Thiruvonum's Weblog

உத்³த⁴வ உவாச
கதி தத்த்வானி விஶ்வேஶ ஸங்க்²யாதான்ய்ருʼஷிபி⁴꞉ ப்ரபோ⁴ .
நவைகாத³ஶ பஞ்ச த்ரீண்யாத்த² த்வமிஹ ஶுஶ்ரும .. 1..

கேசித்ஷட்³விம்ʼஶதிம்ʼ ப்ராஹுரபரே பஞ்சவிம்ʼஶதிம்ʼ .
ஸப்தைகே நவ ஷட்கேசிச்சத்வார்யேகாத³ஶாபரே .
கேசித்ஸப்தத³ஶ ப்ராஹு꞉ ஷோட³ஶைகே த்ரயோத³ஶ .. 2..

ஏதாவத்த்வம்ʼ ஹி ஸங்க்²யானாம்ருʼஷயோ யத்³விவக்ஷயா .
கா³யந்தி ப்ருʼத²கா³யுஷ்மன்னித³ம்ʼ நோ வக்துமர்ஹஸி .. 3..

ஶ்ரீப⁴க³வானுவாச
யுக்தம்ʼ ச ஸந்தி ஸர்வத்ர பா⁴ஷந்தே ப்³ராஹ்மணா யதா² .
மாயாம்ʼ மதீ³யாமுத்³க்³ருʼஹ்ய வத³தாம்ʼ கிம்ʼ நு து³ர்க⁴டம் .. 4..

நைததே³வம்ʼ யதா²த்த² த்வம்ʼ யத³ஹம்ʼ வச்மி தத்ததா² .
ஏவம்ʼ விவத³தாம்ʼ ஹேதும்ʼ ஶக்தயோ மே து³ரத்யயா꞉ .. 5..

யாஸாம்ʼ வ்யதிகராதா³ஸீத்³விகல்போ வத³தாம்ʼ பத³ம் .
ப்ராப்தே ஶமத³மே(அ)ப்யேதி வாத³ஸ்தமனுஶாம்யதி .. 6..

பரஸ்பரானுப்ரவேஶாத்தத்த்வானாம்ʼ புருஷர்ஷப⁴ .
பௌர்வாபர்யப்ரஸங்க்²யானம்ʼ யதா² வக்துர்விவக்ஷிதம் .. 7..

ஏகஸ்மின்னபி த்³ருʼஶ்யந்தே ப்ரவிஷ்டானீதராணி ச .
பூர்வஸ்மின் வா பரஸ்மின் வா தத்த்வே தத்த்வானி ஸர்வஶ꞉ .. 8..

பௌர்வாபர்யமதோ(அ)மீஷாம்ʼ ப்ரஸங்க்²யானமபீ⁴ப்ஸதாம் .
யதா² விவிக்தம்ʼ யத்³வக்த்ரம்ʼ க்³ருʼஹ்ணீமோ யுக்திஸம்ப⁴வாத் .. 9..

அநாத்³யவித்³யாயுக்தஸ்ய புருஷஸ்யாத்மவேத³னம் .
ஸ்வதோ ந ஸம்ப⁴வாத³ன்யஸ்தத்த்வஜ்ஞோ ஜ்ஞானதோ³ ப⁴வேத் .. 10..

புருஷேஶ்வரயோரத்ர ந வைலக்ஷண்யமண்வபி .
தத³ன்யகல்பனாபார்தா² ஜ்ஞானம்ʼ ச ப்ரக்ருʼதேர்கு³ண꞉ .. 11..

ப்ரக்ருʼதிர்கு³ணஸாம்யம்ʼ வை ப்ரக்ருʼதேர்னாத்மனோ கு³ணா꞉ .
ஸத்த்வம்ʼ ரஜஸ்தம இதி ஸ்தி²த்யுத்பத்த்யந்தஹேதவ꞉ .. 12..

ஸத்த்வம்ʼ ஜ்ஞானம்ʼ ரஜ꞉ கர்ம தமோ(அ)ஜ்ஞானமிஹோச்யதே .
கு³ணவ்யதிகர꞉ கால꞉ ஸ்வபா⁴வ꞉ ஸூத்ரமேவ ச .. 13..

புருஷ꞉ ப்ரக்ருʼதிர்வ்யக்தமஹங்காரோ நபோ⁴(அ)னில꞉ .
ஜ்யோதிராப꞉ க்ஷிதிரிதி தத்த்வான்யுக்தானி மே நவ .. 14..

ஶ்ரோத்ரம்ʼ த்வக்³த³ர்ஶனம்ʼ க்⁴ராணோ ஜிஹ்வேதி ஜ்ஞானஶக்தய꞉ .
வாக்பாண்யுபஸ்த²பாய்வங்க்⁴ரி꞉ கர்மாண்யங்கோ³ப⁴யம்ʼ மன꞉ .. 15..

ஶப்³த³꞉ ஸ்பர்ஶோ ரஸோ க³ந்தோ⁴ ரூபம்ʼ சேத்யர்த²ஜாதய꞉ .
க³த்யுக்த்யுத்ஸர்க³ஶில்பானி கர்மாயதனஸித்³த⁴ய꞉ .. 16..

ஸர்கா³தௌ³ ப்ரக்ருʼதிர்ஹ்யஸ்ய கார்யகாரணரூபிணீ .
ஸத்த்வாதி³பி⁴ர்கு³ணைர்த⁴த்தே புருஷோ(அ)வ்யக்த ஈக்ஷதே .. 17..

வ்யக்தாத³யோ விகுர்வாணா தா⁴தவ꞉ புருஷேக்ஷயா .
லப்³த⁴வீர்யா꞉ ஸ்ருʼஜந்த்யண்ட³ம்ʼ ஸம்ʼஹதா꞉ ப்ரக்ருʼதேர்ப³லாத் .. 18..

ஸப்தைவ தா⁴தவ இதி தத்ரார்தா²꞉ பஞ்ச கா²த³ய꞉ .
ஜ்ஞானமாத்மோப⁴யாதா⁴ரஸ்ததோ தே³ஹேந்த்³ரியாஸவ꞉ .. 19..

ஷடி³த்யத்ராபி பூ⁴தானி பஞ்ச ஷஷ்ட²꞉ பர꞉ புமான் .
தைர்யுக்த ஆத்மஸம்பூ⁴தை꞉ ஸ்ருʼஷ்ட்வேத³ம்ʼ ஸமுபாவிஶத் .. 20..

சத்வார்யேவேதி தத்ராபி தேஜ ஆபோ(அ)ன்னமாத்மன꞉ .
ஜாதானி தைரித³ம்ʼ ஜாதம்ʼ ஜன்மாவயவின꞉ க²லு .. 21..

ஸங்க்²யானே ஸப்தத³ஶகே பூ⁴தமாத்ரேந்த்³ரியாணி ச .
பஞ்ச பஞ்சைகமனஸா ஆத்மா ஸப்தத³ஶ꞉ ஸ்ம்ருʼத꞉ .. 22..

தத்³வத்ஷோட³ஶஸங்க்²யானே ஆத்மைவ மன உச்யதே .
பூ⁴தேந்த்³ரியாணி பஞ்சைவ மன ஆத்மா த்ரயோத³ஶ .. 23..

ஏகாத³ஶத்வ ஆத்மாஸௌ மஹாபூ⁴தேந்த்³ரியாணி ச .
அஷ்டௌ ப்ரக்ருʼதயஶ்சைவ புருஷஶ்ச நவேத்யத² .. 24..

இதி நானாப்ரஸங்க்²யானம்ʼ தத்த்வானாம்ருʼஷிபி⁴꞉ க்ருʼதம் .
ஸர்வம்ʼ ந்யாய்யம்ʼ யுக்திமத்த்வாத்³விது³ஷாம்ʼ கிமஶோப⁴னம் .. 25..

உத்³த⁴வ உவாச
ப்ரக்ருʼதி꞉ புருஷஶ்சோபௌ⁴ யத்³யப்யாத்மவிலக்ஷணௌ .
அன்யோன்யாபாஶ்ரயாத்க்ருʼஷ்ண த்³ருʼஶ்யதே ந பி⁴தா³ தயோ꞉ .
ப்ரக்ருʼதௌ லக்ஷ்யதே ஹ்யாத்மா ப்ரக்ருʼதிஶ்ச ததா²(ஆ)த்மனி .. 26..

ஏவம்ʼ மே புண்ட³ரீகாக்ஷ மஹாந்தம்ʼ ஸம்ʼஶயம்ʼ ஹ்ருʼதி³ .
சே²த்துமர்ஹஸி ஸர்வஜ்ஞ வசோபி⁴ர்நயனைபுணை꞉ .. 27..

த்வத்தோ ஜ்ஞானம்ʼ ஹி ஜீவானாம்ʼ ப்ரமோஷஸ்தே(அ)த்ர ஶக்தித꞉ .
த்வமேவ ஹ்யாத்மமாயாயா க³திம்ʼ வேத்த² ந சாபர꞉ .. 28..

ஶ்ரீப⁴க³வானுவாச
ப்ரக்ருʼதி꞉ புருஷஶ்சேதி விகல்ப꞉ புருஷர்ஷப⁴ .
ஏஷ வைகாரிக꞉ ஸர்கோ³ கு³ணவ்யதிகராத்மக꞉ .. 29..

மமாங்க³ மாயாகு³ணமய்யனேகதா⁴
விகல்பபு³த்³தீ⁴ஶ்ச கு³ணைர்வித⁴த்தே .
வைகாரிகஸ்த்ரிவிதோ⁴(அ)த்⁴யாத்மமேக-
மதா²தி⁴தை³வமதி⁴பூ⁴தமன்யத் .. 30..

த்³ருʼக்³ ரூபமார்கம்ʼ வபுரத்ர ரந்த்⁴ரே
பரஸ்பரம்ʼ ஸித்⁴யதி ய꞉ ஸ்வத꞉ கே² .
ஆத்மா யதே³ஷாமபரோ ய ஆத்³ய꞉
ஸ்வயானுபூ⁴த்யாகி²லஸித்³த⁴ஸித்³தி⁴꞉ .
ஏவம்ʼ த்வகா³தி³ ஶ்ரவணாதி³ சக்ஷுர்ஜிஹ்வாதி³
நாஸாதி³ ச சித்தயுக்தம் .. 31..

யோ(அ)ஸௌ கு³ணக்ஷோப⁴க்ருʼதோ விகார꞉
ப்ரதா⁴னமூலான்மஹத꞉ ப்ரஸூத꞉ .
அஹம்ʼ த்ரிவ்ருʼன்மோஹவிகல்பஹேது-
ர்வைகாரிகஸ்தாமஸ ஐந்த்³ரியஶ்ச .. 32..

ஆத்மா பரிஜ்ஞானமயோ விவாதோ³
ஹ்யஸ்தீதி நாஸ்தீதி பி⁴தா³ர்த²நிஷ்ட²꞉ .
வ்யர்தோ²(அ)பி நைவோபரமேத பும்ʼஸாம்ʼ
மத்த꞉ பராவ்ருʼத்ததி⁴யாம்ʼ ஸ்வலோகாத் .. 33..

உத்³த⁴வ உவாச
த்வத்த꞉ பராவ்ருʼத்ததி⁴ய꞉ ஸ்வக்ருʼதை꞉ கர்மபி⁴꞉ ப்ரபோ⁴ .
உச்சாவசான் யதா² தே³ஹான் க்³ருʼஹ்ணந்தி விஸ்ருʼஜந்தி ச .. 34..

தன்மமாக்²யாஹி கோ³விந்த³ து³ர்விபா⁴வ்யமனாத்மபி⁴꞉ .
ந ஹ்யேதத்ப்ராயஶோ லோகே வித்³வாம்ʼஸ꞉ ஸந்தி வஞ்சிதா꞉ .. 35..

ஶ்ரீப⁴க³வானுவாச
மன꞉ கர்மமயம்ʼ ந்ரூʼணாமிந்த்³ரியை꞉ பஞ்சபி⁴ர்யுதம் .
லோகால்லோகம்ʼ ப்ரயாத்யன்ய ஆத்மா தத³னுவர்ததே .. 36..

த்⁴யாயன் மனோ(அ)னு விஷயான் த்³ருʼஷ்டான் வானுஶ்ருதானத² .
உத்³யத்ஸீத³த்கர்மதந்த்ரம்ʼ ஸ்ம்ருʼதிஸ்தத³னு ஶாம்யதி .. 37..

விஷயாபி⁴நிவேஶேன நாத்மானம்ʼ யத்ஸ்மரேத்புன꞉ .
ஜந்தோர்வை கஸ்யசித்³தே⁴தோர்ம்ருʼத்யுரத்யந்தவிஸ்ம்ருʼதி꞉ .. 38..

ஜன்ம த்வாத்மதயா பும்ʼஸ꞉ ஸர்வபா⁴வேன பூ⁴ரித³ .
விஷயஸ்வீக்ருʼதிம்ʼ ப்ராஹுர்யதா² ஸ்வப்னமனோரத²꞉ .. 39..

ஸ்வப்னம்ʼ மனோரத²ம்ʼ சேத்த²ம்ʼ ப்ராக்தனம்ʼ ந ஸ்மரத்யஸௌ .
தத்ர பூர்வமிவாத்மானமபூர்வம்ʼ சானுபஶ்யதி .. 40..

இந்த்³ரியாயனஸ்ருʼஷ்ட்யேத³ம்ʼ த்ரைவித்⁴யம்ʼ பா⁴தி வஸ்துனி .
ப³ஹிரந்தர்பி⁴தா³ ஹேதுர்ஜனோ(அ)ஸஜ்ஜனக்ருʼத்³யதா² .. 41..

நித்யதா³ ஹ்யங்க³ பூ⁴தானி ப⁴வந்தி ந ப⁴வந்தி ச .
காலேனாலக்ஷ்யவேகே³ன ஸூக்ஷ்மத்வாத்தன்ன த்³ருʼஶ்யதே .. 42..

யதா²ர்சிஷாம்ʼ ஸ்ரோதஸாம்ʼ ச ப²லானாம்ʼ வா வனஸ்பதே꞉ .
ததை²வ ஸர்வபூ⁴தானாம்ʼ வயோ(அ)வஸ்தா²த³ய꞉ க்ருʼதா꞉ .. 43..

ஸோ(அ)யம்ʼ தீ³போ(அ)ர்சிஷாம்ʼ யத்³வத்ஸ்ரோதஸாம்ʼ ததி³த³ம்ʼ ஜலம் .
ஸோ(அ)யம்ʼ புமானிதி ந்ருʼணாம்ʼ ம்ருʼஷா கீ³ர்தீ⁴ர்ம்ருʼஷாயுஷாம் .. 44..

மா ஸ்வஸ்ய கர்மபீ³ஜேன ஜாயதே ஸோ(அ)ப்யயம்ʼ புமான் .
ம்ரியதே வாமரோ ப்⁴ராந்த்யா யதா²க்³நிர்தா³ருஸம்ʼயுத꞉ .. 45..

நிஷேகக³ர்ப⁴ஜன்மானி பா³ல்யகௌமாரயௌவனம் .
வயோமத்⁴யம்ʼ ஜராம்ருʼத்யுரித்யவஸ்தா²ஸ்தனோர்னவ .. 46..

ஏதா மனோரத²மயீர்ஹ்யன்யஸ்யோச்சாவசாஸ்தனூ꞉ .
கு³ணஸங்கா³து³பாத³த்தே க்வசித்கஶ்சிஜ்ஜஹாதி ச .. 47..

ஆத்மன꞉ பித்ருʼபுத்ராப்⁴யாமனுமேயௌ ப⁴வாப்யயௌ .
ந ப⁴வாப்யயவஸ்தூநாமபி⁴ஜ்ஞோ த்³வயலக்ஷண꞉ .. 48..

தரோர்பீ³ஜவிபாகாப்⁴யாம்ʼ யோ வித்³வாஞ்ஜன்மஸம்ʼயமௌ .
தரோர்விலக்ஷணோ த்³ரஷ்டா ஏவம்ʼ த்³ரஷ்டா தனோ꞉ ப்ருʼத²க் .. 49..

ப்ரக்ருʼதேரேவமாத்மானமவிவிச்யாபு³த⁴꞉ புமான் .
தத்த்வேன ஸ்பர்ஶஸம்மூட⁴꞉ ஸம்ʼஸாரம்ʼ ப்ரதிபத்³யதே .. 50..

ஸத்த்வஸங்கா³த்³ருʼஷீன் தே³வான் ரஜஸாஸுரமானுஷான் .
தமஸா பூ⁴ததிர்யக்த்வம்ʼ ப்⁴ராமிதோ யாதி கர்மபி⁴꞉ .. 51..

ந்ருʼத்யதோ கா³யத꞉ பஶ்யன் யதை²வானுகரோதி தான் .
ஏவம்ʼ பு³த்³தி⁴கு³ணான் பஶ்யன்னனீஹோ(அ)ப்யனுகார்யதே .. 52..

யதா²ம்ப⁴ஸா ப்ரசலதா தரவோ(அ)பி சலா இவ .
சக்ஷுஷா ப்⁴ராம்யமாணேன த்³ருʼஶ்யதே ப்⁴ரமதீவ பூ⁴꞉ .. 53..

யதா² மனோரத²தி⁴யோ விஷயானுப⁴வோ ம்ருʼஷா .
ஸ்வப்னத்³ருʼஷ்டாஶ்ச தா³ஶார்ஹ ததா² ஸம்ʼஸார ஆத்மன꞉ .. 54..

அர்தே² ஹ்யவித்³யமானே(அ)பி ஸம்ʼஸ்ருʼதிர்ன நிவர்ததே .
த்⁴யாயதோ விஷயானஸ்ய ஸ்வப்னே(அ)னர்தா²க³மோ யதா² .. 55..

தஸ்மாது³த்³த⁴வ மா பு⁴ங்க்ஷ்வ விஷயானஸதி³ந்த்³ரியை꞉ .
ஆத்மாக்³ரஹணநிர்பா⁴தம்ʼ பஶ்ய வைகல்பிகம்ʼ ப்⁴ரமம் .. 56..

க்ஷிப்தோ(அ)வமானிதோ(அ)ஸத்³பி⁴꞉ ப்ரலப்³தோ⁴(அ)ஸூயிதோ(அ)த² வா .
தாடி³த꞉ ஸந்நிருத்³தோ⁴ வா வ்ருʼத்த்யா வா பரிஹாபித꞉ .. 57..

நிஷ்டி²தோ மூத்ரிதோ வாஜ்ஞைர்ப³ஹுதை⁴வம்ʼ ப்ரகம்பித꞉ .
ஶ்ரேயஸ்காம꞉ க்ருʼச்ச்²ரக³த ஆத்மனா(ஆ)த்மானமுத்³த⁴ரேத் .. 58..

உத்³த⁴வ உவாச
யதை²வமனுபு³த்⁴யேயம்ʼ வத³ நோ வத³தாம்ʼ வர .
ஸுது³꞉ஸஹமிமம்ʼ மன்ய ஆத்மன்யஸத³திக்ரமம் .. 59..

விது³ஷாமபி விஶ்வாத்மன் ப்ரக்ருʼதிர்ஹி ப³லீயஸீ .
ருʼதே த்வத்³த⁴ர்மநிரதான் ஶாந்தாம்ʼஸ்தே சரணாலயான் .. 60..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
ஏகாத³ஶஸ்கந்தே⁴ த்³வாவிம்ʼஶோ(அ)த்⁴யாய꞉ .. 22..

———————-———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 29, 2020 at 10:31 pm and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.