ஸ்வாஜ்ஞாநாஸுரராட்³க்³ராஸஸ்வஜ்ஞாநநரகேஸரீ ।
ப்ரதியோகி³விநிர்முக்தம் ப்³ரஹ்மமாத்ரம் கரோது மாம் ॥
ௐ ஆப்யாயந்து மமாங்கா³நி வாக்ப்ராணஶ்சக்ஷு: ஶ்ரோத்ரமதோ²
ப³லமிந்த்³ரியாணி ச ॥ ஸர்வாணி ஸர்வம் ப்³ரஹ்மோபநிஷத³ம் மாஹம்
ப்³ரஹ்ம நிராகுர்யாம் மா மா ப்³ரஹ்ம நிராகரோத³நிராகரணமஸ்த்வநிராகரணம் மேஸ்து ததா³த்மநி நிரதே ய உபநிஷத்ஸு த⁴ர்மாஸ்தே
மயி ஸந்து தே மயி ஸந்து ॥
ௐ ஶாந்தி: ஶாந்தி: ஶாந்தி: ॥
(ஸ்ரு’ஷ்டே: புரா நிர்விஶேஷப்³ரஹ்மஸ்தி²தி:)
ஹரி: ௐ । புரா கிலேத³ம் ந கிஞ்சந்நாஸீந்ந த்³யௌர்நாந்தரிக்ஷம்
ந ப்ரு’தி²வீ கேவலம் ஜ்யோதீரூபமநாத்³யநந்தமநண்வஸ்தூ²லரூபமரூபம்
ரூபவத³விஜ்ஞேயம் ஜ்ஞாநரூபமாநந்த³மயமாஸீத் ।
(பரமேஷ்டி²ப்ராது³ப⁴வி:)
தத³நந்யத்தத்³த்³வேதா⁴பூ⁴த்³த⁴ரிதமேகம் ரக்தமபரம் ।
தத்ர யத்³ரக்தம் தத்பும்ஸோ ரூபமபூ⁴த் । யத்³த⁴ரிதம் தந்மாயாயா: ।
தௌ ஸமக³ச்ச²த: । தயோர்வீர்யமேவமநந்த³த் । தத³வர்த⁴த ।
தத³ண்ட³மபூ⁴தை⁴மம் । தத்பரிணமமாநமபூ⁴த் । தத:
பரமேஷ்டீ² வ்யஜாயத ।
(பரமேஷ்டி²ந: ஸ்வக்ரு’த்யஜிஜ்ஞாஸா)
ஸோऽபி⁴ஜிஜ்ஞாஸத கிம் மே குலம் கிம் மே
க்ரு’த்யமிதி । தம் ஹ வாக³த்³ரு’ஶ்யமாநாப்⁴யுவாச போ⁴போ⁴ ப்ரஜாபதே
த்வமவ்யக்தாது³த்பந்நோऽஸி வ்யக்தம் தே க்ரு’த்யமிதி । கிமவ்யக்தம்
யஸ்மாத³ஹமாஸிஷம் । கிம் தத்³வ்யக்தம் யந்மே க்ரு’த்யமிதி ।
ஸாப்³ரவீத³விஜ்ஞேயம் ஹி தத்ஸௌம்ய தேஜ: । யத³விஜ்ஞேயம் தத³வ்யக்தம் ।
தச்சேஜ்ஜிஜ்ஞாஸஸி மாவக³ச்சே²தி । ஸ ஹோவாச கைஷா த்வம்
ப்³ரஹ்மவாக்³யத³ஸி ஶம்ஸாத்மாநமிதி । ஸா த்வப்³ரவீத்தபஸா மாம்
விஜிஜ்ஞாஸஸ்வேதி । ஸ ஹ ஸஹஸ்ரம் ஸமா ப்³ரஹ்மசர்யமத்⁴யுவாஸாத்⁴யுவாஸ ॥
1॥
த்³விதீய: க²ண்ட:³
(பரமேஷ்டி²ந: ஆநுஷ்டு²பீ⁴வித்³யாத³ர்ஶநம்)
அதா²பஶ்யத்³ரு’சமாநுஷ்டுபீ⁴ம் பரமாம் வித்³யாம்
யஸ்யாங்கா³ந்யந்யே மந்த்ரா: । யத்ர ப்³ரஹ்ம ப்ரதிஷ்டி²தம் ।
விஶ்வேதே³வா: ப்ரதிஷ்டி²தா: । யஸ்தாம் ந வேத³ கிமந்யைர்வேதை:³
கரிஷ்யதி ।
(ஆநுஷ்டுபீ⁴வித்³யயா ந்ரு’ஸிம்ஹத³ர்ஶநம்)
தாம் விதி³த்வா ஸ ச ரக்தம் ஜிஜ்ஞாஸயாமாஸ ।
தாமேவமநூசாநாம் கா³யந்நாஸிஷ்ட । ஸஹஸ்ரம் ஸமா
ஆத்³யந்தநிஹிதோங்காரேண பதா³ந்யகா³யத் । ஸஹஸ்ரம்
ஸமாஸ்ததை²வாக்ஷரஶ: । ததோऽபஶ்யஜ்ஜ்யோதிர்மயம்
ஶ்ரியாலிங்கி³தம் ஸுபர்ணரத²ம் ஶேஷப²ணாச்ச²தி³தமௌலிம்
ம்ரு’க³முக²ம் நரவபுஷம் ஶஶிஸூர்யஹவ்யவாஹநாத்மகநயநத்ரயம் ।
(ந்ரு’ஸிம்ஹஸ்துதி:)
தத: ப்ரஜாபதி: ப்ரணிபபாத நமோநம இதி । ததை²வர்சாத² தமஸ்தௌத் ।
உக்³ரமித்யாஹ உக்³ர: க²லு வா ஏஷ ம்ரு’க³ரூபத்வாத் । வீரமித்யாஹ
வீரோ வா ஏஷ வீர்யவத்த்வாத் । மஹாவிஷ்ணுமித்யாஹ மஹதாம் வா அயம்
மஹாந்ரோத³ஸீ வ்யாப்ய ஸ்தி²த: । ஜ்வலந்தமித்யாஹ ஜ்வலந்நிவ க²ல்வஸாவவஸ்தி²த:
।
ஸர்வதோமுக²மித்யாஹ ஸர்வத: க²ல்வயம் முக²வாந்விஶ்வரூபத்வாத் ।
ந்ரு’ஸிம்ஹமித்யாஹ யதா² யஜுரேவைதத் । பீ⁴ஷணமித்யாஹ பீ⁴ஷா வா
அஸ்மாதா³தி³த்ய உதே³தி பீ⁴தஶ்சந்த்³ரமா பீ⁴தோ வாயுர்வாதி பீ⁴தோऽக்³நிர்த³ஹதி
பீ⁴த: பர்ஜந்யோ வர்ஷதி । ப⁴த்³ரமித்யாஹ ப⁴த்³ர: க²ல்வயம் ஶ்ரியா ஜுஷ்ட: ।
ம்ரு’த்யோர்ம்ரு’த்யுமித்யாஹ ம்ரு’த்யோர்வா அயம் ம்ரு’த்யுரம்ரு’தத்வம் ப்ரஜாநாமந்நாதா³நாம்
।
நமாமீத்யாஹ யதா² யஜுரேவைதத் । அஹமித்யாஹ யதா² யஜுரேவைதத் ॥ 2॥
(உக்³ரம் வீரம் மஹாவிஷ்ணும் ஜ்வலந்தம் ஸர்வதேஜஸம் ।
ந்ரு’ஸிம்ஹம் பீ⁴ஷணம் ப⁴த்³ரம் ம்ரு’த்யும்ரு’த்யும் நமாம்யஹம் ॥)
த்ரு’தீய க²ண்ட:³
(வ்யக்தஸ்வரூபம்)
அத² ப⁴க³வாம்ஸ்தமப்³ரவீத்ப்ரஜாபதே ப்ரீதோऽஹம் கிம் தவேப்ஸிதம்
ததா³ஶம்ஸேதி । ஸ ஹோவாச ப⁴க³வந்நவ்யக்தாது³த்பந்நோऽஸ்மி
வ்யக்தம் மம க்ரு’த்யமிதி புராஶ்ராவி । தத்ராவ்யக்தம் ப⁴வாநித்யஜ்ஞாயி
வ்யக்தம் மே கத²யேதி । வ்யக்தம் வை விஶ்வம் சராசராத்மகம் ।
யத்³வ்யஜ்யதே தத்³வ்யக்தஸ்ய வ்யக்தத்வமிதி ।
(ஜக³த்ஸ்ரு’ஷ்ட்யுபாயோ த்⁴யாநயஜ்ஞ:)
ஸ ஹோவாச ந ஶக்நோமி ஜக³த்ஸ்ரஷ்டுமுபாயம் மே கத²யேதி ।
தமுவாச புருஷ: ப்ரஜாபதே ஶ்ரு’ணு
ஸ்ரு’ஷ்டேருபாயம் பரமம் யம் விதி³த்வா ஸர்வம் ஜ்ஞாஸ்யஸி ।
ஸர்வத்ர ஶக்ஷ்யஸி ஸர்வம் கரிஷ்யஸி । மய்யக்³நௌ ஸ்வாத்மாநம்
ஹவிர்த்⁴யாயேத்தயைவாநுஷ்டுப⁴ர்சா । த்⁴யாநயஜ்ஞோऽயமேவ ।
(த்⁴யாநயஜ்ஞமஹிமா)
ஏதத்³வை மஹோபநிஷத்³தே³வாநாம் கு³ஹ்யம் । ந ஹ வா ஏதஸ்ய ஸாம்நா
நர்சா ந யஜுஷார்தோ² நு வித்³யதே । ய இமா வேத³ ஸ ஸர்வாந்காமாநவாப்ய
ஸர்வாம்ல்லோகாஞ்ஜித்வா மாமேவாப்⁴யுபைதி ந ஸ புநராவர்ததே ய ஏவம் வேதே³தி
॥ 3॥
சதுர்த:² க²ண்ட:³
(த்⁴யாநயஜ்ஞேந பரமேஷ்டி²ந: ஸர்வஜ்ஞத்வாதி³லாப:⁴)
ப்ரஜாபதிஸ்தம் யஜ்ஞாயம் வஸீயாம்ஸமாத்மாநம் மந்யமாநோ
மநோயஜ்ஞேநேஜே । ஸப்ரணவயா தயைவர்சா ஹவிர்த்⁴யாத்வாத்மாநமாத்மந்யக்³நௌ ஜுஹுயாத் । ஸர்வமஜாநாத்ஸர்வத்ராஶகத்ஸர்வமகரோத் ।
(அந்யஸ்யாபி த்⁴யாநயஜ்ஞேந ஸர்வஜ்ஞத்வாதி³லாப:⁴)
ய ஏவம் வித்³வாநிமம் த்⁴யாநயஜ்ஞமநுதிஷ்டே²த்ஸ ஸர்வஜ்ஞோऽநந்தஶக்தி:
ஸர்வகர்தா ப⁴வதி । ஸ ஸர்வாம்ॅல்லோகாஞ்ஜித்வா ப்³ரஹ்ம பரம் ப்ராப்நோதி ॥ 4॥
பஞ்சம: க²ண்ட:³
ஈ(லோகத்ரயாதி³ஸ்ரு’ஷ்டி:)
அத² ப்ரஜாபதிர்லோகாந்ஸிஸ்ரு’க்ஷமாணஸ்தஸ்யா ஏவ வித்³யாயா யாநி
த்ரிம்ஶத³க்ஷராணி தேப்⁴யஸ்த்ரீம்ॅல்லோகாந் । அத² த்³வே த்³வே அக்ஷரே
தாப்⁴யாமுப⁴யதோ த³தா⁴ர । தஸ்யா ஏவர்சோ த்³வாத்ரிம்ஶத்³பி⁴ரக்ஷரைஸ்தாந்தே³வாந்நிர்மமே । ஸர்வைரேவ ஸ இந்த்³ரோऽப⁴வத் । தஸ்மாதி³ந்த்³ரோ
தே³வாநாமதி⁴கோऽப⁴வத் । ய ஏவம் வேத³ ஸமாநாநாமதி⁴கோ ப⁴வேத் ।
(வஸுருத்³ராதி³த்யஸ்ருஷ்டி:)
தஸ்யா ஏகாத³ஶபி:⁴ பாதை³ரேகாத³ஶ ருத்³ராந்நிர்மமே । தஸ்யா
ஏகாத³ஶபி⁴ரேகாத³ஶாதி³த்யாந்நிர்மமே । ஸர்வைரேவ ஸ விஷ்ணுரப⁴வத் ।
தஸ்மாத்³விஷ்ணுராதி³த்யாநாமதி⁴கோऽப⁴வத் । ய ஏவம் வேத³ ஸமாநாநாமதி⁴கோ
ப⁴வேத் । ஸ சதுர்பி⁴ஶ்சதுர்பி⁴ரக்ஷரைரஷ்டௌ வஸூநஜநயத் ।
ஸ தஸ்யா ஆத்³யைர்த்³வாத³ஶபி⁴ரக்ஷரைர்ப்³ராஹ்மணமஜநயத் ।
த³ஶபி⁴ர்த³ஶபி⁴ர்விட்க்ஷத்ரே । தஸ்மாத்³ப்³ராஹ்மணோ முக்²யோ ப⁴வதி ।
ஏவம் தந்முக்²யோ ப⁴வதி ய ஏவம் வேத³ ।
தூஷ்ணீம் ஶூத்³ரமஜநயத்தஸ்மாச்சூ²த்³ரோ நிர்வித்³யோऽப⁴வத் ।
(அஹோராத்ரஸ்ரு’ஷ்டி:)
ந வேத³ம் இவா ந நக்தமாஸீத³வ்யாவ்ரு’தம் ।
ஸ ப்ரஜாபதிராநுஷ்டுபா⁴ப்⁴யாமர்த⁴ர்சாப்⁴யாமஹோராத்ராவகல்பயத் ।
(வேத³ச²ந்த³ஸ்ஸ்ரு’ஷ்டி:)
ததோ வ்யைச்ச²த் வ்யேவாஸ்மா உச்ச²தி । அதோ² தம ஏவாபஹதே ।
ரு’க்³வேத³மஸ்யா ஆத்³யாத்பாதா³த³கல்பயத் । யஜுர்த்³விதீயாத் ।
ஸாம த்ரு’தீயாத் । அத²ர்வாங்கி³ரஸஶ்சதுர்தா²த் யத³ஷ்டாக்ஷரபதா³
தேந கா³யத்ரீ । யதே³காத³ஶபதா³ தேந த்ரிஷ்டுப் ।
யச்சதுஷ்பதா³ தேந ஜக³தீ யத்³த்³வாத்ரிம்ஶத³க்ஷரா தேநாநுஷ்டுப் ।
ஸா வா ஏஷா ஸர்வாணி ச²ந்தா³ம்ஸி । ய இமாம் ஸர்வாணி ச²ந்தா³ம்ஸி வேத³ ।
ஸர்வம் ஜக³தா³நுஷ்டுப⁴ ஏவோத்பந்நமநுஷ்டுப்ப்ரதிஷ்டி²தம்
ப்ரதிதிஷ்ட²தி யஶ்சைவம் வேத³ ॥ 5॥
ஷஷ்ட:² க²ண்ட:³
(ஸ்த்ரீபுருஷமிது²நஸ்ரு’ஷ்டி:)
அத² யதா³ ப்ரஜா: ஸ்ரு’ஷ்டா ந ஜாயந்தே ப்ரஜாபதி: கத²ம்
ந்விமா: ப்ரஜா: ஸ்ரு’ஜேயமிதி சிந்தயந்நுக்³ரமிதீமாம்ரு’சம்
கா³துமுபாக்ராமத் । தத: ப்ரத²மபாதா³து³க்³ரரூபோ தே³வ:
ப்ராது³ரபூ⁴த் ஏக: ஶ்யாம: புரதோ ரக்த: பிநாகீ ஸ்த்ரீபும்ஸரூபஸ்தம்
விப⁴ஜ்ய ஸ்த்ரீஷு தஸ்ய ஸ்த்ரீரூபம் பும்ஸி ச பும்ரூபம் வ்யதா⁴த் ।
உபா⁴ப்⁴யாநம்ஶாப்⁴யாம் ஸர்வமாதி³ஷ்ட: । தத: ப்ரஜா: ப்ரஜாயந்தே ।
ய ஏவம் வேத³ ப்ரஜாபதே: ஸோऽபி த்ர்யம்ப³க இமாம்ரு’சமுத்³கா³யந்நுத்³க்³ரதி²தஜடாகலாப: ப்ரத்யோ அக்³ஜ்யோதிஷ்யாத்மந்யேவ ரந்தாரமிதி ।
(இந்த்³ராக்²யாயிகா)
இந்த்³ரோ வை கில தே³வாநாமநுஜாவர ஆஸீத் । தம் ப்ரஜாபதிரப்³ரவீத்³க³ச்ச²
தே³வாநாமதி⁴பதிர்ப⁴வேதி । ஸோऽக³ச்ச²த் । தம் தே³வா ஊசுரநுஜாவரோऽஸி
த்வமஸ்மாகம் குதஸ்த்வாதி⁴பத்யமிதி । ஸ ப்ரஜாபதிமப்⁴யேத்யோவாசைவம்
தே³வா ஊசுரநுஜாவரஸ்ய குதஸ்தவாதி⁴பத்யமிதி । தம் ப்ரஜாபதிரிந்த்³ரம்
த்ரிகலஶைரம்ரு’தபூர்ணைராநுஷ்டுபா⁴பி⁴மந்த்ரிதைரபி⁴ஷிச்ய தம்
ஸுத³ர்ஶநேந த³க்ஷிணதோ ரரக்ஷ பாஞ்சஜந்யேந வாமதோ த்³வயேநைவ
ஸுரக்ஷிதோऽப⁴வத் । ரௌக்மே ப²லகே ஸூர்யவர்சஸி மந்த்ரமாநுஷ்டுப⁴ம்
விந்யஸ்ய தத³ஸ்ய கண்டே² ப்ரத்யமுஞ்சத் । தத: ஸுது³ர்நிரீக்ஷோऽப⁴வத் ।
தஸ்மை வித்³யாமாநுஷ்டுபீ⁴ம் ப்ராதா³த் । ததோ தே³வாஸ்தமாதி⁴பத்யாயாநுமேநிரே
।
ஸ ஸ்வராட³பூ⁴த் । ய ஏவம் வேத³ ஸ்வராட்³ ப⁴வேத் । ஸோऽமந்யத ப்ரு’தி²வீமபி
கத²மபாம் ஜயேயமிதி । ஸ ப்ரஜாபதிமுபாதா⁴வத் ।
தஸ்மாத்ப்ரஜாபதி: கமடா²காரமிந்த்³ரநாக³பு⁴ஜகே³ந்த்³ராதா⁴ரம்
ப⁴த்³ராஸநம் ப்ராதா³த் । ஸ ப்ரு’தி²வீமப்⁴யஜயத் । தத: ஸ
உப⁴யோர்லோகயோரதி⁴பதிரபூ⁴த் । ய ஏவம் வேதோ³ப⁴யோர்லோகயோரதி⁴பதிர்ப⁴வதி ।
ஸ ப்ரு’தி²வீம் ஜயதி ।
(பரமாத்மப்ரதிஷ்டா²ஸாத⁴நம்)
யோ வா அப்ரதிஷ்டி²தம் ஶிதி²லம் ப்⁴ராத்ரு’வேப்⁴யோ
வஸீயாந்ப⁴வதி யஶ்சைவம் வேத³ யஶ்சைவம் வேத³ ॥ 6॥
ஸப்தம: க²ண்ட:³
(ஏதத்³வித்³யாऽத்⁴யயநப²லம்)
ய இமாம் வித்³யாமதீ⁴தே ஸ ஸர்வாந்வேதா³நதீ⁴தே । ஸ ஸர்வை: க்ரதுபி⁴ர்யஜதே ।
ஸ ஸர்வதீர்தே²ஷு ஸ்நாதி । ஸ மஹாபாதகோபபாதகை: ப்ரமுச்யதே । ஸ
ப்³ரஹ்மவர்சஸம் மஹதா³ப்நுயாத் । ஆப்³ரஹ்மண: பூர்வாநாகல்பாऽஶ்சோத்தராம்ஶ்ச
வம்ஶாந்புநீதே । நைநமபஸ்மாராத³யோ ரோகா³ ஆதி³தே⁴யு: । ஸயக்ஷா:
ஸப்ரேதபிஶாசா அப்யேநம் ஸ்ப்ரு’ஷ்ட்வா த்³ரு’ஷ்ட்வா ஶ்ருத்வா வா
பாபிந: புண்யாம்ॅல்லோகாநவாப்நுயு: । சிந்திதமாத்ராத³ஸ்ய ஸர்வேऽர்தா:²
ஸித்³த்⁴யேயு: । பிதரமிவைநம் ஸர்வே மந்யந்தே । ராஜாநஶ்சாஸ்யாதே³ஶகாரிணோ
ப⁴வந்தி । ந சாசார்யவ்யதிரிக்தம் ஶ்ரேயாம்ஸம் த்³ரு’ஷ்ட்வா நமஸ்குர்யாத் ।
ந சாஸ்மாது³பாவரோஹேத் । ஜீவந்முக்தஶ்ச ப⁴வதி । தே³ஹாந்தே தமஸ: பரம்
தா⁴ம ப்ராப்நுயாத் । யத்ர விராண் ந்ரு’ஸிம்ஹோऽவபா⁴ஸதே தத்ர க²லூபாஸதே ।
தத்ஸ்வரூபத்⁴யாநபரா முநய ஆகல்பாந்தே தஸ்மிந்நேவாத்மநி லீயந்தே । ந ச
புநராவர்தந்தே ।
(ஏதத்³வித்³யாஸம்ப்ரதா³நவிதி:⁴)
ந சேமாம் வித்³யாமஶ்ரத்³த³தா⁴நாய ப்³ரூயாந்நாஸூயாவதே
நாநூசாநாய நாவிஷ்ணுப⁴க்தாய நாந்ரு’திநே நாதபஸே நாதா³ந்தாய
நாஶாந்தாய நாதீ³க்ஷிதாய நாத⁴ர்மஶீலாய ந ஹிம்ஸகாய நாப்³ரஹ்மசாரிண
இத்யேஷோபநிஷத் ॥
ௐ ஆப்யாயந்து மமாங்கா³நி வாக்ப்ராணஶ்சக்ஷு: ஶ்ரோத்ரமதோ²
ப³லமிந்த்³ரியாணி ச ॥ ஸர்வாணி ஸர்வம் ப்³ரஹ்மோபநிஷத³ம் மாஹம்
ப்³ரஹ்ம நிராகுர்யாம் மா மா ப்³ரஹ்ம நிராகரோத³நிராகரணமஸ்த்வநிராகரணம் மேஸ்து ததா³த்மநி நிரதே ய உபநிஷத்ஸு த⁴ர்மாஸ்தே
மயி ஸந்து தே மயி ஸந்து ॥
ௐ ஶாந்தி: ஶாந்தி: ஶாந்தி: ॥
ஹரி: ௐ தத்ஸத் ॥
இத்யவ்யக்தோபநிஷத்ஸமாப்தா ॥
ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –
Leave a Reply