Thiruvonum's Weblog

ஶ்ரீஶுக உவாச
ஶ்ருத்வா ப்ருʼதா² ஸுப³லபுத்ர்யத² யாஜ்ஞஸேனீ
மாத⁴வ்யத² க்ஷிதிபபத்ன்ய உத ஸ்வகோ³ப்ய꞉ .
க்ருʼஷ்ணே(அ)கி²லாத்மனி ஹரௌ ப்ரணயானுப³ந்த⁴ம்ʼ
ஸர்வா விஸிஸ்ம்யுரலமஶ்ருகலாகுலாக்ஷ்ய꞉ .. 1..

இதி ஸம்பா⁴ஷமாணாஸு ஸ்த்ரீபி⁴꞉ ஸ்த்ரீஷு ந்ருʼபி⁴ர்ந்ருʼஷு .
ஆயயுர்முனயஸ்தத்ர க்ருʼஷ்ணராமதி³த்³ருʼக்ஷயா .. 2..

த்³வைபாயனோ நாரத³ஶ்ச ச்யவனோ தே³வலோ(அ)ஸித꞉ .
விஶ்வாமித்ர꞉ ஶதானந்தோ³ ப⁴ரத்³வாஜோ(அ)த² கௌ³தம꞉ .. 3..

ராம꞉ ஸஶிஷ்யோ ப⁴க³வான் வஸிஷ்டோ² கா³லவோ ப்⁴ருʼகு³꞉ .
புலஸ்த்ய꞉ கஶ்யபோ(அ)த்ரிஶ்சமார்கண்டே³யோ ப்³ருʼஹஸ்பதி꞉ .. 4..

த்³விதஸ்த்ரிதஶ்சைகதஶ்ச ப்³ரஹ்மபுத்ராஸ்ததா²ங்கி³ரா꞉ .
அக³ஸ்த்யோ யாஜ்ஞவல்க்யஶ்ச வாமதே³வாத³யோ(அ)பரே .. 5..

தான் த்³ருʼஷ்ட்வா ஸஹஸோத்தா²ய ப்ராகா³ஸீனா ந்ருʼபாத³ய꞉ .
பாண்ட³வா꞉ க்ருʼஷ்ணராமௌ ச ப்ரணேமுர்விஶ்வவந்தி³தான் .. 6..

தானானர்சுர்யதா² ஸர்வே ஸஹராமோ(அ)ச்யுதோ(அ)ர்சயத் .
ஸ்வாக³தாஸனபாத்³யார்க்⁴யமால்யதூ⁴பானுலேபனை꞉ .. 7..

உவாச ஸுக²மாஸீனான் ப⁴க³வான் த⁴ர்மகு³ப்தனு꞉ .
ஸத³ஸஸ்தஸ்ய மஹதோ யதவாசோ(அ)னுஶ்ருʼண்வத꞉ .. 8..

ஶ்ரீப⁴க³வானுவாச
அஹோ வயம்ʼ ஜன்மப்⁴ருʼதோ லப்³த⁴ம்ʼ கார்த்ஸ்ன்யேன தத்ப²லம் .
தே³வாநாமபி து³ஷ்ப்ராபம்ʼ யத்³யோகே³ஶ்வரத³ர்ஶனம் .. 9..

கிம்ʼ ஸ்வல்பதபஸாம்ʼ ந்ரூʼணாமர்சாயாம்ʼ தே³வசக்ஷுஷாம் .
த³ர்ஶனஸ்பர்ஶனப்ரஶ்னப்ரஹ்வபாதா³ர்சநாதி³கம் .. 10..

ந ஹ்யம்மயானி தீர்தா²னி ந தே³வா ம்ருʼச்சி²லாமயா꞉ .
தே புனந்த்யுருகாலேன த³ர்ஶநாதே³வ ஸாத⁴வ꞉ .. 11..

நாக்³நிர்ன ஸூர்யோ ந ச சந்த்³ரதாரகா
ந பூ⁴ர்ஜலம்ʼ க²ம்ʼ ஶ்வஸனோ(அ)த² வாங்மன꞉ .
உபாஸிதா பே⁴த³க்ருʼதோ ஹரந்த்யக⁴ம்ʼ
விபஶ்சிதோ க்⁴னந்தி முஹூர்தஸேவயா .. 12..

யஸ்யாத்மபு³த்³தி⁴꞉ குணபே த்ரிதா⁴துகே
ஸ்வதீ⁴꞉ கலத்ராதி³ஷு பௌ⁴ம இஜ்யதீ⁴꞉ .
யத்தீர்த²பு³த்³தி⁴꞉ ஸலிலே ந கர்ஹிசி-
ஜ்ஜனேஷ்வபி⁴ஜ்ஞேஷு ஸ ஏவ கோ³க²ர꞉ .. 13..

ஶ்ரீஶுக உவாச
நிஶம்யேத்த²ம்ʼ ப⁴க³வத꞉ க்ருʼஷ்ணஸ்யாகுண்ட²மேத⁴ஸ꞉ .
வசோ து³ரன்வயம்ʼ விப்ராஸ்தூஷ்ணீமாஸன் ப்⁴ரமத்³தி⁴ய꞉ .. 14..

சிரம்ʼ விம்ருʼஶ்ய முனய ஈஶ்வரஸ்யேஶிதவ்யதாம் .
ஜனஸங்க்³ரஹ இத்யூசு꞉ ஸ்மயந்தஸ்தம்ʼ ஜக³த்³கு³ரும் .. 15..

முனய ஊசு꞉
யன்மாயயா தத்த்வவிது³த்தமா வயம்ʼ
விமோஹிதா விஶ்வஸ்ருʼஜாமதீ⁴ஶ்வரா꞉ .
யதீ³ஶிதவ்யாயதி கூ³ட⁴ ஈஹயா
அஹோ விசித்ரம்ʼ ப⁴க³வத்³விசேஷ்டிதம் .. 16..

அனீஹ ஏதத்³ப³ஹுதை⁴க ஆத்மனா
ஸ்ருʼஜத்யவத்யத்தி ந ப³த்⁴யதே யதா² .
பௌ⁴மைர்ஹி பூ⁴மிர்ப³ஹுநாமரூபிணீ
அஹோ விபூ⁴ம்னஶ்சரிதம்ʼ விட³ம்ப³னம் .. 17..

அதா²பி காலே ஸ்வஜநாபி⁴கு³ப்தயே
பி³ப⁴ர்ஷி ஸத்த்வம்ʼ க²லநிக்³ரஹாய ச .
ஸ்வலீலயா வேத³பத²ம்ʼ ஸனாதனம்ʼ
வர்ணாஶ்ரமாத்மா புருஷ꞉ பரோ ப⁴வான் .. 18..

ப்³ரஹ்ம தே ஹ்ருʼத³யம்ʼ ஶுக்லம்ʼ தப꞉ஸ்வாத்⁴யாயஸம்ʼயமை꞉ .
யத்ரோபலப்³த⁴ம்ʼ ஸத்³வ்யக்தமவ்யக்தம்ʼ ச தத꞉ பரம் .. 19..

தஸ்மாத்³ப்³ரஹ்மகுலம்ʼ ப்³ரஹ்மன் ஶாஸ்த்ரயோனேஸ்த்வமாத்மன꞉ .
ஸபா⁴ஜயஸி ஸத்³தா⁴ம தத்³ப்³ரஹ்மண்யாக்³ரணீர்ப⁴வான் .. 20..

அத்³ய நோ ஜன்மஸாப²ல்யம்ʼ வித்³யாயாஸ்தபஸோ த்³ருʼஶ꞉ .
த்வயா ஸங்க³ம்ய ஸத்³க³த்யா யத³ந்த꞉ ஶ்ரேயஸாம்ʼ பர꞉ .. 21..

நமஸ்தஸ்மை ப⁴க³வதே க்ருʼஷ்ணாயாகுண்ட²மேத⁴ஸே .
ஸ்வயோக³மாயயாச்ச²ன்னமஹிம்னே பரமாத்மனே .. 22..

ந யம்ʼ வித³ந்த்யமீ பூ⁴பா ஏகாராமாஶ்ச வ்ருʼஷ்ணய꞉ .
மாயாஜவனிகாச்ச²ன்னமாத்மானம்ʼ காலமீஶ்வரம் .. 23..

யதா² ஶயான꞉ புருஷ ஆத்மானம்ʼ கு³ணதத்த்வத்³ருʼக் .
நாமமாத்ரேந்த்³ரியாபா⁴தம்ʼ ந வேத³ ரஹிதம்ʼ பரம் .. 24..

ஏவம்ʼ த்வா நாமமாத்ரேஷு விஷயேஷ்விந்த்³ரியேஹயா .
மாயயா விப்⁴ரமச்சித்தோ ந வேத³ ஸ்ம்ருʼத்யுபப்லவாத் .. 25..

தஸ்யாத்³ய தே த³த்³ருʼஶிமாங்க்⁴ரிமகௌ⁴க⁴மர்ஷ-
தீர்தா²ஸ்பத³ம்ʼ ஹ்ருʼதி³ க்ருʼதம்ʼ ஸுவிபக்வயோகை³꞉ .
உத்ஸிக்தப⁴க்த்யுபஹதாஶயஜீவகோஶா
ஆபுர்ப⁴வத்³க³திமதோ²(அ)னுக்³ருʼஹாண ப⁴க்தான் .. 26..

ஶ்ரீஶுக உவாச
இத்யனுஜ்ஞாப்ய தா³ஶார்ஹம்ʼ த்⁴ருʼதராஷ்ட்ரம்ʼ யுதி⁴ஷ்டி²ரம் .
ராஜர்ஷே ஸ்வாஶ்ரமான் க³ந்தும்ʼ முனயோ த³தி⁴ரே மன꞉ .. 27..

தத்³வீக்ஷ்ய தானுபவ்ரஜ்ய வஸுதே³வோ மஹாயஶா꞉ .
ப்ரணம்ய சோபஸங்க்³ருʼஹ்ய ப³பா⁴ஷேத³ம்ʼ ஸுயந்த்ரித꞉ .. 28..

வஸுதே³வ உவாச
நமோ வ꞉ ஸர்வதே³வேப்⁴ய ருʼஷய꞉ ஶ்ரோதுமர்ஹத² .
கர்மணா கர்மநிர்ஹாரோ யதா² ஸ்யான்னஸ்தது³ச்யதாம் .. 29..

நாரத³ உவாச
நாதி சித்ரமித³ம்ʼ விப்ரா வஸுதே³வோ பு³பு⁴த்ஸயா .
க்ருʼஷ்ணம்ʼ மத்வார்ப⁴கம்ʼ யன்ன꞉ ப்ருʼச்ச²தி ஶ்ரேய ஆத்மன꞉ .. 30..

ஸந்நிகர்ஷோ ஹி மர்த்யாநாமநாத³ரணகாரணம் .
கா³ங்க³ம்ʼ ஹித்வா யதா²ன்யாம்ப⁴ஸ்தத்ரத்யோ யாதி ஶுத்³த⁴யே .. 31..

யஸ்யானுபூ⁴தி꞉ காலேன லயோத்பத்த்யாதி³னாஸ்ய வை .
ஸ்வதோ(அ)ன்யஸ்மாச்ச கு³ணதோ ந குதஶ்சன ரிஷ்யதி .. 32..

தம்ʼ க்லேஶகர்மபரிபாககு³ணப்ரவாஹை-
ரவ்யாஹதானுப⁴வமீஶ்வரமத்³விதீயம் .
ப்ராணாதி³பி⁴꞉ ஸ்வவிப⁴வைருபகூ³ட⁴மன்யோ
மன்யேத ஸூர்யமிவ மேக⁴ஹிமோபராகை³꞉ .. 33..

அதோ²சுர்முனயோ ராஜந்நாபா⁴ஷ்யானகது³ந்த³பி⁴ம் .
ஸர்வேஷாம்ʼ ஶ்ருʼண்வதாம்ʼ ராஜ்ஞாம்ʼ ததை²வாச்யுதராமயோ꞉ .. 34..

கர்மணா கர்மநிர்ஹார ஏஷ ஸாது⁴ நிரூபித꞉ .
யச்ச்²ரத்³த⁴யா யஜேத்³விஷ்ணும்ʼ ஸர்வயஜ்ஞேஶ்வரம்ʼ மகை²꞉ .. 35..

சித்தஸ்யோபஶமோ(அ)யம்ʼ வை கவிபி⁴꞉ ஶாஸ்த்ரசக்ஷஷா .
த³ர்ஶித꞉ ஸுக³மோ யோகோ³ த⁴ர்மஶ்சாத்மமுதா³வஹ꞉ .. 36..

அயம்ʼ ஸ்வஸ்த்யயன꞉ பந்தா² த்³விஜாதேர்க்³ருʼஹமேதி⁴ன꞉ .
யச்ச்²ரத்³த⁴யா(ஆ)ப்தவித்தேன ஶுக்லேனேஜ்யேத பூருஷ꞉ .. 37..

வித்தைஷணாம்ʼ யஜ்ஞதா³னைர்க்³ருʼஹைர்தா³ரஸுதைஷணாம் .
ஆத்மலோகைஷணாம்ʼ தே³வ காலேன விஸ்ருʼஜேத்³பு³த⁴꞉ .
க்³ராமே த்யக்தைஷணா꞉ ஸர்வே யயுர்தீ⁴ராஸ்தபோவனம் .. 38..

ருʼணைஸ்த்ரிபி⁴ர்த்³விஜோ ஜாதோ தே³வர்ஷிபித்ரூʼணாம்ʼ ப்ரபோ⁴ .
யஜ்ஞாத்⁴யயனபுத்ரைஸ்தான்யநிஸ்தீர்ய த்யஜன் பதேத் .. 39..

த்வம்ʼ த்வத்³ய முக்தோ த்³வாப்⁴யாம்ʼ வை ருʼஷிபித்ரோர்மஹாமதே .
யஜ்ஞைர்தே³வர்ணமுன்முச்ய நிர்ருʼணோ(அ)ஶரணோ ப⁴வ .. 40..

வஸுதே³வ ப⁴வான்னூனம்ʼ ப⁴க்த்யா பரமயா ஹரிம் .
ஜக³தாமீஶ்வரம்ʼ ப்ரார்ச꞉ ஸ யத்³வாம்ʼ புத்ரதாம்ʼ க³த꞉ .. 41..

ஶ்ரீஶுக உவாச
இதி தத்³வசனம்ʼ ஶ்ருத்வா வஸுதே³வோ மஹாமனா꞉ .
தான் ருʼஷீன் ருʼத்விஜோ வவ்ரே மூர்த்⁴னானம்ய ப்ரஸாத்³ய ச .. 42..

த ஏனம்ருʼஷயோ ராஜன் வ்ருʼதா த⁴ர்மேண தா⁴ர்மிகம் .
தஸ்மின்னயாஜயன் க்ஷேத்ரே மகை²ருத்தமகல்பகை꞉ .. 43..

தத்³தீ³க்ஷாயாம்ʼ ப்ரவ்ருʼத்தாயாம்ʼ வ்ருʼஷ்ணய꞉ புஷ்கரஸ்ரஜ꞉ .
ஸ்னாதா꞉ ஸுவாஸஸோ ராஜன் ராஜான꞉ ஸுஷ்ட்²வலங்க்ருʼதா꞉ .. 44..

தன்மஹிஷ்யஶ்ச முதி³தா நிஷ்ககண்ட்²ய꞉ ஸுவாஸஸ꞉ .
தீ³க்ஷாஶாலாமுபாஜக்³முராலிப்தா வஸ்துபாணய꞉ .. 45..

நேது³ர்ம்ருʼத³ங்க³படஹஶங்க²பே⁴ர்யானகாத³ய꞉ .
நந்ருʼதுர்னடனர்தக்யஸ்துஷ்டுவு꞉ ஸூதமாக³தா⁴꞉ .
ஜகு³꞉ ஸுகண்ட்²யோ க³ந்த⁴ர்வ்ய꞉ ஸங்கீ³தம்ʼ ஸஹப⁴ர்த்ருʼகா꞉ .. 46..

தமப்⁴யஷிஞ்சன் விதி⁴வத³க்தமப்⁴யக்தம்ருʼத்விஜ꞉ .
பத்னீபி⁴ரஷ்டாத³ஶபி⁴꞉ ஸோமராஜமிவோடு³பி⁴꞉ .. 47..

தாபி⁴ர்து³கூலவலயைர்ஹாரநூபுரகுண்ட³லை꞉ .
ஸ்வலங்க்ருʼதாபி⁴ர்விப³பௌ⁴ தீ³க்ஷிதோ(அ)ஜினஸம்ʼவ்ருʼத꞉ .. 48..

தஸ்யர்த்விஜோ மஹாராஜ ரத்னகௌஶேயவாஸஸ꞉ .
ஸஸத³ஸ்யா விரேஜுஸ்தே யதா² வ்ருʼத்ரஹணோ(அ)த்⁴வரே .. 49..

ததா³ ராமஶ்சக்ருʼஷ்ணஶ்ச ஸ்வை꞉ ஸ்வைர்ப³ந்து⁴பி⁴ரன்விதௌ .
ரேஜது꞉ ஸ்வஸுதைர்தா³ரைர்ஜீவேஶௌ ஸ்வவிபூ⁴திபி⁴꞉ .. 50..

ஈஜே(அ)னுயஜ்ஞம்ʼ விதி⁴னா அக்³னிஹோத்ராதி³லக்ஷணை꞉ .
ப்ராக்ருʼதைர்வைக்ருʼதைர்யஜ்ஞைர்த்³ரவ்யஜ்ஞானக்ரியேஶ்வரம் .. 51..

அத²ர்த்விக்³ப்⁴யோ(அ)த³தா³த்காலே யதா²ம்னாதம்ʼ ஸ த³க்ஷிணா꞉ .
ஸ்வலங்க்ருʼதேப்⁴யோ(அ)லங்க்ருʼத்ய கோ³பூ⁴கன்யா மஹாத⁴னா꞉ .. 52..

பத்னீஸம்ʼயாஜாவப்⁴ருʼத்²யைஶ்சரித்வா தே மஹர்ஷய꞉ .
ஸஸ்னூ ராமஹ்ரதே³ விப்ரா யஜமானபுர꞉ஸரா꞉ .. 53..

ஸ்னாதோ(அ)லங்காரவாஸாம்ʼஸி வந்தி³ப்⁴யோ(அ)தா³த்ததா² ஸ்த்ரிய꞉ .
தத꞉ ஸ்வலங்க்ருʼதோ வர்ணாநாஶ்வப்⁴யோ(அ)ன்னேன பூஜயத் .. 54..

ப³ந்தூ⁴ன் ஸதா³ரான் ஸஸுதான் பாரிப³ர்ஹேண பூ⁴யஸா .
வித³ர்ப⁴கோஸலகுரூன் காஶிகேகயஸ்ருʼஞ்ஜயான் .. 55..

ஸத³ஸ்யர்த்விக்ஸுரக³ணான் ந்ருʼபூ⁴தபித்ருʼசாரணான் .
ஶ்ரீநிகேதமனுஜ்ஞாப்ய ஶம்ʼஸந்த꞉ ப்ரயயு꞉ க்ரதும் .. 56..

த்⁴ருʼதராஷ்ட்ரோ(அ)னுஜ꞉ பார்தா² பீ⁴ஷ்மோ த்³ரோண꞉ ப்ருʼதா² யமௌ .
நாரதோ³ ப⁴க³வான் வ்யாஸ꞉ ஸுஹ்ருʼத்ஸம்ப³ந்தி⁴பா³ந்த⁴வா꞉ .. 57..

ப³ந்தூ⁴ன் பரிஷ்வஜ்ய யதூ³ன் ஸௌஹ்ருʼதா³த்க்லின்னசேதஸ꞉ .
யயுர்விரஹக்ருʼச்ச்²ரேண ஸ்வதே³ஶாம்ʼஶ்சாபரே ஜனா꞉ .. 58..

நந்த³ஸ்து ஸஹ கோ³பாலைர்ப்³ருʼஹத்யா பூஜயார்சித꞉ .
க்ருʼஷ்ணராமோக்³ரஸேநாத்³யைர்ன்யவாத்ஸீத்³ப³ந்து⁴வத்ஸல꞉ .. 59..

வஸுதே³வோ(அ)ஞ்ஜஸோத்தீர்ய மனோரத²மஹார்ணவம் .
ஸுஹ்ருʼத்³வ்ருʼத꞉ ப்ரீதமனா நந்த³மாஹ கரே ஸ்ப்ருʼஶன் .. 60..

வஸுதே³வ உவாச
ப்⁴ராதரீஶக்ருʼத꞉ பாஶோ ந்ருʼணாம்ʼய꞉ ஸ்னேஹஸஞ்ஜ்ஞித꞉ .
தம்ʼ து³ஸ்த்யஜமஹம்ʼ மன்யே ஶூராணாமபி யோகி³னாம் .. 61..

அஸ்மாஸ்வப்ரதிகல்பேயம்ʼ யத்க்ருʼதாஜ்ஞேஷு ஸத்தமை꞉ .
மைத்ர்யர்பிதாப²லா வாபி ந நிவர்தேத கர்ஹிசித் .. 62..

ப்ராக³கல்பாச்ச குஶலம்ʼ ப்⁴ராதர்வோ நாசராம ஹி .
அது⁴னா ஶ்ரீமதா³ந்தா⁴க்ஷா ந பஶ்யாம꞉ புர꞉ ஸத꞉ .. 63..

மா ராஜ்யஶ்ரீரபூ⁴த்பும்ʼஸ꞉ ஶ்ரேயஸ்காமஸ்ய மானத³ .
ஸ்வஜனானுத ப³ந்தூ⁴ன் வா ந பஶ்யதி யயாந்த⁴த்³ருʼக் .. 64..

ஶ்ரீஶுக உவாச
ஏவம்ʼ ஸௌஹ்ருʼத³ஶைதி²ல்யசித்த ஆனகது³ந்து³பி⁴꞉ .
ருரோத³ தத்க்ருʼதாம்ʼ மைத்ரீம்ʼ ஸ்மரன்னஶ்ருவிலோசன꞉ .. 65..

நந்த³ஸ்து ஸக்²யு꞉ ப்ரியக்ருʼத்ப்ரேம்ணா கோ³விந்த³ராமயோ꞉ .
அத்³ய ஶ்வ இதி மாஸாம்ʼஸ்த்ரீன் யது³பி⁴ர்மானிதோ(அ)வஸத் .. 66..

தத꞉ காமை꞉ பூர்யமாண꞉ ஸவ்ரஜ꞉ ஸஹபா³ந்த⁴வ꞉ .
பரார்த்⁴யாப⁴ரணக்ஷௌமனானானர்க்⁴யபரிச்ச²தை³꞉ .. 67..

வஸுதே³வோக்³ரஸேநாப்⁴யாம்ʼ க்ருʼஷ்ணோத்³த⁴வப³லாதி³பி⁴꞉ .
த³த்தமாதா³ய பாரிப³ர்ஹம்ʼ யாபிதோ யது³பி⁴ர்யயௌ .. 68..

நந்தோ³ கோ³பாஶ்ச கோ³ப்யஶ்ச கோ³விந்த³சரணாம்பு³ஜே .
மன꞉ க்ஷிப்தம்ʼ புனர்ஹர்துமனீஶா மது²ராம்ʼ யயு꞉ .. 69..

ப³ந்து⁴ஷு ப்ரதியாதேஷு வ்ருʼஷ்ணய꞉ க்ருʼஷ்ணதே³வதா꞉ .
வீக்ஷ்ய ப்ராவ்ருʼஷமாஸன்னாம்ʼ யயுர்த்³வாரவதீம்ʼ புன꞉ .. 70..

ஜனேப்⁴ய꞉ கத²யாஞ்சக்ருர்யது³தே³வமஹோத்ஸவம் .
யதா³ஸீத்தீர்த²யாத்ராயாம்ʼ ஸுஹ்ருʼத்ஸந்த³ர்ஶநாதி³கம் .. 71..

இதி ஶ்ரீமத்³பா⁴க³வதே மஹாபுராணே பாரமஹம்ʼஸ்யாம்ʼ ஸம்ʼஹிதாயாம்ʼ
த³ஶமஸ்கந்தே⁴ உத்தரார்தே⁴ தீர்த²யாத்ரானுவர்ணனம்ʼ நாம
சதுரஶீதிதமோ(அ)த்⁴யாய꞉ .. 84..

———————-———————–———————————————————-

ஸ்ரீ கோவில் கந்தாடை அப்பன் ஸ்வாமிகள் திருவடிகளே சரணம் –
ஸ்ரீ ஸூக பகவான் திருவடிகளே சரணம் .
ஸ்ரீ கிருஷ்ண த்வைபாயன பகவான் திருவடிகளே சரணம் .
ஸ்ரீ நாரத பகவான் திருவடிகளே சரணம் .
ஸ்ரீ பெரிய பெருமாள் பெரிய பிராட்டியார் ஆண்டாள் ஆழ்வார் எம்பெருமானார் ஜீயர் திருவடிகளே சரணம் –

This entry was posted on November 9, 2020 at 5:36 am and is filed under Sri Baagavatha saaram. You can follow any responses to this entry through the RSS 2.0 feed. You can leave a response, or trackback from your own site.