ஶ்ரீ த³த்தாத்ரேய ஸ்தோத்ரம் –ஶ்ரீத³த்தாத்ரேய ப்ரார்த²நா–ஶ்ரீத³த்தாத்ரேய யோக³ ஶாஸ்த்ர–ஶ்ரீத³த்தாத்ரேய அஷ்ட சக்ர பீ³ஜ ஸ்தோத்ரம்–ஶ்ரீ த³த்தாத்ரேய வஜ்ர கவச ஸ்தோத்ரம்–

ஶ்ரீ த³த்தாத்ரேய ஸ்தோத்ரம்

ஜடாத⁴ரம் பாண்டு³ராங்க³ம் ஶூலஹஸ்தம் க்ருபாநிதி⁴ம் ।
ஸர்வரோக³ஹரம் தே³வம் த³த்தாத்ரேயமஹம் ப⁴ஜே ॥ 1 ॥

அஸ்ய ஶ்ரீத³த்தாத்ரேயஸ்தோத்ரமந்த்ரஸ்ய ப⁴க³வாந்நாரத³ருஷி꞉ । அநுஷ்டுப் ச²ந்த³꞉ । ஶ்ரீத³த்த꞉ பரமாத்மா தே³வதா । ஶ்ரீத³த்தாத்ரேய ப்ரீத்யர்தே² ஜபே விநியோக³꞉ ॥

நாரத³ உவாச

ஜக³து³த்பத்திகர்த்ரே ச ஸ்தி²திஸம்ஹாரஹேதவே ।
ப⁴வபாஶவிமுக்தாய த³த்தாத்ரேய நமோ(அ)ஸ்து தே ॥ 1 ॥

ஜராஜந்மவிநாஶாய தே³ஹஶுத்³தி⁴கராய ச ।
தி³க³ம்ப³ர த³யாமூர்தே த³த்தாத்ரேய நமோ(அ)ஸ்து தே ॥ 2 ॥

கர்பூரகாந்திதே³ஹாய ப்³ரஹ்மமூர்தித⁴ராய ச ।
வேத³ஶாஸ்த்ரபரிஜ்ஞாய த³த்தாத்ரேய நமோ(அ)ஸ்து தே ॥ 3 ॥

ஹ்ரஸ்வதீ³ர்க⁴க்ருஶஸ்தூ²லநாமகோ³த்ரவிவர்ஜித ।
பஞ்சபூ⁴தைகதீ³ப்தாய த³த்தாத்ரேய நமோ(அ)ஸ்து தே ॥ 4 ॥

யஜ்ஞபோ⁴க்தே ச யஜ்ஞாய யஜ்ஞரூபத⁴ராய ச ।
யஜ்ஞப்ரியாய ஸித்³தா⁴ய த³த்தாத்ரேய நமோ(அ)ஸ்து தே ॥ 5 ॥

ஆதௌ³ ப்³ரஹ்மா ஹரிர்மத்⁴யே ஹ்யந்தே தே³வஸ்ஸதா³ஶிவ꞉ ।
மூர்தித்ரயஸ்வரூபாய த³த்தாத்ரேய நமோ(அ)ஸ்து தே ॥ 6 ॥

போ⁴கா³ளயாய போ⁴கா³ய யோக³யோக்³யாய தா⁴ரிணே ।
ஜிதேந்த்³ரிய ஜிதஜ்ஞாய த³த்தாத்ரேய நமோ(அ)ஸ்து தே ॥ 7 ॥

தி³க³ம்ப³ராய தி³வ்யாய தி³வ்யரூபத⁴ராய ச ।
ஸதோ³தி³தபரப்³ரஹ்ம த³த்தாத்ரேய நமோ(அ)ஸ்து தே ॥ 8 ॥

ஜம்பூ³த்³வீபே மஹாக்ஷேத்ரே மாதாபுரநிவாஸிநே ।
ஜயமாந ஸதாம் தே³வ த³த்தாத்ரேய நமோ(அ)ஸ்து தே ॥ 9 ॥

பி⁴க்ஷாடநம் க்³ருஹே க்³ராமே பாத்ரம் ஹேமமயம் கரே ।
நாநாஸ்வாத³மயீ பி⁴க்ஷா த³த்தாத்ரேய நமோ(அ)ஸ்து தே ॥ 10 ॥

ப்³ரஹ்மஜ்ஞாநமயீ முத்³ரா வஸ்த்ரே சாகாஶபூ⁴தலே ।
ப்ரஜ்ஞாநக⁴நபோ³தா⁴ய த³த்தாத்ரேய நமோ(அ)ஸ்து தே ॥ 11 ॥

அவதூ⁴த ஸதா³நந்த³ பரப்³ரஹ்மஸ்வரூபிணே ।
விதே³ஹதே³ஹரூபாய த³த்தாத்ரேய நமோ(அ)ஸ்து தே ॥ 12 ॥

ஸத்யரூப ஸதா³சார ஸத்யத⁴ர்மபராயண ।
ஸத்யாஶ்ரயபரோக்ஷாய த³த்தாத்ரேய நமோ(அ)ஸ்து தே ॥ 13 ॥

ஶூலஹஸ்தக³தா³பாணே வநமாலாஸுகந்த⁴ர ।
யஜ்ஞஸூத்ரத⁴ர ப்³ரஹ்மந் த³த்தாத்ரேய நமோ(அ)ஸ்து தே ॥ 14 ॥

க்ஷராக்ஷரஸ்வரூபாய பராத்பரதராய ச ।
த³த்தமுக்திபரஸ்தோத்ர த³த்தாத்ரேய நமோ(அ)ஸ்து தே ॥ 15 ॥

த³த்த வித்³யாட்⁴ய லக்ஷ்மீஶ த³த்த ஸ்வாத்மஸ்வரூபிணே ।
கு³ணநிர்கு³ணரூபாய த³த்தாத்ரேய நமோ(அ)ஸ்து தே ॥ 16 ॥

ஶத்ருநாஶகரம் ஸ்தோத்ரம் ஜ்ஞாநவிஜ்ஞாநதா³யகம் ।
ஸர்வபாபம் ஶமம் யாதி த³த்தாத்ரேய நமோ(அ)ஸ்து தே ॥ 17 ॥

இத³ம் ஸ்தோத்ரம் மஹத்³தி³வ்யம் த³த்தப்ரத்யக்ஷகாரகம் ।
த³த்தாத்ரேயப்ரஸாதா³ச்ச நாரதே³ந ப்ரகீர்திதம் ॥ 18 ॥

இதி ஶ்ரீநாரத³புராணே நாரத³விரசிதம் ஶ்ரீ த³த்தாத்ரேய ஸ்தோத்ரம் ।

——————–

ௐ நமஸ்தே ப⁴க³வந் ஶ்ரீஸத்³கு³ருதே³வ-த³த்தாத்ரேயாய நமோ நம: ॥ 1॥

த்வம் ப்³ரஹ்மமயோऽஸி । த்வம் ஆநந்த³மயோऽஸி । த்வம் விஜ்ஞாநமயோऽஸி ।
த்வம் ஸத்யமயோऽஸி । த்வம் ஶாந்திமயோऽஸி । த்வம் ப்ரேமமயோऽஸி ।
த்வம் நிராகாரோ நிராலம்போ³ நிர்விகல்போ நிர்விஷயோ நிரஞ்ஜநோ நிரங்குஶோ
நிரந்தரோ நிராஶயோ நிராமயோ நிர்தூ⁴தகல்மஷோऽஸி ॥ 2॥

த்வதா³ஜ்ஞயா தபந்தி ரவிஶஶி-தாராமண்ட³லா: ।
த்வதா³ஜ்ஞயா விபுலத⁴நதா⁴ந்யவதீ வஸுதா⁴ ।
த்வதா³ஜ்ஞயா வஹதி வாயுஸ்ஸந்த³ஹத்யநல: । த்வதா³ஜ்ஞயாऽऽகாஶம் ஸர்வம் வ்யாப்நோதி ।
த்வதா³ஜ்ஞயா யதா²காலம் வர்ஷதி பர்ஜந்ய: । த்வதா³ஜ்ஞயா விகஸந்தி குஸுமாநி।
த்வதா³ஜ்ஞயா ப²லந்தி பாத³பா: । த்வதா³ஜ்ஞயா கா³யந்தி விஹங்க³ம: ।
த்வதா³ஜ்ஞயா ஜீவந்தி சதுர்வித⁴யோநய: ।
த்வதா³ஜ்ஞயா தே³ஹே ப்ராண: ஸஞ்சரதி நிர்க³ச்ச²தி தே³ஹாத் ॥ 3॥

த்வம் மநஶ்சித்தாந்த:கரணபு³த்³த்⁴யஹங்கார-ப்ரேரகோऽஸி ।
த்வம் ஶமத³ம-திதிக்ஷாவைராக்³ய-ப⁴க்திப்ரதா³யகோऽஸி ।
த்வம் த்³வந்த்³வது:³க²-திமிர-வித்⁴வம்ஸகோऽஸி । த்வம் மாயாபாஶ-நிக்ரு’ந்தகோऽஸி।
த்வம் ஸம்ஸார-ப³ந்த⁴நச்சே²த³கோऽஸி ।
த்வம் ஸர்வஸத்³கு³ணகர்தாऽஸி । த்வம் ஸர்வது³ர்கு³ணஹர்தாऽஸி । த்வம் ஶாந்திப்ரதோ³ऽஸி ।
த்வமாநந்த³ப்ரதோ³ऽஸி । த்வம் ப்ரேமப்ரதோ³ऽஸி । த்வம் ஸகலவிக்⁴நஹரோऽஸி ।
த்வமப⁴யகரோऽஸி । த்வம் வரத³வரோऽஸி । த்வம் நிஜபத³-ப்ரதா³நகரோऽஸி ॥ 4॥

ரு’தே த்வத் கோऽபி நேதரோ வதா³ந்ய: । ரு’தே த்வத் கோऽபி நேதர: ஸமர்த:² ।
ரு’தே த்வத் கோऽபி நேதரோ த³யாலு: । ரு’தே த்வத் கோऽபி நேதர: க்ஷமாஶீல: ।1
ஶ்ரீத³த்தாத்ரேயப்ரார்த²நா
ரு’தே த்வத் கோऽபி நேதரோ ப⁴க்தபாலக: ॥ 5॥

த்வத்த: ஸகலைஶ்வர்ய-போ⁴க³க்ஷமத்வம் । த்வத்த: ஸகலவஸ்து-ரமணீயத்வம் ।
த்வத்த: கர்மஜ்ஞாநேந்த்³ரிய-க³ணஸமர்த²த்வம் । த்வத்த: ஸகலயோக³ஶக்திமத்த்வம் ।
த்வத்த: பரமவைராக்³ய-பரபு³த்³தி⁴மத்த்வம் ॥ 6॥

த்வயி ஸமுபஸ்தி²தம் ப்³ரஹ்மாண்டோ³த்பத்தி-ஸ்தி²திலயபீ³ஜம் ।
த்வயி ஸுப்ரதிஷ்டி²தம் ஸம்ஸ்ரு’திநாஶநாத்³வைத-பா⁴வநாமூலம் ।
த்வயி ஸந்நிஹிதம் ஜந்மம்ரு’த்யுப⁴ய-ஸம்ஹநநஸாமர்த்²யம் ॥ 7॥

கநக-காமிநீ-கமநீயத்வாத் த்ராஹி த்ராஹி மாம் ।
காம-க்ரோத⁴-மோஹ-மத³-மத்ஸரகோலாஹலாத் த்ராஹி த்ராஹி மாம் ।
ஜந்ம-ஜரா-மரண-த்ரிதோ³ஷாத் த்ராஹி த்ராஹி மாம் ।
ஸம்ஸ்ரு’தி-தா³வாநல-த³ஹ்யமாநம் பாஹி பாஹி மாம் ।
விஷயகர்த³ம-நிமஜ்ஜமாநம் பாஹி பாஹி மாம் ।
ப⁴யகர-காலத³ண்ட³-நிபீட³யமாநம் பாஹி பாஹி மாம் ।
த⁴ர்மாசரண-தி³ங்மூடோ⁴ऽஹம் தை⁴ர்யம் தே³ஹி தே³ஹி மே ।
அஹங்காரமலிந-சித்தோऽஹமப⁴யம் வரம் தே³ஹி தே³ஹி மே ।
த்வத் பத³பங்கஜ-ஶரணாக³திம் தே³ஹி தே³ஹி மே ॥ 8॥

விநா த்வயா நாஸ்தி கோऽப்யந்ய ஆபத்திநிவாரக: । த்வம் ப்ரியதமா மாதாऽஸி மே ।
த்வம் ப்ரியதம: பிதாऽஸி மே । த்வம் ப்ரியதமோ ப³ந்து⁴ரஸி மே ।
த்வம் ப்ரிய தமம் மித்ரமஸி மே । த்வம் பூஜ்யதம: ஸத்³கு³ருவர்யோऽஸி மே ।
தே க்ரு’பாஹஸ்தம் தே³ஹி மே ஶிரஸி । தே பத³தலகஞ்ஜம் தே³ஹி மே மநஸி ।
தே ஸுக²கர-வாஸோऽஸ்து மே வபுஷி ।
அநந்த-ஜந்மபர்யந்தம் தே ஸ்மரணம் மே சித்தேऽஸ்து ॥ 9॥

ௐ நமஸ்தே அத்ரிபுத்ராய । ௐ நமஸ்தே அவதூ⁴தாய । ௐ நமஸ்தே ஹம்ஸதே³வாய ।
ௐ நமஸ்தே ஸத்³கு³ருநாதா²ய । ௐ நமஸ்தே யதிநாதா²ய । ௐ நமஸ்தே ஶக்திநாதா²ய।
ௐ நமஸ்தே ஸித்³தி⁴நாதா²ய । ௐ நமஸ்தே முக்திநாதா²ய । ௐ நமஸ்தே ஜக³ந்நாதா²ய।
ௐ நமஸ்தே ப⁴க³வதே த³த்தாத்ரேயாய ।
ௐ நமஸ்தே பரப்³ரஹ்மணே ஸச்சிதா³நந்த³மூர்தயே முநிவர்யாய நமோ நம: ॥ 10॥

ஶ்ரீத³த்தாத்ரேய ப்ரார்த²நா

இதி ஶ்ரீத³த்தாத்ரேய ப்ரார்த²நா ஸம்பூர்ணா ।

———————

ஶ்ரீத³த்தாத்ரேய யோக³ ஶாஸ்த்ர

ந்ரு’ஸிம்ஹரூபிணே சிதா³த்மநே ஸுக²ஸ்வரூபிணே ।
பதை:³ த்ரிபி:⁴ ததா³தி³பி:⁴ நிரூபிதாய வை நம: ॥ 1॥

ஸாங்க்ரு’தி: முநிவர்யோ அஸௌ பூ⁴தயே யோக³லிப்ஸயா ।
பு⁴வம் ஸர்வாம் பரிப்⁴ராந்யந்நைமிஷாரண்யமாப்தவாந் ॥ 2॥

ஸுக³ந்தி⁴நாநாகுஸுமை: ஸ்வாது³ஸத்ப²லஸம்யுதை: ।
ஶாகி²பி:⁴ ஸஹிதம் புண்யம் ஜலகாஸாரமண்டி³தம் ॥ 3॥

ஸ: முநி: விசரஸ்தத்ர த³த³ர்ஶாம்ரதரோ: அத:⁴ ।
வேதி³காயாம் ஸமாஸீநம் த³த்தாத்ரேயம் மஹாமுநிம் ॥ 4॥

ப³த்³த⁴பத்³மாஸநாஸீநம் நாஸாக்³ரார்பிதயா த்³ரு’ஶா ।
ஊருமத்⁴யக³தோத்தாநபாணியுக்³மேந ஶோபி⁴தம் ॥ 5॥

தத: ப்ரணம்யாகி²லம் த³த்தாத்ரேயம் மஹாமுநிம் ।
தத் ஶிஷ்யை: ஸஹ தத்ரைவ ஸம்முக²ஶ்சோபவிஷ்டவாந் ॥ 6॥

ததை³வ ஸ: முநி: யோகா³த் விரம்ய ஸ்வபுர: ஸ்தி²தம் ।
உவாச ஸாங்க்ரு’திம் ப்ரிதிபூர்வகம் ஸ்வாக³தம் வச: ॥ 7॥

ஸாங்க்ரு’தே கத²ய த்வம் மாம் கிமுத்³தி³ஶ்யேஹாக³த: ।
இதி ப்ரு’ஷ்டஸ்து ஸ: ப்ராஹ யோக³ம் ஜ்ஞாதுமிஹாக³த: ॥ 8॥

யோகோ³ ஹி ப³ஹுதா⁴ ப்³ரஹ்மந்தத்ஸர்வம் கதயாமி தே ।
மந்த்ரயோகோ³ லயஶ்சைவ ஹட²யோக³ஸ்ததை²வ ச ।
ரஜயோக³ஶ்சதுர்த:² ஸ்யாத்யோகா³நாமுத்தமஸ்து ஸ: ॥ 9॥

ஆரம்ப⁴ஶ்ச க⁴டஶ்சைவ ததா² பரிசய: ஸ்ம்ரு’த: ।
நிஷ்பத்திஶ்சேத்யவஸ்தா² ச சதுர்தீ² பரிகல்பிதா ।
ஏதேஷாம் விஸ்தரம் வக்ஷ்யே யதி³ த்வம் ஶ்ரோதுமிச்ச²ஸி ॥ 10॥

அங்கே³ஷு மாத்ரு’கா பூர்வம் மந்த்ரம் ஜபந் ஸுதீ:⁴ ।1
ஶ்ரீத³த்தாத்ரேய யோக³ ஶாஸ்த்ர
ய கசநாபி⁴ஸித்³த⁴யை ஸ்யாத் மந்த்ரயோக:³ ஸ கத்²யதே ॥ 11॥

ம்ரு’து:³ தஸ்யாதி⁴காரீ ஸ்யாத்³த்³வாத³ஶாப்³தை:³ து ஸாத⁴நாத் ।
ப்ராயேண லப⁴தே ஜ்ஞாநம் ஸித்³தி⁴ஶ்சைவாணிமாதி³கா: ॥ 12॥

அல்பபு³த்³தி:⁴ இமம் யோக³ம் ஸேவதே ஸாத⁴காத⁴ம: ।
மந்த்ரயோகோ³ ஹ்யயம் ப்ரோக்தோ யோகா³நாமத⁴மஸ்து ஸ: ॥ 13॥

லயயோக³ஶ்சித்தலய: ஸங்கேதை: து ப்ரஜாயதே ।
ஆதி³நாதே²ந ஸங்கேதா அஷ்டகோடி ப்ரகீர்த்திதா: ॥ 14॥

ஸாங்க்ரு’திருவாச –
ப⁴க³வந்நாதி³நாத:² ஸ: கிம் ரூப: க: ஸ: உச்யதாம் ।
த³த்தாத்ரேய உவாச –
மஹாதே³வஸ்ய நாமாந்யாதி³நாதா²தி³காந்யபி ।
ஶிவேஶ்வரஶ்ச தே³வோऽஸௌ லீலயா வ்யசரத்ப்ரபு:⁴ ॥ 15॥

ஶ்ரீகண்ட²பர்வதே கௌ³ர்யா ஸஹ ப்ரமத²நாயகாந் ।
ஹிமாக்ஷபர்வதே சைவகத³லீவநகோ³சரே ॥ 16॥

கி³ரிகூடே சித்ரகூடே ஸுபாத³பயுதே கி³ரௌ ।
க்ரு’பயைகைகஸங்கேதம் ஶங்கர: ப்ராஹ தத்ர தாந் ॥ 17॥

தாநி ஸர்வாணி வக்தும் து ந ஹி ஶக்நோமி விஸ்தராத் ।
காநிசித்கத²யிஷ்யாமி ஸஹஜாப்⁴யாஸவத்ஸுக²ம் ॥ 18॥

திஷ்ட²ந் க³ச்ச²ந்ஸ்வபந்பு⁴ஞ்ஜந்த்⁴யாயந்ஶூந்யமஹர்நிஶம் ।
அயமேகோ ஹி ஸங்கேத: ஆதி³நாதே²ந பா⁴ஷித: ॥ 19॥

நாஸாக்³ரத்³ரு’ஷ்டிமாத்ரேண ஹ்யபர: பரிகீர்தித: ।
ஶிரஸ்பஶ்சாச்ச பா⁴க³ஸ்ய த்⁴யாநம் ம்ரு’த்யும் ஜயேத் பரம் ॥ 20॥

ப்⁴ரூமத்⁴யத்³ரு’ஷ்டிமாத்ரேண பர: ஸங்கேத: உச்யதே ।
லலாதே ப்⁴ரூதலே யஶ்சோத்தம: ஸ: ப்ரகீத்தித: ॥ 21॥

ஸவ்யத³க்ஷிணபாத³ஸ்யாங்கு³ஷ்டே லயமுத்தமம் ।
உத்தாநஶவவத்பூ⁴மௌ ஶயநம் சோக்தமுதமம் ॥ 22॥

ஶிதி²லோ நிர்ஜநே தே³ஶே குர்யாச்சேத்ஸித்³தி⁴மாப்நுயாத் ।
ஏவம் ச ப³ஹு ஸங்கேதாந் கத²யாமாஸ ஶங்கர: ॥ 23॥

ஶ்ரீத³த்தாத்ரேய யோக³ ஶாஸ்த்ர
ஸங்கேதை: ப³ஹுபி⁴ஶ்சாந்யை: யஸ்ய சித்தலயோ ப⁴வேத் ।
ஸ ஏவ லயயோக:³ ஸ்யாத் கர்மயோக³ம் தத: ஶ்ரு’ணு: ॥ 24॥

யமஶ்ச நியமஶ்சைவாஸநம் ச தத: பரம் ।
ப்ராணாயாமஶ்சதுத:² ஸ்யாத் ப்ரத்யாஹாரஸ்து பஞ்சம: ।
ததஸ்து தா⁴ரணா ப்ரோக்தா த்⁴யாநம் ஸப்தமமுச்யதே ॥ 25॥

ஸமாதி:⁴ அஷ்டம: ப்ரோக்த: ஸர்வபுண்யப்ரத:³ ।
ஏவமஷ்டாங்க³யோக³ம் ச யாஜ்ஞவல்க்யாத³யோ விது:³ ॥ 26॥

கபிலாத்³யாஸ்து ஶிஷ்யாஶ்ச ஹட²ம் குயுஸ்ததோ யதா² ।
தத்³யதா² ச மஹாமுத்³ரா மஹாப³ந்த⁴ஸ்ததை²வ ச ॥ 27॥

தத: ஸ்யாத்கே²சரீமுத்³ர ப³ந்தோ⁴ ஜாலந்த⁴ர: ததா² ।
உட்³டி³யாணம் மூலப³ந்தோ⁴ விபரீதகரணீ ததா² ॥ 28॥

வஜ்ரோலி: அமரோலிஶ்ச ஸஹஜோலிஸ்த்ரிதா⁴ மதா ।
ஏதேஷாம் லக்ஷணம் வக்ஷ்யே கர்த்தாவ்யம் ச விஶேஷத: ॥ 29॥

யமா: யே த³ஶ: ஸம்ப்ரோக்தா: ரு’ஷிபி:⁴ தத்த்வத³ர்ஶிபி:⁴ ।
லக்⁴வாஹாரஸ்து தேஷ்வேகோ முக்²யோ ப⁴வதி நாபரே ।
அஹிம்ஸா நியமேஷ்வேகா முக்²யா ப⁴வதி நாபரே ॥ 30॥

சதுரஶீதிலக்ஷேஷ்வாஸநேஷ்வுத்தமம் ஶ்ரு’ணு ।
ஆதி³நாதே²ந ஸம்ப்ரோக்தம் யதா³ஸநமிஹோச்யதே ॥ 31॥

உத்தாநௌ சரணௌ க்ரு’த்வோரூஸம்ஸ்தௌ² ப்ரயலத: ।
உரூ மத்⁴யே ததோ²த்தாநௌ பாணீ க்ரு’த்வா ததோ த்³ரு’ஶௌ ॥ 32॥

நாஸாக்³ரே விந்யஸேத்³ராஜத்³த³ந்தமூலம் ச ஜிஹ்வயா ।
உத்தப்⁴ய சிபு³கம் வக்ஷ: ஸம்ஸ்தா²ப்ய பவநம் ஶநை: ॥ 33॥

யதா²ஶக்தி ஸமாக்ரு’ஷ்ய பூரயேது³த³ரம் ஶநை: ।
யதா²ஶக்த்யேவ பஶ்சாத்து ரேசயேத்பவநம் ஶநை: ॥ 34॥

இத³ம் பத்³மாஸநம் ப்ரோக்தம் ஸர்வவ்யாதி⁴விநாஶநம் ।
து³ர்லப⁴ம் யேந கேநாபி தி⁴மதா லப்⁴யதே பு⁴வி ॥ 35॥

ஸாம்ஸ்க்ரு’தே ஶ்ரு’ணு ஸத்த்வஸ்தோ² யோகா³ப்⁴யாஸக்ரமம் யதா² ।
வக்ஷ்யமாணம் ப்ரயத்நேந யோகி³நாம் ஸர்வலக்ஷணை: ॥ 36॥

ஶ்ரீத³த்தாத்ரேய யோக³ ஶாஸ்த்ர
யுவ அவஸ்தோ²ऽபி வ்ரு’த்³தோ⁴ வா வ்யாதி⁴தோ வா ஶநை: ஶநை: ।
அப்⁴யாஸாத்ஸித்³தி⁴மாப்நோதி யோகே³ ஸர்வோऽப்யதந்த்³ரித: ॥ 37॥

ப்³ராஹ்மண: ஶ்ரமணோ வா பௌ³த்³தோ⁴ வாப்யார்ஹதோऽத²வா ।
காபாலிகோ வா சார்வாக: ஶ்ரத்³த⁴யா ஸஹித: ஸுதீ:⁴ ।
யோகா³ப்⁴யாஸோऽதோ நித்யம் ஸர்வஸித்³தி⁴மவாப்நுயாத் ॥ 38॥

க்ரியாயுக்தஸ்ய ஸித்³தி:⁴ ஸ்யாத³க்ரியஸ்ய கத²ம் ப⁴வேத் ।
ந ஶாஸ்த்ரபாட²மாத்ரேண காசித்ஸித்³தி:⁴ ப்ரஜாயதே ॥ 39॥

முண்டி³தோ த³ண்ட³தா⁴ரீ வா காஷாயவஸநோऽபி வா ।
நாராயணவதோ³ வாபி ஜடிலோ மஸ்மலேபந: ॥ 40॥

நம: ஶிவாயவாசீ வா பா³ஹ்யார்சா பூஜகோऽபி வா ।
த்³வாத³ஶஸ்தா²நபூஜோ வா ப³ஹ்யவத்ஸலபா⁴ஷிதம் ।
க்ரியாஹீநோऽத²வா கூர: கத²ம் ஸித்³தி⁴மவாப்நுயாத் ॥ 41॥

ந வேஷதா⁴ரணம் ஸித்³தே:⁴ காரணம் ந ச தத்ததா² ।
க்ரு’பைவ காரணம் ஸித்³தே:⁴ ஸத்யமேவ து ஸாங்க்ரு’தே ॥ 42॥

ஶிஶ்நோத³ரார்த²ம் யோக³ஸ்ய கத²யா வேஷதா⁴ரிண: ।
அநுஷ்டா²நவிஹீநா: து வங்சயந்தி ஜநாந் கில ॥ 43॥

உச்சாவசை: விப்ரலம்பை:⁴ யதந்தே குஶலா: நரா: ।
யோகி³நோ வயமித்யேவம் மூடா:⁴ போ⁴க³பராயணா: ॥ 44॥

ஶநைர்ததா²விதா⁴ந் ஜ்ஞாத்வா யோகா³ப்⁴யாஸவிவர்ஜிதாம் ।
க்ரு’தார்தா²ந்வசநைரேவ வர்ஜயேத்³வேஷதா⁴ரிண: ॥ 45॥

ஏதே து விக்⁴நபூ⁴த்தாஸ்தே யோகா³ப்⁴யாஸஸ்ய ஸர்வதா³ ।
வர்ஜயேத்தாந் ப்ரயத்நேநேத்³ரு’ஶீ ஸித்³த்⁴தா³ க்ரியா ॥ 46॥

ப்ரத²மாப்⁴யாஸகாலே து ப்ரவேஶஸ்து மஹாமுநே ।
ஆலஸ்யம் ப்ரத²மே விக்⁴ந: த்³விதீயஸ்து ப்ரகத்த²நம் ।
பூர்வோக்ததூ⁴ர்த்தகோ³ஷ்டீ² ச த்ரு’தீயோ மந்த்ரஸாத⁴நம் ॥ 47॥

சதுர்தோ² தா⁴துவாத:³ ஸ்யாத்பங்சம: கா²த்³யவாத³கம் ।
ஏவம் ச ப³ஹவோ த்³ரு’ஷ்டா: ம்ரு’க³த்ரு’ஷ்ணா: ஸமா: முநே: ॥ 48॥

ஸ்தி²ராஸநஸ்ய ஜாயந்தே தாம் து ஜ்ஞாத்வா ஸுதீ:⁴ த்யஜேத் ।
ஶ்ரீத³த்தாத்ரேய யோக³ ஶாஸ்த்ர
ப்ராணாயாமம் ததஸ்குர்யாத்பத்³மாஸநக³த: ஸ்வயம் ॥ 49॥

ஸுஶோப⁴நம் மட²ம் குர்யாத்ஸூக்ஷ்மத்³வாரம் து நிர்கு⁴ணம் ।
ஸுஷ்டு² லிப்தம் கோ³மயேந ஸுத⁴யா வா ப்ரயத்நத: ॥ 50॥

மத்குணை: மஶகை: பூ⁴தை: வர்ஜிதம் ச ப்ரயத்நத: ।
தி³நே தி³நே ஸுஸம்ம்ரு’ஷ்டம் ஸம்மார்ஜந்யா ஹ்யதந்த்³ரித: ।
வாஸிதம் ச ஸுக³ந்தே⁴ந தூ⁴பிதம் கு³க்³கு³லாதி³பி:⁴ ॥ 51॥

மலமூத்ராதி³பி:⁴ வர்கை³ரு’அஷ்டாத³ஶபி⁴ரேவ ச ।
வர்ஜிதம் த்³வாரஸம்பந்நம் ॥। ॥ 52॥

॥। வஸ்த்ரம் வாஜிநமேவ வா ।
நாந்யத்ரஸ்தரணாஸீந: பரஸம்ஸர்க³வர்ஜித: ॥ 53॥

தஸ்மிந் ஸ து ஸமாஸ்தீர்யாஸநம் விஸ்த்ரு’தாம்ஶகம் ।
தத்ரோபவிஶ்ய மேதா⁴வீ பத்³மாஸநமந்வித: ॥ 54॥

ஸமகாய:ப்ராஞ்ஜலிஶ்ச ப்ரணம்ய ஸ்வேஷ்டதே³வதாம் ।
ததோ த³க்ஷிணஹஸ்தஸ்யாங்கு³ஷ்டே²நைவ பிங்க³லாம் ॥ 55॥

நிருத்⁴ய பூரயேத்³வாயுமிட்³யா ச ஶநை: ஶநை: ।
யதா²ஶக்திநிரோதே⁴ந ததஸ்குர்யாத்து கும்ப⁴கம் ॥ 56॥

ததஸ்த்யஜேத்பிங்க³லயா ஶநை: பவநவேக³த: ।
புந: பிங்க³லயாபூர்ய பூரயேது³த³ரம் ஶநை: ।
யதா² த்யஜேத்ததா² தேந பூரயேத³நிரோத⁴த: ॥ 57॥

ஏவம் ப்ராத: ஸமாஸீநஸ்குர்யாத்³விம்ஶதிகும்ப⁴காந் ।
கும்ப⁴க: ஸஹிதோ நாம ஸர்வக்³ரஹவிவர்ஜித: ॥ 58॥

ஏவம் மத்⁴யாஹ்நஸமயே குர்யாத் விம்ஶதிகும்ப⁴காந் ।
ஏவம் ஸாயம் ப்ரகுர்வீத புந: விம்ஶதிகும்ப⁴காந் ।
ஏவமேவார்த⁴ராத்ரே அபி குர்யாத் விம்ஶதிகும்ப⁴காந் ॥ 59॥

குர்வீத ரேசபூராப்⁴யாம் ஸஹிதாந் ப்ரதிவாஸரம் ।
ஸஹிதோ ரேசபூராப்⁴யாம் தஸ்மாத்ஸஹிதகும்ப⁴க: ॥ 60॥

குர்யாதே³வம் சதுர்வாரமநாலஸ்யோ தி³நே தி³நே ।
ஏவம் மாஸத்ரயம் குர்யாந்நாடீ³ஶுத்³தி⁴ஸ்ததோ ப⁴வேத் ॥ 61॥

ஶ்ரீத³த்தாத்ரேய யோக³ ஶாஸ்த்ர
யதா³ து நாடீ³ஶுத்³தி:⁴ ஸ்யாத்ததா³ சிஹ்நாநி பா³ஹ்யத: ।
ஜாயந்தே யோகி³நோ தே³ஹே தாநி வக்ஷ்யாம்யஶேஷத: ॥ 62॥

ஶரீரலகு⁴தா தீ³ப்தி: ஜட²ராக்³நிவிவர்த⁴நம் ।
க்ரு’ஶத்வம் ச ஶரீரஸ்ய ததா³ ஜாயேத்து நிஶ்வதம் ॥ 63॥

ததா³ வர்ஜ்யாநி வக்ஷ்யாமி யோக³விக்⁴நகராணி து ।
லவணம் ஸர்ஷபம் சாம்லமுஷ்ணம் ரூக்ஷம் ச தீக்ஷ்ணகம் ॥ 64॥

அதீவ போ⁴ஜநம் த்யாஜ்யம் ஸ்த்ரீஸங்க³மநமேவ ச ।
அக்³நிஸேவா து ஸந்த்யாஜ்யா தூ⁴ர்த்தகோ³ஷ்டிஶ்ச ஸந்த்யஜேத் ॥ 65॥

உபாயம் ச ப்ரவக்ஷ்யாமி க்ஷிப்ரம் யோக³ஸ்ய ஸித்³த⁴யே ।
க்⁴ரு’தம் க்ஷீரம் ச மிஷ்டா²ந்நம் மிதாஹரஶ்ச ஶஸ்யதே ॥ 66॥

பூர்வோக்தகாலே குர்வீத பவநாப்⁴யாஸமேவ ச ।
தத: பரம் யதே²ஷ்டம் து ஶக்தி: ஸ்யாத்³வாயுதா⁴ரணே ।
யதே²ஷ்டம் தா⁴ரணாத்³வாயோ: ஸித்³தே⁴த்கேவலகும்ப⁴கம் ॥ 67॥

கேவலே கும்ப⁴கே ஸித்³தே⁴ ரேசபூரகவர்ஜிதே ।
ந தஸ்ய து³ர்லப⁴ம் கிஞ்சித்த்ரிஷு லோகேஷு வித்³யதே ॥ 68॥

ப்ரஸ்வேதோ³ ஜாயதே பூர்வம் மர்த³நம் தேந காரயேத் ।
ததோऽப்திதா⁴ரணாத்³வாயோ: க்ரமேணைவ ஶநை: ஶநை: ॥ 69॥

கம்போ ப⁴வதி தே³ஹஸ்யாஸநஸ்த²ஸ்ய தே³ஹிந: ।
ததோऽதி⁴ரதராப்⁴யாஸாத்³த³ர்து³ரீ ஜாயதே த்⁴ருவம் ॥ 70॥

யதா² து த³ர்து³ரோ க³ச்சே²து³த்ப்லுத்யோத்ப்லுத்ய பூ⁴தலே ।
பத்³மாஸநஸ்தி²தோ யோகீ³ ததா² க³ச்ச²தி பூ⁴தலே ॥ 71॥

ததோऽதி⁴கதராப்⁴யாஸாத்³பூ⁴மித்யக³ஶ்ச ஜாயதே ।
பத்³மாஸநஸ்த² ஏவாஸௌ பூ⁴மிமுத்ஸ்ரு’ஜ்ய வர்த்ததே ॥ 72॥

நிராதா⁴ரோऽபி சித்ரம் ஹி ததா³ ஸாமர்த்²யமுத்³ப⁴வேத் ।
ஸ்வல்பம் வா ப³ஹு வா பு⁴க்த்வா யோகீ³ ந வ்யத²தே ததா³ ॥ 73॥

அல்பமூத்ரபுரீஷஶ்ச ஸ்வல்பநித்³ரஶ்ச ஜாயதே ।
க்ரிமயோ தூ³ஷிகா லாலா ஸ்வேதோ³ து³ர்க³ந்தி⁴தா தநோ: ।
ஏதாநி ஸர்வதா³ தஸ்ய ந ஜாயந்தே தத: பரம் ॥ 74॥

ஶ்ரீத³த்தாத்ரேய யோக³ ஶாஸ்த்ர
ததோऽதி⁴கதராபா⁴ஸாத்³ப³லமுத்பத்³யதே ப்⁴ரு’ஶம் ।
யேந பூ⁴சரஸித்³தி:⁴ ஸ்யாத்³பூ⁴சராணாம் ஜயே க்ஷம: ॥ 75॥

வ்யாக்⁴ரோ லுலாயோ வந்யோ வா க³வயோ க³ஜ ஏவ வா ।
ஸிம்ஹோ வா யோகி³நா தேந ம்ரியந்தே ஹஸ்ததாட³நாத் ।
கந்த³ர்பஸ்ய யதா²ரூபம் ததா² தஸ்யாபி யோகி³ந: ॥ 76॥

தஸ்மிந் காலே மஹாவிக்⁴நோ யோகி³ந: ஸ்யாத்ப்ரமாத³த: ।
தத்³ரூபவஶகா:³ நார்ய: கங்க்ஷந்தே தஸ்ய ஸங்க³மம் ॥ 77॥

யதி³ ஸங்க³ம் கரோத்யேஷ பி³ந்து³ஸ்தஸ்ய விநஶ்யதி ।
ஆயு:க்ஷயோ பி³ந்து³நாஶாத³ஸாமர்த்²யம் ச ஜாயதே ॥ 78॥

தஸ்மாத்ஸர்வப்ரயத்நேந பி³ந்து³ராக்ஷ்யோ ஹி யோகி³நா ।
ததோ ரஹஸ்யுபாவிஷ்ட: ப்ரணவம் ப்லுதமாத்ரயா ॥ 79॥

ஜபேத்பூர்வா: ஜிதாநாம் ச பாபாநாம் ச நாஶஹேதவே ।
ஸர்வவிக்⁴நஹரஶ்சாயம் ப்ரணவ: ஸர்வதோ³ஷஹா ॥ 80॥

ஏவமப்⁴யாஸயோகே³ந ஸித்³தி:⁴ ஆரம்ப⁴ஸம்ப⁴வா ।
ததோ ப⁴வேத்³க⁴டாவஸ்தா² பவநாப்⁴யாஸிந: ஸதா³ ॥ 81॥

ப்ராணாபாநௌ மநோவயூ ஜீவத்மபரமாத்மநௌ ।
அந்யோந்யஸ்யாவிரோதே⁴நைகதாம் க⁴டதோ காநிசித் ॥ 82॥

ததா³ க⁴டாத்³வயாவஸ்தா² ப்ரஸித்³த⁴ யோகி³நாம் ஸ்ம்ரு’தா ।
ததஶ்சிஹ்நாநி யாநி ஸ்யு: தாநி வக்ஷ்யாமி காநிசித் ॥ 83॥

பூர்வம் ய: கதி²தோऽப்⁴யாஸஶ்சதுர்தா⁴ தம் பரித்யஜேத் ।
தி³வா வா யதி³ வா ராத்ரௌ யாமமாத்ரம் ஸமப்⁴யஸேத் ॥ 84॥

ஏகபா³ரம் ப்ரதிதி³நம் குர்யாத்கேவலகும்ப⁴கம் ।
ப்ரத்யாஹாரோ ஹி ஏவம் ஸ்யாதே³வம் கர்து: ஹி யோகி³ந: ॥ 85॥

இந்த்³ரியாணீந்த்³ரியார்தே²ப்⁴யோ யத்ப்ரத்யாஹரதி ஸ்பு²டம் ।
யோகீ³ கும்ப⁴கமாஸ்தா²ய ப்ரத்யாஹார: ஸ உச்யதே ॥ 86॥

யத்³யத்பஶ்யதி சக்ஷுர்ப்⁴யாம் தத்ததா³த்மநி பா⁴வயேத் ।
யத்³யஜ்ஜிக்⁴ரதி நாஸாப்⁴யாம் தத்ததா³த்மநி பா⁴வயேத் ॥ 87॥

ஏவம் ஜ்ஞாநேந்த்³ரியாணாம் ஹி தத்ஸங்க்²யா ஸந்த⁴ரயேத் ।
ஶ்ரீத³த்தாத்ரேய யோக³ ஶாஸ்த்ர
யாமமாத்ரம் ப்ரதிதி³நம் யோகீ³ யத்நாத³தந்த்³ரித: ॥ 88॥

ததா³ விசித்ரஸாமர்த்²யம் யோகி³நாம் ஜாயதே த்⁴ருவம் ।
தூ³ரஶ்ருதி: தூ³ரத்³ரு’ஷ்டி:க்ஷணாத்³தூ³ரக³மஸ்ததா² ॥ 89॥

வாக்ஸித்³தி:⁴ காமசாரித்வமத்³ரு’ஶ்யகரணம் ததா² ।
மலமூத்ரப்ரலேபேந லோஹாதீ³நாம் ஸுவர்ணதா ।
கே²சரத்வம் ததா²ந்யத்து ஸததாப்⁴யாஸயோகி³ந: ॥ 90॥

ததா³ பு³த்³தி⁴மதா பா⁴வ்ய யோகி³நா யோக³ஸித்³த⁴யே ।
ஏதே விஹதா: மஹாஸித்³தே:⁴ ந ரமேத்தேஷு பு³த்³தி⁴மாந் ॥ 91॥

ந த³ர்ஶயேச்ச கஸ்மைசித்ஸ்வஸாமர்த்²ய ஹி ஸர்வதா³ ।
கதா³சித்³த³ஶயேத்ப்ரீத்யா ப⁴க்தியுக்தாய வா புந: ॥ 92॥

யதா² மூர்கோ² யதா² மூடோ⁴ யதா² ப³தி⁴ர ஏவ வா ।
ததா² வர்தேத லோகேஷு ஸ்வஸாமர்த்²யஸ்ய கு³ப்தயே ॥ 93॥

நோசேச்சி²ஷ்யா: ஹி ப³ஹவோ ப⁴வந்தி ஸ்வ ந ஸம்ஶய: ।
தத்கர்மகரணவ்யக்³ர: ஸ்வாப்⁴யாஸே விஸ்ம்ரு’தோ ப⁴வேத் ।
அப்⁴யாஸேந விஹீநஸ்து ததோ லௌகிகதாம் வ்ரஜேத் ॥ 94॥

அவிஸ்ம்ரு’த்ய கு³ரோ: வக்யமப்⁴யஸேத்தத³ஹர்நிஶம் ।
ஏவம் ப⁴வேத்³க⁴டாவஸ்தா² ஸதா³ப்⁴யாஸஸ்ய யோகி³ந: ॥ 95॥

அநப்⁴யாஸேந யோக³ஸ்ய வ்ரு’தா² கோ³ஷ்ட்²யா ந ஸித்⁴யதி ।
தஸ்மாத்ஸர்வப்ரயத்நேந யோக³மேவ ஸதா³ப்⁴யஸேத் ॥ 96॥

தத: பரிசயாவஸ்தா² ஜயதே அப்⁴யாஸயோக³த: ।
வாயு: ஸம்ப்ரேரிதோ யத்நாத³க்³நிநா ஸஹ குண்ட³லீம் ॥ 97॥

போ³த⁴யித்வா ஸுஷும்நாயாம் ப்ரவிஶேத³விரோத⁴த: ।
வாயுநா ஸஹ சித்தம் து ப்ரவிஶேச்ச மஹாபத²ம் ॥ 98॥

மஹாபத²ம் ஶ்மஶாநம் ச ஸுஷும்நாபி வேத்யஸௌ ।
யஸ்ய சித்தம் ஸபவநம் ஸுஷும்நாம் ப்ரவிஶேதி³ஹ ॥ 99॥

பா⁴வ்யாநர்தா²ந் ஸ: விஜ்ஞாய யோகி³ ரஹஸி யத்நத: ।
பஞ்சதா⁴ தா⁴ரண குர்யாத்தத்தத்³பூ⁴தப⁴யாப²ஹம் ॥ 100॥

ப்ரு’தி²வீ தா⁴ரணம் வக்ஷ்யே பார்தி²வேப்⁴ய்ப் ப⁴யாபஹம் ।
ஶ்ரீத³த்தாத்ரேய யோக³ ஶாஸ்த்ர
நாபே:⁴ அத:⁴ கு³த³ஸ்யோத்⁴வம் க⁴டிகா: பஞ்ச தா⁴ரயேத் ॥ 101॥

வாயும் ப⁴வேத் ததோ ப்ரு’த்²வீதா⁴ரணம் தத்³ப⁴யாபஹம் ।
ப்ரு’தி²வீ ஸம்ப⁴வ: தஸ்ய ந ம்ரு’த்யு: யோகி³நோ ப⁴வேத் ॥ 102॥

நாபி⁴ஸ்தா²நே ததோ வாயும் தா⁴ரயேத் பஞ்ச நாடி³கா: ।
ததோ ஜலாத்³ப⁴யம் நாஸ்தி ஜலம்ரு’த்யு: ந யோகி³ந: ॥ 103॥

நாப்⁴யுர்த்⁴வமண்ட³லே வாயும் தா⁴ரயேத்பஞ்ச நாடி³கா: ।
அக்³நேயதா⁴ரணா ஸேயம் ந ம்ரு’த்யு: தஸ்ய வஹ்நிநா ॥ 104॥

ஸதா³ விசித்ரஸாமர்த்²யம் யோகி³நோ ஜாயதே த்⁴ருவம் ।
ந த³ஹ்யதே ஶரீரம் ச ப்ரக்ஷிப்தோ வஹ்நி குண்ட³கே ॥ 105॥

நாபி⁴ப்⁴ருவோ: ஹி மத்⁴யே து ப்ரதே³ஶத்ரயஸம்யுதே ।
தா⁴ரயேத் பஞ்ச க⁴டிகா: வாயும் ஸாஇஷா ஹி வாயவீ ।
தா⁴ரணாந்ந து வாயோஸ்து யோகி³நோ ஹி ப⁴யம் ப⁴வேத் ॥ 106॥

ப்⁴ரூமத்⁴யாது³பரிஷ்டாத்து தா⁴ரயேத் பஞ்ச நாடி³கா: ।
வாயும் யோऽஸௌ ப்ரயத்நேந ஸேயமாகாஶதா⁴ரணா ॥ 107॥

ஆகாஶதா⁴ரணாம் குர்வந்ம்ரு’த்யும் ஜயதி தத்த்வத: ।
யத்ர தத்ர ஸ்தி²தோ வாபிஸுக²மத்யந்தமஶ்நுதே ॥ 108॥

ஏவம் ச தா⁴ரணா: பஞ்ச குர்யாத்³யோகீ³ விசக்ஷண: ।
ததோ த்³ரு’ட⁴ஶரீர: ஸ்யந்ம்ரு’த்யுர்தஸ்ய ந வித்³யதே ॥ 109॥

இத்யேவம் பஞ்சபூ⁴தாநாம் தா⁴ரணாம் ய: ஸமப்⁴யஸேத் ।
ப்³ரஹ்மண: ப்ரலயே வாபி ம்ரு’த்யு: தஸ்ய ந வித்³யதே ॥ 110॥

ஸமப்⁴யஸேத்ததா³ த்⁴யாநம் க⁴டிகா: ஷஷ்டிமேவ ச ।
வாயும் நிருத்⁴ய த்⁴யாயேத்து தே³வதாமிஷ்டதா³யிநீம் ॥ 111॥

ஸகு³ணத்⁴யாநமேவம் ஸ்யாத³ணிமாதி³கு³ணப்ரத³ம் ।
நிர்கு³ணம் க²மிவ த்⁴யாத்வா மோக்ஷமார்க³ம் ப்ரபத்³யதே ॥ 112॥

நிர்கு³ணத்⁴யாநஸம்பந்ந: ஸமாதி⁴ம் ச ததோऽப்⁴யஸேத் ।
தி³நத்³வாத³ஶகேநைவ ஸமாதி⁴ம் ஸமவாப்நுயாத் ॥ 113॥

வாயும் நிருத்⁴ய மேத⁴வீ ஜீவந்முக்தோ ப⁴வேத்³த்⁴ருவம் ।
ஸமாதி:⁴ ஸமதாவஸ்தா² ஜீவாத்மபரமாத்மநோ: ॥ 114॥

ஶ்ரீத³த்தாத்ரேய யோக³ ஶாஸ்த்ர
யதி³ ஸ்யாத்³தே³ஹமுத்ஸ்ரஷ்டுமிச்சா² சேது³த்ஸ்ரு’ஜேத்ஸ்வயம் ।
பரப்³ரஹ்மணி லீயேத்த்யக்த்வா கர்மஶுபா⁴ஶுப⁴ம் ॥ 115॥

அத² சேந்நோ ஸமுத்ஸ்ரஷ்டும் ஸ்வஶரீரம் யதி³ ப்ரிஅயம் ।
ஸர்வ லோகேஷு விசரேத³ணிமாதி³கு³ணாந்வித: ॥ 116॥

கதா³சித்ஸ்வேச்ச²யா தே³வோ பூ⁴த்வா ஸ்வர்க³யபி ஸஞ்சரேத் ।
மநுஷ்யோ வாபி யக்ஷோ வா ஸ்வேச்ச²யா ஹி க்ஷணாத்³ப⁴வேத் ॥ 117॥

ஸிம்ஹோ வ்யாக்⁴ரோ க³ஜோ வா ஸ்யாதி³ச்ச²யா ஜந்துதாம் வ்ரஜேத் ।
யதே²ஷ்டமேவ வர்த்தேத யோகீ³ வித்³வாந்மஹேஶ்வர: ॥ 118॥

கவிமார்கோ³ऽயமுக்த: தே ஸாங்க்ரு’தே அஷ்டாங்க³யோக³த: ।
ஸித்³தா⁴நாம் கபிலாதீ³நாம் மதம் வக்ஷ்யே தத: பரம் ॥ 119॥

அபா⁴ஸபே⁴த³தோ பே⁴த:³ ப²ல து ஸமமேவ ஹி ।
மஹாமுத்³ராம் ப்ரவக்ஷ்யாமி பை⁴ரவேணோக்தமாத³ராத் ॥ 120॥

பார்ஷ்ணிவாமஸ்ய பாத³ஸ்ய யோநிஸ்தா²நே நியோஜயேத் ।
ப்ரஸார்ய த³க்ஷிணம் பாத³ம் ஹஸ்தாப்⁴யாம் தா⁴ரயேத்³த்³ரு’ட⁴ம் ॥ 121॥

சிபு³கம் ஹ்ரு’தி³ விந்யஸ்ய பூரயேத் வாயுநா புந: ।
கும்ப⁴கேந யதா²ஶக்த்யா தா⁴ரயித்வா து ரேசயேத் ।
வாமாங்கே³ந ஸமப்⁴யஸ்ய த³க்ஷிணாங்கே³ந சாப்⁴யஸேத் ॥ 122॥

ப்ரஸாரிதஸ்து ய: பாத³ஸ்தமுரூபரி விந்யஸேத் ।
அயமேவ மஹாப³ந்தோ⁴ முத்³ராவச்சாமுமப்⁴யஸேத் ॥ 123॥

மஹாப³ந்த⁴ஸ்தி²தோ யோகீ³ ஸ்பி²சௌ ஸந்தாட³யேச்ச²நை: ।
அயமேவ மஹாப³ந்த:⁴ ஸித்³தை:⁴ அப்⁴யஸ்யதே நரை: ॥ 124॥

அந்த: கபாலகுஹரே ஜிஹ்வாம் வ்யாவர்த்ய ப³ந்த⁴யேத் ।
ப்⁴ரூமத்⁴யே த்³ரு’ஷ்டி: அப்யேஷா முத்³ரா ப⁴வதி கே²சரீ ॥ 125॥

கண்ட²மாகுஞ்ச்ய ஹ்ரு’த³யே ஸ்தா²பயேத்³த்³ரு’ட⁴மிச்ச²யா ।
ஜலந்த⁴ரோ ப³ந்த⁴ ஏஷ அம்ரு’தத்³ரவபாலக: ॥ 126॥

நாபி⁴ஸ்தோ²ऽக்³நி: கபாலஸ்த²ஸஹஸ்ரகமலச்யுதம் ।
அம்ரு’தம் ஸர்வதா³ தாவத³ந்தர்ஜ்வலதி தே³ஹிநாம் ॥ 127॥

ஶ்ரீத³த்தாத்ரேய யோக³ ஶாஸ்த்ர
யதா² சாக்³நிஸ்தத³ம்ரு’தம் ந பிபே³த்து பிபே³த்ஸ்வயம் ।
யாதி பஶ்சிமமார்கே³ணைவமப்⁴யாஸத: ஸதா³ ।
அம்ரு’தம் குருதே தே³ஹம் ஜலந்த⁴ரமதோऽப்⁴யஸேத் ॥ 128॥

உட்³யாணம் து ஸஹஜம் கு³ணௌகா⁴த்கதி²தம் ஸதா³ ।
அப்⁴யஸேத³ஸ்ததந்த்³ரஸ்து வ்ரு’த்³தோ⁴ऽபி தருணோ ப⁴வேத் ॥ 129॥

நாபே:⁴ ஊர்த்⁴வமத⁴ஶ்சாபி தாநம் குர்யாத்ப்ரயத்நத: ।
ஷண்மாஸமப்⁴யஸேந்ம்ரு’த்யும் ஜயேதே³வ ந ஸம்ஶய: ॥ 130॥

மூலப³ந்த⁴ம் து யோ நித்யமப்⁴யஸேத்ஸ ச யோக³வித் ।
கு³தே³ பார்ஷ்ணிம் து ஸம்பீட்³ய வாயுமாகுஞ்சயேத்³ப³லாத் ।
வாரம் வாரம் யதா² சோர்த்⁴வம் ஸமாயாதி ஸமீரண: ॥ 131॥

ப்ராணாபாநௌ நாத³பி³ந்தூ³ மூலப³ந்தே⁴ந சைகதாம் ।
க³த்வா யோக³ஸ்ய ஸம்ஸித்³தி⁴ம் யச்ச²தோ நாத்ர ஸம்ஶய: ॥ 132॥

கரணம் விபரிதாக்²யம் ஸர்வவ்யாதி⁴விநாஶநம் ।
நித்யமப்⁴யாஸயுக்தஸ்ய ஜட²ராக்³நி: விவர்த்³த⁴தே ॥ 133॥

ஆஹாரோ ப³ஹுல: தஸ்ய ஸம்பாத்³ய: ஸாங்க்ரு’தே த்⁴ருவம் ।
அல்பாஹாரோ யதி³ ப⁴வேத³க்³நி: தா³ஹம் கரோதி வை ।
ஊர்த்⁴வம் பா⁴நுரத⁴ஶ்சந்த்³ரஸ்தத்³யதா² ஶ்ரு’ணு ஸாங்க்ரு’தே ॥ 134॥

அத:⁴ ஶிரஶ்சோர்த்⁴வபாத:³க்ஷணம் ஸ்யாத்ப்ரத²மே தி³நே ।
க்ஷணாத்து கிஞ்சித³தி⁴கமப்⁴யஸேந தி³நே தி³நே ॥ 135॥

வலிஶ்ச பலிதஶ்சைவ ஷண்மாஸோர்த்⁴வம் ந த்³ரு’ஶ்யதே ।
யாமமாத்ரம் து யோ நித்யமப்⁴யஸேத்ஸ து ஓக³வித் ॥ 136॥

வஜ்ரோலிம் கத²யிஷ்யாமி கோ³பிதம் ஸர்வயோகி³பி:⁴ ।
அதீவைதத்³ரஹஸ்யம் து ந தே³யம் யஸ்ய கஸ்யசித் ।
ஸ்வப்ராணைஸ்து ஸமோ யோ ஸ்யாத்தஸமை ச கத²யேத்³த்⁴ருவம் ॥ 137॥

ஸ்வேச்ச²யா வர்த்தமாநோऽபி யோகோ³க்தநியமை: விநா ।
வஜ்ரோலிம் யோ விஜாநதி ஸ யோகீ³ ஸித்³தி⁴பா⁴ஜந: ॥ 138॥

தத்ர வஸ்து த்³வயம் வக்ஷ்யே து³ர்லப⁴ம் யேந கேநசித் ।
லப்⁴யதே யதி³ தஸ்யைவ யோக³ஸித்³தி⁴கரம் ஸ்ம்ரு’தம் ॥ 139॥

ஶ்ரீத³த்தாத்ரேய யோக³ ஶாஸ்த்ர
க்ஷீரமாங்கி³ரஸம் சேதி த்³வயோராத்³யம் து லப⁴தே ।
த்³விதீயம் து³ர்லப⁴ம் பும்ஸாம் ஸ்த்ரீப்⁴ய: ஸாத்⁴யமுபாயத: ।
யோகா³ப்⁴யாஸரதா ஸ்த்ரீ ச பும்ஸா யத்நேந ஸாத⁴யேத் ॥ 140॥

புமாந் ஸ்த்ரீ வா யத³ந்யோந்யம் ஸ்த்ரீபும்ஸ்த்வாநபேக்ஷயா ।
ஸ்வப்ரயோஜநமாத்ரைகஸாத⁴நாத்ஸித்³தி⁴மாப்நுயாத் ॥ 141॥

சலிதோ யதி³ பி³ந்து:³ தமுர்த்⁴வமாக்ரு’ஷ்ய ரக்ஷயேத் ।
ஏவம் ச ரக்ஷிதோ பி³ந்து:³ ம்ரு’தும் ஜயதி தத்த்வத: ॥ 142॥

மரணம் பி³ந்து³பாதேந ஜீவநம் பி³ந்து³தா⁴ரணத் ।
பி³ந்து³ரக்ஷாப்ரஸாதே³ந ஸர்வம் ஸித்⁴யதி யோகி³ந: ॥ 143॥

அமரோலிஸ்தத்³யதா² ஸ்யாத்ஸஹஜோலிஸ்ததோ யதா² ।
தத³ப்⁴யாஸக்ரம: ஶஸ்ய: ஸித்³தா⁴நாம் ஸம்ப்ரதா³யத: ॥ 144॥

ஏதை: ஸை: வைஸ்து கதி²தைரப்⁴யஸேத் காலலாலத: ।
ததோ ப⁴வேத்³ராஜயோகோ³ நாந்தரா ப⁴வதி த்⁴ருவம் ।
ந தி³ங்மாத்ரேண ஸித்³தி:⁴ ஸ்யாத³ப்⁴யஸேநைவ ஜாயதே ॥ 145॥

ராஜயோக³ம் வரம் ப்ராண்ய ஸர்வஸத்த்வவஶங்கரம் ।
ஸர்வம் குர்யாந்நவா குர்யாத்³யதா²ருசிவிசோஷ்டிதம் ॥ 146॥

யதா²ந்தரா ச யோகே³ந நிஷ்பந்நா யோகி³ந: க்ரியா ।
யதா²வஸ்தா² ஹி நிஷ்பத்திர்பு⁴க்திமுக்திப²லப்ரதா³ ॥ 147॥

ஸர்வம் தே கதி²தம் ப்³ரஹ்மந் ஸாம்ஸ்க்ரு’தே யோக³மாசர ।
இதி தஸ்ய வச: ஶ்ருத்வா ஸாம்ஸ்க்ரு’தி: யோக³மாப்தவாந் ।
ஸர்வாஸித்³தீ⁴ரவாப்யாஸௌ த³த்தாத்ரேயப்ரஸாத³த: ॥ 148॥

ய இத³ம் பட²தே நித்யம் ஸாது⁴ப்⁴ய: ஶ்ராவயேத³பி ।
தஸ்ய யோக:³ க்ரமேணைவ ஸித்⁴யத்யேவ ந ஸம்ஶய: ॥ 149॥

யோகி³நோऽப்⁴யாஸயுக்தா: யே ஹ்யரண்யேஷு க்³ரு’ஹேஷு வா ।
ப³ஹுகாலம் ரமந்தே ஸ்ம ப³ஹுகாலவிவர்ஜிதா: ॥ 150॥

தஸ்மாத்ஸர்வப்ரயத்நேந யோக³மேவ ஸதா³ப்⁴யஸேத் ।
யோகா³ப்⁴யாஸோ ஜந்மப²லம் விப²லா ஹி ததா² க்ரியா ॥ 151॥

மஹாமாயாப்ரஸாதே³ந ஸர்வேஷாமஸ்து தத்ஸுக²ம் ।
ஶ்ரீத³த்தாத்ரேய யோக³ ஶாஸ்த்ர
ஏதத்ஸர்வம் யதா²யுக்தம் தாமேவாராத⁴யேத்தத: ॥ 152॥

ய: ஸம்ஸ்ம்ரு’த்யா முநீநாமபி து³ரிதஹரோ யோக³ஸித்³தி⁴ப்ரத³ஶ்ச ।
காரூண்யாத்³ய: ப்ரவக்தா ஸுக²து:³க²ஸுஹ்ரு’த்³யோக³ஶாஸ்த்ரஸ்ய நாத:²॥ 153॥

தஸ்யாஹம் ப⁴க்திஶுந்யோऽப்யகி²லஜநகு³ரோ: ப⁴க்திசிந்தாமணே: ஹி ।
த³த்தத்ரேயஸ்ய விஷ்ணோ: பத³நலிநயுக³ம் நித்யமேவ ப்ரபத்³யே ॥ 154॥

——————–

ஶ்ரீத³த்தாத்ரேய அஷ்ட சக்ர பீ³ஜ ஸ்தோத்ரம்

ஶ்ரீத³த்தஷட்சக்ரஸ்தோத்ரம் அஜபாஜபஸ்தோத்ரம் ச ।
ஶ்ரீக³ணேஶாய நம: । ஶ்ரீ கு³ரவே நம: ।
அத² த்⁴யாநம் ।
தி³க³ம்ப³ரம் ப⁴ஸ்மஸுக³ந்த⁴லேபநம்
சக்ரம் த்ரிஶூலம் ட³மரும் க³தா³ம் ச ।
பத்³மாஸநஸ்த²ம் ரு’ஷிதே³வவந்தி³தம்
த³த்தாத்ரேயத்⁴யாநமபீ⁴ஷ்டஸித்³தி⁴த³ம் ॥

ௐ மூலாதா⁴ரே வாரிஜபத்ரே சதுரஸ்ரம் (ஸசதுஷ்கே)
வம்ஶம்ஷம்ஸம் வர்ணவிஶாலம் ஸுவிஶாலம் ।
ரக்தம் வர்ணம் ஶ்ரீக³ணநாத²ம் ப⁴க³வந்தம்
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 1॥ (மூலாதா⁴ர)

ஸ்வாதி⁴ஷ்டா²நே ஷட்த³லபத்ரே தநுலிங்கே³
பா³லாந்தேதத்³வர்ணவிஶாலம் ஸுவிஶாலம் ।
(வாதி³ம் லாந்தம் வர்ணவிஶேஷம் ஸுவிஶேஷம் ।)
பீதம் வர்ணம் வாக்பதிரமணம் த்³ருஹிணம் தம் (வாக்பதிரூபம், து³ஹிலாந்தம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 2॥ (ஸ்வாதி⁴ஷ்டா²ந)

நாபௌ⁴பத்³மம் பத்ரத³ஶாங்கம் ட³ப²வர்ணம் (நாபௌ⁴ஸ்தா²நே பத்ரத³ஶாப்³தே³)
லக்ஷ்மீகாந்தம் க³ருடா³ரூட⁴ம் நரவீரம் । (மணிபூரே ।)
நீலம்வர்ணம் நிர்கு³ணரூபம் நிக³மாந்தம் (நிக³மாக்ஷம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 3॥ (மணிபூர)

ஹ்ரு’த்பத்³மாந்தே த்³வாத³ஶபத்ரே க: வர்ணே (கண்ட²வர்ணே)
ஶம்போ⁴ஶைவம் பூர்ணமயந்தம் ஶஶிவர்ணம் । (ஶம்போ⁴ஶேஶம் ஜீவவிஶேஷம்
ஸ்மரயந்தம் ।)
(ஸ்ரு’ஷ்டிஸ்தி²த்தம் குருவந்தம் ஶிவஶக்திம்
அநாஹதாந்தே வ்ரு’ஷபா⁴ரூட⁴ம் ஶிவரூபம் ।)1

ஶ்ரீத³த்தாத்ரேய அஷ்டசக்ரபீ³ஜஸ்தோத்ரம்
ஸ்வர்க³ஸ்தி²த்யம் குருவிந்தூ³தம் ஶிவஶக்திம் (குர்வாணம் த⁴வளாங்க³ம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 4 ॥ (அநாஹத)

கண்ட²ஸ்தா²நே சக்ரவிஶுத்³தே⁴ கமலாந்தே
சந்த்³ராகாரே ஷோட³ஶபத்ரே ஸ்வரவர்ணே ।
மாயாதீ⁴ஶம் தைஜஸரூபம் ப⁴க³வந்தம் (ஜீவஶிவம் தம் நிஜமூர்திம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 5॥ (விஶுத்³த⁴)

ஆஜ்ஞாசக்ரே ப்⁴ரு’குடிஸ்தா²நே த்³வித³லாந்தே (அக்³நிஶ்சக்ரே)
ஹம் ஸம் பீ³ஜம் ஜ்ஞாநஸமுத்³ரம் கு³ரூமூர்தி: । (ஹம் க்ஷம், கு³ரூமூர்திம்)
வித்³யுத்வர்ணம் ஜ்ஞாநமயம் தம் விருபாக்ஷம் (நிடிலாக்ஷம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 6॥ (ஆஜ்ஞா)

மூர்த்⁴நிஸ்தா²நே வாரிஜபத்ரே ஶஶிபீ³ஜம்
ஶுப்⁴ரம் வர்ணம் பத்ரஸஹஸ்ரம் ஸுவிஶாலம் । (லலநாக்²யே ।)
ஹம் பீ³ஜாக்²யம் வர்ணஸஹஸ்ரம் துரியம் தம் (துர்யாந்தம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 7॥ (ஸஹஸ்ரார)

ப்³ரஹ்மாநந்த³ம் ப்³ரஹ்மமுகுந்த³ம் ப⁴க³வந்தம்
ப்³ரஹ்மஜ்ஞாநம் ப்³ரஹ்மமயம் தம் ஸ்வயமேவம் । (ஜ்ஞாநமயம்)
(ஸத்யம் ஜ்ஞாநம் ஸத்யமநந்தம் ப⁴க³ரூபம் ।)
ப்³ரஹ்மாத்மாநம் ப்³ரஹ்மமுநீத்³ரம் ப⁴ஸிதாப⁴ம் (பரமாத்மாநம் ப்³ரஹ்மமுநீத்³ரம் ப⁴ஸிதாங்க³ம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 8॥ (பூர்ணப்³ரஹ்மஸ்வரூப)

ஶாந்தாகாரம் ஶேஷஶயாநம் ஸுரவந்த்³யம்
காந்தாநாத²ம் கோமலகா³த்ரம் கமலாக்ஷம் ।
சிந்தாரத்நம் சித்³க⁴நபூர்ணம் த்³விஜராஜ்யம் (த்³விஜராஜம்)
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 9॥

சிதஓங்காரம் த்⁴வநிநாதே³ ச ஸ்வச்ச²ந்தே³
ஆகாராந்தேऽக்ஷரவணீதே கு³ணரூபே ।
வேதா³ந்தார்த²ம் ஜ்ஞாநஸ்வரூபம் நிஜபோ³த⁴ம்
த³த்தாத்ரேயம் ஶ்ரீகு³ரூமூர்திம் ப்ரணதோऽஸ்மி ॥ 9॥

இதி ஶ்ரீ அஜபாதந்த்ரே த³த்தாத்ரேயஸ்தோத்ரம் ஸம்பூர்ணம் । ஶுப⁴ம் ப⁴வது ।

ஶ்ரீத³த்தாத்ரேய அஷ்டசக்ரபீ³ஜஸ்தோத்ரம்

(இதி ஶ்ரீமத்³ஶங்கராசார்யவிரசிதம் ஶ்ரீத³த்தாத்ரேய அஷ்டசக்ரபீ³ஜஸ்தோத்ரம் ஸம்பூர்ணம் ।)

———————————————-

॥ ஶ்ரீ த³த்தாத்ரேய வஜ்ர கவசம் ॥
ருஷய ஊசு꞉ |
கத²ம் ஸங்கல்பஸித்³தி⁴꞉ ஸ்யாத்³வேத³வ்யாஸ கலௌயுகே³ |
த⁴ர்மார்த²காமமோக்ஷாணாம் ஸாத⁴னம் கிமுதா³ஹ்ருதம் || 1 ||

வ்யாஸ உவாச |
ஶ்ருண்வந்து ருஷயஸ்ஸர்வே ஶீக்⁴ரம் ஸங்கல்பஸாத⁴னம் |
ஸக்ருது³ச்சாரமாத்ரேண போ⁴க³மோக்ஷப்ரதா³யகம் || 2 ||

கௌ³ரீஶ்ருங்கே³ ஹிமவத꞉ கல்பவ்ருக்ஷோபஶோபி⁴தம் |
தீ³ப்தே தி³வ்யமஹாரத்ன ஹேமமண்ட³பமத்⁴யக³ம் || 3 ||

ரத்னஸிம்ஹாஸனாஸீனம் ப்ரஸன்னம் பரமேஶ்வரம் |
மந்த³ஸ்மிதமுகா²ம்போ⁴ஜம் ஶங்கரம் ப்ராஹ பார்வதீ || 4 ||

ஶ்ரீதே³வீ உவாச |
தே³வதே³வ மஹாதே³வ லோகஶங்கர ஶங்கர |
மந்த்ரஜாலானி ஸர்வாணி யந்த்ரஜாலானி க்ருத்ஸ்னஶ꞉ || 5 ||

தந்த்ரஜாலான்யனேகானி மயா த்வத்த꞉ ஶ்ருதானி வை |
இதா³னீம் த்³ரஷ்டுமிச்சா²மி விஶேஷேண மஹீதலம் || 6 ||

இத்யுதீ³ரிதமாகர்ண்ய பார்வத்யா பரமேஶ்வர꞉ |
கரேணாம்ருஜ்ய ஸந்தோஷாத் பார்வதீம் ப்ரத்யபா⁴ஷத || 7 ||

மயேதா³னீம் த்வயா ஸார்த⁴ம் வ்ருஷமாருஹ்ய க³ம்யதே |
இத்யுக்த்வா வ்ருஷமாருஹ்ய பார்வத்யா ஸஹ ஶங்கர꞉ || 8 ||

யயௌ பூ⁴மண்ட³லம் த்³ரஷ்டும் கௌ³ர்யாஶ்சித்ராணி த³ர்ஶயன் |
க்வசித் விந்த்⁴யாசலப்ராந்தே மஹாரண்யே ஸுது³ர்க³மே || 9 ||

தத்ர வ்யாஹர்துமாயாந்தம் பி⁴ல்லம் பரஶுதா⁴ரிணம் |
வத்⁴யமானம் மஹாவ்யாக்⁴ரம் நக²த³ம்ஷ்ட்ராபி⁴ராவ்ருதம் || 10 ||

அதீவ சித்ரசாரித்ர்யம் வஜ்ரகாயஸமாயுதம் |
அப்ரயத்னமனாயாஸமகி²ன்னம் ஸுக²மாஸ்தி²தம் || 11 ||

பலாயந்தம் ம்ருக³ம் பஶ்சாத்³வ்யாக்⁴ரோ பீ⁴த்யா பலாயத꞉ |
ஏததா³ஶ்சர்யமாலோக்ய பார்வதீ ப்ராஹ ஶங்கரம் || 12 ||

ஶ்ரீ பார்வத்யுவாச |
கிமாஶ்சர்யம் கிமாஶ்சர்யமக்³ரே ஶம்போ⁴ நிரீக்ஷ்யதாம் |
இத்யுக்த꞉ ஸ தத꞉ ஶம்பு⁴ர்த்³ருஷ்ட்வா ப்ராஹ புராணவித் || 13 ||

ஶ்ரீ ஶங்கர உவாச |
கௌ³ரி வக்ஷ்யாமி தே சித்ரமவாங்மானஸகோ³சரம் |
அத்³ருஷ்டபூர்வமஸ்மாபி⁴ர்னாஸ்தி கிஞ்சின்ன குத்ரசித் || 14 ||

மயா ஸம்யக் ஸமாஸேன வக்ஷ்யதே ஶ்ருணு பார்வதி |
அயம் தூ³ரஶ்ரவா நாம பி⁴ல்ல꞉ பரமதா⁴ர்மிக꞉ || 15 ||

ஸமித்குஶப்ரஸூனானி கந்த³மூலப²லாதி³கம் |
ப்ரத்யஹம் விபினம் க³த்வா ஸமாதா³ய ப்ரயாஸத꞉ || 16 ||

ப்ரியே பூர்வம் முனீந்த்³ரேப்⁴ய꞉ ப்ரயச்ச²தி ந வாஞ்ச²தி |
தே(அ)பி தஸ்மின்னபி த³யாம் குர்வதே ஸர்வமௌனின꞉ || 17 ||

த³லாத³னோ மஹாயோகீ³ வஸன்னேவ நிஜாஶ்ரமே |
கதா³சித³ஸ்மரத் ஸித்³த⁴ம் த³த்தாத்ரேயம் தி³க³ம்ப³ரம் || 18 ||

த³த்தாத்ரேய꞉ ஸ்மர்த்ருகா³மீ சேதிஹாஸம் பரீக்ஷிதும் |
தத்க்ஷணாத் ஸோ(அ)பி யோகீ³ந்த்³ரோ த³த்தாத்ரேய꞉ ஸமுத்தி²த꞉ || 19 ||

தம் த்³ருஷ்ட்வாஶ்சர்யதோஷாப்⁴யாம் த³லாத³னமஹாமுனி꞉ |
ஸம்பூஜ்யாக்³ரே விஷீத³ந்தம் த³த்தாத்ரேயமுவாச தம் || 20 ||

மயோபஹூத꞉ ஸம்ப்ராப்தோ த³த்தாத்ரேய மஹாமுனே |
ஸ்மர்த்ருகா³மீ த்வமித்யேதத் கிம் வத³ந்தீ பரீக்ஷிதும் || 21 ||

மயாத்³ய ஸம்ஸ்ம்ருதோ(அ)ஸி த்வமபராத⁴ம் க்ஷமஸ்வ மே |
த³த்தாத்ரேயோ முனிம் ப்ராஹ மம ப்ரக்ருதிரீத்³ருஶீ || 22 ||

அப⁴க்த்யா வா ஸுப⁴க்த்யா வா ய꞉ ஸ்மரேன்னாமனந்யதீ⁴꞉ |
ததா³னீம் தமுபாக³ம்ய த³தா³மி தத³பீ⁴ப்ஸிதம் || 23 ||

த³த்தாத்ரேயோ முனிம் ப்ராஹ த³லாத³னமுனீஶ்வரம் |
யதி³ஷ்டம் தத்³வ்ருணீஷ்வ த்வம் யத் ப்ராப்தோ(அ)ஹம் த்வயா ஸ்ம்ருத꞉ || 24 ||

த³த்தாத்ரேயம் முனிம் ப்ராஹ மயா கிமபி நோச்யதே |
த்வச்சித்தே யத் ஸ்தி²தம் தன்மே ப்ரயச்ச² முனிபுங்க³வ || 25 ||

ஶ்ரீ த³த்தாத்ரேய உவாச |
மமாஸ்தி வஜ்ரகவசம் க்³ருஹாணேத்யவத³ன்முனிம் |
ததே²த்யங்கீ³க்ருதவதே த³லாத³முனயே முனி꞉ || 26 ||

ஸ்வவஜ்ரகவசம் ப்ராஹ ருஷிச்ச²ந்த³꞉ புரஸ்ஸரம் |
ந்யாஸம் த்⁴யானம் ப²லம் தத்ர ப்ரயோஜனமஶேஷத꞉ || 27 ||

அஸ்ய ஶ்ரீத³த்தாத்ரேய வஜ்ரகவச ஸ்தோத்ரமந்த்ரஸ்ய, கிராதரூபீ மஹாருத்³ரருஷி꞉, அனுஷ்டுப் ச²ந்த³꞉, ஶ்ரீத³த்தாத்ரேயோ தே³வதா, த்³ராம் பீ³ஜம், ஆம் ஶக்தி꞉, க்ரௌம் கீலகம்।
ஓம் ஆத்மனே நம꞉
ஓம் த்³ரீம் மனஸே நம꞉
ஓம் ஆம் த்³ரீம் ஶ்ரீம் ஸௌ꞉
ஓம் க்லாம் க்லீம் க்லூம் க்லைம் க்லௌம் க்ல꞉
ஶ்ரீ த³த்தாத்ரேய ப்ரஸாத³ ஸித்³த்⁴யர்தே² ஜபே வினியோக³꞉

த்⁴யானம் |
ஜக³த³ங்குரகந்தா³ய ஸச்சிதா³னந்த³மூர்தயே |
த³த்தாத்ரேயாய யோகீ³ந்த்³ரசந்த்³ராய பரமாத்மனே || 1 ||

கதா³ யோகீ³ கதா³ போ⁴கீ³ கதா³ நக்³ன꞉ பிஶாசவத் |
த³த்தாத்ரேயோ ஹரி꞉ ஸாக்ஷாத் பு⁴க்திமுக்திப்ரதா³யக꞉ || 2 ||

வாராணஸீபுரஸ்னாயீ கொல்ஹாபுரஜபாத³ர꞉ |
மாஹுரீபுரபீ⁴க்ஷாஶீ ஸஹ்யஶாயீ தி³க³ம்ப³ர꞉ || 3 ||

இந்த்³ரனீல ஸமாகார꞉ சந்த்³ரகாந்திஸமத்³யுதி꞉ |
வைடூ⁴ர்ய ஸத்³ருஶஸ்பூ²ர்தி꞉ சலத்கிஞ்சிஜ்ஜடாத⁴ர꞉ || 4 ||

ஸ்னிக்³த⁴தா⁴வல்ய யுக்தாக்ஷோ(அ)த்யந்தனீல கனீனிக꞉ |
ப்⁴ரூவக்ஷ꞉ஶ்மஶ்ருனீலாங்க꞉ ஶஶாங்கஸத்³ருஶானந꞉ || 5 ||

ஹாஸனிர்ஜித நிஹார꞉ கண்ட²னிர்ஜித கம்பு³க꞉ |
மாம்ஸலாம்ஸோ தீ³ர்க⁴பா³ஹு꞉ பாணினிர்ஜிதபல்லவ꞉ || 6 ||

விஶாலபீனவக்ஷாஶ்ச தாம்ரபாணிர்த³லோத³ர꞉ |
ப்ருது²லஶ்ரோணிலலிதோ விஶாலஜக⁴னஸ்த²ல꞉ || 7 ||

ரம்பா⁴ஸ்தம்போ⁴பமானோரு꞉ ஜானுபூர்வைகஜங்க⁴க꞉ |
கூ³ட⁴கு³ல்ப²꞉ கூர்மப்ருஷ்டோ² லஸத்வாதோ³பரிஸ்த²ல꞉ || 8 ||

ரக்தாரவிந்த³ஸத்³ருஶ ரமணீய பதா³த⁴ர꞉ |
சர்மாம்ப³ரத⁴ரோ யோகீ³ ஸ்மர்த்ருகா³மீ க்ஷணேக்ஷணே || 9 ||

ஜ்ஞானோபதே³ஶனிரதோ விபத்³த⁴ரணதீ³க்ஷித꞉ |
ஸித்³தா⁴ஸனஸமாஸீன ருஜுகாயோ ஹஸன்முக²꞉ || 10 ||

வாமஹஸ்தேன வரதோ³ த³க்ஷிணேனாப⁴யங்கர꞉ |
பா³லோன்மத்த பிஶாசீபி⁴꞉ க்வசித்³ யுக்த꞉ பரீக்ஷித꞉ || 11 ||

த்யாகீ³ போ⁴கீ³ மஹாயோகீ³ நித்யானந்தோ³ நிரஞ்ஜன꞉ |
ஸர்வரூபீ ஸர்வதா³தா ஸர்வக³꞉ ஸர்வகாமத³꞉ || 12 ||

ப⁴ஸ்மோத்³தூ⁴ளித ஸர்வாங்கோ³ மஹாபாதகனாஶன꞉ |
பு⁴க்திப்ரதோ³ முக்திதா³தா ஜீவன்முக்தோ ந ஸம்ஶய꞉ || 13 ||

ஏவம் த்⁴யாத்வா(அ)னந்யசித்தோ மத்³வஜ்ரகவசம் படே²த் |
மாமேவ பஶ்யன்ஸர்வத்ர ஸ மயா ஸஹ ஸஞ்சரேத் || 14 ||

தி³க³ம்ப³ரம் ப⁴ஸ்மஸுக³ந்த⁴ லேபனம்
சக்ரம் த்ரிஶூலம் ட⁴மரும் க³தா³யுத⁴ம் |
பத்³மாஸனம் யோகி³முனீந்த்³ரவந்தி³தம்
த³த்தேதினாமஸ்மரணேன நித்யம் || 15 ||

பஞ்சோபசாரபூஜா |

ஓம் லம் ப்ருதி²வீதத்த்வாத்மனே ஶ்ரீத³த்தாத்ரேயாய நம꞉ |
க³ந்த⁴ம் பரிகல்பயாமி|

ஓம் ஹம் ஆகாஶதத்த்வாத்மனே ஶ்ரீத³த்தாத்ரேயாய நம꞉ |
புஷ்பம் பரிகல்பயாமி |

ஓம் யம் வாயுதத்த்வாத்மனே ஶ்ரீத³த்தாத்ரேயாய நம꞉ |
தூ⁴பம் பரிகல்பயாமி |

ஓம் ரம் வஹ்னிதத்த்வாத்மனே ஶ்ரீத³த்தாத்ரேயாய நம꞉ |
தீ³பம் பரிகல்பயாமி |

ஓம் வம் அம்ருத தத்த்வாத்மனே ஶ்ரீத³த்தாத்ரேயாய நம꞉ |
அம்ருதனைவேத்³யம் பரிகல்பயாமி |

ஓம் ஸம் ஸர்வதத்த்வாத்மனே ஶ்ரீத³த்தாத்ரேயாய நம꞉ |
தாம்பூ³லாதி³ஸர்வோபசாரான் பரிகல்பயாமி |

(அனந்தரம் ‘ஓம் த்³ராம்॥।’ இதி மூலமந்த்ரம் அஷ்டோத்தரஶதவாரம் (108) ஜபேத்)

அத² வஜ்ரகவசம் |

ஓம் த³த்தாத்ரேயாய ஶிர꞉பாது ஸஹஸ்ராப்³ஜேஷு ஸம்ஸ்தி²த꞉ |
பா⁴லம் பாத்வானஸூயேய꞉ சந்த்³ரமண்ட³லமத்⁴யக³꞉ || 1 ||

கூர்சம் மனோமய꞉ பாது ஹம் க்ஷம் த்³வித³லபத்³மபூ⁴꞉ |
ஜ்யோதிரூபோ(அ)க்ஷிணீபாது பாது ஶப்³தா³த்மக꞉ ஶ்ருதீ || 2 ||

நாஸிகாம் பாது க³ந்தா⁴த்மா முக²ம் பாது ரஸாத்மக꞉ |
ஜிஹ்வாம் வேதா³த்மக꞉ பாது த³ந்தோஷ்டௌ² பாது தா⁴ர்மிக꞉ || 3 ||

கபோலாவத்ரிபூ⁴꞉ பாது பாத்வஶேஷம் மமாத்மவித் |
ஸர்வாத்மா ஷோட³ஶாராப்³ஜஸ்தி²த꞉ ஸ்வாத்மா(அ)வதாத்³ க³லம் || 4 ||

ஸ்கந்தௌ⁴ சந்த்³ரானுஜ꞉ பாது பு⁴ஜௌ பாது க்ருதாதி³பூ⁴꞉ |
ஜத்ருணீ ஶத்ருஜித் பாது பாது வக்ஷஸ்த²லம் ஹரி꞉ || 5 ||

காதி³டா²ந்தத்³வாத³ஶாரபத்³மகோ³ மருதா³த்மக꞉ |
யோகீ³ஶ்வரேஶ்வர꞉ பாது ஹ்ருத³யம் ஹ்ருத³யஸ்தி²த꞉ || 6 ||

பார்ஶ்வே ஹரி꞉ பார்ஶ்வவர்தீ பாது பார்ஶ்வஸ்தி²த꞉ ஸ்ம்ருத꞉ |
ஹட²யோகா³தி³யோக³ஜ்ஞ꞉ குக்ஷிம் பாது க்ருபானிதி⁴꞉ || 7 ||

ட³காராதி³ ப²காராந்த த³ஶாரஸரஸீருஹே |
நாபி⁴ஸ்த²லே வர்தமானோ நாபி⁴ம் வஹ்ன்யாத்மகோ(அ)வது || 8 ||

வஹ்னிதத்த்வமயோ யோகீ³ ரக்ஷதான்மணிபூரகம் |
கடிம் கடிஸ்த²ப்³ரஹ்மாண்ட³வாஸுதே³வாத்மகோ(அ)வது || 9 ||

வகாராதி³ லகாராந்த ஷட்பத்ராம்பு³ஜபோ³த⁴க꞉ |
ஜலதத்த்வமயோ யோகீ³ ஸ்வாதி⁴ஷ்டா²னம் மமாவது || 10 ||

ஸித்³தா⁴ஸன ஸமாஸீன ஊரூ ஸித்³தே⁴ஶ்வரோ(அ)வது |
வாதி³ஸாந்த சதுஷ்பத்ரஸரோருஹ நிபோ³த⁴க꞉ || 11 ||

மூலாதா⁴ரம் மஹீரூபோ ரக்ஷதாத்³ வீர்யனிக்³ரஹீ |
ப்ருஷ்ட²ம் ச ஸர்வத꞉ பாது ஜானுன்யஸ்தகராம்பு³ஜ꞉ || 12 ||

ஜங்கே⁴ பாத்வவதூ⁴தேந்த்³ர꞉ பாத்வங்க்⁴ரீ தீர்த²பாவன꞉ |
ஸர்வாங்க³ம் பாது ஸர்வாத்மா ரோமாண்யவது கேஶவ꞉ || 13 ||

சர்ம சர்மாம்ப³ர꞉ பாது ரக்தம் ப⁴க்திப்ரியோ(அ)வது |
மாம்ஸம் மாம்ஸகர꞉ பாது மஜ்ஜாம் மஜ்ஜாத்மகோ(அ)வது || 14 ||

அஸ்தீ²னி ஸ்தி²ரதீ⁴꞉ பாயான்மேதா⁴ம் வேதா⁴꞉ ப்ரபாலயேத் |
ஶுக்ரம் ஸுக²கர꞉ பாது சித்தம் பாது த்³ருடா⁴க்ருதி꞉ || 15 ||

மனோபு³த்³தி⁴மஹங்காரம் ஹ்ருஷீகேஶாத்மகோ(அ)வது |
கர்மேந்த்³ரியாணி பாத்வீஶ꞉ பாது ஜ்ஞானேந்த்³ரியாண்யஜ꞉ || 16 ||

ப³ந்தூ⁴ன் ப³ந்தூ⁴த்தம꞉ பாயாச்ச²த்ருப்⁴ய꞉ பாது ஶத்ருஜித் |
க்³ருஹாராமத⁴னக்ஷேத்ரபுத்ராதீ³ன் ஶங்கரோ(அ)வது || 17 ||

பா⁴ர்யாம் ப்ரக்ருதிவித் பாது பஶ்வாதீ³ன் பாது ஶார்ங்க³ப்⁴ருத் |
ப்ராணான் பாது ப்ரதா⁴னஜ்ஞோ ப⁴க்ஷ்யாதீ³ன் பாது பா⁴ஸ்கர꞉ || 18 ||

ஸுக²ம் சந்த்³ராத்மக꞉ பாது து³꞉கா²த் பாது புராந்தக꞉ |
பஶூன் பஶுபதி꞉ பாது பூ⁴திம் பூ⁴தேஶ்வரோ மம || 19 ||

ப்ராச்யாம் விஷஹர꞉ பாது பாத்வாக்³னேய்யாம் மகா²த்மக꞉ |
யாம்யாம் த⁴ர்மாத்மக꞉ பாது நைர்ருத்யாம் ஸர்வவைரிஹ்ருத் || 20 ||

வராஹ꞉ பாது வாருண்யாம் வாயவ்யாம் ப்ராணதோ³(அ)வது |
கௌபே³ர்யாம் த⁴னத³꞉ பாது பாத்வைஶான்யாம் மஹாகு³ரு꞉ || 21 ||

ஊர்த்⁴வம் பாது மஹாஸித்³த⁴꞉ பாத்வத⁴ஸ்தாஜ்ஜடாத⁴ர꞉ |
ரக்ஷாஹீனம் து யத் ஸ்தா²னம் ரக்ஷத்வாதி³முனீஶ்வர꞉ || 22 ||

ப²லஶ்ருதி ||

ஏதன்மே வஜ்ரகவசம் ய꞉ படே²த் ஶ்ருணுயாத³பி |
வஜ்ரகாயஶ்சிரஞ்ஜீவீ த³த்தாத்ரேயோ(அ)ஹமப்³ருவம் || 23 ||

த்யாகீ³ போ⁴கீ³ மஹாயோகீ³ ஸுக²து³꞉க²விவர்ஜித꞉ |
ஸர்வத்ர ஸித்³த⁴ஸங்கல்போ ஜீவன்முக்தோ(அ)த்³யவர்ததே || 24 ||

இத்யுக்த்வாந்தர்த³தே⁴ யோகீ³ த³த்தாத்ரேயோ தி³க³ம்ப³ர꞉ |
த³லாத³னோ(அ)பி தஜ்ஜப்த்வா ஜீவன்முக்த꞉ ஸ வர்ததே || 25 ||

பி⁴ல்லோ தூ³ரஶ்ரவா நாம ததா³னீம் ஶ்ருதவானித³ம் |
ஸக்ருச்ச்²ரவணமாத்ரேண வஜ்ராங்கோ³(அ)ப⁴வத³ப்யஸௌ || 26 ||

இத்யேதத்³ வஜ்ரகவசம் த³த்தாத்ரேயஸ்ய யோகி³ன꞉ |
ஶ்ருத்வா ஶேஷம் ஶம்பு⁴முகா²த் புனரப்யாஹ பார்வதீ || 27 ||

ஶ்ரீ பார்வத்யுவாச |

ஏதத் கவச மாஹாத்ம்யம் வத³ விஸ்தரதோ மம |
குத்ர கேன கதா³ ஜாப்யம் கியஜ்ஜாப்யம் கத²ம் கத²ம் || 28 ||

உவாச ஶம்பு⁴ஸ்தத் ஸர்வம் பார்வத்யா வினயோதி³தம் |

ஶ்ரீபரமேஶ்வர உவாச |

ஶ்ருணு பார்வதி வக்ஷ்யாமி ஸமாஹிதமனாவிலம் || 29 ||

த⁴ர்மார்த²காமமோக்ஷாணாமித³மேவ பராயணம் |
ஹஸ்த்யஶ்வரத²பாதா³தி ஸர்வைஶ்வர்ய ப்ரதா³யகம் || 30 ||

புத்ரமித்ரகளத்ராதி³ ஸர்வஸந்தோஷஸாத⁴னம் |
வேத³ஶாஸ்த்ராதி³வித்³யானாம் விதா⁴னம் பரமம் ஹி தத் || 31 ||

ஸங்கீ³த ஶாஸ்த்ர ஸாஹித்ய ஸத்கவித்வ விதா⁴யகம் |
பு³த்³தி⁴ வித்³யா ஸ்ம்ருதி ப்ரஜ்ஞா மதி ப்ரௌடி⁴ப்ரதா³யகம் || 32 ||

ஸர்வஸந்தோஷகரணம் ஸர்வது³꞉க²னிவாரணம் |
ஶத்ருஸம்ஹாரகம் ஶீக்⁴ரம் யஶ꞉கீர்திவிவர்த⁴னம் || 33 ||

அஷ்டஸங்க்²யா மஹாரோகா³꞉ ஸன்னிபாதாஸ்த்ரயோத³ஶ |
ஷண்ணவத்யக்ஷிரோகா³ஶ்ச விம்ஶதிர்மேஹரோக³கா꞉ || 34 ||

அஷ்டாத³ஶது குஷ்டா²னி கு³ல்மான்யஷ்டவிதா⁴ன்யபி |
அஶீதிர்வாதரோகா³ஶ்ச சத்வாரிம்ஶத்து பைத்திகா꞉ || 35 ||

விம்ஶதி꞉ ஶ்லேஷ்மரோகா³ஶ்ச க்ஷயசாதுர்தி²காத³ய꞉ |
மந்த்ரயந்த்ரகுயோகா³த்³யா꞉ கல்பதந்த்ராதி³னிர்மிதா꞉ || 36 ||

ப்³ரஹ்மராக்ஷஸ வேதாலகூஷ்மாண்டா³தி³ க்³ரஹோத்³ப⁴வா꞉ |
ஸங்க³ஜா தே³ஶகாலஸ்தா²ஸ்தாபத்ரயஸமுத்தி²தா꞉ || 37 ||

நவக்³ரஹஸமுத்³பூ⁴தா மஹாபாதக ஸம்ப⁴வா꞉ |
ஸர்வே ரோகா³꞉ ப்ரணஶ்யந்தி ஸஹஸ்ராவர்தனாத்³ த்⁴ருவம் || 38 ||

அயுதாவ்ருத்திமாத்ரேண வந்த்⁴யா புத்ரவதீ ப⁴வேத் |
அயுதத்³விதயாவ்ருத்த்யா ஹ்யபம்ருத்யுஜயோ ப⁴வேத் || 39 ||

அயுதத்ரிதயாச்சைவ கே²சரத்வம் ப்ரஜாயதே |
ஸஹஸ்ராயுதத³ர்வாக் ஸர்வகார்யாணி ஸாத⁴யேத் || 40 ||

லக்ஷாவ்ருத்த்யா ஸர்வஸித்³தி⁴ர்ப⁴வத்யேவ ந ஸம்ஶய꞉ || 41 ||

விஷவ்ருக்ஷஸ்ய மூலேஷு திஷ்ட²ன் வை த³க்ஷிணாமுக²꞉ |
குருதே மாஸமாத்ரேண வைரிணம் விகலேந்த்³ரியம் || 42 ||

ஔது³ம்ப³ரதரோர்மூலே வ்ருத்³தி⁴காமேன ஜாப்யதே |
ஶ்ரீவ்ருக்ஷமூலே ஶ்ரீகாமீ திந்த்ரிணீ ஶாந்திகர்மணி || 43 ||

ஓஜஸ்காமோ(அ)ஶ்வத்த²மூலே ஸ்த்ரீகாமை꞉ ஸஹகாரகே |
ஜ்ஞானார்தீ² துலஸீமூலே க³ர்ப⁴கே³ஹே ஸுதார்தி²பி⁴꞉ || 44 ||

த⁴னார்தி²பி⁴ஸ்து ஸுக்ஷேத்ரே பஶுகாமைஸ்து கோ³ஷ்ட²கே |
தே³வாலயே ஸர்வகாமைஸ்தத்காலே ஸர்வத³ர்ஶிதம் || 45 ||

நாபி⁴மாத்ரஜலே ஸ்தி²த்வா பா⁴னுமாலோக்ய யோ ஜபேத் |
யுத்³தே⁴ வா ஶாஸ்த்ரவாதே³ வா ஸஹஸ்ரேண ஜயோ ப⁴வேத் || 46 ||

கண்ட²மாத்ரே ஜலே ஸ்தி²த்வா யோ ராத்ரௌ கவசம் படே²த் |
ஜ்வராபஸ்மாரகுஷ்டா²தி³ தாபஜ்வரனிவாரணம் || 47 ||

யத்ர யத் ஸ்யாத் ஸ்தி²ரம் யத்³யத் ப்ரஸக்தம் தன்னிவர்ததே |
தேன தத்ர ஹி ஜப்தவ்யம் தத꞉ ஸித்³தி⁴ர்ப⁴வேத்³த்⁴ருவம் || 48 ||

இத்யுக்தவான் ஶிவோ கௌ³ர்வை ரஹஸ்யம் பரமம் ஶுப⁴ம் |
ய꞉ படே²த் வஜ்ரகவசம் த³த்தாத்ரேய ஸமோ ப⁴வேத் || 49 ||

ஏவம் ஶிவேன கதி²தம் ஹிமவத்ஸுதாயை
ப்ரோக்தம் த³லாத³முனயே(அ)த்ரிஸுதேன பூர்வம் |
ய꞉ கோ(அ)பி வஜ்ரகவசம் பட²தீஹ லோகே
த³த்தோபமஶ்சரதி யோகி³வரஶ்சிராயு꞉ || 50 ||

இதி ஶ்ரீ ருத்³ரயாமளே ஹிமவத்க²ண்டே³ மந்த்ரஶாஸ்த்ரே உமாமஹேஶ்வரஸம்வாதே³ ஶ்ரீ த³த்தாத்ரேய வஜ்ர கவச ஸ்தோத்ரம் ஸம்பூர்ணம் ||

ஸ்ரீ கோயில் கந்தாடை அப்பன் ஸ்வாமிகள் திருவடிகளே சரணம்
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on January 22, 2024 at 10:23 pm and is filed under Stotrams/Slokams. You can follow any responses to this entry through the RSS 2.0 feed. You can leave a response, or trackback from your own site.

Thiruvonum's Weblog