Thiruvonum's Weblog

ராஜோவாச
ப்³ரஹ்மன் வேதி³துமிச்சா²ம꞉ ஸ்வஸாராம்ʼ ராமக்ருʼஷ்ணயோ꞉ .
யதோ²பயேமே விஜயோ யா மமாஸீத்பிதாமஹீ .. 1..

ஶ்ரீஶுக உவாச
அர்ஜுனஸ்தீர்த²யாத்ராயாம்ʼ பர்யடன்னவனீம்ʼ ப்ரபு⁴꞉ .
க³த꞉ ப்ரபா⁴ஸமஶ்ருʼணோன்மாதுலேயீம்ʼ ஸ ஆத்மன꞉ .. 2..

து³ர்யோத⁴னாய ராமஸ்தாம்ʼ தா³ஸ்யதீதி ந சாபரே .
தல்லிப்ஸு꞉ ஸ யதிர்பூ⁴த்வா த்ரித³ண்டீ³ த்³வாரகாமகா³த் .. 3..

தத்ர வை வார்ஷிகான் மாஸானவாத்ஸீத்ஸ்வார்த²ஸாத⁴க꞉ .
பௌரை꞉ ஸபா⁴ஜிதோ(அ)பீ⁴க்ஷ்ணம்ʼ ராமேணாஜானதா ச ஸ꞉ .. 4..

ஏகதா³ க்³ருʼஹமானீய ஆதித்²யேன நிமந்த்ர்ய தம் .
ஶ்ரத்³த⁴யோபஹ்ருʼதம்ʼ பை⁴க்ஷ்யம்ʼ ப³லேன பு³பு⁴ஜே கில .. 5..

ஸோ(அ)பஶ்யத்தத்ர மஹதீம்ʼ கன்யாம்ʼ வீரமனோஹராம் .
ப்ரீத்யுத்பு²ல்லேக்ஷணஸ்தஸ்யாம்ʼ பா⁴வக்ஷுப்³த⁴ம்ʼ மனோ த³தே⁴ .. 6..

ஸாபி தம்ʼ சகமே வீக்ஷ்ய நாரீணாம்ʼ ஹ்ருʼத³யங்க³மம் .
ஹஸந்தீ வ்ரீடி³தாபாங்கீ³ தன்ன்யஸ்தஹ்ருʼத³யேக்ஷணா .. 7..

தாம்ʼ பரம்ʼ ஸமனுத்⁴யாயன்னந்தரம்ʼ ப்ரேப்ஸுரர்ஜுன꞉ .
ந லேபே⁴ ஶம்ʼ ப்⁴ரமச்சித்த꞉ காமேனாதிப³லீயஸா .. 8..

மஹத்யாம்ʼ தே³வயாத்ராயாம்ʼ ரத²ஸ்தா²ம்ʼ து³ர்க³நிர்க³தாம்ʼ .
ஜஹாரானுமத꞉ பித்ரோ꞉ க்ருʼஷ்ணஸ்ய ச மஹாரத²꞉ .. 9..

ரத²ஸ்தோ² த⁴னுராதா³ய ஶூராம்ʼஶ்சாருந்த⁴தோ ப⁴டான் .
வித்³ராவ்ய க்ரோஶதாம்ʼ ஸ்வானாம்ʼ ஸ்வபா⁴க³ம்ʼ ம்ருʼக³ராடி³வ .. 10..

தச்ச்²ருத்வா க்ஷுபி⁴தோ ராம꞉ பர்வணீவ மஹார்ணவ꞉ .
க்³ருʼஹீதபாத³꞉ க்ருʼஷ்ணேன ஸுஹ்ருʼத்³பி⁴ஶ்சான்வஶாம்யத .. 11..

ப்ராஹிணோத்பாரிப³ர்ஹாணி வரவத்⁴வோர்முதா³ ப³ல꞉ .
மஹாத⁴னோபஸ்கரேப⁴ரதா²ஶ்வனரயோஷித꞉ .. 12..

ஶ்ரீஶுக உவாச
க்ருʼஷ்ணஸ்யாஸீத்³த்³விஜஶ்ரேஷ்ட²꞉ ஶ்ருததே³வ இதி ஶ்ருத꞉ .
க்ருʼஷ்ணைகப⁴க்த்யா பூர்ணார்த²꞉ ஶாந்த꞉ கவிரலம்பட꞉ .. 13..

ஸ உவாஸ விதே³ஹேஷு மிதி²லாயாம்ʼ க்³ருʼஹாஶ்ரமீ .
அனீஹயா(ஆ)க³தாஹார்யநிர்வர்திதநிஜக்ரிய꞉ .. 14..

யாத்ராமாத்ரம்ʼ த்வஹரஹர்தை³வாது³பனமத்யுத .
நாதி⁴கம்ʼ தாவதா துஷ்ட꞉ க்ரியாஶ்சக்ரே யதோ²சிதா꞉ .. 15..

ததா² தத்³ராஷ்ட்ரபாலோ(அ)ங்க³ ப³ஹுலாஶ்வ இதி ஶ்ருத꞉ .
மைதி²லோ நிரஹம்மான உபா⁴வப்யச்யுதப்ரியௌ .. 16..

தயோ꞉ ப்ரஸன்னோ ப⁴க³வான் தா³ருகேணாஹ்ருʼதம்ʼ ரத²ம் .
ஆருஹ்ய ஸாகம்ʼ முனிபி⁴ர்விதே³ஹான் ப்ரயயௌ ப்ரபு⁴꞉ .. 17..

நாரதோ³ வாமதே³வோ(அ)த்ரி꞉ க்ருʼஷ்ணோ ராமோ(அ)ஸிதோ(அ)ருணி꞉ .
அஹம்ʼ ப்³ருʼஹஸ்பதி꞉ கண்வோ மைத்ரேயஶ்ச்யவநாத³ய꞉ .. 18..

தத்ர தத்ர தமாயாந்தம்ʼ பௌரா ஜானபதா³ ந்ருʼப .
உபதஸ்து²꞉ ஸார்க்⁴யஹஸ்தா க்³ரஹை꞉ ஸூர்யமிவோதி³தம் .. 19..

ஆனர்தத⁴ன்வகுருஜாங்க³லகங்கமத்ஸ்ய-
பாஞ்சாலகுந்திமது⁴கேகயகோஸலார்ணா꞉ .
அன்யே ச தன்முக²ஸரோஜமுதா³ரஹாஸ-
ஸ்னிக்³தே⁴க்ஷணம்ʼ ந்ருʼப பபுர்த்³ருʼஶிபி⁴ர்ந்ருʼனார்ய꞉ .. 20..

தேப்⁴ய꞉ ஸ்வவீக்ஷணவிநஷ்டதமிஸ்ரத்³ருʼக்³ப்⁴ய꞉
க்ஷேமம்ʼ த்ரிலோககு³ருரர்த²த்³ருʼஶம்ʼ ச யச்ச²ன் .
ஶ்ருʼண்வன் தி³க³ந்தத⁴வலம்ʼ ஸ்வயஶோ(அ)ஶுப⁴க்⁴னம்ʼ
கீ³தம்ʼ ஸுரைர்ந்ருʼபி⁴ரகா³ச்ச²னகைர்விதே³ஹான் .. 21..

தே(அ)ச்யுதம்ʼ ப்ராப்தமாகர்ண்ய பௌரா ஜானபதா³ ந்ருʼப .
அபீ⁴யுர்முதி³தாஸ்தஸ்மை க்³ருʼஹீதார்ஹணபாணய꞉ .. 22..

த்³ருʼஷ்ட்வா த உத்தமஶ்லோகம்ʼ ப்ரீத்யுத்பு²ல்லானநாஶயா꞉ .
கைர்த்⁴ருʼதாஞ்ஜலிபி⁴ர்னேமு꞉ ஶ்ருதபூர்வாம்ʼஸ்ததா² முனீன் .. 23..

ஸ்வானுக்³ரஹாய ஸம்ப்ராப்தம்ʼ மன்வானௌ தம்ʼ ஜக³த்³கு³ரும் .
மைதி²ல꞉ ஶ்ருததே³வஶ்ச பாத³யோ꞉ பேதது꞉ ப்ரபோ⁴꞉ .. 24..

ந்யமந்த்ரயேதாம்ʼ தா³ஶார்ஹமாதித்²யேன ஸஹ த்³விஜை꞉ .
மைதி²ல꞉ ஶ்ருததே³வஶ்சயுக³பத்ஸம்ʼஹதாஞ்ஜலீ .. 25..

ப⁴க³வாம்ʼஸ்தத³பி⁴ப்ரேத்ய த்³வயோ꞉ ப்ரியசிகீர்ஷயா .
உப⁴யோராவிஶத்³கே³ஹமுபா⁴ப்⁴யாம்ʼ தத³லக்ஷித꞉ .. 26..

ஶ்ரோதுமப்யஸதாம்ʼ தூ³ரான் ஜனக꞉ ஸ்வக்³ருʼஹாக³தான் .
ஆனீதேஷ்வாஸநாக்³ர்யேஷு ஸுகா²ஸீனான் மஹாமனா꞉ .. 27..

ப்ரவ்ருʼத்³த⁴ப⁴க்த்யா உத்³த⁴ர்ஷஹ்ருʼத³யாஸ்ராவிலேக்ஷண꞉ .
நத்வா தத³ங்க்⁴ரீன் ப்ரக்ஷால்ய தத³போ லோகபாவனீ꞉ .. 28..

ஸகுடும்போ³ வஹன் மூர்த்⁴னா பூஜயாஞ்சக்ர ஈஶ்வரான் .
க³ந்த⁴மால்யாம்ப³ராகல்பதூ⁴பதீ³பார்க்⁴யகோ³வ்ருʼஷை꞉ .. 29..

வாசா மது⁴ரயா ப்ரீணன்னித³மாஹான்னதர்பிதான் .
பாதா³வங்கக³தௌ விஷ்ணோ꞉ ஸம்ʼஸ்ப்ருʼஶஞ்ச²னகைர்முதா³ .. 30..

ராஜோவாச
ப⁴வான் ஹி ஸர்வபூ⁴தாநாமாத்மா ஸாக்ஷீ ஸ்வத்³ருʼக்³விபோ⁴ .
அத² நஸ்த்வத்பதா³ம்போ⁴ஜம்ʼ ஸ்மரதாம்ʼ த³ர்ஶனம்ʼ க³த꞉ .. 31..

ஸ்வவசஸ்தத்³ருʼதம்ʼ கர்துமஸ்மத்³த்³ருʼக்³கோ³சரோ ப⁴வான் .
யதா³த்தை²காந்தப⁴க்தான்மே நானந்த꞉ ஶ்ரீரஜ꞉ ப்ரிய꞉ .. 32..

கோ நு த்வச்சரணாம்போ⁴ஜமேவம்ʼவித்³விஸ்ருʼஜேத்புமான் .
நிஷ்கிஞ்சனானாம்ʼ ஶாந்தானாம்ʼ முனீனாம்ʼ யஸ்த்வமாத்மத³꞉ .. 33..

யோ(அ)வதீர்ய யதோ³ர்வம்ʼஶே ந்ருʼணாம்ʼ ஸம்ʼஸரதாமிஹ .
யஶோ விதேனே தச்சா²ந்த்யை த்ரைலோக்யவ்ருʼஜினாபஹம் .. 34..

நமஸ்துப்⁴யம்ʼ ப⁴க³வதே க்ருʼஷ்ணாயாகுண்ட²மேத⁴ஸே .
நாராயணாய ருʼஷயே ஸுஶாந்தம்ʼ தப ஈயுஷே .. 35..

தி³னானி கதிசித்³பூ⁴மன் க்³ருʼஹான் நோ நிவஸ த்³விஜை꞉ .
ஸமேத꞉ பாத³ரஜஸா புனீஹீத³ம்ʼ நிமே꞉ குலம் .. 36..

இத்யுபாமந்த்ரிதோ ராஜ்ஞா ப⁴க³வாம்ʼல்லோகபா⁴வன꞉ .
உவாஸ குர்வன் கல்யாணம்ʼ மிதி²லானரயோஷிதாம் .. 37..

ஶ்ருததே³வோ(அ)ச்யுதம்ʼ ப்ராப்தம்ʼ ஸ்வக்³ருʼஹாஞ்ஜனகோ யதா² .
நத்வா முனீன் ஸுஸம்ʼஹ்ருʼஷ்டோ து⁴ன்வன் வாஸோ நனர்த ஹ .. 38..

த்ருʼணபீட²ப்³ருʼஷீஷ்வேதானானீதேஷூபவேஶ்ய ஸ꞉ .
ஸ்வாக³தேநாபி⁴னந்த்³யாங்க்⁴ரீன் ஸபா⁴ர்யோ(அ)வநிஜே முதா³ .. 39..

தத³ம்ப⁴ஸா மஹாபா⁴க³ ஆத்மானம்ʼ ஸ க்³ருʼஹான்வயம் .
ஸ்னாபயாஞ்சக்ர உத்³த⁴ர்ஷோ லப்³த⁴ஸர்வமனோரத²꞉ .. 40..

ப²லார்ஹணோஶீரஶிவாம்ருʼதாம்பு³பி⁴-
ர்ம்ருʼதா³ ஸுரப்⁴யா துலஸீகுஶாம்பு³ஜை꞉ .
ஆராத⁴யாமாஸ யதோ²பபன்னயா
ஸபர்யயா ஸத்த்வவிவர்த⁴னாந்த⁴ஸா .. 41..

ஸ தர்கயாமாஸ குதோ மமான்வபூ⁴-
த்³க்³ருʼஹாந்த⁴குபே பதிதஸ்ய ஸங்க³ம꞉ .
ய꞉ ஸர்வதீர்தா²ஸ்பத³பாத³ரேணுபி⁴꞉
க்ருʼஷ்ணேன சாஸ்யாத்மநிகேதபூ⁴ஸுரை꞉ .. 42..

ஸூபவிஷ்டான் க்ருʼதாதித்²யான் ஶ்ருததே³வ உபஸ்தி²த꞉ .
ஸபா⁴ர்யஸ்வஜனாபத்ய உவாசாங்க்⁴ர்யபி⁴மர்ஶன꞉ .. 43..

ஶ்ருததே³வ உவாச
நாத்³ய நோ த³ர்ஶனம்ʼ ப்ராப்த꞉ பரம்ʼ பரமபூருஷ꞉ .
யர்ஹீத³ம்ʼ ஶக்திபி⁴꞉ ஸ்ருʼஷ்ட்வா ப்ரவிஷ்டோ ஹ்யாத்மஸத்தயா .. 44..

யதா² ஶயான꞉ புருஷோ மனஸைவாத்மமாயயா .
ஸ்ருʼஷ்ட்வா லோகம்ʼ பரம்ʼ ஸ்வாப்னமனுவிஶ்யாவபா⁴ஸதே .. 45..

ஶ்ருʼண்வதாம்ʼ க³த³தாம்ʼ ஶஶ்வத³ர்சதாம்ʼ த்வாபி⁴வந்த³தாம் .
ந்ருʼணாம்ʼ ஸம்ʼவத³தாமந்தர்ஹ்ருʼதி³ பா⁴ஸ்யமலாத்மனாம் .. 46..

ஹ்ருʼதி³ஸ்தோ²(அ)ப்யதிதூ³ரஸ்த²꞉ கர்மவிக்ஷிப்தசேதஸாம் .
ஆத்மஶக்திபி⁴ரக்³ராஹ்யோ(அ)ப்யந்த்யுபேதகு³ணாத்மனாம் .. 47..

நமோ(அ)ஸ்து தே(அ)த்⁴யாத்மவிதா³ம்ʼ பராத்மனே
அனாத்மனே ஸ்வாத்மவிப⁴க்தம்ருʼத்யவே .
ஸகாரணாகாரணலிங்க³மீயுஷே
ஸ்வமாயயாஸம்ʼவ்ருʼதருத்³த⁴த்³ருʼஷ்டயே .. 48..

ஸ த்வம்ʼ ஶாதி⁴ ஸ்வப்⁴ருʼத்யான்ன꞉ கிம்ʼ தே³வ கரவாம ஹே .
ஏதத³ந்தோ ந்ருʼணாம்ʼ க்லேஶோ யத்³ப⁴வானக்ஷிகோ³சர꞉ .. 49..

ஶ்ரீஶுக உவாச
தது³க்தமித்யுபாகர்ண்ய ப⁴க³வான் ப்ரணதார்திஹா .
க்³ருʼஹீத்வா பாணினா பாணிம்ʼ ப்ரஹஸம்ʼஸ்தமுவாச ஹ .. 50..

ஶ்ரீப⁴க³வானுவாச
ப்³ரஹ்மம்ʼஸ்தே(அ)னுக்³ரஹார்தா²ய ஸம்ப்ராப்தான் வித்³த்⁴யமூன் முனீன் .
ஸஞ்சரந்தி மயா லோகான் புனந்த꞉ பாத³ரேணுபி⁴꞉ .. 51..

தே³வா꞉ க்ஷேத்ராணி தீர்தா²னி த³ர்ஶனஸ்பர்ஶனார்சனை꞉ .
ஶனை꞉ புனந்தி காலேன தத³ப்யர்ஹத்தமேக்ஷயா .. 52..

ப்³ராஹ்மணோ ஜன்மனா ஶ்ரேயான் ஸர்வேஷாம்ʼ ப்ராணிநாமிஹ .
தபஸா வித்³யயா துஷ்ட்யா கிமு மத்கலயா யுத꞉ .. 53..

ந ப்³ராஹ்மணான்மே த³யிதம்ʼ ரூபமேதச்சதுர்பு⁴ஜம் .
ஸர்வவேத³மயோ விப்ர꞉ ஸர்வதே³வமயோ ஹ்யஹம் .. 54..

து³ஷ்ப்ரஜ்ஞா அவிதி³த்வைவமவஜானந்த்யஸூயவ꞉ .
கு³ரும்ʼ மாம்ʼ விப்ரமாத்மானமர்சாதா³விஜ்யத்³ருʼஷ்டய꞉ .. 55..

சராசரமித³ம்ʼ விஶ்வம்ʼ பா⁴வா யே சாஸ்ய ஹேதவ꞉ .
மத்³ரூபாணீதி சேதஸ்யாத⁴த்தே விப்ரோ மதீ³க்ஷயா .. 56..

தஸ்மாத்³ப்³ரஹ்மருʼஷீனேதான் ப்³ரஹ்மன் மச்ச்²ரத்³த⁴யார்சய .
ஏவம்ʼ சேத³ர்சிதோ(அ)ஸ்ம்யத்³தா⁴ நான்யதா² பூ⁴ரிபூ⁴திபி⁴꞉ .. 57..

ஶ்ரீஶுக உவாச
ஸ இத்த²ம்ʼ ப்ரபு⁴ணா(ஆ)தி³ஷ்ட꞉ ஸஹ க்ருʼஷ்ணான் த்³விஜோத்தமான் .
ஆராத்⁴யைகாத்மபா⁴வேன மைதி²லஶ்சாப ஸத்³க³திம் .. 58..

ஏவம்ʼ ஸ்வப⁴க்தயோ ராஜன் ப⁴க³வான் ப⁴க்தப⁴க்திமான் .
உஷித்வா(ஆ)தி³ஶ்ய ஸன்மார்க³ம்ʼ புனர்த்³வாரவதீமகா³த் .. 59..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
த³ஶமஸ்கந்தே⁴ உத்தரார்தே⁴ ஶ்ருததே³வானுக்³ரஹோ நாம ஷட³ஶீதிதமோ(அ)த்⁴யாய꞉ .. 86..

——————–———————–———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 9, 2020 at 5:43 am and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.