Thiruvonum's Weblog

மைத்ரேய உவாச
மனோஸ்து ஶதரூபாயாம்ʼ திஸ்ர꞉ கன்யாஶ்ச ஜஜ்ஞிரே .
ஆகூதிர்தே³வஹூதிஶ்ச ப்ரஸூதிரிதி விஶ்ருதா꞉ .. 1..

ஆகூதிம்ʼ ருசயே ப்ராதா³த³பி ப்⁴ராத்ருʼமதீம்ʼ ந்ருʼப꞉ .
புத்ரிகாத⁴ர்மமாஶ்ரித்ய ஶதரூபானுமோதி³த꞉ .. 2..

ப்ரஜாபதி꞉ ஸ ப⁴க³வான் ருசிஸ்தஸ்யாமஜீஜனத் .
மிது²னம்ʼ ப்³ரஹ்மவர்சஸ்வீ பரமேண ஸமாதி⁴னா .. 3..

யஸ்தயோ꞉ புருஷ꞉ ஸாக்ஷாத்³விஷ்ணுர்யஜ்ஞஸ்வரூபத்⁴ருʼக் .
யா ஸ்த்ரீ ஸா த³க்ஷிணா பூ⁴தேரம்ʼஶபூ⁴தானபாயினீ .. 4..

ஆனின்யே ஸ்வக்³ருʼஹம்ʼ புத்ர்யா꞉ புத்ரம்ʼ விததரோசிஷம் .
ஸ்வாயம்பு⁴வோ முதா³ யுக்தோ ருசிர்ஜக்³ராஹ த³க்ஷிணாம் .. 5..

தாம்ʼ காமயானாம்ʼ ப⁴க³வானுவாஹ யஜுஷாம்ʼ பதி꞉ .
துஷ்டாயாம்ʼ தோஷமாபன்னோ(அ)ஜனயத்³த்³வாத³ஶாத்மஜான் .. 6..

தோஷ꞉ ப்ரதோஷ꞉ ஸந்தோஷோ ப⁴த்³ர꞉ ஶாந்திரிட³ஸ்பதி꞉ .
இத்⁴ம꞉ கவிர்விபு⁴꞉ ஸ்வஹ்ன꞉ ஸுதே³வோ ரோசனோ த்³விஷட் .. 7..

துஷிதா நாம தே தே³வா ஆஸன் ஸ்வாயம்பு⁴வாந்தரே .
மரீசிமிஶ்ரா ருʼஷயோ யஜ்ஞ꞉ ஸுரக³ணேஶ்வர꞉ .. 8..

ப்ரியவ்ரதோத்தானபாதௌ³ மனுபுத்ரௌ மஹௌஜஸௌ .
தத்புத்ரபௌத்ரனப்த்ரூʼணாமனுவ்ருʼத்தம்ʼ தத³ந்தரம் .. 9..

தே³வஹூதிமதா³த்தாத கர்த³மாயாத்மஜாம்ʼ மனு꞉ .
தத்ஸம்ப³ந்தி⁴ ஶ்ருதப்ராயம்ʼ ப⁴வதா க³த³தோ மம .. 10..

த³க்ஷாய ப்³ரஹ்மபுத்ராய ப்ரஸூதிம்ʼ ப⁴க³வான் மனு꞉ .
ப்ராயச்ச²த்³யத்க்ருʼத꞉ ஸர்க³ஸ்த்ரிலோக்யாம்ʼ விததோ மஹான் .. 11..

யா꞉ கர்த³மஸுதா꞉ ப்ரோக்தா நவ ப்³ரஹ்மர்ஷிபத்னய꞉ .
தாஸாம்ʼ ப்ரஸூதிப்ரஸவம்ʼ ப்ரோச்யமானம்ʼ நிபோ³த⁴ மே .. 12..

பத்னீ மரீசேஸ்து கலா ஸுஷுவே கர்த³மாத்மஜா .
கஶ்யபம்ʼ பூர்ணிமானம்ʼ ச யயோராபூரிதம்ʼ ஜக³த் .. 13..

பூர்ணிமாஸூத விரஜம்ʼ விஶ்வக³ம்ʼ ச பரந்தப .
தே³வகுல்யாம்ʼ ஹரே꞉ பாத³ஶௌசாத்³யாபூ⁴த்ஸரித்³தி³வ꞉ .. 14..

அத்ரே꞉ பத்ன்யனஸூயா த்ரீஞ்ஜஜ்ஞே ஸுயஶஸ꞉ ஸுதான் .
த³த்தம்ʼ து³ர்வாஸஸம்ʼ ஸோமமாத்மேஶப்³ரஹ்மஸம்ப⁴வான் .. 15..

விது³ர உவாச
அத்ரேர்க்³ருʼஹே ஸுரஶ்ரேஷ்டா²꞉ ஸ்தி²த்யுத்பத்த்யந்தஹேதவ꞉ .
கிஞ்சிச்சிகீர்ஷவோ ஜாதா ஏததா³க்²யாஹி மே கு³ரோ .. 16..

மைத்ரேய உவாச
ப்³ரஹ்மணா நோதி³த꞉ ஸ்ருʼஷ்டாவத்ரிர்ப்³ரஹ்மவிதா³ம்ʼ வர꞉ .
ஸஹ பத்ன்யா யயாவ்ருʼக்ஷம்ʼ குலாத்³ரிம்ʼ தபஸி ஸ்தி²த꞉ .. 17..

தஸ்மின் ப்ரஸூனஸ்தப³கபலாஶாஶோககானனே .
வார்பி⁴꞉ ஸ்ரவத்³பி⁴ருத்³கு⁴ஷ்டே நிர்விந்த்⁴யாயா꞉ ஸமந்தத꞉ .. 18..

ப்ராணாயாமேன ஸம்ʼயம்ய மனோ வர்ஷஶதம்ʼ முனி꞉ .
அதிஷ்ட²தே³கபாதே³ன நிர்த்³வந்த்³வோ(அ)னிலபோ⁴ஜன꞉ .. 19..

ஶரணம்ʼ தம்ʼ ப்ரபத்³யே(அ)ஹம்ʼ ய ஏவ ஜக³தீ³ஶ்வர꞉ .
ப்ரஜாமாத்மஸமாம்ʼ மஹ்யம்ʼ ப்ரயச்ச²த்விதி சிந்தயன் .. 20..

தப்யமானம்ʼ த்ரிபு⁴வனம்ʼ ப்ராணாயாமைத⁴ஸாக்³னினா .
நிர்க³தேன முனேர்மூர்த்⁴ன꞉ ஸமீக்ஷ்ய ப்ரப⁴வஸ்த்ரய꞉ .. 21..

அப்ஸரோமுனிக³ந்த⁴ர்வஸித்³த⁴வித்³யாத⁴ரோரகை³꞉ .
விதாயமானயஶஸஸ்ததா³ஶ்ரமபத³ம்ʼ யயு꞉ .. 22..

தத்ப்ராது³ர்பா⁴வஸம்ʼயோக³வித்³யோதிதமனா முனி꞉ .
உத்திஷ்ட²ன்னேகபாதே³ன த³த³ர்ஶ விபு³த⁴ர்ஷபா⁴ன் .. 23..

ப்ரணம்ய த³ண்ட³வத்³பூ⁴மாவபதஸ்தே²(அ)ர்ஹணாஞ்ஜலி꞉ .
வ்ருʼஷஹம்ʼஸஸுபர்ணஸ்தா²ன் ஸ்வை꞉ ஸ்வைஶ்சிஹ்னைஶ்ச சிஹ்னிதான் .. 24..

க்ருʼபாவலோகேன ஹஸத்³வத³னேனோபலம்பி⁴தான் .
தத்³ரோசிஷா ப்ரதிஹதே நிமீல்ய முநிரக்ஷிணீ .. 25..

சேதஸ்தத்ப்ரவணம்ʼ யுஞ்ஜன்னஸ்தாவீத்ஸம்ʼஹதாஞ்ஜலி꞉ .
ஶ்லக்ஷ்ணயா ஸூக்தயா வாசா ஸர்வலோகக³ரீயஸ꞉ .. 26..

அத்ரிருவாச
விஶ்வோத்³ப⁴வஸ்தி²திலயேஷு விப⁴ஜ்யமானை-
ர்மாயாகு³ணைரனுயுக³ம்ʼ விக்³ருʼஹீததே³ஹா꞉ .
தே ப்³ரஹ்மவிஷ்ணுகி³ரிஶா꞉ ப்ரணதோ(அ)ஸ்ம்யஹம்ʼ வ꞉
தேப்⁴ய꞉ க ஏவ ப⁴வதாம்ʼ ம இஹோபஹூத꞉ .. 27..

ஏகோ மயேஹ ப⁴க³வான் விவித⁴ப்ரதா⁴னை-
ஶ்சித்தீக்ருʼத꞉ ப்ரஜனனாய கத²ம்ʼ நு யூயம் .
அத்ராக³தாஸ்தனுப்⁴ருʼதாம்ʼ மனஸோ(அ)பி தூ³ராத்³-
ப்³ரூத ப்ரஸீத³த மஹானிஹ விஸ்மயோ மே .. 28..

மைத்ரேய உவாச
இதி தஸ்ய வச꞉ ஶ்ருத்வா த்ரயஸ்தே விபு³த⁴ர்ஷபா⁴꞉ .
ப்ரத்யாஹு꞉ ஶ்லக்ஷ்ணயா வாசா ப்ரஹஸ்ய தம்ருʼஷிம்ʼ ப்ரபோ⁴ .. 29..

தே³வா ஊசு꞉
யதா² க்ருʼதஸ்தே ஸங்கல்போ பா⁴வ்யம்ʼ தேனைவ நான்யதா² .
ஸத்ஸங்கல்பஸ்ய தே ப்³ரஹ்மன் யத்³வை த்⁴யாயதி தே வயம் .. 30..

அதா²ஸ்மத³ம்ʼஶபூ⁴தாஸ்தே ஆத்மஜா லோகவிஶ்ருதா꞉ .
ப⁴விதாரோ(அ)ங்க³ ப⁴த்³ரம்ʼ தே விஸ்ரப்ஸ்யந்தி ச தே யஶ꞉ .. 31..

ஏவம்ʼ காமவரம்ʼ த³த்த்வா ப்ரதிஜக்³மு꞉ ஸுரேஶ்வரா꞉ .
ஸபா⁴ஜிதாஸ்தயோ꞉ ஸம்யக்³த³ம்பத்யோர்மிஷதோஸ்தத꞉ .. 32..

ஸோமோ(அ)பூ⁴த்³ப்³ரஹ்மணோம்ʼ(அ)ஶேன த³த்தோ விஷ்ணோஸ்து யோக³வித் .
து³ர்வாஸா꞉ ஶங்கரஸ்யாம்ʼஶோ நிபோ³தா⁴ங்கி³ரஸ꞉ ப்ரஜா꞉ .. 33..

ஶ்ரத்³தா⁴ த்வங்கி³ரஸ꞉ பத்னீ சதஸ்ரோ(அ)ஸூத கன்யகா꞉ .
ஸினீவாலீ குஹூ ராகா சதுர்த்²யனுமதிஸ்ததா² .. 34..

தத்புத்ராவபராவாஸ்தாம்ʼ க்²யாதௌ ஸ்வாரோசிஷே(அ)ந்தரே .
உதத்²யோ ப⁴க³வான் ஸாக்ஷாத்³ப்³ரஹ்மிஷ்ட²ஶ்ச ப்³ருʼஹஸ்பதி꞉ .. 35..

புலஸ்த்யோ(அ)ஜனயத்பத்ன்யாமக³ஸ்த்யம்ʼ ச ஹவிர்பு⁴வி .
ஸோ(அ)ன்யஜன்மனி த³ஹ்ராக்³நிர்விஶ்ரவாஶ்ச மஹாதபா꞉ .. 36..

தஸ்ய யக்ஷபதிர்தே³வ꞉ குபே³ரஸ்த்விட³விடா³ ஸுத꞉ .
ராவண꞉ கும்ப⁴கர்ணஶ்ச ததா²ன்யஸ்யாம்ʼ விபீ⁴ஷண꞉ .. 37..

புலஹஸ்ய க³திர்பா⁴ர்யா த்ரீனஸூத ஸதீ ஸுதான் .
கர்மஶ்ரேஷ்ட²ம்ʼ வரீயாம்ʼஸம்ʼ ஸஹிஷ்ணும்ʼ ச மஹாமதே .. 38..

க்ரதோரபி க்ரியா பா⁴ர்யா வாலகி²ல்யானஸூயத .
ருʼஷீன் ஷஷ்டிஸஹஸ்ராணி ஜ்வலதோ ப்³ரஹ்மதேஜஸா .. 39..

ஊர்ஜாயாம்ʼ ஜஜ்ஞிரே புத்ரா வஸிஷ்ட²ஸ்ய பரந்தப .
சித்ரகேதுப்ரதா⁴னாஸ்தே ஸப்த ப்³ரஹ்மர்ஷயோ(அ)மலா꞉ .. 40..

சித்ரகேது꞉ ஸுரோசிஶ்ச விரஜா மித்ர ஏவ ச .
உல்ப³ணோ வஸுப்⁴ருʼத்³யானோ த்³யுமான் ஶக்த்யாத³யோ(அ)பரே .. 41..

சித்திஸ்த்வத²ர்வண꞉ பத்னீ லேபே⁴ புத்ரம்ʼ த்⁴ருʼதவ்ரதம் .
த³த்⁴யஞ்சமஶ்வஶிரஸம்ʼ ப்⁴ருʼகோ³ர்வம்ʼஶம்ʼ நிபோ³த⁴ மே .. 42..

ப்⁴ருʼகு³꞉ க்²யாத்யாம்ʼ மஹாபா⁴க³꞉ பத்ன்யாம்ʼ புத்ரானஜீஜனத் .
தா⁴தாரம்ʼ ச விதா⁴தாரம்ʼ ஶ்ரியம்ʼ ச ப⁴க³வத்பராம் .. 43..

ஆயதிம்ʼ நியதிம்ʼ சைவ ஸுதே மேருஸ்தயோரதா³த் .
தாப்⁴யாம்ʼ தயோரப⁴வதாம்ʼ ம்ருʼகண்ட³꞉ ப்ராண ஏவ ச .. 44..

மார்கண்டே³யோ ம்ருʼகண்ட³ஸ்ய ப்ராணாத்³வேத³ஶிரா முனி꞉ .
கவிஶ்ச பா⁴ர்க³வோ யஸ்ய ப⁴க³வானுஶனா ஸுத꞉ .. 45..

த ஏதே முனய꞉ க்ஷத்தர்லோகான் ஸர்கை³ரபா⁴வயன் .
ஏஷ கர்த³மதௌ³ஹித்ரஸந்தான꞉ கதி²தஸ்தவ .
ஶ்ருʼண்வத꞉ ஶ்ரத்³த³தா⁴னஸ்ய ஸத்³ய꞉ பாபஹர꞉ பர꞉ .. 46..

ப்ரஸூதிம்ʼ மானவீம்ʼ த³க்ஷ உபயேமே ஹ்யஜாத்மஜ꞉ .
தஸ்யாம்ʼ ஸஸர்ஜ து³ஹித்ரூʼ꞉ ஷோட³ஶாமலலோசனா꞉ .. 47..

த்ரயோத³ஶாதா³த்³த⁴ர்மாய ததை²காமக்³னயே விபு⁴꞉ .
பித்ருʼப்⁴ய ஏகாம்ʼ யுக்தேப்⁴யோ ப⁴வாயைகாம்ʼ ப⁴வச்சி²தே³ .. 48..

ஶ்ரத்³தா⁴ மைத்ரீ த³யா ஶாந்திஸ்துஷ்டி꞉ புஷ்டி꞉ க்ரியோன்னதி꞉ .
பு³த்³தி⁴ர்மேதா⁴ திதிக்ஷா ஹ்ரீர்மூர்திர்த⁴ர்மஸ்ய பத்னய꞉ .. 49..

ஶ்ரத்³தா⁴ஸூத ஶுப⁴ம்ʼ மைத்ரீ ப்ரஸாத³மப⁴யம்ʼ த³யா .
ஶாந்தி꞉ ஸுக²ம்ʼ முத³ம்ʼ துஷ்டி꞉ ஸ்மயம்ʼ புஷ்டிரஸூயத .. 50..

யோக³ம்ʼ க்ரியோன்னதிர்த³ர்பமர்த²ம்ʼ பு³த்³தி⁴ரஸூயத .
மேதா⁴ ஸ்ம்ருʼதிம்ʼ திதிக்ஷா து க்ஷேமம்ʼ ஹ்ரீ꞉ ப்ரஶ்ரயம்ʼ ஸுதம் .. 51..

மூர்தி꞉ ஸர்வகு³ணோத்பத்திர்னரநாராயணாவ்ருʼஷீ .. 52..- ஸகோ³னாஸங்கோ³கோ³
யயோர்ஜன்மன்யதோ³ விஶ்வமப்⁴யனந்த³த்ஸுநிர்வ்ருʼதம் .
மனாம்ʼஸி ககுபோ⁴ வாதா꞉ ப்ரஸேது³꞉ ஸரிதோ(அ)த்³ரய꞉ .. 53..

தி³வ்யவாத்³யந்த தூர்யாணி பேது꞉ குஸுமவ்ருʼஷ்டய꞉ .
முனயஸ்துஷ்டுவுஸ்துஷ்டா ஜகு³ர்க³ந்த⁴ர்வகின்னரா꞉ .. 54..

ந்ருʼத்யந்தி ஸ்ம ஸ்த்ரியோ தே³வ்ய ஆஸீத்பரமமங்க³லம் .
தே³வா ப்³ரஹ்மாத³ய꞉ ஸர்வே உபதஸ்து²ரபி⁴ஷ்டவை꞉ .. 55..

தே³வா ஊசு꞉
யோ மாயயா விரசிதம்ʼ நிஜயா(ஆ)த்மனீத³ம்ʼ
கே² ரூபபே⁴த³மிவ தத்ப்ரதிசக்ஷணாய .
ஏதேன த⁴ர்மஸத³னே ருʼஷிமூர்திநாத்³ய
ப்ராது³ஶ்சகார புருஷாய நம꞉ பரஸ்மை .. 56..

ஸோ(அ)யம்ʼ ஸ்தி²திவ்யதிகரோபஶமாய ஸ்ருʼஷ்டான்
ஸத்த்வேன ந꞉ ஸுரக³ணானனுமேயதத்த்வ꞉ .
த்³ருʼஶ்யாத³த³ப்⁴ரகருணேன விலோகனேன
யச்ச்²ரீநிகேதமமலம்ʼ க்ஷிபதாரவிந்த³ம் .. 57..

ஏவம்ʼ ஸுரக³ணைஸ்தாத ப⁴க³வந்தாவபி⁴ஷ்டுதௌ .
லப்³தா⁴வலோகைர்யயதுரர்சிதௌ க³ந்த⁴மாத³னம் .. 58..

தாவிமௌ வை ப⁴க³வதோ ஹரேரம்ʼஶாவிஹாக³தௌ .
பா⁴ரவ்யயாய ச பு⁴வ꞉ க்ருʼஷ்ணௌ யது³குரூத்³வஹௌ .. 59..

ஸ்வாஹாபி⁴மானினஶ்சாக்³னேராத்மஜாம்ʼஸ்த்ரீனஜீஜனத் .
பாவகம்ʼ பவமானம்ʼ ச ஶுசிம்ʼ ச ஹுதபோ⁴ஜனம் .. 60..

தேப்⁴யோ(அ)க்³னய꞉ ஸமப⁴வன் சத்வாரிம்ʼஶச்ச பஞ்ச ச .
த ஏவைகோனபஞ்சாஶத்ஸாகம்ʼ பித்ருʼபிதாமஹை꞉ .. 61..

வைதானிகே கர்மணி யந்நாமபி⁴ர்ப்³ரஹ்மவாதி³பி⁴꞉ .
ஆக்³னேய்ய இஷ்டயோ யஜ்ஞே நிரூப்யந்தே(அ)க்³னயஸ்து தே .. 62..

அக்³நிஷ்வாத்தா ப³ர்ஹிஷத³꞉ ஸௌம்யா꞉ பிதர ஆஜ்யபா꞉ .
ஸாக்³னயோ(அ)நக்³னயஸ்தேஷாம்ʼ பத்னீ தா³க்ஷாயணீ ஸ்வதா⁴ .. 63..

தேப்⁴யோ த³தா⁴ர கன்யே த்³வே வயுனாம்ʼ தா⁴ரிணீம்ʼ ஸ்வதா⁴ .
உபே⁴ தே ப்³ரஹ்மவாதி³ன்யௌ ஜ்ஞானவிஜ்ஞானபாரகே³ .. 64..

ப⁴வஸ்ய பத்னீ து ஸதீ ப⁴வம்ʼ தே³வமனுவ்ரதா .
ஆத்மன꞉ ஸத்³ருʼஶம்ʼ புத்ரம்ʼ ந லேபே⁴ கு³ணஶீலத꞉ .. 65..

பிதர்யப்ரதிரூபே ஸ்வே ப⁴வாயாநாக³ஸே ருஷா .
அப்ரௌடை⁴வாத்மனா(ஆ)த்மானமஜஹாத்³யோக³ஸம்ʼயுதா .. 66..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
சதுர்த²ஸ்கந்தே⁴ விது³ரமைத்ரேயஸம்ʼவாதே³ ப்ரத²மோ(அ)த்⁴யாய꞉ .. 1..

———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 7, 2020 at 9:49 pm and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.