʼ கைவல்யநிரஸ்தயோனிமப⁴யம்ʼ த்⁴யாயேத³ஜஸ்ரம்ʼ ஹரிம் .. 50..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
த³ஶமஸ்கந்தே⁴ உத்தரார்தே⁴ நாரத³நாராயணஸம்ʼவாதே³ வேத³ஸ்துதிர்நாம
ஸப்தாஶீதிதமோ(அ)த்⁴யாய꞉ .. 87..

———————-———————–———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 9, 2020 at 5:45 am and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.