Thiruvonum's Weblog

பா³த³ராயணிருவாச
ஸ ஏவமாஶம்ʼஸித உத்³த⁴வேன
பா⁴க³வதமுக்²யேன தா³ஶார்ஹமுக்²ய꞉ .
ஸபா⁴ஜயன் ப்⁴ருʼத்யவசோ முகுந்த³-
ஸ்தமாப³பா⁴ஷே ஶ்ரவணீயவீர்ய꞉ .. 1..

ஶ்ரீப⁴க³வானுவாச
பா³ர்ஹஸ்பத்ய ஸ வை நாத்ர ஸாது⁴ர்வை து³ர்ஜனேரிதை꞉ .
து³ருக்தைர்பி⁴ன்னமாத்மானம்ʼ ய꞉ ஸமாதா⁴துமீஶ்வர꞉ .. 2..

ந ததா² தப்யதே வித்³த⁴꞉ புமான் பா³ணைஸ்து மர்மகை³꞉ .
யதா² துத³ந்தி மர்மஸ்தா² ஹ்யஸதாம்ʼ பருஷேஷவ꞉ .. 3..

கத²யந்தி மஹத்புண்யமிதிஹாஸமிஹோத்³த⁴வ .
தமஹம்ʼ வர்ணயிஷ்யாமி நிபோ³த⁴ ஸுஸமாஹித꞉ .. 4..

கேனசித்³பி⁴க்ஷுணா கீ³தம்ʼ பரிபூ⁴தேன து³ர்ஜனை꞉ .
ஸ்மரதா த்⁴ருʼதியுக்தேன விபாகம்ʼ நிஜகர்மணாம் .. 5..

அவந்திஷு த்³விஜ꞉ கஶ்சிதா³ஸீதா³ட்⁴யதம꞉ ஶ்ரியா .
வார்தாவ்ருʼத்தி꞉ கத³ர்யஸ்து காமீ லுப்³தோ⁴(அ)திகோபன꞉ .. 6..

ஜ்ஞாதயோ(அ)தித²யஸ்தஸ்ய வாங் மாத்ரேணாபி நார்சிதா꞉ .
ஶூன்யாவஸத² ஆத்மாபி காலே காமைரனர்சித꞉ .. 7..

து³꞉ஶீலஸ்ய கத³ர்யஸ்ய த்³ருஹ்யந்தே புத்ரபா³ந்த⁴வா꞉ .
தா³ரா து³ஹிதரோ ப்⁴ருʼத்யா விஷண்ணா நாசரன் ப்ரியம் .. 8..

தஸ்யைவம்ʼ யக்ஷவித்தஸ்ய ச்யுதஸ்யோப⁴யலோகத꞉ .
த⁴ர்மகாமவிஹீனஸ்ய சுக்ருது⁴꞉ பஞ்சபா⁴கி³ன꞉ .. 9..

தத³வத்⁴யானவிஸ்ரஸ்தபுண்யஸ்கந்த⁴ஸ்ய பூ⁴ரித³ .
அர்தோ²(அ)ப்யக³ச்ச²ந்நித⁴னம்ʼ ப³ஹ்வாயாஸபரிஶ்ரம꞉ .. 10..

ஜ்ஞாதயோ ஜக்³ருʼஹு꞉ கிஞ்சித்கிஞ்சித்³த³ஸ்யவ உத்³த⁴வ .
தை³வத꞉ காலத꞉ கிஞ்சித்³ப்³ரஹ்மப³ந்தோ⁴ர்ந்ருʼபார்தி²வாத் .. 11..

ஸ ஏவம்ʼ த்³ரவிணே நஷ்டே த⁴ர்மகாமவிவர்ஜித꞉ .
உபேக்ஷிதஶ்ச ஸ்வஜனைஶ்சிந்தாமாப து³ரத்யயாம் .. 12..

தஸ்யைவம்ʼ த்⁴யாயதோ தீ³ர்க⁴ம்ʼ நஷ்டராயஸ்தபஸ்வின꞉ .
கி²த்³யதோ பா³ஷ்பகண்ட²ஸ்ய நிர்வேத³꞉ ஸுமஹானபூ⁴த் .. 13..

ஸ சாஹேத³மஹோ கஷ்டம்ʼ வ்ருʼதா²த்மா மே(அ)னுதாபித꞉ .
ந த⁴ர்மாய ந காமாய யஸ்யார்தா²யாஸ ஈத்³ருʼஶ꞉ .. 14..

ப்ராயேணார்தா²꞉ கத³ர்யாணாம்ʼ ந ஸுகா²ய கதா³சன .
இஹ சாத்மோபதாபாய ம்ருʼதஸ்ய நரகாய ச .. 15..

யஶோ யஶஸ்வினாம்ʼ ஶுத்³த⁴ம்ʼ ஶ்லாக்⁴யா யே கு³ணினாம்ʼ கு³ணா꞉ .
லோப⁴꞉ ஸ்வல்போ(அ)பி தான் ஹந்தி ஶ்வித்ரோ ரூபமிவேப்ஸிதம் .. 16..

அர்த²ஸ்ய ஸாத⁴னே ஸித்³தே⁴ உத்கர்ஷே ரக்ஷணே வ்யயே .
நாஶோபபோ⁴க³ ஆயாஸஸ்த்ராஸஶ்சிந்தா ப்⁴ரமோ ந்ருʼணாம் .. 17..

ஸ்தேயம்ʼ ஹிம்ʼஸாந்ருʼதம்ʼ த³ம்ப⁴꞉ காம꞉ க்ரோத⁴꞉ ஸ்மயோ மத³꞉ .
பே⁴தோ³ வைரமவிஶ்வாஸ꞉ ஸம்ʼஸ்பர்தா⁴ வ்யஸனானி ச .. 18..

ஏதே பஞ்சத³ஶானர்தா² ஹ்யர்த²மூலா மதா ந்ருʼணாம் .
தஸ்மாத³னர்த²மர்தா²க்²யம்ʼ ஶ்ரேயோ(அ)ர்தீ² தூ³ரதஸ்த்யஜேத் .. 19..

பி⁴த்³யந்தே ப்⁴ராதரோ தா³ரா꞉ பிதர꞉ ஸுஹ்ருʼத³ஸ்ததா² .
ஏகாஸ்னிக்³தா⁴꞉ காகிணினா ஸத்³ய꞉ ஸர்வே(அ)ரய꞉ க்ருʼதா꞉ .. 20..

அர்தே²னால்பீயஸா ஹ்யேதே ஸம்ʼரப்³தா⁴ தீ³ப்தமன்யவ꞉ .
த்யஜந்த்யாஶு ஸ்ப்ருʼதோ⁴ க்⁴னந்தி ஸஹஸோத்ஸ்ருʼஜ்ய ஸௌஹ்ருʼத³ம் .. 21..

லப்³த்⁴வா ஜன்மாமரப்ரார்த்²யம்ʼ மானுஷ்யம்ʼ தத்³த்³விஜாக்³ர்யதாம் .
தத³நாத்³ருʼத்ய யே ஸ்வார்த²ம்ʼ க்⁴னந்தி யாந்த்யஶுபா⁴ம்ʼ க³திம் .. 22..

ஸ்வர்கா³பவர்க³யோர்த்³வாரம்ʼ ப்ராப்ய லோகமிமம்ʼ புமான் .
த்³ரவிணே கோ(அ)னுஷஜ்ஜேத மர்த்யோ(அ)னர்த²ஸ்ய தா⁴மனி .. 23..

தே³வர்ஷிபித்ருʼபூ⁴தானி ஜ்ஞாதீன் ப³ந்தூ⁴ம்ʼஶ்ச பா⁴கி³ன꞉ .
அஸம்ʼவிப⁴ஜ்ய சாத்மானம்ʼ யக்ஷவித்த꞉ பதத்யத⁴꞉ .. 24..

வ்யர்த²யார்தே²ஹயா வித்தம்ʼ ப்ரமத்தஸ்ய வயோப³லம் .
குஶலா யேன ஸித்⁴யந்தி ஜரட²꞉ கிம்ʼ நு ஸாத⁴யே .. 25..

கஸ்மாத்ஸங்க்லிஶ்யதே வித்³வான் வ்யர்த²யார்தே²ஹயாஸக்ருʼத் .
கஸ்யசின்மாயயா நூனம்ʼ லோகோ(அ)யம்ʼ ஸுவிமோஹித꞉ .. 26..

கிம்ʼ த⁴னைர்த⁴னதை³ர்வா கிம்ʼ காமைர்வா காமதை³ருத .
ம்ருʼத்யுனா க்³ரஸ்யமானஸ்ய கர்மபி⁴ர்வோத ஜன்மதை³꞉ .. 27..

நூனம்ʼ மே ப⁴க³வாம்ʼஸ்துஷ்ட꞉ ஸர்வதே³வமயோ ஹரி꞉ .
யேன நீதோ த³ஶாமேதாம்ʼ நிர்வேத³ஶ்சாத்மன꞉ ப்லவ꞉ .. 28..

ஸோ(அ)ஹம்ʼ காலாவஶேஷேண ஶோஷயிஷ்யே(அ)ங்க³மாத்மன꞉ .
அப்ரமத்தோ(அ)கி²லஸ்வார்தே² யதி³ ஸ்யாத்ஸித்³த⁴ ஆத்மனி .. 29..

தத்ர மாமனுமோதே³ரன் தே³வாஸ்த்ரிபு⁴வனேஶ்வரா꞉ .
முஹூர்தேன ப்³ரஹ்மலோகம்ʼ க²ட்வாங்க³꞉ ஸமஸாத⁴யத் .. 30..

ஶ்ரீப⁴க³வானுவாச
இத்யபி⁴ப்ரேத்ய மனஸா ஹ்யாவந்த்யோ த்³விஜஸத்தம꞉ .
உன்முச்ய ஹ்ருʼத³யக்³ரந்தீ²ன் ஶாந்தோ பி⁴க்ஷுரபூ⁴ன்முனி꞉ .. 31..

ஸ சசார மஹீமேதாம்ʼ ஸம்ʼயதாத்மேந்த்³ரியானில꞉ .
பி⁴க்ஷார்த²ம்ʼ நக³ரக்³ராமானஸங்கோ³(அ)லக்ஷிதோ(அ)விஶத் .. 32..

தம்ʼ வை ப்ரவயஸம்ʼ பி⁴க்ஷுமவதூ⁴தமஸஜ்ஜனா꞉ .
த்³ருʼஷ்ட்வா பர்யப⁴வன் ப⁴த்³ர ப³ஹ்வீபி⁴꞉ பரிபூ⁴திபி⁴꞉ .. 33..

கேசித்த்ரிவேணும்ʼ ஜக்³ருʼஹுரேகே பாத்ரம்ʼ கமண்ட³லும் .
பீட²ம்ʼ சைகே(அ)க்ஷஸூத்ரம்ʼ ச கந்தா²ம்ʼ சீராணி கேசன .. 34..

ப்ரதா³ய ச புனஸ்தானி த³ர்ஶிதான்யாத³து³ர்முனே꞉ .
அன்னம்ʼ ச பை⁴க்ஷ்யஸம்பன்னம்ʼ பு⁴ஞ்ஜானஸ்ய ஸரித்தடே .. 35..

மூத்ரயந்தி ச பாபிஷ்டா²꞉ ஷ்டீ²வந்த்யஸ்ய ச மூர்த⁴னி .
யதவாசம்ʼ வாசயந்தி தாட³யந்தி ந வக்தி சேத் .. 36..

தர்ஜயந்த்யபரே வாக்³பி⁴꞉ ஸ்தேனோ(அ)யமிதி வாதி³ன꞉ .
ப³த்⁴னந்தி ரஜ்ஜ்வா தம்ʼ கேசித்³ப³த்⁴யதாம்ʼ ப³த்⁴யதாமிதி .. 37..

க்ஷிபந்த்யேகே(அ)வஜானந்த ஏஷ த⁴ர்மத்⁴வஜ꞉ ஶட²꞉ .
க்ஷீணவித்த இமாம்ʼ வ்ருʼத்திமக்³ரஹீத்ஸ்வஜனோஜ்ஜி²த꞉ .. 38..

அஹோ ஏஷ மஹாஸாரோ த்⁴ருʼதிமான் கி³ரிராடி³வ .
மௌனேன ஸாத⁴யத்யர்த²ம்ʼ ப³கவத்³த்³ருʼட⁴நிஶ்சய꞉ .. 39..

இத்யேகே விஹஸந்த்யேனமேகே து³ர்வாதயந்தி ச .
தம்ʼ ப³ப³ந்து⁴ர்நிருருது⁴ர்யதா² க்ரீட³னகம்ʼ த்³விஜம் .. 40..

ஏவம்ʼ ஸ பௌ⁴திகம்ʼ து³꞉க²ம்ʼ தை³விகம்ʼ தை³ஹிகம்ʼ ச யத் .
போ⁴க்தவ்யமாத்மனோ தி³ஷ்டம்ʼ ப்ராப்தம்ʼ ப்ராப்தமபு³த்⁴யத .. 41..

பரிபூ⁴த இமாம்ʼ கா³தா²மகா³யத நராத⁴மை꞉ .
பாதயத்³பி⁴꞉ ஸ்வத⁴ர்மஸ்தோ² த்⁴ருʼதிமாஸ்தா²ய ஸாத்த்விகீம் .. 42..

த்³விஜ உவாச
நாயம்ʼ ஜனோ மே ஸுக²து³꞉க² ஹேதுர்ன
தே³வதாத்மா க்³ரஹகர்மகாலா꞉ .
மன꞉ பரம்ʼ காரணமாமனந்தி
ஸம்ʼஸாரசக்ரம்ʼ பரிவர்தயேத்³யத் .. 43..

மனோ கு³ணான் வை ஸ்ருʼஜதே ப³லீய-
ஸ்ததஶ்ச கர்மாணி விலக்ஷணானி .
ஶுக்லானி க்ருʼஷ்ணான்யத² லோஹிதானி
தேப்⁴ய꞉ ஸவர்ணா꞉ ஸ்ருʼதயோ ப⁴வந்தி .. 44..

அனீஹ ஆத்மா மனஸா ஸமீஹதா
ஹிரண்மயோ மத்ஸக² உத்³விசஷ்டே .
மன꞉ ஸ்வலிங்க³ம்ʼ பரிக்³ருʼஹ்ய காமான்
ஜுஷன் நிப³த்³தோ⁴ கு³ணஸங்க³தோ(அ)ஸௌ .. 45..

தா³னம்ʼ ஸ்வத⁴ர்மோ நியமோ யமஶ்ச
ஶ்ருதம்ʼ ச கர்மாணி ச ஸத்³வ்ரதானி .
ஸர்வே மனோநிக்³ரஹலக்ஷணாந்தா꞉
பரோ ஹி யோகோ³ மனஸ꞉ ஸமாதி⁴꞉ .. 46..

ஸமாஹிதம்ʼ யஸ்ய மன꞉ ப்ரஶாந்தம்ʼ
தா³நாதி³பி⁴꞉ கிம்ʼ வத³ தஸ்ய க்ருʼத்யம் .
அஸம்ʼயதம்ʼ யஸ்ய மனோ வினஶ்ய-
த்³தா³நாதி³பி⁴ஶ்சேத³பரம்ʼ கிமேபி⁴꞉ .. 47..

மனோ வஶே(அ)ன்யே ஹ்யப⁴வன் ஸ்ம தே³வா
மனஶ்ச நான்யஸ்ய வஶம்ʼ ஸமேதி .
பீ⁴ஷ்மோ ஹி தே³வ꞉ ஸஹஸ꞉ ஸஹீயான்
யுஞ்ஜ்யாத்³வஶே தம்ʼ ஸ ஹி தே³வதே³வ꞉ .. 48..

தம்ʼ து³ர்ஜயம்ʼ ஶத்ருமஸஹ்யவேக்³-
அமருந்துத³ம்ʼ தன்ன விஜித்ய கேசித் .
குர்வந்த்யஸத்³விக்³ரஹமத்ர மர்த்யை-
ர்மித்ராண்யுதா³ஸீனரிபூன் விமூடா⁴꞉ .. 49..

தே³ஹம்ʼ மனோமாத்ரமிமம்ʼ க்³ருʼஹீத்வா
மமாஹமித்யந்த⁴தி⁴யோ மனுஷ்யா꞉ .
ஏஷோ(அ)ஹமன்யோ(அ)யமிதி ப்⁴ரமேண
து³ரந்தபாரே தமஸி ப்⁴ரமந்தி .. 50..

ஜனஸ்து ஹேது꞉ ஸுக²து³꞉க²யோஶ்சே-
த்கிமாத்மனஶ்சாத்ர ஹி பௌ⁴மயோஸ்தத் .
ஜிஹ்வாம்ʼ க்வசித்ஸந்த³ஶதி ஸ்வத³த்³பி⁴-
ஸ்தத்³வேத³னாயாம்ʼ கதமாய குப்யேத் .. 51..

து³꞉க²ஸ்ய ஹேதுர்யதி³ தே³வதாஸ்து
கிமாத்மனஸ்தத்ர விகாரயோஸ்தத் .
யத³ங்க³மங்கே³ன நிஹன்யதே க்வசித்க்ருத்⁴யேத
கஸ்மை புருஷ꞉ ஸ்வதே³ஹே .. 52..

ஆத்மா யதி³ ஸ்யாத்ஸுக²து³꞉க²ஹேது꞉
கிமன்யதஸ்தத்ர நிஜஸ்வபா⁴வ꞉ .
ந ஹ்யாத்மனோ(அ)ன்யத்³யதி³ தன்ம்ருʼஷா ஸ்யாத்
க்ருத்⁴யேத கஸ்மான்ன ஸுக²ம்ʼ ந து³꞉க²ம் .. 53..

க்³ரஹா நிமித்தம்ʼ ஸுக²து³꞉க²யோஶ்சே-
த்கிமாத்மனோ(அ)ஜஸ்ய ஜனஸ்ய தே வை .
க்³ரஹைர்க்³ரஹஸ்யைவ வத³ந்தி பீடா³ம்ʼ
க்ருத்⁴யேத கஸ்மை புருஷஸ்ததோ(அ)ன்ய꞉ .. 54..

கர்மாஸ்து ஹேது꞉ ஸுக²து³꞉க²யோஶ்சே-
த்கிமாத்மனஸ்தத்³தி⁴ ஜடா³ஜட³த்வே .
தே³ஹஸ்த்வசித்புருஷோ(அ)யம்ʼ ஸுபர்ண꞉
க்ருத்⁴யேத கஸ்மை ந ஹி கர்மமூலம் .. 55..

காலஸ்து ஹேது꞉ ஸுக²து³꞉க²யோஶ்சே-
த்கிமாத்மனஸ்தத்ர ததா³த்மகோ(அ)ஸௌ .
நாக்³னேர்ஹி தாபோ ந ஹிமஸ்ய தத்ஸ்யாத்
க்ருத்⁴யேத கஸ்மை ந பரஸ்ய த்³வந்த்³வம் .. 56..

ந கேனசித்க்வாபி கத²ஞ்சனாஸ்ய
த்³வந்த்³வோபராக³꞉ பரத꞉ பரஸ்ய .
யதா²ஹம꞉ ஸம்ʼஸ்ருʼதிரூபிண꞉ ஸ்யாதே³வம்ʼ
ப்ரபு³த்³தோ⁴ ந பி³பே⁴தி பூ⁴தை꞉ .. 57..

ஏதாம்ʼ ஸ ஆஸ்தா²ய பராத்மநிஷ்டா²-
மத்⁴யாஸிதாம்ʼ பூர்வதமைர்மஹர்ஷிபி⁴꞉ .
அஹம்ʼ தரிஷ்யாமி து³ரந்தபாரம்ʼ
தமோ முகுந்தா³ங்க்⁴ரிநிஷேவயைவ .. 58..

ஶ்ரீப⁴க³வானுவாச
நிர்வித்³ய நஷ்டத்³ரவிணோ க³தக்லம꞉
ப்ரவ்ரஜ்ய கா³ம்ʼ பர்யடமான இத்த²ம் .
நிராக்ருʼதோ(அ)ஸத்³பி⁴ரபி ஸ்வத⁴ர்மா-
த³கம்பிதோ(அ)மூம்ʼ முநிராஹ கா³தா²ம் .. 59..

ஸுக²து³꞉க²ப்ரதோ³ நான்ய꞉ புருஷஸ்யாத்மவிப்⁴ரம꞉ .
மித்ரோதா³ஸீனரிபவ꞉ ஸம்ʼஸாரஸ்தமஸ꞉ க்ருʼத꞉ .. 60..

தஸ்மாத்ஸர்வாத்மனா தாத நிக்³ருʼஹாண மனோ தி⁴யா .
மய்யாவேஶிதயா யுக்த ஏதாவான் யோக³ஸங்க்³ரஹ꞉ .. 61..

ய ஏதாம்ʼ பி⁴க்ஷுணா கீ³தாம்ʼ ப்³ரஹ்மநிஷ்டா²ம்ʼ ஸமாஹித꞉ .
தா⁴ரயஞ்ச்²ராவயஞ்ச்²ருʼண்வன் த்³வந்த்³வைர்னைவாபி⁴பூ⁴யதே .. 62..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
ஏகாத³ஶஸ்கந்தே⁴ த்ரயோவிம்ʼஶோ(அ)த்⁴யாய꞉ .. 23..

———————-———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 29, 2020 at 10:34 pm and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.