Thiruvonum's Weblog

ஆதவன் அந்தரம் தோன்றாமல் கல் மழை ஆர்த்து எழு நாள்
ஆ தவனம் தர வெற்பு எடுத்தான் அடியார் பிழை பார்
ஆதவன் அம் தரங்கத்தான் அரங்கன் அடியன் என்று உள்
ஆத அனந்தரம் கண்டீர் வினை வந்து அடைவதுவே——–26

ஆதவன் அந்தரம் தோன்றாமல்
ஆதவன் -சூர்யன்
அந்தரம் -வானத்திலே
தோன்றாமல் -கட்புலன் ஆகாதபடி

கல் மழை ஆர்த்து எழு நாள்
ஆலம்கட்டியைப் பொழிகின்ற மேகங்கள்
ஆரவாரித்துக் கொண்டு எழுந்த காலத்தில்

ஆ தவனம் தர வெற்பு எடுத்தான்
ஆ -பசுக்கள்
தவனம் தர -தவிப்பை அடைய
வெற்பு எடுத்தான் -கோவர்த்தன கிரியைக் குடையாகப் பிடித்தவன்

அடியார் பிழை பார் ஆதவன் -அடியார் பிழை பாராதவன் -பாராமல் அருள் செய்பவன்

அம் தரங்கத்தான் அரங்கன் -அழகிய அலைகளை உடைய கடலில் பள்ளி கொள்பவனும் ஆகிய ஸ்ரீ ரெங்க நாதனுக்கு

அடியார் அந்தரங்கத்தான் -மலர்மிசை ஏகினான் –நினைத்த வடிவுடன் சென்று வீற்று இருப்பவன் என்னவுமாம்

அடியன் என்று உள்ஆத அனந்தரம் கண்டீர் -அடியன் என்று உள்ளாத அனந்தரம் கண்டீர் -பின்பு அன்றோ

உள்ளாதவன் அந்தரம் முடிவில் என்னவுமாம்

வினை வந்து அடைவதுவே -முன்பு அவன் செய்த கருமம் தன பயனை விளைத்தற்கு அவன் இடம் வந்து சேர்வது

———————————————————————————–

அடையப்பன் னாகம் கடிவா யமுதுக வங்கி குளிர்
அடையப்பன் னாக மருப்பா யுதமிற வன்று குன்றால்
அடையப்பன் னாக மிசை தாங்கப் பாலர்க்கு அருள் செய்ததால்
அடையப்பன் னாகம் கரியான் அரங்கன் எட்டக்கரமே –27-

பல் நாகம் அடைய கடிவாய் அமுது உக -உடல் முழுவதும் கடித்த வாயினிடமாக அமுதம் சிந்தவும் –
அங்கி குளிர் அடைய -நெருப்பு குளிர்ச்சி அடையவும் –
பல் நாகம் மருப்பு ஆயுதம் இற-பல யானைகளின் தந்தங்கள் ஆகிய ஆயுதங்கள் ஓடியவும் -யானைத் தந்தங்களும் ஆயுதங்களும் ஒடிபட என்றுமாம்
குன்றால் அடை அப்பு அ நாகம் மிசை தாங்க மலையோடு அடுத்தலை உடையதான நீர் -கடல் -அந்த மலையின் மீது ஏந்தவும் –
பாலற்கு அன்று அருள் செய்தது -சிறுவனான பிரகாலதனுக்கு -அந்நாளில் -இரணியன் பலவாறு வருந்தத் தொடங்கிய காலத்தில் –
ஆல் அடை அப்பன் ஆகம் கரியான் எட்டு அக்கரம் –பிரளய பெரும் கடலிலே ஆலிலையிலே பள்ளி கொண்டு அருள்கிற –
யாவர்க்கும் தலைவனாயும் -திரு மேனி கருத்து இருப்பவனுமான திருவரங்க நாதனது எட்டு எழுத்து மந்த்ரமானது கருணை புரிந்தது –

நம்பெருமாள் எழுத்து எட்டின் பெருமை நவிலுமதோ
சம்பரன் மாயம் புரோகிதர் சூழ் வினை தார் அணி வாள்
வெம்படை மாசுணம் மாமத வேழம் விடம் தழல் கால்
அம்பரமே முதலானவை பாலனுக்கு அஞ்சினவே –திருவரங்கத்து மாலை –81

————————————————————————-

அக்கர வம்புனைந் தாரய னாரிடை யாயிரு நால்
அக்கர வம்பு மலராள் கொழுநன் அரங்கன் செங்கோல்
அக்கர வம்புயன்றான் மூலம் என்ப தறிவித்திடான்
அக்கர வம்புவி மேல் வேழ மே வெளி யாக்கியதே –28-

இருநால் அக்கரம் வம்பு மலராள் கொழுநன் -அஷ்டாஷர மகா மந்த்ரத்துக்கு உரியனான ஸ்ரீ யபதி
செம் கோலன் கரம் அம்புயன் -சிறந்த தாமரை போன்ற திருக்கைகைகளை யுடையவன்
அக்கு அரவம் புனைந்தார் அயனார் இடையாய்-தான் மூலம் என்பதை அறிவித்திடான் -அக்கு -எலும்பு –ருத்ராஷ மாலையுமாம் –
ஆனால்
அ கரவு -அந்த ஒளிப்பை
அம புவி மேல் வேழமே வெளியாக்கியது -ஸ்ரீ கஜேந்திர ஆழ்வான் -ஆதி மூலமே விளியால் -பகிரங்கப் படுத்தினானே –
உன்னொக்க வைத்த இருவர்க்கும் ஒத்தி ஒருவருக்கும் உண்மை உரையாய் –
விலங்கும் அன்றோ சொல்லிற்று ஐயம் அன்றே -திருவேங்கடத்தந்தாதி

———————————————————————–

ஆக்கு வித்தார் குழலால ரங்கே சரன் பால் விதுரன்
ஆக்குவித்தார வடிசில் உண்டார் கடலாடையகல்
ஆக்குவித்தாரறி வற்றேனைத் தம்மடி யார்க்கடிமை
ஆக்குவித்தாரடியே யடியேன்று ய்க்குமாரமுதே–29-

ஆ குவித்தார் குழலால் -வேய்ங்குழலின் இன்னிசையால் பசுக்களை ஓர் இடத்தில் திரளாக கூட்டினவரும்
அன்பால் ஸ்ரீ விதுரன் ஆக்கு வித்தாரம் அடிசில் -வித்தார அடிசில் -பலவகைப் பட்ட -சுவைப் பண்டங்களோடு கூடிய உணவு
கடல் ஆடை அகலா -சமுத்ரமாகிய ஆடையை நீங்காத
கு வித்தார் -பூமியின் உத்பத்திக்கு விதை போலே காரணமானவர்
அறிவு அற்றேனை தம் அடியார்க்கு அடிமை
ஆக்குவித்தார்
அரங்க ஈசர் திருவடிகளே அடியேன் துய்க்கும் ஆரமுது -உண்ணும் சோறு இத்யாதி

————————————————————————–

ஆராதனம் செய்து கண்டனின் கீர்த்தி யறைவன்றிரு
ஆரா தனம் செய்வன் வேதா வென்றாலடியேன்
புகழ்கைக்கு
ஆராதனம் செய்ய போதாந்திரு மகளாக பல் பூண்
ஆராதனம் செயன்பாகா வரங்கத் தமர்ந்தவனே –30-

ஆராத நஞ்சு எய்து கண்டன் நின் கீர்த்தி அறைவன்-உண்ணத் தகாத நஞ்சு பொருந்திய கழுத்தை உடைய ருத்ரன்
உனது புகழைஎடுத்துச் சொல்லி ஸ்துதி பாடுவான்
திருவாராதனம் செய்வன் வேதா -பிரமதேவன் –
அடியேன் புகழ்கைக்கு ஆர்
செய்ய போது ஆதனம் ஆம் -செந்தாமரை மலர் வீட்டரு இருக்கும் இடமாகப் பெற்ற
திரு மகள் ஆக -இலக்குமியை திரு மார்பில் உடையவனே
பல் பூண் ஆரா -பலவகை திவ்ய ஆபரணங்களையும் ஹாரத்தையும் தரித்தவனே
தனஞ்சயன் பாகா அரங்கத்து அமர்ந்தவனே –

————————————————————————–

அமர வரம்பையி னல்லார் பலரந்திக் காப்பெடுப்ப
அமர வரம்பையில் வேல் வேந்தர் சூழ மண்ணாண்டிருந்தோர்
அமர வரம்பையில் கான்போயிறந்தன ராதலில் வீடு
அமர வரம்பையின் மஞ்சா ரரங்கருக் காட் படுமே –31

அமர அரம்பையின் நல்லார் பலர் அந்திக்காப்பு எடுப்ப -ரம்பையை விட அழகிய அப்சரஸ் ஸூ க்கள் திருவந்திக்காப்பு எடுக்கவும்
அமர அரம் பயில் -பையில் -வேல் வேந்தர் சூழ -அரம் -வாள் விசேஷம்
மண் ஆண்டு இருந்தோர் அமர
பின்பு வரம்பை இல் கான் கான் போய் இறந்தனர்
ஆகையால்
வீடு அமர -பரமபதம் சென்று நித்ய கைங்கர்யம் செய்யும் பொருட்டு
அரம்பையில் மஞ்சு ஆர் அரங்கர்க்கு ஆள்படும்-வாழை மரங்கள் மேல் மேகங்கள் தங்கப் பெற்ற ஸ்ரீ ரெங்கத்தில் நம் பெருமாளுக்கு அடிமைப் படுங்கள் –

———————————————————————————–

ஆளாக வந்த வடியேற் கருள்பரி யானை திண் டேர்
ஆளாக வந்தனிற் செற்றிலங்கே சனை யட்டவல்வில்
ஆளாக வந்தன் புயந்துணித் தாயரங் காமுளரி
ஆளாக வந்தமி லுன்னடி யார்க்கன்ப னாவதற்கே –32-

ஆளாக வந்த அடியேற்கு அருள்
பரி யானை திண்டேர் ஆள செற்று-இலங்கேசனை யட்ட
வல்வில் ஆளா கவந்தன் புயம் துணித்தாய்
அரங்கா
முளரியாள் ஆக -தாமரை மலரில் வாழ்பவள் -திருமகளை மார்பில் கொண்டவனே
அந்தமில் உன் அடியார்க்கு அன்பன் ஆவதற்கு அருள் –

———————————————————————-

ஆவா கனத்த ரடியார் மனத்துட் புள்ளான வொப்பில்
ஆவா கனத்த ரரங்கர் பொற்றாளுக்கு அடிமைப் படார்
ஆவா கனத்த வழுக்குடல் பேணி யறி வழிந்தவ்
ஆவா கனத்த ரிருந்தென் னிராமலென் னம்புவிக்கே–33-

அடியார் மனத்துள் ஆவாகனத்தர் -ஹிருதய கமலத்தில் வந்து வீற்று இருந்து அருளி
புள் ஆனா ஒப்பு இலா வாகனத்தார் -அரங்கர் -பொன் தாளுக்கு அடிமைப் படார் ஆ ஆ அந்தோ
கனத்த அழுக்கு உடல் பேணி
அறிவு இழந்து
அவா ஆகு -சிற்றின்பத்தில் ஆசை கொள்ளுகிற
அனத்தர் -பயன் அற்ற அவர்கள்
அம புவிக்கு இருந்து என் இராமல் என்
நேமி சேர் தடம் கையினானை நினைப்பிலா வலி நெஞ்சுடை பூமி பாரங்கள் என்றபடி

————————————————————-

அம்பு விலங்கை நகர் பாழ் படச் சங்கு மாழியும் விட்டு
அம்பு விலங்கை கொண்டாயரங்கா வன்றிடங்கர் பற்றும்
அம்பு விலங்கை யளித்தா யினியென்னை யாசை யென்றிவ்
அம்பு விலங்கையிட் டேசம் சிறையி லடைத் திடலே –34-

அம்புவி இலங்கை நகர் பாழ் பட
சங்கும் ஆழியும் விட்டு அம்பு வி அம்கை கொண்டாய்
அரங்கா
அம்பு இடங்கர் பற்றும் -ஜலத்திலே முதலையினால் பிடித்துக் கொள்ளப் பட்ட
விலங்கை அளித்தாய்
இனி என்னை ஆசை என்று இயம்பும் விலங்கையிட்டு ஏசும் சிறையில் அடைத்திடேல்
அவா வென்ப எல்லா உயிர்க்கும் எஞ்ஞான்றும் தவா அப்பிறப்பீனும் வித்து -என்பதால் அவா விலங்கு என்று சொல்லப்பட்டது

—————————————————————————————

இடவ மலைக்கும் புயங்க மலைக்கு மிலங்குமால்
இடவ மலைக்கு மிருங்க மலைக்கு மிறை வசங்க
இடவ மலைக்கும் புனல் அரங்கா வெய்த்த மார்க் கண்டன் கண்டு
இடவ மலைக்கு முலகழி யாதுள் ளிருந்த தென்னே –35

இடவமலைக்கும் -ருஷப கிரியாகிற திரு மால் இரும் சோலை மலைக்கும் -இடவம் -ருஷபம் -தவம் இருந்து பேறு பெற்ற திவ்ய ஸ்தலம்
புயங்க மலைக்கும் -சேஷ கிரியாகிற திருவேங்கட மலைக்கும்
இலங்கம் இகல் இடம் அம்மளைக்கும் -விளங்குகின்ற விசாலமான நிலா உலகத்துக்கும் உரிய அதி தேவைதையான பூமி தேவிக்கும்
இரும் கமலைக்கும்-பெரிய செந்தாமரையில் வாழும் ஸ்ரீ தேவிக்கும் -அமலா கமலா -குற்றம் அற்ற தாமரை மலராள்
இறைவ -சங்கம் இடவ -தலைவனே -ஸ்ரீ சங்கத் தாழ்வானை இடத் திருக்கையிலே கொண்டவனே
மலைக்கும் புனல் அரங்கா -கரையை மோதுகின்ற காவேரி நீர் பெருக்கு பாயும் திருவரங்கத்தில் எழுந்து அருளி
இருப்பவனே
எய்த்த மார்கண்டன் கண்டிட -பிரளயத்தில் அலைபட்டு மெலிவடைந்த மார்கண்டேய முனிவன் -நின் திருவயிற்றினுள் சென்று -காணுமாறு
அம் அலைக்கும் உலகு அழியாது உல் இருந்தது என்னே -நீரினால் அழிக்கப் பட்ட உலகங்கள் எல்லாம் அழியாமல்
உன் திரு வயிற்றினுள் இருந்த விதம் என்ன விசித்ரமோ

—————————————————————-

இருந்தை யிலங்க வெளிறு படாதென் செய்தாலு நிம்பத்து
இருந்தை யிலந்தித்தி யாதவை போற் புல்லர் யாவும் கற்றாய்ந்து
இருந்தை யிலம் பன்ன கண்ணார்க்கு அல்லால் வெண்ணெ யில்லி லொளித்து
இருந்தை யிலங்கை யரங்கற்கு அன்பாகி யிருக்கிலரே–36-

இருந்தை யிலங்க வெளிறு படாதென் செய்தாலும்
கரியானது -என்ன உபாயம் செய்தாலும் விளங்கத்தக்க வெண்ணிறம் அடையாது
நிம்பத்து இரும் தையிலம் தித்தியாது -சிறந்த வேப்பெண்ணை இன்சுவை பெறாது -திலம் -எள் -தைலம் -எண்ணெய்
என் செய்தாலும் -இரண்டு இடங்களிலும் சேர்த்து கொள்ள வேண்டும்
அவை போற் புல்லர் யாவும் கற்றாய்ந்து இருந்து
யிலம் பன்ன கண்ணார்க்கு அல்லால் -ஐ யில் அம்பு அன்ன கண்ணார்க்கு அல்லால் -கூறிய அம்பு போன்ற கண்களை உடைய மகழர்க்கு அல்லால்
வெண்ணெ யில்லி லொளித்து இருந்தை யிலங்கை யரங்கற்கு அன்பாகி யிருக்கிலரே–
இல்லில் ஒழித்து இருந்த வெண்ணெய் ஐ யில் அம்கை அரங்கர்க்கு அன்பாகி இருக்கிலர்-
ஐ யில் அம்பு அன்ன -வேலையும் அம்பையும் போன்று என்ன வுமாம்

——————————————————–

இருக்குமந் தத்தி லாரியா வரங்கன் மண் ஏழுக்குந்தய்
இருக்குமந் தத்திரு வாய்மலர்ந் தான் எட்டு எழுத்தைக் குறி
இருக்குமந் தப்புத்தி யீர்த்து நல் வீடெய்தலாகும் கை போய்
இருக்குமந் தச்செசிட் டூமன்முந் நீர்கடந் தேறிடிலே–37-

இருக்குமந் தத்தி லாரியா வரங்கன்-இருக்கும் அந்தத்தில் அரங்கன்
மண் ஏழுக்குந்தய் இருக்குமந் தத்திரு வாய்மலர்ந் தான்
மண் ஏழ் உண்டும் திருக்கும் அந்தத் திரு வாய் மலர்ந்தான்
எட்டு எழுத்தைக் குறி இருக்குமந் தப்புத்தி யீர்த்து நல் வீடெய்தலாகும் –
திரு அஷ்டாஷர மந்தரத்தை சிந்தியாத உங்களுக்கும்
மந்தம் புத்தி யீர்த்து நல் வீடு எய்தல் ஆகும்
கை போய் இருக்குமந் தச்செசிட் டூமன்முந் நீர்கடந் தேறிடிலே–
கை போய் இருக்கும் அந்தன் செவிடு ஊமன் ஒருவன் கடலைக் கடந்து அக்கறை ஏறுவான் ஆகில்
முந்நீர் -படைத்தல் காத்தல் அழித்தல்-என்ற மூன்று நீர்மை உடையது என்றுமாம்
ஆற்று நீர் –ஊற்று நீர்- வேற்று நீர் -மழை நீர் -என்றுமாம் –

——————————————————————

ஏறும் கரியும் பரியும் செற்றான் பரன் என்று மன்றுள்
ஏறும் கரி மறை யாதலினால் ஐயாம் யாதுகுமக்கீடு
ஏறும் கரிய வரங்கற்கு அன்பாய்வினை யென்னுமிடி
ஏறும் கரியுமினி மேற் பிறவியிட ரில்லையே –38-

ஏறும் கரியும் பரியும் செற்றான் பரன் என்று மன்றுள்ஏறும் கரி மறை யாதலினால் ஐயம் யாதுகுமக்கு
திருமாலே பரன் என்று ஐயம் திரிபறத் தெரிவித்து நியாய சபையுள் ஏறும் -சரி என்று ஏற்றுக் கொள்ளப் படுகிற –
கரி-சாட்சி -வேதமாகும் -ஆதலால் உங்கட்கு சந்தேகம் என்
ஈடு ஏறும் கரிய வரங்கற்கு அன்பாய்வினை யென்னுமிடி ஏறும் கரியுமினி மேற் பிறவியிட ரில்லையே —
கரிய அரங்கற்கு அன்பனாய் ஈடேறும் -உயுவு பெறுமின்
அன்பராகில் வினை எனும் இடி ஏறும் கரியும் -தொன்று தொன்று வருகிற கர்மம் ஆகிற பேர் இடி கரிந்து ஒழியும்
இனி மேல் பிறவி இடர் இல்லை
சஞ்சிதம் -ஆகாம்யம் -பிராரப்தம் மூன்றுமே ஒழியும்
சிறந்தவற்றையும் பெரியவற்றையும் ஏறு எனபது கவி மரபு –

————————————————–

இடராக வந்தெனைப் புன்சிறு தெய்வங்கள் என் செயுமான்
இடராக வன் பிணி மா நாகம் என் செயும் யான் வெருவி
இடராக வன்னி பினலிடி கோண் மற்றுமென் செயும் வில்
இடராக வன்னரங்கன்று இருந்தாள் என்னிதயத்ததே–39-

இடராக வந்தெனைப் புன்சிறு தெய்வங்கள் என் செயும்
இழி குணம் உடைய அல்ப தேவதைகள் துன்பம் விளைப்பவனவாக வந்து நெருங்கி யாது செய்ய மாட்டும்
மான் இடராக வன் பிணி மா நாகம் என் செயும் –
மானிடர் ஆகம் வல் பிணி மா நாகம் என் செயும்
மனித சரீரத்துக்கு உரிய கொடிய நோய்கள் ஆகிய பெரும் பாம்புகள் என் செய்யும்
யான் வெருவி இடராக வன்னி பினலிடி கோண் மற்றுமென் செயும்
ராகம் வன்னி -செந்நிறம் உடைய தீயம் -புனல் நீரும் -இடியும் -கோள்நவ கிரகங்களும் மற்றும் -இன்னும் தீங்கு விளைப்பன யாவும்
யான் வெருவியிட என் செயும்
வில் இடராக வன்னரங்கன்று இருந்தாள் என்னிதயத்ததே–
கோதண்டத்தை இடக்கையில் ஏந்திய ரகு குலத்து திருவவதரிந்த அரங்கன் திருவடி அடியேன் மனத்தில்
உள்ளது ஆதலால் –

—————————————————————————————-

அத்திரங்கா யாமென வுணரேன் எனதாசையுன்கை
அத்திரங்கா யத்தியிற் பெரிதானாரை யாகிப்பல் வீழ்
அத்திரங்கா யந்திரம் போல் பொறி ஐந்து அழியுமக்கால்
அத்திரங்கா யரங்கா வடியேனுன் அடைக்கலமே –40–

அத்திரங்கா யாமென வுணரேன் -ரெங்கா காயம் அத்திரம் -அஸ்திரம் -என உணரேன் –
எனதாசையுன்கை அத்திரங்கா யத்தியிற் பெரிது –
எனதாசை உன் கை அத்திரம் -அஸ்திரம் -காய் அத்தியின் பெரிது
உனது கையினால் ஏவப்பட்ட ஆக நேய அஸ்த்ரத்தால் தவிப்படைந்த கடலினும் மிகப் பெரிது
நரை யாகிப்பல் வீழ அத்திரங்கா யந்திரம் போல் பொறி ஐந்து அழியுமக்கால்
கிழத்தனம் முதிர்ந்து -பற்கள் வீழ -திரங்கா -தோல் திரைந்து-யந்திரம் போல் பொறி ஐந்தும் அழியும் அக்காலத்து
இடைவிடாமல் வேலை செய்யும் இந்த்ரியம் போலே பஞ்ச இந்த்ரியங்களும் அழியும் மரண காலத்தில்
அத்திரங்கா யரங்கா வடியேனுன் அடைக்கலமே —
இரங்காய் -இரக்கம் கொண்டு அடியேனுக்கு அருள் செய்வாய் -நான் உனது தாசனாகச் சரணம் புகுந்தேன் –

எய்ப்பு என்னை வந்து நலியும் போது அங்கு ஏதும் நான் உன்னை நினைக்க மாட்டேன் -அப்போதைக்கு
இப்போதே சொல்லி வைத்தேன் அரங்கத்து அரவணைப் பள்ளியானே -பெரியாழ்வார்

——————————————————

கலக் கூழைக் கைக்குங் கருத்துடை யீரங்கத்துள் இலைக்
கலக் கூழைக் கைக்குங் கறியிட்டுத் துய்த்திரும் காது படைக்
கலக் கூழைக் கைக்குள் வருவாணனைக் கண்ணுதலும் விட்ட
கலக் கூழைக் கைக்குப்பை கண்டானை வீதியில் கண்டு வந்தே –41-

கலக் கூழைக் கைக்குங் கருத்துடை யீரங்கத்துள்
கலக்கு ஊழை -கலக்கக் கூடிய ஊழ் வினையை
கைக்கும் கருத்து உடையீர் -வெறுத்து ஒழிக்க வேண்டும் என்ற என்னத்தை உடையவர்களே
நீங்கள் அரங்கத்துள்
இலைக்கலக் கூழைக் கைக்குங் கறியிட்டுத் துய்த்திரும் காது படைக் கலம் கூழைக் கைக்குள் வருவாணனைக் கண்ணுதலும் விட்ட –
கலக் கூழைக் கைக்குப்பை கண்டானை வீதியில் கண்டு வந்தே
காது படைக்கலம் -பகவரை மோத வல்ல திவ்ய ஆயுதங்களை உடைய
கூழை கைக்குள் -படை வகுப்பின் ஒழுங்கில் இடையிலே
வரு வாணனை
கண்ணுதலும் விட்டகல -பாதுகாக்காமல் கை விட்டு அகல
கூழை கை குப்பை கண்டானை -குறைபட்ட கைகளின் குவியலைக் கண்ட எம்பெருமான்
வீதியில் கண்டு உவந்து -திருவீதியிலே உத்சவம் கண்டு அருள தர்சித்து மனம் மகிழ்ந்து
இலைக்கலக் கூழைக் கைக்குங் கறியிட்டுத் துய்த்திரும்
இலையாகிய பாத்ரத்தில் கூழாகிய இழிந்த உணவை கசக்கின்ற காய்களைச் சேர்த்து உண்டு கொண்டு இருந்தாயினும் வாழ்மின் –
வறுமையிலே வருந்தி யாயினும் நம்பெருமாளை சேவித்து கொண்டு முக்தி பெறுவீர் என்று உபதேசித்து அருள்கிறார் –

—————————————————–

கண்ட கனாவின் பொருள் போல யாவும் பொய் காலன் என்னும்
கண்ணா கனாவி கவர்வதுவே மெய்கதி நல்கேனக்
கண்ட கனாவிப் பொழுதே செல் கென்றருள் காரங்கற்
கண்ட கனாவின் புறக்கண்டு வாழ்த்திக் கடிதுய்ம்மினே –42-

கண்ட கனாவின் பொருள் போல யாவும் பொய்
யாவும் -செல்வம் இளமை போன்ற அனைத்தும் சிறிதும் நிலை பேறின்றி அழியும்
காலன் என்னும் கண்ணா கனாவி கவர்வதுவே மெய்
காலன் என்னும் கண்டகன் -ஆவி கவர்வதுவே மெய் –
ஆதலால் –
கதி நல்கேனக்
நல்ல கதி அருள்வாய் என்று
கண்ட கனாவிப் பொழுதே செல் கென்றருள்
கண்டகனா இப்பொழுதே செல்க என்று அருள்
கண்ட கர்ணா இப்பொழுதே பரமபதம் சென்று சேர் என்று அருளிய
காரங்கற் கண்ட கனாவின் புறக்கண்டு வாழ்த்திக் கடிதுய்ம்மினே –
கார் அரங்கன் -கரிய குளிர்ந்த காள மேகம் போன்ற அரங்கனை
கடிது -விரைவில்
கண் தக கண்டு -கண்கள் தகுதி பெறுமாறு தர்சித்தும்
நா இன்புற வாழ்த்தி உய்ம்மின்

————————————————

கடிக்கும் பணி நஞ்சமுதாகும் தீங்கு நன்காகும் பராக்
கடிக்கும் பணியலர் தாழ்வார் கல்லாமையும் கற்றமையாம்
கடிக்கும் பணி யறம் எல்லாம் அரங்கர் பைம் கன்னித் துழாய்க்
கடிக்கும் பணி யொளிக்கும் நல்ல பாதம் கருதினார்க்கே –43-

கடிக்கும் பணி நஞ்சமுதாகும் -கடிக்கிற பாம்பின் விஷமும் அமுதாகும்
தீங்கு நன்காகும் -பிறர் செய்யும் தீமையும் நன்காவே முடியும் –
பராக் கடிக்கும் பணியலர் தாழ்வார் -பாராமுகம் செய்து அவமதிக்கிற பகைவர்களும் கீழ்ப் படிந்து வணங்குவார்கள்
கல்லாமையும் கற்றமையாம் -பயின்று அறியாத பொருள்களும் பயின்றன போலே விளங்கும்
கடிக்கும் பணி யறம் எல்லாம் -சாஸ்த்ரங்களில் சொல்லப் பட்ட தர்மங்கள் எல்லாம் சித்திக்கும் –
அரங்கர் பைம் கன்னித் துழாய்க் கடிக்கும் பணி யொளிக்கும் நல்ல பாதம் கருதினார்க்கே —
அரங்கன் திருப்பாதம் தியாநித்தவர்களுக்கு -இவை எல்லாம் -அநிஷ்ட நிவ்ருத்தியும் இஷ்ட பிராப்தியும் -நடக்கும் –
பிரகலாதன் பக்கலில் கண்டோம் –

———————————————————————————-

தினகரனார் கலிதீ காற்றோடுங்கும் செயலும் விண் மீ
தினகரனார் கொண்ட லேழ் செருக்காமையும் சென்றெதிர் மோ
தினகரனாருயிர் செற்றார் அரங்கர் திகிரி சங்கேந்து
தினகரனார் நம் பெருமாள் அமைத்த திருக்கை கண்டே –44-

தினகரனார் கலிதீ காற்றோடுங்கும் செயலும்
தினரன்-சூரியனும்
ஆர் கலி -கடலும்
தீ காற்று ஒடுங்கும் செயலும் –
தம் தம் வரம்பு கடவாது ஓர் எல்லைக்கு உட்பட்டு அடங்கி இருக்கும் செயலும் –
விண் மீ தினகரனார் கொண்ட லேழ் செருக்காமையும்
விண் மீதில் நகரனார் கொண்டல் ஏழ் செருக்காமையும் –
வானத்தில் -அமராவதி என்னும் நகரத்தை உடையனான இந்திரனால் செலுத்தப் படுகிற ஏழு மேகங்களும் செருக்கி
அளவிறந்த மழை பொழிந்து உலகங்களை அழித்திடாமையும்-ஆர் கொண்டல்– ஒலிக்கின்ற மேகம் என்னவுமாம் –
இவை எல்லாம் என்ன காரணத்தால் -என்ன
சென்றெதிர் மோ தினகரனாருயிர் செற்றார்
எதிராக வந்து பொருத கரன் என்னும் அரக்கனது அருமையான உயிரை ஒழித்தவரும்
அரங்கர் திகிரி சங்கேந்து தினகரனார் நம் பெருமாள் அமைத்த திருக்கை கண்டே –
சங்கு சக்கரங்களை ஏந்திய திருக் கைகளை யுடையவரும்
நம் பெருமாள் நில் என்று குறித்து வைத்த திருக்கையை கண்டே பார்த்தேயாம் –

நெடும் கடல் நிற்பதும் நாயிறு காய்வதும் நிற்றலும் கால் ஒடுங்கி நடப்பதும்
தண் கார் பொழிவதுவும்-ஊழிதனில் சுடும் கனல் பற்றிச் சுடாதே இருப்பதும்
தும்பை புனைந்து அடும் கனல் ஆழி யரங்கேசர் தம் திருவாணையினே-திருவரங்கத்து மாலை

——————————————————————–

திருக் காவிரிக்கும் யமுனைக்கும் கங்கைக்கும் தெள்ளமுதாந்
திருக் காவிரிக்கும் கடற்கும் பிரான் என்னரங்கம் என்னத்
திருக் காவிரிக்கு மொழியார்க்குத் தீ மெழுகா விரன்புய்த்
திருக் காவிரிக்குமது ஒவ்வாறவன் உங்கள் சென்மைத்தையே –45-

திருக் காவிரிக்கும் யமுனைக்கும் கங்கைக்கும் தெள்ளமுதாந் திருக் காவிரிக்கும்
திருக்கா விரிக்கும் -அழகிய சோலைகளைச் செழித்து வளரச் செய்கின்ற
யமுனா நதிக்கும் கங்கா நதிக்கும் தெளிவான அமுதம் போலே இனிதாய் இருக்கிற மேன்மை உள்ள காவேரி நதிக்கும்
கடற்கும் பிரான் என்னரங்கம் என்னத்
சமுத்ரத்துக்கும் தலைவனான எம்பெருமானது அழகிய திருவரங்கம் என்று ஒரு தடவையாவது வாயினாலாவது சொல்ல
திருக் காவிரிக்கு மொழியார்க்குத் தீ மெழுகா விரன்புய்த் திருக் காவிரிக்குமது ஒவ்வாறவன் உங்கள் சென்மைத்தையே –
-அன்பு உய்த்து இருக்கா -அன்பு செலுத்தி இராமல்
திருக்கு ஆவீர் -மாறுபடுவீர்காள்
இக்கு மொழியார்க்கு -கருப்பஞ்சாறு போலே இனிய சொற்கள் உடைய மகளிர் திறத்திலோ
தீ மெழுகு ஆவீர் -தீப்பட்ட மெழுகு போலே கரைந்து உருகுவீர்கள்
இவ்வாறு இருக்க
அவன் உங்கள் சென்மத்தை இரிக்குமது எ ஆறு -அப்பெருமான் உங்களுடைய பிறப்பை ஒழிப்பது எங்கனம் நிகழும்
திருக் கா விரிக்கும் -அடை மொழி யமுனை கங்கை காவரி மூன்றுக்கும் கொள்ளலாம்
யமுனைக்கும் இவனே பிரான் -ஸ்ரீ கிருஷ்ணா லீலைகள் செய்து அருளியதால்
கங்கைக்கும் பிரான் -ஸ்ரீ பாத தீர்த்தமானதால்
திருக் காவேரிக்கு பிரான் -உபய காவேரி மத்யத்தில் திருப் பள்ளி கொண்டு அருளிக் கொண்டு இருப்பதால் -எனவே தெள்ளமுதாம் –

——————————————————

சென்மத் தரங்கங் கருமம் சுழி பிணி சேலிணங்கு
சென்மந் தரங்கதிர் பொன் கோள் கண் மாரி திண் கூற்ற சனி
சென்மந் தரங்க வற்றுள் விழுவோர் கரை சேர்க்கும் வங்கஞ்
சென்மந் தரங்கவின் றோளா ரரங்கர் திருப்பதமே –46-

சென்மத் தரங்கங் கருமம் சுழி பிணி சேலிணங்கு சென்மந் தரங்கதிர் பொன் கோள் கண் மாரி திண் கூற்ற சனி சென்மந் தரங்க வற்றுள் விழுவோர்
சென்மம் -மாறி மாறி தன்மையான பிறப்புக்கள்
தரங்கம் -மாறி மாறி வரும் அலைகளையுடைய கடலாகும்
கருமம் -உயிர்களை பிறப்பிலே சூழச் செய்வதான ஊழ் வினை
சுழி -அகப்பட்ட பொருள்களை தன்னில் உள்ளச் செய்வதான நீர்ச் சுழி யாகும்
பிணி -பிறந்த உயிர்களை வருத்தும் உடல் வியாதிகளும் மநோ வியாதிகளும்
சேல்-நீரில் இழிந்தாரை குத்தி வருந்தும் மீன்கள்
குசென்-அங்காரகனும்
மந்தர் -சனியும்
அம்கதிர் -அழகிய சூரிய சந்த்ரர்களும்
பொன் -பிருஹஸ்பதியும்
கோள் -மற்றைய கிரஹங்களும்
மாரி -மழையும்
திண் கூற்று -பிராணிகளை தவறாது அழிக்கும் வலிமை யுடைய யமனும்
அசனி -இடியும்
ஆக ஆதிதைவிக துன்பங்கட்கு காரணமான தேவ வர்க்கங்களும்
இனம் -அம் மீனின் இனமாய் பிராணிகளை வருத்துகிற நீர் வாழ் ஜந்துக்கள் ஆகும்
அவற்றுள் செல் மாந்தர் -அப்பிரப்புக்களிலே கர்ம வசத்தால் சென்று அகப்பட்டுக் கொண்ட அல்ப பாக்கியம் உடைய மனிசர்கள்
அங்கு விழுவோர் -அக்கடலில் விழுந்து வருந்துபவர்களாகும் –
கரை சேர்க்கும் வங்கஞ் சென்மந் தரங்கவின் றோளா ரரங்கர் திருப்பதமே
செல் மந்த்ரம் கவின் தோளார் அரங்கர் திருப்பாதமே -கரை சேர்க்கும் வங்கம்
மேகம் தவழும் மந்தரகிரி போன்ற அழகிய தோள்களை யுடையவரான ஸ்ரீ ரெங்க நாதரது திருவடிகளே -பிறவிக்கடலின் நின்றும் முக்திக்கரை சேர்க்கும் மரக்கலம் ஆகும்
பிறவிப் பெரும் கடல் நீந்துவார் நீந்தார் இறைவன் அடி சேராதவர்
அறவாழி யந்தணன் தாள் சேர்ந்தார்க்கு அல்லால் பிறவாழி நீந்தல் அரிது
செல் மந்த்ரம் -மந்த்ரத்தின் உயர்வு தோன்ற -அஷ்ட குல பர்வதங்களுக்குள் உயர்ந்த மழை மந்திர மலை
பாற் கடலைக் கலக்கிய மந்தர மலை போலே போர்க்கடலைக் கலக்கும் தோள்
மேகமும் மந்தரகிரியும் திருமேனி அழகையும் தோள்களையும் சொன்னவாறு –

——————————————————–

பதக்கம லங்க லணிமார்ப பொன்னி படிந்திமை யோர்
பதக்கம லங்க ளறுசீ ரரங்க பகட்டயிரா
பதக்கம லங்கரித் தூர்வோன் சிவனையன் பார்க்கவந்துன்
பதக்கம லங்க ளடியேன் றலைக்கென்று பாலிப்பதே –47-

பதக்கம லங்க லணிமார்ப பொன்னி படிந்திமை யோர்
பதக்கம் என்னும் அணி கலத்தையும்
அலங்கல் -பலவகை ஆரங்களையும்-தொங்கி அசைதல் -மாலைக்கு தொழில் ஆகு பெயர்
அணி -அணிந்த
மார்ப -திருமார்பை யுடையவனே
இமையோர் -தேவர்கள்
பொன்னி படிந்து -திருக் காவேரி தீர்த்தத்தில் நீராடி
பதக்கம லங்க ளறு
பதக்கம் மலங்கள் அறு-தீ வினைகளாகிய அசுத்தம் நீங்கப் பெறுதற்கு இடமான -கமலம் -நீரை அலங்கரிக்கும் -காரணப் பெயர்
சீ ரரங்க -ஸ்ரீ ரங்கத்தில் எழுந்து அருளி இருப்பவனே
பகட்டயிரா பதக்கம லங்கரித் தூர்வோன்
பகடு அயிராபதம் கம் அலங்கரித்து ஊர்வோன் -இந்த்ரனும் -பகடு ஆண் யானை என்றவாறு
சிவனையன் பார்க்கவந்து
சிவனும் பிரமனும் பார்க்க
வந்து -நீ எழுந்து அருளி
உன் பதக்கம லங்க ளடியேன் றலைக்கென்று பாலிப்பதே —
உன் திருவடித் தாமரைகளை அடியேன் முடியில் வைத்து அருள் செய்வது எந்நாளோ –

————————————————————

பாலனம் செய்யமர் நாடாண்டு பூணொடு பட்டணிந்து
பாலனம் செய்ய கலத்ததுண்டு மாதர்பால் போகத்தையும்
பாலனம் செய்ய விருப்பதி லையம் பருகி நந்தன்
பாலனம் செய்யவள் கோமான் அரங்கம் பையில்கை நன்றே –48-

பாலனம் செய்யமர் நாடாண்டு பூணொடு பட்டணிந்து
பாலனம் -பால் அனம் -வெண்ணிறமான அன்னப் பறவைகள்
செய் -கழனிகளில்
அமர் -பொருந்தி வசிக்கப் பெற்ற
நாடு ஆண்டு –தேசத்தை அரசாட்சி செய்து
பூணொடு பட்டணிந்து-ஆபரணங்களையும் பட்டாடையும் தரித்து
பாலனம் செய்ய கலத்ததுண்டு
செய்ய கலத்து பால் அனம் உண்டு -சிவந்த பொன் மயமான பாத்ரத்தில் பால் சோற்றை புசித்து
மாதர்பால் போகத்தையும் பாலனம் செய்ய விருப்பதில்-
மகளிர் சேர்க்கையில் ஆகும் பலவகை இன்பங்களையும் பரிபாலித்து வீற்று இருப்பதினும்
ஐயம் பருகி –
இரந்து பெற்ற கூழைக் குடித்தாயினும்
நந்தன் பாலனம் செய்யவள் கோமான் அரங்கம் பையில்கை நன்றே —
நந்தகோபனது குமரனும் -அழகிய திருமகளின் கணவனுமான திருமாலினது ஸ்ரீ ரங்கத்திலே நித்ய வாசம் செய்தல் நல்லது
பையில்கை -பயில்கை
நம் செய்யவள் கோமான் -என்றுமாம் –

——————————————————————–

பையிலத்தி மூளை நரம்பூன் உதிரம் பரந்த குரம்
பையிலத்தி யுள்விளை பாண்டமென்னாமல் புன்பாவையர் தோல்
பையிலகத்தி செய்து நரகெய்து வீருய்யப் பற்றுமினோ
பையிலத்தி மேவித் துயில் கூரரங்கர் பொற் பாதத்தையே –49-

பையிலத்தி மூளை நரம்பூன் உதிரம்
பையில் -ஒன்றோடு ஓன்று பொருந்தி இருக்கின்ற
அத்தி -எலும்பும் -அஸ்தி வடசொல்
மூளை நரம்பூன் உதிரம் -மூளையும் -நரம்பும் –ஊன் -தசையும் -இரத்தமும்
பரந்த குரம் பை
பரவிய -உயிர் சில நாள் தங்கும் -சிறு குடிசை இது
யிலத்தி யுள்விளை பாண்டம் மென்னாமல் –
மலம் அகத்திலே மேன்மேல் உண்டாகப் பெரும் பாத்ரம் இது என்னாமல்-உடம்பின் அசுத்தத் தன்மையைக் கருதாமல்
புன்பாவையர் தோல் பையிலகத்தி செய்து
இழி குணம் உடைய மகளிரின் உடம்பு இடம் ஆசை வைத்து -அத்தி -ஆசை –
நரகெய்து வீருய்யப் பற்றுமினோ பையிலத்தி மேவித் துயில் கூரரங்கர் பொற் பாதத்தையே
நரகு எய்துவீர் -நீங்கள் உய்ய –
திருப்பாற் கடலிலே-அப்தி -கடல் – ஆதி சேஷன் படத்தின் கீழே திருவுள்ளம் உகந்து யோகநித்ரை செய்து அருளுகிற
ஸ்ரீ ரங்க நாதருடைய திருவடிகளை சரண் அடைமின் –

———————————————————-

பாதகங் கைக்கு மரங்கர் பல்பேய் பண் டிராவணனுற்
பாதகங் கைக்கு மென் றெள்ளக்கொய் தார் படிக்கேற்ற திருப்
பாதகங் கைக்குள் விழு முன்னமே பங்கயன் விளக்கும்
பாதகங் கைக்குளிர் நீர் விழுந்த தீசன் படர் சடைக்கே –50-

பாதகங் கைக்கு மரங்கர்
அடியார்களுடைய பாவங்களை -கைக்கும் -வெறுத்து ஒழிக்கின்ற ஸ்ரீ ரங்க நாதரும்
பல்பேய் பண் டிராவணனுற் பாதகங் கைக்கு மென் றெள்ளக்கொய் தார்
பல பேய்கள் முன்னாளில்
இராவணனுடைய உற்பாதமான தலைகள் கசக்கும் என்று இகழுமாறு கொய்தார் –
அத்தலைகளை துணித்த்வருமான திருமால் –
உத்பாதம் -பின் நிகழப் போகும் தீமைக்கு அறிகுறியாக முன்னர்த் தோன்றும் தீ நிமித்தம் -பிணம் பிடுங்கித் தின்னும் பேய்களும் இகழும் படி
படிக்கேற்ற திருப் பாதகங் கைக்குள் விழு முன்னமே
தாம் மாவலி பக்கலில் வேண்டிய மூவடி நிலத்தை தவறாது பெறுகைக்காக
ஏற்ற -வாங்குவதற்கு உடன்பட்ட
திருப் பாத கம் -கொடுப்பதை திருப்பக் கூடாத ஜலம் -வாக்கு தந்ததோடு மகாபலி தாரை வார்த்துக் கொடுக்கிற நீர் –
கைக்குள் விழும் முன்னமே -அப்பெருமானது அகம்கையில் விழுவதற்கு முன்னமே
பங்கயன் விளக்கும் பாதகங் கைக்குளிர் நீர் விழுந்த தீசன் படர் சடைக்கே –
பங்கயன் விளக்கும் பாதம் கங்கை குளிர் நீர்
-பிரமன் திரு மஞ்சனம் செய்த திருவடியின் தீர்த்தமாகிய குளிர்ந்த கங்கா ஜலமானது சிவபிரானது பரவிய சடையிலே விழுந்திட்டது
விரைவு மிகுதி தோன்ற –

தார் ஏற்ற வெண் குடை மாவலி வார்க்கவும் தாமரை மேல் சீரேற்ற தொன்னான் முகத்தோன் விளக்கவும்
செம்போன்முடிக் காரேற்ற யரங்கேசர் கையும் கழலும் ஒக்க நீர் ஏற்றன வ ண் திருக் குறளாகி நிமிர்ந்த வன்றே -திருவரங்கத்து மாலை

குறை கொண்டு நான்முகன் குண்டிகை நீர் பெய்து -மறை கொண்ட மந்திரத்தால் வாழ்த்திக்
கறை கொண்ட கண்டத்தான் சென்னியின் மேல் ஏறக் கழுவினான் அண்டத்தான் சேவடியை யாங்கு

———————————————————————————————-

கோயில் கந்தாடை அப்பன் திருவடிகளே சரணம்
ஸ்ரீ பிள்ளை பெருமாள் ஐயங்கார் திருவடிகளே சரணம்
பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம்

This entry was posted on February 10, 2016 at 4:23 pm and is filed under அஷ்ட பிரபங்கள். You can follow any responses to this entry through the RSS 2.0 feed. You can leave a response, or trackback from your own site.