ஶ்ரீஶுக உவாச
இதி பா⁴க³வத꞉ ப்ருʼஷ்ட꞉ க்ஷத்த்ரா வார்தாம்ʼ ப்ரியாஶ்ரயாம் .
ப்ரதிவக்தும்ʼ ந சோத்ஸேஹ ஔத்கண்ட்²யாத்ஸ்மாரிதேஶ்வர꞉ .. 1..
ய꞉ பஞ்சஹாயனோ மாத்ரா ப்ராதராஶாய யாசித꞉ .
தன்னைச்ச²த்³ரசயன்யஸ்ய ஸபர்யாம்ʼ பா³லலீலயா .. 2..
ஸ கத²ம்ʼ ஸேவயா தஸ்ய காலேன ஜரஸம்ʼ க³த꞉ .
ப்ருʼஷ்டோ வார்தாம்ʼ ப்ரதிப்³ரூயாத்³ப⁴ர்து꞉ பாதா³வனுஸ்மரன் .. 3..
ஸ முஹூர்தமபூ⁴த்தூஷ்ணீம்ʼ க்ருʼஷ்ணாங்க்⁴ரிஸுத⁴யா ப்⁴ருʼஶம் .
தீவ்ரேண ப⁴க்தியோகே³ன நிமக்³ன꞉ ஸாது⁴ நிர்வ்ருʼத꞉ .. 4..
புலகோத்³பி⁴ன்னஸர்வாங்கோ³ முஞ்சன்மீலத்³த்³ருʼஶா ஶுச꞉ .
பூர்ணார்தோ² லக்ஷிதஸ்தேன ஸ்னேஹப்ரஸரஸம்ப்லுத꞉ .. 5..
ஶனகைர்ப⁴க³வல்லோகாந்ந்ருʼலோகம்ʼ புனராக³த꞉ .
விம்ருʼஜ்ய நேத்ரே விது³ரம்ʼ ப்ரத்யாஹோத்³த⁴வ உத்ஸ்மயன் .. 6..
உத்³த⁴வ உவாச
க்ருʼஷ்ணத்³யுமணினிம்லோசே கீ³ர்ணேஷ்வஜக³ரேண ஹ .
கிம்ʼ நு ந꞉ குஶலம்ʼ ப்³ரூயாம்ʼ க³தஶ்ரீஷு க்³ருʼஹேஷ்வஹம் .. 7..
து³ர்ப⁴கோ³ ப³த லோகோ(அ)யம்ʼ யத³வோ நிதராமபி .
யே ஸம்ʼவஸந்தோ ந விது³ர்ஹரிம்ʼ மீனா இவோடு³பம் .. 8..
இங்கி³தஜ்ஞா꞉ புருப்ரௌடா⁴ ஏகாராமாஶ்ச ஸாத்வதா꞉ .
ஸாத்வதாம்ருʼஷப⁴ம்ʼ ஸர்வே பூ⁴தாவாஸமமம்ʼஸத .. 9..
தே³வஸ்ய மாயயா ஸ்ப்ருʼஷ்டா யே சான்யத³ஸதா³ஶ்ரிதா꞉ .
ப்⁴ராம்யதே தீ⁴ர்ன தத்³வாக்யைராத்மன்யுப்தாத்மனோ ஹரௌ .. 10..
ப்ரத³ர்ஶ்யாதப்ததபஸாமவித்ருʼப்தத்³ருʼஶாம்ʼ ந்ருʼணாம் .
ஆதா³யாந்தரதா⁴த்³யஸ்து ஸ்வபி³ம்ப³ம்ʼ லோகலோசனம் .. 11..
யன்மர்த்யலீலௌபயிகம்ʼ ஸ்வயோக³மாயாப³லம்ʼ
த³ர்ஶயதா க்³ருʼஹீதம் .
விஸ்மாபனம்ʼ ஸ்வஸ்ய ச ஸௌப⁴க³ர்த்³தே⁴꞉
பரம்ʼ பத³ம்ʼ பூ⁴ஷணபூ⁴ஷணாங்க³ம் .. 12..
யத்³த⁴ர்மஸூனோர்ப³த ராஜஸூயே
நிரீக்ஷ்ய த்³ருʼக்ஸ்வஸ்த்யயனம்ʼ த்ரிலோக꞉ .
கார்த்ஸ்ன்யேன சாத்³யேஹ க³தம்ʼ விதா⁴து-
ரர்வாக்ஸ்ருʼதௌ கௌஶலமித்யமன்யத .. 13..
யஸ்யானுராக³ப்லுதஹாஸராஸ-
லீலாவலோகப்ரதிலப்³த⁴மானா꞉ .
வ்ரஜஸ்த்ரியோ த்³ருʼக்³பி⁴ரனுப்ரவ்ருʼத்த-
தி⁴யோ(அ)வதஸ்து²꞉ கில க்ருʼத்யஶேஷா꞉ .. 14..
ஸ்வஶாந்தரூபேஷ்விதரை꞉ ஸ்வரூபை-
ரப்⁴யர்த்³யமானேஷ்வனுகம்பிதாத்மா .
பராவரேஶோ மஹத³ம்ʼஶயுக்தோ
ஹ்யஜோ(அ)பி ஜாதோ ப⁴க³வான் யதா²க்³னி꞉ .. 15..
மாம்ʼ கே²த³யத்யேதத³ஜஸ்ய ஜன்ம
விட³ம்ப³னம்ʼ யத்³வஸுதே³வகே³ஹே .
வ்ரஜே ச வாஸோ(அ)ரிப⁴யாதி³வ ஸ்வயம்ʼ
புராத்³வ்யவாத்ஸீத்³யத³னந்தவீர்ய꞉ .. 16..
து³னோதி சேத꞉ ஸ்மரதோ மமைதத்³யதா³ஹ
பாதா³வபி⁴வந்த்³ய பித்ரோ꞉ .
தாதாம்ப³ கம்ʼஸாது³ருஶங்கிதானாம்ʼ
ப்ரஸீத³தம்ʼ நோ(அ)க்ருʼதநிஷ்க்ருʼதீனாம் .. 17..
கோ வா அமுஷ்யாங்க்⁴ரிஸரோஜரேணும்ʼ
விஸ்மர்துமீஶீத புமான்விஜிக்⁴ரன் .
யோ விஸ்பு²ரத்³ப்⁴ரூவிடபேன பூ⁴மேர்பா⁴ரம்ʼ
க்ருʼதாந்தேன திரஶ்சகார .. 18..
த்³ருʼஷ்டா ப⁴வத்³பி⁴ர்னனு ராஜஸூயே
சைத்³யஸ்ய க்ருʼஷ்ணம்ʼ த்³விஷதோ(அ)பி ஸித்³தி⁴꞉ .
யாம்ʼ யோகி³ன꞉ ஸம்ʼஸ்ப்ருʼஹயந்தி ஸம்யக்³யோகே³ன
கஸ்தத்³விரஹம்ʼ ஸஹேத .. 19..
ததை²வ சான்யே நரலோகவீரா
ய ஆஹவே க்ருʼஷ்ணமுகா²ரவிந்த³ம் .
நேத்ரை꞉ பிப³ந்தோ நயநாபி⁴ராமம்ʼ
பார்தா²ஸ்த்ரபூதா꞉ பத³மாபுரஸ்ய .. 20..
ஸ்வயம்ʼ த்வஸாம்யாதிஶயஸ்த்ர்யதீ⁴ஶ꞉
ஸ்வாராஜ்யலக்ஷ்ம்யா(ஆ)ப்தஸமஸ்தகாம꞉ .
ப³லிம்ʼ ஹரத்³பி⁴ஶ்சிரலோகபாலை꞉
கிரீடகோட்யேடி³தபாத³பீட²꞉ .. 21..
தத்தஸ்ய கைங்கர்யமலம்ʼ ப்⁴ருʼதான்னோ
விக்³லாபயத்யங்க³ யது³க்³ரஸேனம் .
திஷ்ட²ந்நிஷண்ணம்ʼ பரமேஷ்டி²தி⁴ஷ்ண்யே
ந்யபோ³த⁴யத்³தே³வ நிதா⁴ரயேதி .. 22..
அஹோ ப³கீ யம்ʼ ஸ்தனகாலகூடம்ʼ
ஜிகா⁴ம்ʼஸயாபாயயத³ப்யஸாத்⁴வீ .
லேபே⁴ க³திம்ʼ தா⁴த்ர்யுசிதாம்ʼ ததோ(அ)ன்யம்ʼ
கம்ʼ வா த³யாலும்ʼ ஶரணம்ʼ வ்ரஜேம .. 23..
மன்யே(அ)ஸுரான்பா⁴க³வதாம்ʼஸ்த்ர்யதீ⁴ஶே
ஸம்ʼரம்ப⁴மார்கா³பி⁴நிவிஷ்டசித்தான் .
யே ஸம்ʼயுகே³(அ)சக்ஷத தார்க்ஷ்யபுத்ரமம்ʼஸே
ஸுநாபா⁴யுத⁴மாபதந்தம் .. 24..
வஸுதே³வஸ்ய தே³வக்யாம்ʼ ஜாதோ போ⁴ஜேந்த்³ரப³ந்த⁴னே .
சிகீர்ஷுர்ப⁴க³வானஸ்யா꞉ ஶமஜேநாபி⁴யாசித꞉ .. 25..
ததோ நந்த³வ்ரஜமித꞉ பித்ரா கம்ʼஸாத்³விபி³ப்⁴யதா .
ஏகாத³ஶஸமாஸ்தத்ர கூ³டா⁴ர்சி꞉ ஸப³லோ(அ)வஸத் .. 26..
பரீதோ வத்ஸபைர்வத்ஸாம்ʼஶ்சாரயன்வ்யஹரத்³விபு⁴꞉ .
யமுனோபவனே கூஜத்³த்³விஜஸங்குலிதாங்க்⁴ரிபே .. 27..
கௌமாரீம்ʼ த³ர்ஶயம்ʼஶ்சேஷ்டாம்ʼ ப்ரேக்ஷணீயாம்ʼ வ்ரஜௌகஸாம் .
ருத³ன்னிவ ஹஸன்முக்³த்³த⁴பா³லஸிம்ʼஹாவலோகன꞉ .. 28..
ஸ ஏவ கோ³த⁴னம்ʼ லக்ஷ்ம்யா நிகேதம்ʼ ஸிதகோ³வ்ருʼஷம் .
சாரயன்னனுகா³ன்கோ³பான் ரணத்³வேணுரரீரமத் .. 29..
ப்ரயுக்தான் போ⁴ஜராஜேன மாயின꞉ காமரூபிண꞉ .
லீலயா வ்யனுத³த்தாம்ʼஸ்தான் பா³ல꞉ க்ரீட³னகானிவ .. 30..
விபன்னான்விஷபானேன நிக்³ருʼஹ்ய பு⁴ஜகா³தி⁴பம் .
உத்தா²ப்யாபாயயத்³கா³வஸ்தத்தோயம்ʼ ப்ரக்ருʼதிஸ்தி²தம் .. 31..
அயாஜயத்³கோ³ஸவேன கோ³பராஜம்ʼ த்³விஜோத்தமை꞉ .
வித்தஸ்ய சோருபா⁴ரஸ்ய சிகீர்ஷன் ஸத்³வ்யயம்ʼ விபு⁴꞉ .. 32..
வர்ஷதீந்த்³ரே வ்ரஜ꞉ கோபாத்³ப⁴க்³னமானே(அ)திவிஹ்வல꞉ .
கோ³த்ரலீலாதபத்ரேண த்ராதோ ப⁴த்³ரானுக்³ருʼஹ்ணதா .. 33..
ஶரச்ச²ஶிகரைர்ம்ருʼஷ்டம்ʼ மாநயன் ரஜனீமுக²ம் .
கா³யன் கலபத³ம்ʼ ரேமே ஸ்த்ரீணாம்ʼ மண்ட³லமண்ட³ன꞉ .. 34..
———————————————————-
ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –
Leave a Reply